康樂茶冰廳

营业中

休息中

今(5-7-2020 Sun)朝同老公去買西瓜俾爸爸前,食個早餐,諗無可諗喇,行到嚟路德圍,老公見到呢間,就話呢間啦,ok. 啱啱重有卡位,我哋都係要$34.00嘅早餐A,老公要沙爹牛肉通同西煎雙蛋,加$3.00要凍奶茶少甜.我要雪菜肉絲米同餐肉煎蛋,要七喜.老公再加個椰撻,要$7.00.椰撻即到,其實我唔好椰撻,都食一啖吧,佢幾甜嘅.餐肉煎蛋,煎蛋係半生熟蛋,好正.餐肉得半件重要薄切.雪菜肉絲米口感同味道都正常又唔太鹹.我覺得老公杯奶茶茶味好淡.味道係2.33分上次食評: https://www.openrice.com/zh/hongkong/r-%E5%BA%B7%E6%A8%82%E8%8C%B6%E5%86%B0%E5%BB%B3-%E8%8D%83%E7%81%A3-%E6%B8%AF%E5%BC%8F-r15724/reviews?page=4

吃過雄記後未喝奶茶的小夫若有所失般，我們仨便走往隔籬的康樂茶冰廳繼續嘆茶！又是一間至小吃大的茶記，舊式香港冰廳的格局和裝潢跟我小時候的一模一樣沒變過！ 小夫和好友不約而同選喝熱奶茶，整體來說風味勝於好味哈哈.......... 而小妻則例牌點選凍檸檬茶走甜！茶色清亮而且檸檬片非常足秤，喝下味道清爽收貨有餘啦！ 康樂兼賣新鮮出爐麵包、蛋糕和蛋撻，一場來到點兩件蛋撻嘆下先！一上檯真的有點失望蛋和撻竟然分離狀態新鮮有限！！可幸沒期待之下吃味道又沒有太差，還是紙包蛋糕合我意多些！

在荃灣檢查牙齒，看完後便走去路德圍那邊吃東西，剛剛過早餐時間，有些食店仍未營業，路過茶餐廳就入去，未到中午飯餐時間，選了其它餐吃，麵餐與午餐價錢相同。麵餐 $39元沙爹牛肉麵，牛肉輕微有點筋，加上沙爹醬，芡汁落在公仔麵中，湯頭分外香濃，公仔麵正常單牙，火腿兩小片與煎雙蛋，牛油餐包轉多士，脆度OK，最後飲熱咖啡，滑口微酸，口感也不錯，茶餐廳有沖茶高手。午餐 $39元叉燒湯意粉，叉燒小小硬，火腿庵列，不會煎得太熟，也轉了多士，熱華田，華田粉落得足夠，夠濃味。

<沙嗲牛有驚喜>🐮😈呢間康樂 平時去荃灣食野成日經過 但次次都係食 其它野 例如西餐 小食 今次做完野 食 tea時間 終於丸機會 試下😂睇佢裝修陳設應該都開左幾廿年 反而甘 我覺得佢 d常餐 特餐一定唔會差🍴特餐 37 蚊 😍自選兩個餸同粉類 點左意粉 沙嗲牛 蛋 🐮🥚估唔到有驚喜 因為佢個湯底好邪惡 好多牛嗰 d味撈埋 所以味道香濃 d牛肉係滑牛 個醬汁整得幾好 甜咸適中 😃 意粉係好舊式茶餐味道 口感爽 d 🍝 蛋煎得好好 有兩個蛋 蛋白香滑 一整開 d蛋漿漏出黎 好味🥚熱奶茶就差 d , 奶味 夠 茶味濃左 d . 但都可接受 而且整體平 💪🏻Score 平均分 <6.8/10>Taste 味道：👍🏻👍🏻👍🏻👍🏻Present 外觀：👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#康樂茶冰廳 荃灣荃興徑21 號地下荃發大廈 d座~~~~~~~~~~~~

康樂茶冰廳在荃灣路徳圍歷史悠久，奶茶、菠蘿包，茶客之選。早餐只得四款選擇，但已相當夠做。原因他們有懷舊西餅蛋糕、麵包，很多念舊的食客，正如筆者，久不久都會過來探吓這些包點。菠蘿油、雞尾包、提孑蛋糕、椰撻⋯⋯各適其適。這裡的沙嗲牛肉麵、雪菜肉絲米，我久不久都會過來探班，可是今早要清淡一吓。腿蛋治~由於不是招牌推介，故此不過不失，未有太突出。齋啡~其實這裡的奶茶比咖啡做得出色，可恨的是今天腸胃麻麻，要選擇一下⋯⋯

老實說，由小時候直到現在，佢有佢獨特風格！凍檸茶和奶茶的茶香，濃郁，沒有苦澀味。洋蔥豬扒飯，豬扒香脆，嫩滑，豬扒炸得色澤金黃食！洋蔥汁熱辣辣香噴噴，配白飯簡直係絕配！

要去荃灣買野，順便食個下午茶。跟餐既多士係凍既，牛油未溶晒，應該係一早整定既，唔好食。火腿炒蛋油落得太多，油淋淋，蛋好在冇炒過頭，而味道就好普通。叉燒湯意粉叉燒一般貨色，意粉有點煮過龍，一般茶記水準。食完個餐之後到呢杯奶茶，奶茶夠熱，顏色很好，有光澤，輕輕品嚐一口，奶同茶比例啱啱好，好平衡，有茶香之餘奶味也沒有被遮蓋，夠厚身，又夠滑，最合適係食完個餐嘆番一杯，最後飲完條脷唔會覺得鞋，非常難得有既水準

聖誕節喺屯門市中心想食個拉麵遇上奇差服務態度！ 嬲嬲地去左荃灣行街，行行下見到啲間茶冰廳好有老香港嘅感覺，見佢仲有自己出爐麵包就入去試下啦。舖面装修係有啲舊，但就係咁先有老香港嘅情懷。我地點左一個「麵餐」一個「炸雞翼湯烏東冬」另外叫左兩個菠蘿油，伙記仲好關心咁問：「你地食唔食得哂㗎？」舊式茶記就有啲一種人情味。食物方面，「麵餐」係沙嗲牛肉麵配火腿蛋餐包，唔係珍饈百味只係食得返童年嘅回憶嘅味道！炸雞翼湯烏冬嘅炸雞翼食得出佢本身係鹵水雞翼跟住再拎去炸，外面香口，內裡有淡淡鹵水味！菠蘿油一定要本身有麵包出爐先做得到唔會 散到周圍碎碎！整體而言唔係特別好食，但係有一種情懷，香港人就會明白！我會再返黎食！

是日趕時間要拿拿林食個晏, 附近餐廳選擇多多, 諗住傳統冰室快靚正應該唔會差得去邊, 點知都有少少落差冰室長期keep住多客, 預左要搭枱。猜想街坊們都係貪全日有常餐, 又有碟頭飯! 點左叉燒蛋飯$38。我明白叉燒要求各有所好, 依個就屬於口感韌,瘦同乾身, 得個咸字無蜜味, 唔岩我口味。個蛋... 麻麻啦, 坦白講好彩有d汁同搭左兩條菜先食得落。熱奶茶唔錯嘅, 當然比佢好飲嘅亦比比皆是, 或者下次都係叫返正常早餐沙爹牛麵會好D ..

日日都要加班差唔多11點鐘先食晚飯每一次都會揸車去荃灣路德圍，又唔想食太飽又怕肥，所以就匆匆忙忙走入康樂茶餐廳，叫咗一份叉燒湯米粉火腿奄列，再加杯凍奶茶少甜食完拿拿臨做埋手尾先

本身入荃灣嘅時候係諗住去家樂冰室，但係因為我個人比較懶，又甘啱要去路德圍做啲野，所以就揀咗方便就腳嘅康樂冰室。叫咗個五香肉公仔麵，失望嘅係佢竟然冇得轉出前一定，只係得公仔麵。不過唔緊要，至少佢冇將公仔麵煮得好琳，所以食落都仲係唔錯。五香肉丁有少少辣，但係非常之惹味，食個光速午餐都算係唔錯。

一間係荃灣路德圍多年的老茶記，沒人唔識。我個人喜歡去嘆下舊式茶記，因為佢地多數杯奶茶，才飲到功夫，飲到茶香、奶滑。唔會澀口、或茶奶味咩都無.......傳統的午餐：$35叉燒湯意、火腿奄列、餐包、餐茶。煮法味道都跟之前的做法差不多，淡淡的湯配有咬口的意粉，幾塊叉燒、輕量的小奄列。如果餐包可以熱或暖就更好。食到的就是街坊懷舊情味。。唔駛要趕你埋單，就算搭座的卡位，感覺都闊過某些新開的茶記卡位。對面兩個男人坐埋，唔會手踭撞手踭。

康樂茶餐廳，是一間好舊嘅茶餐廳，但並不如外間的餐廳員工，餐廳愈老，員工愈辣！ 呢到嘅每一個員工都好有禮物，會主動同你講早晨，又客客氣氣呀！咁好嘅服務態度，令我專登上黎寫食評讚一讚呀！早晨嘅沙嗲牛肉麵， 新鮮牛肉配有彈牙公仔麵，越食越有口感！火腿炒蛋係必食嘅，雖然沒有落牛奶炒蛋，但食落好有家的感覺，香滑蛋味，其他餐廳少見。

朝早完成驗身後，由於禁食了超過8小時，非常肚餓，急不及待要吃早餐。來到康樂茶冰廳，其懷舊的裝修格局，必定是傳統的味道。餐肉炒蛋餐肉煎得香脆，但略為過油，炒蛋也很軟滑，口感一流。沙嗲牛肉公仔麵經沙嗲醬調味後，牛肉味突出，質感鬆軟，沒有添加任何鬆肉粉，公仔麵香滑幼身，軟硬度剛剛好，食得津津有味。熱奶茶奶茶香滑幼細，茶味香奶味調配得恰到好處，我喜歡加點點糖，提升奶茶的味道。整體來講，味道不錯，我必定會再三回頭品嘗。

今日早餐都未食就去左行街喇，行到咁上下，心血來潮想食常餐，因為就咁食飯感覺太heavy 了戴左我去懷舊茶餐廳，見到餐廳好有細個爸爸戴去食茶餐既感覺，仲要細個偷飲爸爸爸奶茶，然後變左😩咁既樣，仲完全5明點解大人咁鐘意飲咁苦既嘢。。。。原來有d嘢係大個左先識欣賞😂講翻正題先，入到餐廳，已經聞到好香既茶味同包味。選擇好多，但最後都係揀左食午餐，就揀左麵餐，問左姐姐，原來多士5洗加錢，所以就由餐包變左多士喇好有家既味道，如果去外國讀書or travel,依個餐就係我突然會好想食既嘢，其實叉燒係普通既，不過我好欣賞個多士，好有咬口，熱辣辣，加埋就溶既牛油，5知係咪佢地自己整嫁呢？沙嗲牛麵，好食，所有嘢都好新鮮，好味！我個人最欣賞佢個奶茶，茶味夠濃，感覺到個茶底既絲襪有翻咁上下年資😂😂總括而言，小店愈執愈多。依d味道5知仲可以揾到幾耐，所以把握時間，多點支持佢地先