康蘭餅店

营业中

休息中

入到長洲當然有好多美食等着我哋去食啦，其中一樣必食嘅一定係康蘭餅店入邊嘅蛋撻仔同椰撻仔！好在我嘅長洲朋友話俾我知康蘭餅店係3:00同4:00都會有新鮮出爐嘅蛋撻仔同椰撻仔，我哋捕住時間去到！新鮮出爐嘅蛋撻仔，蛋嘅部份好滑，曲奇皮又夠脆，熱騰騰食最正！另外，椰撻仔好足料，食落有粒粒椰絲，口感一流，而且唔會太甜，食落啱啱好！呢d蛋撻仔椰撻仔細細個，下午茶食返兩個就啱啱好！而且價錢相宜，$10有4個，我仲買左幾個番屋企慢慢食！

記得某次放假與小妹表弟3人行去了長州1日遊，途經見到有迷你椰撻/蛋撻⋯其香氣撲鼻令到我們停下腳步👣而且價錢都相當吸引！$10/4個⋯$15/6個⋯還有平安包同其他各式各樣的麵包🥯任君選擇⋯老闆說可以蛋撻+椰撻咁買的也是$15有6個⋯於是我們便買了3盒，其中有1盒就現場試吃了😋～其餘便當手信！👏🏻可以與朋友/家人分享相當不錯👍經濟又實惠～細細個非常適合我們這種為食既遊客，可以邊玩邊食長州其他食物！味道方面就覺得蛋撻皮薄、蛋味好香濃！而椰撻就很香椰絲味、不太甜！值得一讚⋯

落足一個星期毛毛雨，星期六開始天氣放晴，到了星期天佛誕正日，繼續天晴兼有微風，正是觀賞太平清醮會景巡遊的最佳天氣。由北帝廟遊樂場開始沿著巡遊路線兩旁，中午十二時半之後已經坐滿了人，等待下午二時起步的會景 + 飄色巡遊。唔想企足三個小時？可以向地舗老闆買位，遲了作決定會滿座。買到的觀賞席屬於一間售賣紀念品的臨時小店，橫額寫上「Kumamon 2019 平安包太平清醮」。心想：「真定假？老翻？但又似乎太張揚？」一問之下：「當然係真貨！同日本嗰邊傾咗好耐攞個 licence！香港賣假嘢唔得㗎！啲平安包係同康蘭合作，由康蘭生產。」原來小店所在地（北社街）是「康蘭餅店」的貨倉，隔壁舖位及斜對面鋪位則是餅房及工場，正式門市在長洲海傍道。巡遊過後，人群並沒有散去；只是由坐著變成人潮如鯽，其中一個最多遊人駐足的地方正是「康蘭餅店」餅房。實在太多遊人圍着餅房門前的臨時攤檔，究竟賣什麼東西也看不清楚 ⋯⋯ 雖然心知肚明是平安包（$9/個）。斜對面鋪位是工場重地，門口站了三個「康蘭餅店」員工，完全封堵了內裏環境；不過，仍然可以看見「Kumamon 陪您吃平安包」的七彩宣傳海報。講真，好想知道到底餅店如何說服

Since I was in Cheung Chau, I had to get a lucky bun! I couldn’t decide on what bun to get and so I asked what’s the original flavor and the person said white sesame, but I was confused at first cuz my canto sucks and she kinda looked at me like I was dumb since I was asking all these questions and then I explained I’m a foreigner and then she praised my Cantonese 😂 The white sesame was surprisingly sweet (I thought it would be savory) it tasted like osmanthus jelly with bits of white sesame in

去到長州一定經過康蘭。見到平安包好飽滿好靚！九蚊一個有紅豆、蓮蓉、黑芝麻同好似係香芋？第二日蒸翻黎食，食得出用料比唐記包點好，有嚼勁Ｄ，唔係軟淋淋既饅頭。幾好味道^_^

講起長洲第一時間一定會諗起大魚蛋，之後就會到平安包、芒果糯米糍、海鮮。呢間位於大街既麵包舖，有賣唔同餡料既平安包，但由於size太大，食一個會好頂肚，所以無興趣試。反而比佢新鮮出焗既蛋撻仔同椰撻仔吸引左😆，熱辣辣、香噴噴、賣相可愛，加上細細隻，掃街食一隻都唔會太飽肚，所以同屋企人一人一隻。$10四隻蛋撻/椰撻雖然味道普通到不能再普通，但係一個只有12-14度既冬天下食，新鮮出焗既椰撻顯得特別好味😋 表層既椰餡帶點微焦脆，入面佈滿口感豐富既椰絲，非常滿足。個人覺得除左有濃郁椰香外，仲有少少既花生味，所以比平時既再好味D

來到康蘭餅店，見他們的蛋撻剛出爐，自己又很久沒吃這麼迷你的蛋撻椰撻，而且10元就有4個，所以與朋友各買一個。蛋撻賣得很快！相比蛋撻，椰撻相對失色，而且味道偏甜，個人不太喜歡。

第一次經過果陣，撞正蛋撻新鮮出爐，好吸引丫😍綿羊即刻買左，仲加左個椰撻✌第二次經過，又再買左6個😊----------蛋撻 $10/4個 $15/6個第一次食係熱到辣嘴果隻，郁下個撻中間仲係有啲波動，真係好滑😚相入面係第二次買既，雖然凍左，但係仍然係滑身既😄熱食個皮係鬆化啲，凍左就脆身番啲😀椰撻 $10/4個 $15/6個第一次買果陣雖然唔係熱到辣嘴，不過都仲係暖既😃幾香，冇出面啲禁甜，皮偏鬆化🙂但係第二次買就凍左啦，皮同餡既香味都唔出😥所以還是襯熱食比較好😂

 入得長洲，基本上都係為食而去架啦！長洲既野食雖然唔係好特別，但唔知點解每隔一排都想入去走走吃吃吹吹海風！今次呢間餅店真係行過左都未必留意到，佢既門面十分普通而且低諮。但如果撞岩佢出爐時間，真係淨係陣陣既麵包香、餅香吸引左埋去呀！！蛋撻仔 $10/4個一見到佢就毫不猶疑叫左一份細細個可以一啖咬晒，味道係中規中矩，不過熱辣辣，新鮮出爐加分，可以過下口癮！另外都試左椰撻，價錢一樣！相當就比較普通下次經過，咁岩撞正佢新鮮出爐，真係不妨買返幾個黎試下。你食到既會係童年既味道！！

康蘭已經幫襯左好多年..無論中西麵包..蛋糕仔..生日蛋糕..平安包都試過樣樣都好鍾意食..蛋撻仔甚至乎係每次幫襯都會塔單買..細細個..一口搞掂..重點係新鮮出爐!!!今日出完街有d肚餓所以買左一打同屋企人食..估唔到最近仲出左葡撻!!!!!!!!!!!!!!大大個熱辣辣..可能外賣關係所以唔夠脆..不過比起某連鎖快餐店出既葡撻大隻d..價錢亦都合理..$8.5一個..買左各一打好快就食哂喇可能大家都好肚餓啦..

我好鐘意食蛋撻 之前都有食過呢間的蛋撻仔 覺得好味 所以去親長洲都會幫襯，但今日之後我唔會再去😡事原我排緊隊等買 明明已經到我 毛啦啦有個阿叔打尖 我話 「係咪應該到我呢」個阿姐極串語氣話「係啦你咁趕時間 你先啦！」我話「係呀！咁樣企係度等 唔知幾時先到我呀」 另一個阿姐拎出我要的蛋撻話「唔知幾時有呀拿！」 嘩！ 咁既態度對客 幾好味都唔好食啦！ 真係好嬲！ 賣得咁悔氣咪唔好賣lor 😡😤 幫襯你的客人唔係黎受你脾氣的！😤

小妹一向好鍾意食牛油皮嘅蛋撻，本來好想食呢間嘅蛋撻，但黎到先知道呢到就得mini蛋撻同椰撻，Size係平時正常嘅一半，似係大魚蛋細細粒咁。。但唔太吸引到我，反而就比個葡撻吸引到！！------------------------------所以我就揀咗正常Size嘅葡撻，買嘅時候雖然唔係新鮮出爐，但都有餘溫，仲係暖暖地。。外面表層有啲焦糖，絕對唔似KFC嗰種假甜！！------------------------------個蛋係淡黃色，好重奶味，仲要好滑，真係幾正！！算係幾出色！！下次一定要試堆個mini 蛋撻、椰撻

之前係西貢食過好出名好好味既葡撻之後，就一直都唔會再食KFC個d😂😂😂就算之前食過澳門出名葡撻都覺得不外如是😟😟甘岩去長洲一日遊，醒起之前食過長洲呢間既葡撻就去買翻個黎食😂但呢度既葡撻蛋撻唔係長時間有，係每日2點30分定唔知2點45分先開始有，好可惜今次撞唔正新鮮出爐，但都有微暖既感覺🤔⭕️葡撻 $8皮算酥脆，唔會過份油膩，有西貢一半感覺😂但個蛋漿係好味過西貢，蛋味濃郁加上燒焦既面，非常滿意！雖然冇食到呢度既細細粒蛋撻，但印象中係好香蛋味皮亦重牛油味，下次再食☺️💁🏻

每年都有食開康蘭既平安包，但估唔到除左平安包外，蛋撻椰撻仔都值得一試。價錢$10/4個，唔算話好平，但味道就真係唔錯，買既時候就唔岩出爐，所以唔係熱辣辣，但個皮仍然好脆，蛋撻好有蛋香味，就算凍食都依然美味

Every year, thousands flock the small island of Cheung Chau. Why? Because the little island celebrates the famous   Cheung Chau  Bun Festival. Started  as a way to protect themselves from pirates, this origin is now long forgotten. In it's place is a parade of children floating on top of sticks, Chinese lion dances and the famous bun snatching event on top of a huge tower of buns.The buns are a symbol of peace. Numerous bakeries produce these and thousands are sold on that day. As the official s