影片
更多
2021-10-04
163 浏览
有日夜晚上完堂好想食芋圆，就去咗呢间芋圆专门店，虽然睇落好full好多人，但大部分人都系等外卖，所以唔洗等就可以入去坐😆平时叫啲有配料嘅糖水都要$30起，呢度最贵都只系$26，我哋试咗特式仙草百配($26)同养生紫米露配芋圆($26)，两碗都好足料，性价比非常高👍🏻仙草百配有大量珍珠同小丸子，完全满足到我呢啲烟韧控，系饱肚宵夜嘅最佳选择🥰铺面唔算大，所以枱櫈摆得较密，未必适合坐耐啲倾计🙈芋圆类嘅食物最重要系够弹牙，佢哋嘅芋圆系中上水平，有咬口得嚟食得出几浓嘅芋头/蕃薯味，不过唔算最Q弹，有一两粒仲会硬得滞、黐埋一齐，但相信呢个只系个别情况，所以整体嚟讲都唔错☺️紫米露煮到软糯香甜，有口感得嚟唔会过硬，同烟韧嘅芋圆非常衬，甜度适中、食晒成碗都唔会滞👍🏻仙草冻滑捋捋又爽口，不过凉粉草味唔浓，但因为椰汁西米露好够味，所以整体嚟讲好夹、口感丰富😋
芋圆类嘅食物最重要系够弹牙，佢哋嘅芋圆系中上水平，有咬口得嚟食得出几浓嘅芋头/蕃薯味，不过唔算最Q弹，有一两粒仲会硬得滞、黐埋一齐，但相信呢个只系个别情况，所以整体嚟讲都唔错☺️
冻养生紫米露配芋圆
$26
6 浏览
0 赞好
0 留言
紫米露煮到软糯香甜，有口感得嚟唔会过硬，同烟韧嘅芋圆非常衬，甜度适中、食晒成碗都唔会滞👍🏻
冻特式仙草百配
$26
7 浏览
0 赞好
0 留言
仙草冻滑捋捋又爽口，不过凉粉草味唔浓，但因为椰汁西米露好够味，所以整体嚟讲好夹、口感丰富😋
张贴
