影片
电话号码
51171452
营业时间
今日营业
全日休息
星期一
全日休息
星期二至日
11:00 - 17:00
以上资料只供参考，请与餐厅确认详情
「康蘭泰式食🍲」..因為行到太肚餓,見到佢唔太貴就入咗去食✨呢間鋪頭係由泰國人開,入邊嘅佈置都同係泰國街邊見到嘅鋪頭差唔多🍴..豬頸肉墨魚丸冬蔭公金邊粉🌶個冬蔭公湯底幾好飲,唔係太辣,仲幾入味🥣D金邊粉一般般,無乜特別👌🏻至於個墨魚丸都幾有墨魚味,唔錯👍🏻個豬頸肉就相對無咁好味,一般般💫..豬頸肉菠菜麵🥬我從來都冇食過菠菜麵,但覺得唔錯👍🏻豬頸肉都係一般🐷.. 🍽環境 ：✨✨👀賣相 ：✨✨✨💰抵食 ：✨✨✨👅味道 ：✨✨✨🗺地址 ： 康蘭泰式食 長洲北社街62號地下
继续阅读
搬咗入長洲住，諗住搵一間食泰國粉麵嘅試吓！上嚟睇吓有冇邊間正，長洲泰國粉麵真係唔多選擇，睇咗幾間，最終選擇左食康蘭，見到佢啲食評都唔錯，直情話長洲居民必選！當然即刻去買碗粉試吓啦，由於疫情關係我決定買外賣返屋企食！我叫咗個冬陰功湯底扎肉金邊粉！個湯底得個香字，唔酸、唔辣，水流流感，唔知想點！扎肉都係幾片！千祈唔好諗住有咩服務可言，佢態度真係差到一個點👎🏻👎🏻👎🏻唔知以為我自己前世欠咗佢！
继续阅读
我地唔係住長洲嘅咁啱係附近允升買芒果糯米糍，經過見到環境幾好就入左黎我本身係一個好大意食泰式野嘅人，特別係金邊粉平時食得炒金邊粉多，今次試湯金邊粉我唔食得辣，呢個唔會太辣，個湯底好香好濃好好食！強烈推介！
继续阅读
每次入長洲都會搵啲橫街窄巷捐窿捐罅搵特別嘢食！今次見到間泰式小店，舖面都光猛整齊，有少許泰系嘅相同畫，見侍應妹妹落單都寫泰字，泰味甚濃！叫左個豬頸肉飯($48)同炒金邊粉($48)豬頸肉飯跟個有芫茜味嘅菜湯，而家已經唔多舖頭有菜跟，不錯！豬頸肉好乾身，不過同我地食開嘅炭燒做法唔同，味道淡淡但都ok嘅，份量足！個汁就杰杰，同我地點開嘅汁又唔同！到食金邊粉喇，炒得夠乾身，又同我地平時食開酸酸辣辣顔色豐富嘅不一樣！感覺試左啲新嘢，雖然常食嘅食物，配唔同煮法，都有新體驗，而價錢夠街坊！
继续阅读
來長洲三日兩夜小休，沒有吃海鮮，只是專攻地道小吃：麻辣魚蛋、芒果糯米磁、沙嗲牛肉麵，為了留位吃多一點小吃，正餐都不敢吃太多。在島上逛了很多個圈，經過這間小店好幾次，發現星期五下午比較靜，沒有客，和朋友看過餐牌後我們決定星期六來吃個午餐。點了兩碗湯粉：冬陰功豬頸肉金邊粉、青咖哩雙丸金邊粉兩款湯底都好濃郁，好好味，重點是不太鹹！豬頸肉一般，雙丸則不錯，是泰式細細粒那種，夠彈牙。因為湯底好味，不吃料也沒關係，但希望小店日後可以改善，還可添加泰式魚旦、魚皮等選擇。珍多冰的綠色粉條好味，但一粒粒圓的粉團未熟透。星期六中午這裡的生意明顯好多了，有四五枱客，而且看得出是長洲居民，不是遊客！希望這店能做下去啦，下次會試試其他食物。
继续阅读