康蘭餅店

营业中

休息中

Walked last this pastry shop several times and people were waiting for freshly baked egg tarts. Was thinking it must be really good.$10 for 4 pieces of mini egg tart or Portuguese egg tart. The egg custard filling was smooth and shiny but pretty sweet. The tart pastry was buttery but not flaky and crumbly like the lard made ones. Not bad, fair prices.

🇭🇰康蘭餅店·白芝麻蓉平安包$10我其實咁多年都冇食過平安包 因為次次黎到長洲都會食到超飽🫢😂😂今次我哋本身係想去對面間漁樂食厚切墨魚架 但係佢都無開 所以就終於決定買個平安包😈佢比我想像中大個超多 而且佢唔係好似唐記嗰種熱辣辣既包 佢係似饅頭多啲嘅 好在佢都鬆軟既😎之後呢個白芝麻蓉餡係店員推介嘅 佢話呢一隻就係傳統嗰隻味 係老婆餅中間個個糖冬瓜餡 雖然佢個糖冬瓜偏甜 但係配埋個包其實ok既 而且佢好香芝麻味 不過佢真係超級飽肚 大家如果都想試 可以買返屋企第二日做早餐 咁就唔洗用曬啲quota🙊🤣🤣·📍長洲海傍道91號B地下·#rbyeat #rby好去處#rby港式 #rby甜品飲品#rby長洲 #rby離島

✨正常發揮 迷你一口撻✨.提到長洲傳統餅店，相信大家都會諗起康蘭餅店，小店逢2點半會有新鮮出爐蛋撻同椰撻賣～我哋係平日嘅2點半去到已經有5-6個街坊排隊購買💕▫️迷你蛋撻 $5▫️迷你椰撻 $5.新鮮出爐當然好食，不過同平時食到嘅分別不大，就係size細少少，椰撻比蛋撻好食；咁就一場去到長洲，經過唔洗點排隊又有quota食嘅可以試吓，不過未好食同特別到令我想回訪🙈.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b

₍ - ̫-₎.｡┈┈┈┈┈┈┈┈┈┈┈┈┈┈咁岩經過見到大排長龍原來係蛋撻同椰撻新鮮出爐，而且價錢超值係迷你一口撻😜岩曬眼闊肚窄既我～除咗呢啲仲有平安包同其他糕點🤓有機會一定要試下！┈┈┈┈┈┈┈┈┈┈┈┈┈┈𐂐 ⠜一口蛋撻 $10@4 (3/5)超級迷你，好可愛😹味道正常沒有特別，但勝在份量少不怕吃滯┈┈┈┈┈┈┈┈┈┈┈┈┈┈𐂐 ⠜一口椰撻 (4/5)不喜歡吃椰撻的我有被驚喜到呢！味道有點香不會很甜，也不會有很多椰絲撻皮是鬆脆的～很不錯啊🤤會想再吃┈┈┈┈┈┈┈┈┈┈┈┈┈┈

難得去長洲 經過呢間餅店就被佢新鮮滾熱辣出爐嘅蛋撻香味吸引住就試咗佢嘅一口蛋撻同葡撻蛋撻同葡撻啱啱出爐有蛋香味價錢比出面買的親民許多椰撻就唔太推薦 味道比較甜 容易膩口

佛誕前到長洲行下，點都要買平安包。好唔好食係其次，最重要係攞個意頭保一家平安。唔知平安包係起/發源於邊間舖、亦唔知成個長洲有幾多間舖/餅店有賣平安包。當日行嚟行去都只係見倒呢間餅店有平安包賣，臨離開長洲前走去買咗兩個個。平安包賣十蚊一個，size好似雞球大包咁上下，價錢唔係特別貴、亦唔可以話平。有四款餡：連蓉、豆沙同黑/白蔴蓉。包嘅部份比較乾同硬身，夠份量，但亦會咬到好攰。黑蔴蓉好香，而且唔太甜；豆沙餡就磨得太爛，我覺得甜咗啲。個人都條比較鍾意黑蔴蓉餡。餅店仲有其他包/餅食，不過當日人頭涌涌都係買平安包，好難睇得真仲有咩歌式餅食，唯有下次入去再幫襯過。

最後去到康蘭餅店、等新鮮蛋撻椰撻葡撻出爐，人人排隊，迷你版本$10四個，「聽落好抵、落肚好貴」 點解，椰撻雖然新鮮出爐熱辣辣，但係甜中帶苦，唔夠鬆軟，失敗。 蛋撻甜到不得了，失敗中失敗 ，最離譜係葡撻軟淋，酥皮介乎軟硬之間，好難咬開。糖精太多，唔使5分鐘就會馬上口渴，太多糖對身體係唔好㗎綜合來講我諗我有生之年都唔會再去長洲，嘢又唔好食，冇特色、除非新渡輪喺疫情之後有返餐蛋麵，咁或者可以吸引到我過嚟長洲係因為我想去船上面食碗麵如果唔係我都未必會再嚟

當日行完山,食到飽飽之際,男友話要買手信比我屋企人,去左呢間餅店,見到新鮮出爐的一口蛋撻同埋一口椰撻在市區真係好難見到呢d mini tart~果陣岩岩新鮮出爐,真係好香好吸引呀, $15/6個~~蛋撻全部都係曲奇皮,蛋香好濃,唔會好甜,好滿意細細個,食幾個都唔會覺得heavy (肥胖是這樣煉成的)椰撻真係好耐無食過, 比較甜,滿滿的椰絲,個撻皮都好脆,之前我黎過咁多次長洲都無幫襯過,男友做足功課去搵好野食,在呢幾條街,真係食左好多正野,係我之前都未食過,haha下次再黎,一定會再買黎食呀~另外我再買左好耐無食的嚒囉酥市區真係好少餅店有得賣呀~希望嚤囉酥不會被消失於時代巨輪差唔多一個掌心咁大,脆皮,幾有口感,鬆軟香甜的童年味道用酥香的皮包著冬瓜蓉,味道同老婆餅好接近,冬瓜蓉加上少許芝麻,內裡煙煙韌韌,甜甜地~

係長洲掃街，沿途經過呢間餅店，聞到香噴噴嘅蛋撻味，見到好多人排隊，出於我嘅好奇心，我都排埋一份。呢間餅店係咪真係咁好食呢？走到入長洲唔買其他嘢食，都要買蛋撻仔😲迷你蛋撻仔/椰撻仔（🌟61.23/100）💲10/4個迷你蛋撻仔🥧一個撻仔好似手掌心咁細個，一啖就食得曬。佢係曲奇皮嚟嘅，一咬落去好鬆化，蛋漿亦都好滑，撻和蛋漿嘅比例啱啱好，但係唯一嘅缺點係撻皮好甜🙁好似每一啖都咬緊砂糖咁，如果佢個撻皮唔係整咁甜，整體會好好多迷你椰撻仔都係手掌心咁嘅size，撻皮同樣有相同嘅問題，但係因為內餡都有糖嘅關係，食落去更甜🙃但係唯一要讚嘅係，內餡脹卜卜，椰絲十分足料，唔怕肥嘅都可以試一試🙊葡撻（🌟71.33/100）💲8係一個正常size嘅葡撻，見佢都係新鮮出爐就買一個嚟試吓。因為行去海邊食，都有一段時間，所以將牛油紙都吸滿晒油，但係佢都仲䁔䁔哋，一咬落去皮好脆，而且做得好薄，蛋漿仲動L♨️都好重蛋味，表層焦糖嘅琥珀色好靚🥰整體來講，我覺得葡撻好食過迷你撻仔，做得唔會好甜，蛋味亦都唔會比撻皮嘅甜味蓋過咗，做到甜而不膩嘅效果👍🏻👍🏻

路經康蘭餅店時，見到排隊的人龍，才知道剛剛2:45pm有葡撻﹑迷你蛋撻及迷你椰撻出爐！！我和朋友當然也排隊買來試試～～人龍雖長，但輪候的速度很快，不用等太久，熱辣辣的撻就到手！！迷你蛋撻 ($10/4隻)，用的是曲奇皮，可以一口一隻！曲奇皮夠鬆脆，帶淡淡牛油香，蛋味香濃又夠滑身，確實幾好食！！迷你size，即使吃了兩隻也覺得不太過份葡撻 ($8) 是正常size，蛋漿都幾澎湃！葡撻用的是酥皮，但酥皮好稔身，不易咬開，完全不夠酥化，整件撻入口都是軟綿綿的，令人食得好遴迍！！而且沒有葡撻那份獨有的焦糖香，唯一可讚的是，蛋漿與蛋撻一樣有香濃蛋味，而這層蛋漿是綿綿口感。只能說葡撻的質感與口感都不是我所喜歡的。

依間康蘭餅店上網都成日見有人介紹佢，去親長洲都好想試吓，但前兩次可能太晏過去，去親都賣晒，今次終於就啱去佢出爐時間！💚💚買咗好多人推薦嘅椰撻！、葡撻同蛋撻！😋😋椰撻✨外脆內軟，個皮仲好鬆化，好重椰香味，冇其他餅店賣嘅咁甜，食落啱啱好！蛋撻✨佢係迷你版細細個😆好得意可以一啖食晒！皮夠薄，好重蛋香同牛油味！葡撻✨奶味重，蛋味濃郁，酥皮超酥脆，加埋面層嘅少少焦糖，又唔會太甜，好正！記住一定要趁佢啱啱出爐熱辣辣即刻食！！下次再去長洲一定會再幫襯😆😋！抵食又好食！

今日同朋友入咗長洲玩，臨走之前諗住買少少嘢食，就見到呢個$10，4粒嘅迷你蛋撻椰撻，雖然佢唔係新鮮出爐嘅，但係都熱熱地，蛋搭個曲奇皮皮好好食，椰撻特別推薦，裏面都有好多椰絲。

今日下午6.45分左右去買平安包，招呼客人的一個著藍色T恤大概4/50歲的大叔好晦氣，問佢有乜餡料及幾錢，他怒目看著我們說都係一樣。此人可算極不講理及臭檔。我朋友買左幾個，我就放低冇買！

☟非專業最真實食評☟𝙂𝙧𝙖𝙙𝙚 𝘼: 迷你椰撻（$10@4）佢顛覆左我地對椰撻嘅印象！佢一咬落去係脆架！外脆內軟，比平時出面買嘅口感真係有唔同❣️真心推介大家試😍𝙂𝙧𝙖𝙙𝙚 𝘽+: 迷你蛋撻（$10@4）其實我一開始就係沖住佢去排隊嘅😂蛋撻岩岩出爐熱辣辣，牛油皮都係脆卜卜，幾好食架👍🏻但相比之下椰撻真係太驚喜，所以整體無佢甘高評價👀𝙂𝙧𝙖𝙙𝙚 𝘽: 葡撻（$8）尼個葡撻係正常size ，食落去就係正常葡撻一個😂試唔試大家決定❀總評❀ 𝙤𝙫𝙚𝙧𝙖𝙡𝙡 𝙜𝙧𝙖𝙙𝙞𝙣𝙜: 𝘽+迷你椰撻同蛋撻性價比好高🌟🌟🌟10蚊4個尼講真心非試不可❤️葡撻就唔建議特登去試👀

過嚟長洲呢幾日，正好係元宵佳節㊗️ 半空都掛滿紅色燈籠，而沿路啲 #餅店 亦乘機做生意，做咗幾款慶祝元宵嘅食物🤤 有 #花燈 嘅造型，上面寫滿祝福嘅句子，雖然樣貌唔多討好，不過過節呀嘛，點都要買啲返去擺吓款😉 路經「康蘭餅店」，見到一盤 #葡撻 剛剛出爐，我哋現場即買即食，熱辣辣加上香甜嘅蛋香味道，確係唔錯🤤 之後我又貪得意買咗一對 #魚仔，原來係元宵版嘅香蕉糕，不過我就話睇嚟似條 #紅衫魚多啲囉🤣 #紅衫魚香蕉糕 擺咗一晚，臨離開間渡假屋嘅時候我哋終於當早餐擺佢哋落肚，香蕉味都濃，口感都仲幾軟熟，不過似乎都係傳統做法比較啱我眼緣囉😉