康瑞甜品

营业中

休息中

𓂅特式仙草百配 (芋圓，地瓜圓，小丸子)仙草非常滑，味道好出，而芋圓同地瓜圓口感煙韌，愈嚼味道愈出，唔會過甜，好喜歡呢種食到食物原始味道嘅感覺！小丸子正正常常，唔會糊口！除左列出嘅配料，仲有珍珠，薏米，口感十足！𓂅香滑腐竹蓮子配 (芋圓，地瓜圓，小丸子)呢一個可以選擇配小丸子定雞蛋，今次揀左配小丸子，腐竹蓮子底清甜，腐竹唔係煮到融曬，係片片分明咁，食落幾滑身價格相宜，食物質素唔會將價就貨，味道好純粹好順喉！非常推介！

今晚又嚟到深水埗馳名嘅康瑞甜品，即使咩事都冇無阻呢度嘅客似雲來~ 今次來到我都係嗌最出名嘅仙草百配，仙草同芋圓小丸子等嘅配料比例恰到好處，滋潤可口👍 呢款招牌先做法配只有凍同暖兩種選擇。另外我朋友嗌咗嘅桂花配，一樣都係有水準，酒釀香氣配上蛋花，絕對係清甜清新之選！😋另外今次我仲試埋佢哋嘅糖不甩，令人印象深刻嘅軟糯口感搭配十分香口嘅花生椰絲粉~ 以上都係72蚊埋單，十分抵食！😝

👉🏽特色仙草百配叫左凍熱各一碗，個人黎講係比較鍾意凍！因為好似感覺上多啲紅豆同薏米！同埋凍食仙草比較涼啲同滑啲😙😙 一向康瑞既仙草百配都係鎖店之寶！係必食！而次次食都冇令我失望，薏米好多，芋圓好多粒架！！！真係勁足料(⁎⁍̴̛ᴗ⁍̴̛⁎)但美中不足係仙草唔夠多，可以再多啲🤪🤪🤪🤪👉🏽糖不甩啲糖不甩入面有花生/芝麻涵，唔係去到好流心但都有小小流質既感覺😋😋😋而出面除左有糖同花生，仲有椰絲！！！！所以真係好香架😙😙 覺得20蚊黎講真係算係幾值，但2個人食6粒真係唔夠架！！！！真係要人頭6粒先得架！！！

自從開咗鮮芋仙之後都好似少咗人提康瑞🤔我自己都幾年冇食過！不過佢嘅芋圓其實好抵食，只係$20幾蚊碗，而且非常足料。大家不妨多d去幫襯下呢💛🤤.No one could ever resist a bowl of taro balls, especially with sooo many other ingredients like boba, pearl barley and grass jelly. This shop at Sham Shui Po was actually really famous for its taroballs years ago, way before Meet Fresh entered the Hong Kong market, so do check it out!🥰.特色仙草百配 $26好 Colourful 嘅芋圓，可以話係鎮店之寶！😆口感豐富，有芋圓、地瓜圓、珍珠、小丸子、薏米等，十分飽肚。雖然糖水略嫌偏甜，但都係必食之選。🥰Rating ⭐️: 8.5/10養身紫米露配芋圓 $26紫米露甜度適中，食落非常清涼，配上Q彈有咬口嘅芋圓，好滿足呢😋

食完愛文生，行到附近的呢個係馬路邊的糖水鋪，都有驚喜。首先價錢比其它糖水店平，點左楊枝金露配，35蚊，算大碗。楊枝金露配意思係配有三種小丸子，好特別，口感又豐富，下次再來食

嚟深水埗食晚餐一定唔可以食得咁飽！點解呢，因為呢度有間遠近馳名嘅甜品”康瑞甜品”🍲康瑞出名仙草、芋圓🍡大家都知啦，呢次就特登食咗其他養生湯水，悉逢天氣轉涼，一於試下酒釀桂花同埋桂棗雪耳糖水，兩款都有芋圓、小丸子同埋地瓜圓。食過嘅就一定知喇，芋圓口感煙韌唔難咬，同其他舖頭根本無得比，仔細咀嚼更品嚐到材料嘅味道添👏糖水唔會過甜，同場亦都有唔少人嗌糖不甩食呀，係間適合年輕人嘅傳統糖水鋪，大家嚟到深水埗就唔好錯過啦😋喜愛程度：😋😋😋😋😋

今日食完晚餐，突然諗起係時候去康瑞甜品食返個仙草芋圓，就專登搭去深水埗食C出口直行幾個街口就會見到，好多朋友都唔記得點去，但我就印象深刻，因為呢間真係間唔中就想食吓由於平日夜晚去，比起星期六日冇咁多人，一入到去就有位，但都坐滿8成左右叫左暖嘅1號特式仙草百配芋圓同埋熱嘅12號椰汁西米露配芋圓特式仙草百配芋圓有好多配料，有西米、紅豆、珍珠、薏米等等，咬落有唔同軟硬度嘅配料，令到口感豐富，仙草好滑好新鮮，薄薄地咁，唔會成大舊咁，個人最推薦呢款椰汁西米露我就覺得正常發揮，唔會太甜食完甜品 就為我嘅晚餐畫上一個句號

一碗仙草百配。一碗紫米轉芝麻湯圓。仙草軟滑，蓋上珍珠、西米、芋圓、地瓜圓、薏米、小丸子，目不暇及，口感極豐，最為推薦。紫米露甜度適中，芝麻湯圓亦然，一口一顆，比較寧波湯圓，味道更佳。

呢間甜品店係涼茶鋪轉型，主打自家製芋圓，有各款傳統糖水，價錢落喺20~30蚊左右。.特色仙草百配🥣 ($26)“百配”包咗薏米、紅豆丶珍珠丶西米丶小丸子丶芋圓同仙草等，非常足料🤩整體唔會好甜，食到仙草嘅甘，珍珠煮得煙韌，薏米、紅豆就煮得夠軟，咬開有小小起沙嘅口感。芋圓食落有芋頭味，同芋頭蓉粉粉嘅質感😋地瓜圓就正常小準~楊枝甘露 ($30)🥭🍊質感偏杰身，芒果、西柚同西米份量唔算多，感覺似食緊一碗好杰嘅芒果汁😬…睇嚟都係試返啲傳統糖水好啲🤣

今日同阿爸阿媽去康瑞食甜品。幾個禮拜前已經想食。今日終於有機會。我嗌左「貴妃楊枝甘露」同呢度嘅招牌甜品「仙草百配」加埋都唔過$60好抵講吓個「貴妃楊枝甘露」先，好足料起碼有六粒芒果🥭而嗰個「仙草百配」仙草好足又有芋圓、地瓜圓、小丸子🍡仲有西米都係$26

【深水埗必試康瑞甜品 $26大大碗 超足料】-講到深水埗既糖水鋪，第一時間浮現係個腦既就係康瑞甜品🤪早排去開個頭，見唔洗排隊就入左去食!-鋪頭唔算大，坐到大約20人，見到廚房門口貼住張「美女廚房」😂-一睇餐牌已經震驚了，康瑞甜品gum出名，但竟然D糖水$30有找，平過出門好多😱我地叫左個特色仙草同養生紫米露配芋圓、地瓜圓同小丸子，每碗先$26😳-等左兩三分鐘已經有得食，除左芋圓同小丸子，佢仲落多左D珍珠😻 碗糖水夠凍，芋圓都好煙軔🤤整體黎講呢間係絕對值得encore，又平又大碗，仲要好食，仲要係黃，無得輸🤤-阿優推薦指數：🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️

Bookmark咗呢間又平又大份嘅甜品店好耐，儲夠4條友出街時即去！.1️⃣特色仙草百配（$26）你無睇錯呀！係咪癡線㗎？$26就食到成個手掌咁大碗嘅雜錦糖水，有齊芋圓、仙草、珍珠、西米、小丸子等等，足料到不得了，加埋啲花奶撈撈撈真係一流.2️⃣清香綠豆沙（$21）唔配嘢嘅糖水更抵！$21相信喺香港無乜邊度搵得到，就算係同區出名嘅甜品店嗌碗綠豆沙應該都要$30左右。🍵綠豆沙好香綠豆味、唔會太甜，食落亦唔會太稠，食飽飽想再同friend搵地方坐耐啲吹水，食呢個唔會有太大負擔！.3️⃣椰香西米露（$21）住家嘅味道～好香椰汁味，西米係用中粒嗰種，如果係鍾意食細粒西米嘅人嗌呢個可能會麻麻，但係$21仲想點呀？🤤

間唔中就會想食下芋圓坊間愈開愈多舖頭，但第一間一定會諗起康瑞其實已經幫襯左好多次🤣今次叫左腐竹蓮子芋圓$21 價錢非常合理/平民化，而且份量適中腐竹係做得好滑、芋圓尚算煙韌，但今次煮得唔夠腍，所以一般吧😅

呢間野每次經過門口都一大堆人等 本身對芋圓冇乜興趣 但朋友好鍾意食又極力推薦 所以都排隊等咗 星期六夜晚九點等 比想像中快有得入 大概等咗10分鐘左右 見到餐牌都有啲驚 以為佢咁出名都唔會平 點知大部份都係20幾蚊 仲好多配料 平過好多糖水鋪 😵‍💫👍🏼我嗌椰汁西米露配芋圓地瓜圓 個椰汁底唔錯 唔會太濃太膩 芋圓同地瓜圓好食過我以前食嗰啲好多 唔會又韌又鞋又冇味咁但可能因為我唔太好芋圓 最後食到好濟🤣 朋友話呢間最出名係仙草 我試左少少佢嘅仙草 又真係好好食 仙草味好濃 質地好滑～ 係一絲絲 唔會散開一舊舊

有日夜晚上完堂好想食芋圓，就去咗呢間芋圓專門店，雖然睇落好full好多人，但大部分人都係等外賣，所以唔洗等就可以入去坐😆平時叫啲有配料嘅糖水都要$30起，呢度最貴都只係$26，我哋試咗特式仙草百配($26)同養生紫米露配芋圓($26)，兩碗都好足料，性價比非常高👍🏻仙草百配有大量珍珠同小丸子，完全滿足到我呢啲煙韌控，係飽肚宵夜嘅最佳選擇🥰鋪面唔算大，所以枱櫈擺得較密，未必適合坐耐啲傾計🙈芋圓類嘅食物最重要係夠彈牙，佢哋嘅芋圓係中上水平，有咬口得嚟食得出幾濃嘅芋頭/蕃薯味，不過唔算最Q彈，有一兩粒仲會硬得滯、黐埋一齊，但相信呢個只係個別情況，所以整體嚟講都唔錯☺️紫米露煮到軟糯香甜，有口感得嚟唔會過硬，同煙韌嘅芋圓非常襯，甜度適中、食曬成碗都唔會滯👍🏻仙草凍滑捋捋又爽口，不過涼粉草味唔濃，但因為椰汁西米露好夠味，所以整體嚟講好夾、口感豐富😋