廟街小食

营业中

休息中

人均消費：$50推薦指數：⭐️⭐️⭐️⭐️趁住聖誕，同朋友專登去食宵夜。知道呢間既撈麵好出名，好多人介紹，咁我哋就專登去試下！😍😍我哋分別叫左腸仔燒賣魚蛋撈麵🐠，肥牛撈麵🐮同雞髀撈麵🐓。三個撈麵麵底一樣，舖頭用咗自己較既沙爹汁，好重花生醬香味。賣相雖然一般，但比出面既好食。腸仔燒賣魚蛋正常，肥牛冇太鞋，雞髀有少少乾。同撈麵夾埋幾滿足😋！我哋仲叫左雞軟骨同雞肉串，串燒燒得香口，唔會太乾。淋左佢地既沙爹汁，成件事升級咗好多☺️但係等既時間有啲耐，唔建議多人嘅時候去。我哋都等左成個鐘先有🥲#foodiehk #foodie #廟街小食 #油麻地 #油麻地美食 #油麻地友 #香港 #香港美食 #boyyyfoodie

行過油麻地，我又點可以錯過呢間人氣熱爆嘅串燒攤檔！今次試咗幾款佢哋家嘅經典小食，講真，味道絕對唔輸某啲高檔餐廳🌟！燒雞肶外皮燒得脆卜卜，入口即溶嘅鮮嫩肉汁令人一啖再一啖。雞全翼香滑得嚟又保持咗脆口嘅質感，啖啖肉實在太過癮！中翼部分稍嫌少肉啲，但呢個價錢，我覺得真係揩嘅幾抵。燒羊肉味道剛好，肉質鬆軟得黎又唔會太腥，港人使味口啱晒。重點來到，隔離檔嗰隻秋刀魚欖到我啲口水咽唔停！燒得皮脆肉嫩，唔似好多地方雪藏過嘅魚咁又乾又硬。蘸嗰陣嘅醬汁，微嗲鹹香，正到爆炸🤤！加埋上次食個燒豆腐，唔講唔知，加咗秘製醬汁嘅豆腐原來可以咁夾！唔使擔心食多咗𠹌熱，因為對面即搾果汁專家等緊你。一杯清新自家搾嘅果汁，真係為整個美食體驗畫上完美嘅句號。食完今晚，唉，甘心啦！飲食其實就係咁簡單，肚滿心滿個滿陀陀😋！要揾香港味，不如黎條街試試！

尋日倒數我就同我大佬留在家中倒數，晏晝又遲食夜晚就自己食少啲，所以叫左啲小食拎返屋企倒數，第1時間就諗到串燒重要係呢檔❤️❤️首先1.) 廟街小食 6串野食$85間野座落於廟街紅茶館對面，呢檔野我由佢舊鋪食到家下，佢個沙嗲汁我敢講係好正，個汁撈麵一流(個麵係維力炸醬麵黎(自己屋企有既😂)不過無用佢啲味用左沙嗲汁撈好食到癲，串燒黎講我大佬話雞肉唔駛叫，要叫既我首推豆腐次推水魷，配埋個汁正到癲！！！呢刻都無理乜野健唔健康😂😂😂因為真係好食！！

打電話落單15-20分鐘拎得------------------------------串燒有D乾 , 比少左串雞------------------------------串燒沙爹計都幾正------------------------------雞/牛 捞面正常                      ------------------------------ 冇野飲 ,老闆娘親自燒------------------------------開左張桌子

無敵的醬汁！是次點了燒烤牛、雞、豬和豬頸肉，不同種類的肉類經過燒烤處理，呈現出香氣四溢、口感豐富的美食。燒烤的牛肉肉質鮮嫩多汁，散發著誘人的肉香。每一口牛肉都帶著微妙的燒烤香氣，咀嚼時肉汁充滿口腔，讓人愉悅不已。牛肉的口感柔軟，帶有一定的嚼勁，讓人滿足感十足。燒烤的過程使牛肉表面形成一層微焦的外皮，增添了獨特的口感和風味。經過燒烤處理的雞肉保持了其滑嫩的特點，同時散發出濃郁的雞肉香氣。雞肉燒烤後的表面呈現金黃色，微微焦香的口感令人愛不釋手。每一口雞肉都帶來滿滿的肉汁和鮮美滋味，讓人忍不住一口接一口。燒烤的過程使雞肉的口感更加豐富，同時保持了肉質的嫩滑。燒烤豬肉的口感豐富多樣，帶有豬肉獨特的香氣。豬肉經過燒烤後，肉質更加鮮嫩，每一口都帶來豐富的肉汁和濃郁的味道。燒烤的過程使豬肉的表面微焦，增添了一種脆口的口感，同時豬肉的肥美也得到了很好的保留。豬肉的口感豐富，讓人愉悅地享受每一口。豬頸肉是燒烤中的美味佳餚，其肉質豐腴多汁，帶有豬肉獨特的香氣。燒烤後，豬頸肉外表金黃酥脆，內部保持著鮮嫩多汁的口感。每一口豬頸肉都帶來豐富的肉汁和濃郁的滋味，讓人回味無窮。豬頸肉的肥美融合了燒烤帶來的香氣！價錢

終於都可以去夜街喇，平時湊住2個真係好難出去行下。今日老公帶左我去廟街買宵夜有我想食既串燒買番幾串番去嘆下超多人預左要等啲時間一串串雞翼、腩肉、雞軟骨、魷魚、翠肉瓜、冬菇、茄子。。。。要食啲咩就去攞隻銀碟自己放好，串燒叔叔同嬸嬸就會分番先後次序排隊一份份甘燒。到你既期間會問你要咩辣，我地就揀左唔辣，但外帶既醬汁要多少辣。非常惹味呀...我地要左11串都係百三蚊左右，每算話好貴大約13蚊一串到靈魂醬

呢間充滿人情味同懷舊氣氛既小店，本人已經encore左無數次，座位係坐街邊，同一班朋友食好有氣氛，姐姐嘅服務態度亦都好好，暫時係全港最好食+抵食既鋪頭之一👍🏻👍🏻👍🏻 串燒價錢$13-15，沙嗲汁可以揀大中小/唔辣，個汁超香濃惹味，好明顯係真材實料，一試難忘。燒肉既時間都岩岩好，肉質唔會變鞋，仲保持口感😆要推薦：司華力腸/豬/雞腎/魷魚鹽酥雞/薯條：炸得唔夠脆口，唔使試，反而專注食佢哋啲串燒會最好👍🏻

香港飲食文化其中一個成功之處就係隨時隨地都搵到美食豐儉由人貴有貴食平有平食而最難能可貴嘅係 地地道道本土嘅食物其實絕對唔會貴而且性價比絕對高而這樣的美食除了香港都唔知邊度可以找得到今次就係要向大家介紹一間位於油麻地廟街附近嘅小食串燒店咖喱魚蛋 豬大腸 串燒牛肉 雞肉 豬肉 雞髀紅腸 腸仔 珍寶腸 粟米 撈麵 雞軟骨 雞翼尖 一口氣數都數唔晒 所有食物都係十幾蚊有交易 適度好似放題咁都唔使$100 而且即叫即燒着咗可以選擇企喺度食或者坐喺度食完全係一種本土遊客風味有幾款唔同嘅醬汁任君選擇食得辣嘅可以食少少辣都有一講到依啲絕對興奮我認為這是香港人嘅幸福之處亦都係其他地方不能夠取替美味嘅店舖無論如何都要大大力支持本土美食就係本土文化

廟街小食油麻地人必食推介，亦都係身為油麻地必定會知道嘅一間串燒店。作為熟客仔嘅我，認真覺得呢間串燒店係油麻地其中一間靈魂所在地。不論係你放工宵夜，同朋友飲啤酒談天嘅絕對好選擇。每串串燒都熱辣辣，同時亦帶住非常香嘅炭燒味道，真係絕對係必食推介串燒店。食過嘅街坊街里必定會好清楚佢嘅大中小辣汁。另一個推介食法，如果唔係同朋友傾偈飲啤酒。可以叫一個撈麵，再配幾串串燒，絕對絕對係一個好食法。另外想食辣嘅朋友記住第一次是最好試一試佢個嘅中辣先，因為佢嘅辣度都唔係講笑。

同朋友食完煲仔飯再行陣街覺得唔夠飽🤭就經過呢間串燒店，之前都有聽過朋友介紹呢間話呢間啲串燒😋😋話幾好食🫶🏻同埋佢係坐喺街邊食既…好有香港既街邊風味感覺。😌😌😌😌😌😌😌😌😌😌😌😌😌😌😌⭐️依3碗就是佢地既醬汁⭐️分別係大辣/中辣/小辣♥️，而且即叫即燒👍🏻⭐️佢哋係咁樣放晒啲串燒出嚟俾你再揀⭐️💕心水推介串燒💕⭐️燒雞軟骨⭐️去親串燒店叫呢個都係唔會輸好好食💕⭐️燒翠肉瓜⭐️燒完翠玉瓜都好夠甜👍🏻

近期晚市堂食暫停，下午六點鐘後就要買外賣帶到私人或安全地方享用。一向只做外賣的店舖，並未有太大影響吧，生意率還是高漲的。在油麻地的串燒店《 廟街小食 》，已經營接近十年了，舖位細細，食材種類多的是，主打外賣生意。在繁忙時候，燒烤的香味飄散到街頭巷尾，十分吸引。食材當中的羊肉和豬頸肉是我最喜歡的，只是牠們夠肥，脂肪在烤爐上加熱後，入口不覺肥膩，還帶來點點焦香。燒烤食材到尾聲時，店員把它們放置在炭火上烤一烤，這便是《 廟街小食 》的細心位置。帶着炭火香的串燒最令客人回味呀！溫馨提示 : 三種辣椒沙爹汁的辣度分別頗大，要多食幾次才可選擇合乎口味道的配搭呢？

夜麻麻行過廟街見到好多人幫襯，大家拎個盤，自助式選好食物後交給店員，小店只有兩個員工，見他們不停手地補貨，放食物落炸鍋以及炭爐，真的很忙！串燒$10-11，雞脾都只係$16，好抵食。見到唔少人叫撈麵，但我唔太餓無叫到（有點後悔了～）.因為之前有人柯打左幾十串，我同朋友等左成30分鐘都未開始燒，等到有啲想放棄，但附近無乜其他選擇，所以都照等啦朋友發辦叫左司華力腸，雞軟骨，雞腎同豆腐干（圖二燒緊果幾串），好好食喎！力推小店秘製沙爹醬，堅正！溫馨提示: 辣度要慎選啊～.如果早啲黎食，當晚餐應該可以放肆啲食！除了外賣，大多數食客在路邊開張摺枱，坐膠櫈圍住食，現場衛生情況一般，不過真係好地道，但我會比較想等秋涼先坐響街邊慢慢嘆。

依檔串燒勁好食同抵食，同埋佢話沙嗲汁係無得輸，不過間野係冇堂食，我次次都係外賣或者企喺門口食,今次4個人叫左勁多串燒同撈麵，每人大約都係$100左右，不過間野好細得兩個員工😂😂！最緊要係一定要叫佢沙嗲汁另上，有分大小辣同唔辣，真係好正😋😋😋

夜媽媽想食小食最岩就係食港式街頭小食，廟街夜一夜都仲係好熱鬧，特別係呢間廟街小食。就算夜晚11點幾，都仲有條人龍喺度等，不過係完全值得嘅！事關佢個秘製醬汁真係超難忘，一試愛上。食落好香花生醬味，真係好正！不過建議唔食得辣嘅唔好揀太辣。特別推介燒賣！佢係燒燒賣唔係蒸，所以咬落去個皮脆脆地勁正😋不過呢印尼撈我嫌佢整得太耐有d發左。雖然佢店舖有d “up dup”，不過連我對衛生有要求都覺得無問題，因為你會見到d食具係好乾淨。

老板秘制醬汁可以話係我全香港食過數一數二最好味既汁，一共可以選有三種分別係:不辣，完完全全食到佢有幾勁，有蒜香 有好多5同香料味道夾雜住，十分有層次。對於5食辣既朋友絕對推薦。小辣，辣度不算太勁，個人黎講可以接受，辣得黎5會蓋過本身醬汁，喜歡辣既朋友絕對要試。大辣，😇對我黎講已經超出接受範圍，辣到食5到啲串燒，建議食得到譚仔4小辣以上先好試。野食方面就叫左司華力腸，CP最高 😘學生哥麻。推薦指數 9/10分