康樂茶冰廳

营业中

休息中

宜家已經好少傳統既茶仔，呢餐早餐勾起左我好多童年回憶! 沙嗲牛肉米粉 - 佢係用好扁既碟/碗盛載，好有親切感，沙嗲牛肉一食落去完全係細個時既味道，因為沙嗲醬並唔係求其用醬加好多水，然後一pat野果種，真係有沙感既沙嗲醬，而牛肉係切到薄薄的。 餐肉煎蛋 - 一食落去係熱辣辣架! 餐肉係脆，佢應該係炸，所以有d油，隻蛋就太陽蛋~ 熱奶茶 - 我爸爸以前教我去茶餐廳就要飲奶茶，咁就試到師傅功夫，因為其他飲品多數係用粉開。一飲落去果下，就幻想到師傅好純熟既拉茶動作，茶夠熱，再撞落d奶度，好香好滑!

我這一輩的人小時候最開心就係去茶餐廳吃餐，可知道那年代要去食茶餐廳都唔係一件經常可以發生的事，而我最想吃的茶餐廳食物是西多士和飲菠蘿冰，人大了美食越來越多的時候大家係咪已經漸漸忘記茶餐廳的魅力呢？ 某個星期天返到荃灣路經康樂茶冰廳忽然間好想入去回味一番！那便不作它選一於入去食個午餐吧！ 去茶餐廳梗係食返個特餐先似樣㗎嘛！ 我就揀咗沙爹牛肉、腸仔米粉＄35，係咪好奇怪一個唔食牛肉的人會揀沙爹牛肉呢？其實我好鍾意食個沙嗲汁今日有車爸爸喺度就有人幫我食牛肉啦！如果平時我一個人沙嗲癮起我都會點的只不過會食淨曬啲牛肉囉！這兒的沙嗲未算最美味但也算令我滿足一解饞嘴。 而車爸爸就揀咗雙蛋榨菜肉絲米粉＄35，兩隻盪漾美味的太陽蛋簡單而美味，加上惹味的炸菜絕對及映出茶記風味！ 車爸爸例飲熱奶茶都幾滑口，但香如果茶味再濃香些就更加吸引！而我就加兩蚊飲凍檸茶沒多驚喜叫做穩打穩紮的凍檸茶一杯囉！其實這些舊式茶餐廳不是什麼矜貴美食，但在我心入 經常會牢牢的掛，希望這些餐廳都繼續可以經營下去！等我們可以不時回味一番啦！Btw昨日見到紅磡時新也要結業很可惜呢！

好不容易捱過3個月的湊仔生活，家中的寶寶越來越結實，終於可以用揹帶帶他出行。今次帶他來荃灣，參觀完母校後，當然要到中學時常去的餐廳用膳。康樂茶冰廳，的確勾起了不少兒時回憶。沙嗲牛肉麵沙嗲味香濃，有鮮牛肉味，麵質鬆軟卻彈牙，滋味十足。蛋撻可能已整好了一段時間，賣相不太特出，凍冰冰的感覺掩蓋了原有的蛋香。火腿煎蛋多士原本想要炒蛋，但點餐時忘了跟侍應說。多士厚身，焗得香脆又帶點牛油香。雞蛋的蛋黃呈半生熟狀態，爆開有蛋汁溢出。

經常去荃灣買餸既我同P大人今日選擇左先去食個茶記~去間中都會幫襯既康樂冰廳, 今日人唔算多, 唔使坐得太迫。P大人點左個麵餐, 麵餐有D咩? 有餐包、火腿、煎蛋、沙嗲牛肉麵、飲品, 加埋$36我呢就要左洋蔥豬扒飯~餐包 - 大大個, 好食的~火腿煎蛋普普通通喇!沙嗲牛肉麵 - 舊式味道, 好食!檸茶 - 呢度既檸茶係荃灣區黎講算係出色, 有時候我都會掛住佢架~洋蔥豬扒飯 - 第一次食, 豬扒好食喎!!!但個洋蔥汁就比較咸~總結 - 康樂係荃灣值得推介既茶記之一

荃灣食肆林立 各式各樣的菜式應有盡有今日路經荃興徑看到一間冰室 門口仍有麵包擺賣 裝修古舊決定入去一試雖正值午飯時間 亦不用等位要了特餐$34（雞翼、紅腸配通粉，茶走）價錢以荃灣區來說 算是划算還有一系列特價飯（咖喱豬扒飯/茄汁雞髀飯）都只是$36說時快那時慢奶茶及通粉都在下單後5分鐘內奉上奶茶選用黑白奶 茶香幼滑而通粉都熱辣辣 湯亦不是普通味精湯應有豬骨吊味雞翼是滷後再炸的，肉質有點嚡通粉則是軟稔適中$34的價錢在荃灣區來說已是不錯

剛過去的聖誕假期我病住返兼職，冇乜時間打blog和食野紀錄，今次記返12月29日午餐，當日因為好友在荃灣，所以約埋一齊食，方便我下午去美容試做~~~雖然呢間茶餐廳在荃灣多年，但我由細到大冇印象去過，我和好友就決定試吓~~~呢間午餐有輕便的湯意粉餐，對於當日病到冇乜胃口的我來講就剛好~~~好友叫咗沙嗲牛肉麵~~~我叫叉燒湯意配火腿奄烈，我將叉燒俾晒好友，個奄烈幾好食，飽都唔錯~~~呢間茶餐廳賞算不錯，侍應大叔幾幽默

颱風海馬來勢洶洶，直撲香港，為了不影響工作進度，忘我超時工作至深夜十一時多，帶著極度疲乏的身軀，遊走於荃灣路德圍覓食，突然眼前一亮，康樂茶冰廳，即時推門而入，雖然已是深夜時分，但餐廳內幾乎座無虛席，相信大家抱著明天放颱風假的心情，大吃一番。坐下來，二話不說即時點了特餐，沙嗲牛肉配紅腸通粉。食物秒速上桌，單看賣相，已稱心滿意，牛肉蘸滿沙嗲醬，非常鬆軟入味，紅腸煎至微焦而捲曲，最讚是這個紅腸完全不脫色，通粉沒有沾上半點粉紅，再呷口熱湯，味道濃淡適中，伴著一棵新鮮翠綠的菜心，還有一讃，這個通粉是沒有坑紋的傳統款式。再啜飲一口冰凍檸檬茶，味道不會苦澀，而且檸檬味濃厚，細看一下，原來檸檬份量真不少。吃罷這個特餐，實在令人滿足又滿意，加上店員高效有善的服務，這裡就是我心目中的經典茶餐廳。

以前細細個成日跟住爸爸去茶餐廳飲奶茶食菠蘿包，直至今日我大個左我都要特登㴝呢間茶餐廳懷緬一下由於得我一個人食嘅關係，所以我叫左一個沙嗲牛肉麵餐轉意粉，咁多年來杯奶茶都係好好味，茶香奶滑，個多士就比以前薄左好多而且亦都唔算太香口，煎蛋火腿就唔算煎得好耐，所以火腿唔算太香口，而且我覺得都幾多油。反而我幾鍾意食個沙嗲牛肉意粉，沙嗲汁好香濃惹味，牛肉夠淋唔鞋口，意粉感覺好爽，加埋我最鍾意佢嘅辣椒油，冇得頂唯獨是呢間茶餐廳啲侍應好親切，所以令到我相信呢間餐廳除咗賣食物質素，另外主要賣既仲有個份人情味同懷舊情懷

2016.05.14茶冰廳 😮這個名字總是讓人帶著一種懷舊 傳統的感覺這裡不論是牆上的磚 鐵水壺 定係拖地用的桶，都有爺爺家的感覺，入到去就好似停留在以前的時光。朱古力曲奇 $6熟悉我的人都知道小妹不太喜愛朱古力🙊但行經過啲間冰廳，望到櫃入面既曲奇那種久未重逢的感覺真的忍不住要回味一番😋 果然冇讓我失望 是小時候食的味道曲奇餅的感覺 不像大公司制作那種複制出來的味道，而是帶著濃濃的感情，很充實的…涷奶茶老實說 這是一杯吸引我的奶茶不止是佢的外表 居然是用玻璃杯裝的 我很喜歡 而且茶味仲好可口香濃 令人一口接一口康樂茶冰廳 💌荃灣荃興徑21號地下荃發大廈D座Mon-Sun：0630-1200

午餐時段，成個荃灣食店都擠滿了人，有的什至要排隊，酷熱天氣警告下，有位就進去吧!懷舊冰室格局的康樂，也擠滿了人，剛好有個二人座埋單。餐牌也充滿懷舊味道，點了個小時候經常吃的常餐來懷舊一番!义燒意粉，通常义燒都係隔夜咁款，浸到甩晒色，呢度d义燒依然有色，但就唔夠肥&唔夠香，個湯ok啦。其實著重既反而係個包&蛋，呢度有得揀要餐包或多士，一定揀餐包啦!!個餐包軟軟暖暖的，正!蛋就乾左d，煎耐左了!但呢個味道正正就係小時候的味道，喜不喜歡，睇下你咩年代啦!!

舊式茶冰廳買少見少，所以每次黎都食好味茶餐廳…這裡有早餐同特餐其實都係一樣，只係差幾元。這裡最好係水滾茶香，最愛飲這裡奶茶。而食品質素都吾錯，多士厚切又夠熱，牛油滲晒入面包勁香脆，面質有口感但牛肉偏硬，同茶餐廳特色偏地下污糟但還可接受四人座位多謝合作係舊式茶餐廳必有係四人桌度，而且門口收銀位仲有西餅和蝴蝶酥之類買，可想而知這間冰廳年紀都吾細

香港突然間掀起左懷舊冰室風，但預期去仿-懷舊餐廳咁不如去真-懷舊冰室😎今日裝修古舊，好有80年代既風格沙嗲牛肉麵餐-35$即食麵沒特別，唔會煮得太淋，牛肉份量都唔少，幾好，午餐肉太陽蛋配多士沒得輸🙈再加多杯冰凍既奶茶，一個完美既香港早晨就係咁😎

以前小時候住荃灣, 中午午餐的時候一定會到過這家茶餐廳, 不, 應該是冰廳, 當時不覺得什麼樣, 只是飽肚而已, 現在每一次到荃灣就好懷念, 一定到這裡, 因為真正懷舊有歷史的冰室已經買少見少, 事下模仿的懷舊店太泛濫了!所以更珍惜每一次到訪的機會!康樂茶冰廳位於福來邨的附近, 人客都挺多, 門面有很多西餅可以外賣, 如酥皮蛋撻, 椰撻等冰廳價格都很實惠, 30-40元一個餐, 重點是食物, 占多是我的最愛, 麵包的質地是有別於一般, 熱騰騰的有種厚實但外脆內軟的感覺, 很幸福!火腿或沙嗲牛肉通粉湯底是有上湯味, 通粉是軟熟有咬口, 整體是味道不錯奶茶跟鴛鸯都是老式的沖法, 茶葉的比例很好, 很滑很出色又不顯眼的冰廳!

想得到聖誕過後的早晨沒什麼人，獨自吃個早餐才去運動。十時許，一人坐中旁邊四人桌居然沒給店員移動至其他位置。其後有另一男子搭桌，還好，至少不像佳記等餐廳，明明有大把空桌卻迫著要客人的搭桌。 沙嗲牛麵不太老的牛肉，但味道普通，只屬一般；麵條雖然像是煮久，卻還有點彈牙，算不錯了。腸仔煎蛋均非常多油，太陽蛋居然切開一邊還有大量流質蛋白流出，不太美觀。啡走才是王道，咖啡香氣濃，煉奶不多不少，微甜不太膩，美味熱飲。

荃灣返工的我...成日都會去路德圍lunch...10次都係食米線星期日又到荃灣...諗住食個Lunch先去行城門水塘男人之前1直都話呢間茶記Ok..今日終於去一試~我叫左炸比烏東...好好味啊....隻比好啊...烏東不會太林...好味~~囂張的不至我1個..男人叫了蕃茄吉列豬扒飯好鬆軟既炸豬扒,,,即叩即炸...配埋有蕃茄既茄汁...真係不得了...