康年餐廳 (已結業)

餐廳樓底很高很光猛，換上新年裝飾，很有節日氣氛。每次有麵包出爐，都會有人一邊托着滿載麵包的焗盤走向外賣部、一邊大叫新鮮出爐。豬手撈麵夠入味又爽口，豬手有3件，配以魚湯一碗，如美美般一向只喜歡膠質的豬皮，是不錯的選擇，她吃完後大贊很和味；金銀魚蛋大大粒又彈牙，加上魚湯底，亦算可口；雲吞一般，但又是用魚湯底，感覺味道怪怪，還是傳統的蝦湯味較適合；牛筋腩韌度適中，粉略過淋，湯較醎，通常我不會喝湯，所以整體味道都可算合格。值得贊的是奶茶和咖啡，凍和熱的都很香濃和很滑。

一入到去的感覺唔係咁好，可能因為餐廳採用白光燈，好屋村feel。。。再睇D餐牌，點解d菜式同style咁似某大型茶餐廳!??? 我同媽絲兩個人只係點了一個XO醬蝦球撈麵和咖哩豬扒飯，落單的時候比d 阿哥阿女搞到我地一頭霧水....一時又話咖哩飯有餐、一時又話冇食物的品質都唔錯，但係因為太似另一間茶餐廳。如果同樣的食品，我會選擇別者，因為人地清潔好多。。。。佢比人地好的地方有二； 一係佢的咖哩用煲仔上、汁又多。二係佢的熱奶茶好好飲 (去另一間我一定要叫少奶)因為所在的商場冇泊車優惠，如果同樣的食物、我冇乜事都唔會再黎

此所茶記有兩間分店同時奪得黑白淡奶奶茶大賽的頭五名，連在討論區也有人在討論，所以也找了一個下午，來吃個午飯，試試其奶茶。此處食物的選擇，以至餐牌的設計也像極翠華，所以都有很多選擇，而價位也如翠華一樣不便宜，最抵吃的一定是其午餐，三十三元有湯有熱飲，但對兩款選擇也不大感興趣，最後見咖哩牛腩飯的餐，連餐湯及熱飲，只需四十三元，也點了來吃。湯要了羅宋湯，湯內有些牛腩粒、椰菜、洋蔥及甘荀，牛腩粒有很強的牛羶味，上述的蔬菜也都煮得軟腍，湯也算濃，但對我來說可以再濃一點，再酸一點，而且味道是偏甜，個人喜歡濃一點及酸一點羅宋湯。咖哩牛腩飯等了足足十分鐘，正奇怪為何咁耐，原來是以煲仔上，不是像翠華的只是碟頭飯的模樣，一打開蓋，是滾燙的，咖哩汁是奶黃色港版馬來咖哩，吃起來充滿椰汁味，更難得的是吃得出有花椒的味道，以茶記來說着實驚喜，味道吃起來很香，面頭的一點辣油更帶來辛香，用來下白飯，當然一流，而最後當然是清碟汁都撈光。至於咖哩的材料方面，牛腩不是牛筋就是半肥瘦連筋膜的位置，牛筋充滿膠質，一口咬下如吃芝士般的感覺，而牛腩的筋膜吃起來當然是嫩滑美味，而肥肉部份又很有脂香，吃起來豐腴可口，但其脂肪就是積聚得

時常提醒自己要感恩, 尤事要向好的方面看, 發覺自己脾氣比之前收歛了, 也比之前易滿足了, 但有時擔心自己因而失去了生活的動力和目標, 兩者可以取得平衡嗎?是晚又充當外賣妹, 為我和薑餅人買來晚餐.薑餅人來電説要吃海南雞飯和咖喱牛腩飯, 兩樣我也愛吃, 不錯啊!海南雞飯還算可以吧, 雞胸肉也不太鞋, 油飯比較濕和淋, 也不太有雞油香, 但相對比較健康吧!咖喱牛腩有根有腩, 根不會太淋, 能保持煙韌黏口, 腩炆得夠淋, 帶點肥, 也有幾舊連著根膜, 汁微辣帶香, 幾十蚊貨仔算不錯吧~~這咖喱汁也使我倆清了整盒飯, 厲害!!

因勤勞的薑餅人要遲下班, 乖乖的我惟有去買外賣做晚餐.要了碗魚蛋黃金角魚湯河和海南雞飯.回家後已發覺魚湯給河湯差不多吸乾, 其可惜. 魚蛋黃金角算不錯, 河粉雖幼但不算很滑和較削.海南雞皮幾肥, 肉嫩可口, 飯雖不油但也香口, 不知是否太肚餓, 覺得幾好食.凍奶茶是買給薑餅人喝的, 沒有試味.

薑餅人下午買了魚湯魚蛋粉給幾乎餓暈的我吃， 可能是肚餓關係， 覺得特别好味。魚湯濃郁味甜，魚蛋嫩滑， 炸魚片角香口爽彈， 河粉切得幼又嫩滑。 我三扒兩撥已把它連湯吃清了。。。

早午餐都好有水準晚餐都幾好但少選擇粉面亦都做得好好味(沙魚骨湯底---超甜)最近一次食左個魚蛋撈面...正魚蛋彈牙有魚味,湯唔使講係好味啦,面亦係又香又彈牙不過伙計就唔多靈活走動,要大動作叫先會釆您

有一晚, 和朋友找地方落腳食飯行至此處, 便入去試下啦, 於是叫了肉丁炒出錢一丁&魚蛋河, 都幾好咪, 入到去呢間鋪頭感覺有D似翠華FEEL,最驚喜的是, 晚上有新鮮出爐的菠蘿飽 & 其他飽, 但本人對菠蘿飽情有獨鍾, 於是飽飽地都叫個來試下, 嘩, 好好咪. 下之再去時一定再買來食的.

雖然係茶餐廳﹐但價錢就比普通茶餐廳貴。一個鐵板餐呢度賣差不多$80蚊,其他炒粉麵亦唔平。最後叫左洋蔥雞扒飯同埋豬軟骨米線。豬軟骨米線汁料味道酸酸地﹐有d似羅宋湯﹐但碗o野唔夠熱。洋蔥雞扒飯係用有骨雞脾肉﹐肉質算嫩滑。但唔好既係d洋蔥唔係好熟﹐所以辣辣咁。白飯亦唔夠熱,幾難食o下。幸好食到一半時﹐剛好係佢地d麵包新鮮出爐﹐所以叫個菠蘿包試試。外皮脆﹐內裡軟熟﹐味道亦唔會好甜﹐好好味﹗埋單走時﹐我地仲買多一個剛出爐既菠蘿包同提子麥包。會再幫襯﹐但只會買呢度d麵包食﹐絕唔會入去食佢地既其他o野。

來過兩次吃晚飯都叫這個，因為很美味，汁很香濃，送飯一流，牛腩件數也多，每次吃得捧著肚子回家，門口還有新鮮熱辣麵包，雞尾包，菠蘿包，肥大的奶油包．．．若不是飽得撐了，真的想再買來吃!

唔好講笑,幫襯咗咁多次(不論係外賣定堂食),我都係獨沾三味:XO醬蝦球撈米線 同 魚旦米線/剩魚旦,可能有好多人覺得冇乜特別,但唔知點解,我就係鐘意食!!!仲次次去親調景嶺都會食!!!因為我覺得佢個魚湯底真係幾似樣,起碼食落唔多覺味精,d魚旦又夠彈牙,所以我多數"走魚片",剩要魚旦;至於個XO醬蝦球撈米線,佢原先係配麵的,不過因為我唔鐘意食粗/幼麵,所以配米線,但都一樣咁好味,個XO醬夠晒辣!!!d蝦球就最好味!!!

十二年一閏之Bjork又唱又跳之後,由Asian World Expo回到調景嶺,大家同樣剩下一半人命.饑寒交逼,一出港鐵站,即去到商場地下的"康年",吊一吊命.這間在旺角金魚街的"名店",原來在這裏也有分店.不管那麼多,看見牆上的相片就點.結果我先來個XO醬蝦球豆腐麵線,友人的是咖喱紐西蘭羊扒.豆腐麵線即是用豆腐製出來的麵條,賣相有點似意大利麵條.本身味道淡,兼索味能力不強.就算下面的豉油加XO醬去撈,也不夠入味.係得個爽口.蝦球又是爽口,但沒有味.同七喜的蝦球,差一大截.奉送的魚湯,如味精水.友人的咖喱羊扒,她說個羊似乎無乜味.)我試紐西蘭羊,咁上下啦.)她吃到肥肉位,一口吐出呢舊好騷.)吃羊不吃騷,多年也如是.不夠喉再來碗沙爹肥牛米線,話就叫沙爹,但沙爹味不濃厚,肥牛沒有肉味.連米線也不是條條同一口感.水準以下.半夜三更仍然有麵包供應,是否新鮮出爐?由96伊館到今日博覽館,這晚大家為了Bjork在一起.其實當望著你吃著羊扒的含情眼眸,如今記起,情懷已舊...