廟街玉子燒 (已搬遷) 新店位置

之前遊客多，廟街對我黎講無咩特別，知道有💛小食，依家又少左人行，可以去啦。我錯，光顧呢日你以為無人排，其實係因為有2x張外賣單整緊，店得兩個人，接唔切。周圍逛下返黎都係未整到，如果真係想幫襯又趕時間，一定要問得唔得先。種類唔算好多，鐵板爆同玉子類就係呢啲，主廚又好似係得一個。鐵板一口黑毛豬粒，40元，見到係鐵板上燒嘅一刻好治癒，豬幾juicy，幾有風味。特別一定要推介係呢個，流心芝士玉子燒，30元。超級豐富，芝士俾到足，每啖蛋味芝士味仲有三文魚籽都勁好食，唔乾，係勁juicy，每啖係追。

非打手 真係好好食！ 個日去廟街玩塔羅牌 路過呢間黃到金既小食店！ 就緊係要叫個三權分立餐支持下！ $100 任選三款！ 超高性貨比超級高！ 因為我地唔餓所以叫左2個小食加1個必食流心芝士玉子燒！ 🤤🤤🤤香到 我忍唔住係條街開左黎食左條🤦🏻‍♀️🤦🏻‍♀️條條魷魚鬚都咁大條！ 返到屋企終於食得！ 佢雞軟骨魷魚鬚放左埋一盒 Total 應該有成7-8條超粗巨型魷魚鬚！ 超級多！ 而且每一條都好夠味 好香 同好彈牙！ 再加上特製醬汁燒 真係不得了配啤酒真係一流！ 差唔多成個鐘拎到返屋企仲係熱咖！ 雞軟骨都係超級多！ 滿滿既一盒！ 燒得超香！ 重要唔會覺得熱氣！ 又係攞黎配啤酒一流🥴重點！ 重點黎啦！ 係 海膽醬芝士玉子燒！ 癲！ 真係癲呀！ 超足料 好厚😍😍 好rich相隔一個鐘 返到屋企都重係流心！ 癲！ 點做到！ Ps.佢個飯盒都好高質好靚超足料 爆多芝士同超流心！！ 好香濃既蛋味！ 因為平時我都有自己整野食 玉子燒真係唔容易整！ 重要面頭d海膽醬超香 真係超級推介！鋪頭重有好多文宣 真黃到金 大家真係要去支持！ 唔係盲撐係真好味！

We walk past a Tamagoyaki restaurant, it looks super attractive!!! Therefore, we order Lava Cheese Tamagoyaki, Sizzling Squid Tentacles, and Sizzling Chicken Cartilage. The food is made per order, we can see what the chef makes in front of us. The food smell is good and we are looking forward to our food. Of course, the food is yum and full of night market favor.

印象中香港好像沒有很多玉子燒專門店，一知道油麻地開了這間玉子燒專門店時，已經很想去試一下，無奈總是沒有路過。今天終於有機會一試。店招牌是很亮眼的黃色，一陣廟街就很清晰易見。店子的餐牌也很簡單，就是選玉子燒口味，再看看有沒有材料想加，還有就是一些小食，例如魷魚鬚、雞軟骨、一口牛粒等等。試了：明太子流心芝士玉子燒明太子嘅份量真係好多，中間仲食到蟹柳，玉子燒嘅份量都好大，好滿足， 好難得喺香港呢個價錢食到玉子燒鐵板魷魚鬚 / 雞軟骨另外試咗佢哋嘅鐵板雙併，分別係雞軟骨同埋魷魚酥，加咗少少辣粉，好惹味，好適合送酒整體來說，很吸引因為沒有多少間玉子燒專門店，cp值唔錯，價錢相宜在沒有旅行的情況下，來這裏思鄉也不錯

今次嚟到廟街一間良心小店食小食😝雖然係小食店，都做得好用心出面放咗凳，方便食客坐低等即叫即整嘅熱辣辣小食👅唔少名人/節目都有推介過呢間小食店😆鋪面、裝修已至餐牌都好「黃」，而裡面真係放咗文宣💪🏻餐廳照顧到我呢啲選擇困難嘅食客😆$100任選三款可以試多啲😚首先當然要試呢度招牌流心芝士玉子燒！今次試期間限定嘅海膽醬～海膽醬咸咸地，再配上極邪惡芝士拉絲。玉子燒夠厚，放入口熱辣辣，略帶流心，好滿足呀😍如果一個人食嘅話都幾飽吓🤣另外就嗌咗男朋友摯愛嘅魷魚鬚同埋雞軟骨～🦑鬚非常巨型，較重黑椒味；雞軟骨調味就比較特別，有少少蜜糖芥末味，估唔到食落去又夾喎😆各位愛食之人經過不妨一試，支持黃店💛

小店只做外賣，店門前也有幾張摺凳，兩位店員密密地烹煮食物，店不時有食客經過，被食物的香味吸引著而停下來。以玉子燒作主打的小店，專門經營玉子燒，還有其他小食，即點即製作，有些以鐵板燒，如大阪燒、章魚燒、一口牛等。蟹醬芝士玉子燒淋上沙律醬、鰹魚絲、鋪上蟹籽粒粒。玉子燒非常足料，有蛋香。咬一口半熟蛋汁徐徐流出，入面有豐富的餡料，如芝士、蟹柳，還有蟹醬，很澎湃。芝士呈半溶狀，做到拉絲效果。鐵板一口黑毛豬粒期間限定的小食，豬肉加點醬料，肥瘦平均，有肥肉，肉質軟腍，肉汁多。鐵板魷魚鬚新鮮即炒的魷魚鬚肥美大條，鐵板上炒十分香口開胃，尤其是那個調味醬令整體味道更昇華，灑上香草、黑椒、胡椒、七味粉等。味道帶點微辣，魷魚爽口彈牙。

走在佐敦街頭，突然想起朋友提起過的廟街玉子燒，身處的地方距離店鋪不太遠，幾步路便到。店面不大，主要做外賣，只有一個小小的檯面可供立食。聽聞三權分立最爲出名，$100包括3款食物。本想試這個，眼尾看到白色牌子上寫著的期間限定，海膽醬芝士玉子燒$45份，海膽醬實在吸引，最後都係點左一份海膽醬芝士玉子燒$45，和一份大盒鐵板小食$70。鐵板小食嗌左一口牛、魷魚鬚、和雞軟骨。魷魚鬚脆嫩爽口，一口牛口感夠嫩滑富牛香，雞軟骨爽口，整體調味帶甜還有少少辣，味道方面實在不錯。眼前暖呼呼金黃色的海膽醬芝士玉子燒，面頭撒了大量蝦籽和木魚絲。切開中間，有蟹柳，適量芝士和海膽醬。芝士和海膽醬味突出，味道夠濃鬱而且十足鹹香，非常不錯。

疫情下嘅廟街冷清咗唔少，但入到嚟就見到依間黃甘甘好搶眼嘅廟街玉子燒💛 小店最受歡迎嘅當然係玉子燒，但睇住檔口即叫即整嘅鐵板小食一樣吸引，嗌個三權分立餐揀番三款食物就啱晒～老闆推介蟹醬拉絲芝士玉子燒－面頭有大量蟹籽、木魚絲同沙律醬，餡裏面仲有原條蟹柳、韓國蟹醬同拉絲芝士，成件玉子燒賣相一流味道豐富，夠晒鹹鮮味。鐵板魷魚鬚同雞軟骨更惹味－魷魚鬚鮮甜彈牙，雞軟骨香脆，醬汁本身帶甜味，喺鐵板上炒完後再加上七味粉同辣椒粉，非常香口，老闆仲請我地食咗幾粒一口黑毛豬添！之前睇過小店嘅訪問，知道佢地係由美食展覽做起，去到今年喺廟街開地舖，一直都有留意香港發生嘅事，想為香港做得更多，依個時候同路人更需要互相支持呢💛

之前放學考完試，心情大好，要放縱一下自己，去開廟街，見到好吸引既流心芝士玉子燒😍流心芝士玉子燒單係賣相就夠，一端上黎，香噴噴，一切開，入口有好豐富口感，咸蛋黃魚皮，明太子，三式芝士，日式叉燒，整個玉子燒味道好討好，同時食到好多配料，芝士香濃，咸蛋黃魚皮好得意，香帶點脆，第一次食，十分好吃，比起好多日式食肆嘅玉子燒更出色！面上灑上滿滿蟹子同鏗魚絲，令整個玉子燒更好味👍🏻另外外賣左個鐵板小食，魷魚鬚同雞軟骨，我選左辣，個人比較喜歡吃辣，好香呢！辣度適中，魷魚鬚🦑🐙煙韌又夠味;而雞軟骨香脆可口，彈牙，加入七味粉同蜜糖，辣得過癮又香氣四溢，特別配啤酒正🍻

牛肉同埋蟹子玉子燒好食 但不過買咗三次都叫走醬 兩次都冇走 搞到兩次都要揼咗佢 希望可以注意一下 食咗會死㗎 不過會再幫襯 我覺得都會照繼續 因為真係好食 但係我買外賣仲有一家大細要食 所以希望可以記得order

又黃又掋食既玉子燒 可以係邊揾？💛黎廟街就啱啦🤣 包你食到又飽又滋味😍就算一個人都唔怕😌因為呢度好多都係一個人企係度 享受美食🤪我就係活生生嘅例子😎流心芝士玉子燒 $30 另加 +$10 蟹醬好Juicy!! 流心效果好正😍好足料🥳超多既芝士+蟹籽 食到好幸福😋蟹醬 好🉐❕一定要加💯配埋一齊 真係天作之合🤤鐵板小食 細盒雙併 $40蜜糖無骨豬手 + 雞軟骨好有鑊氣😈 見住老闆即炒 好有💛可選辣/不辣 雞軟骨選咗辣，係真係堅辣🌶下次一定會記得嗌小辣😂個豬手 係好香既蜜糖味🐝甜甜蜜蜜 無骨豬手 好好食🥰

今日放工行過廟街，見到新開了一間玉子燒店，聞到香噴噴的蛋香，反正肚餓，所以叫了個玉子燒及小食返屋企試下。小食店除了有玉子燒外，還有多款小食，如章魚小丸子、炒魷魚及牛柳粒等。蟹膏明太子玉子燒即叫即做，中間超多蟹膏，一切開蟹膏在玉子燒內爆出，蟹膏味道鮮味無比，還有些蟹子及鏗魚絲，蛋香且滑，一濃一淡味道更突出。魷魚酥配雞軟骨以鐵板燒方式爆炒，魷魚酥彈牙，雞軟骨配酒一流，加上七味粉及蜜糖，辣得惹味又帶點甜香。

今日去開油麻地，之前聽朋友講開佢食過一間玉子燒幾好食，咁我今日就聽佢講吓佢試吓，除左玉子燒之外仲叫咗一個鐵板小食雙拼鐵板小食雙拼☝🏻魷魚鬚同雞軟骨魷魚鬚好香，少辣加上魷魚本身既鮮甜味好好食😋雞軟骨小巧惹味，呢個時候配返杯啤酒就岩哂🍻☝🏻流心芝士玉子燒，啖啖玉子加上蟹籽同木魚好有口感，連埋醬汁更加滋味今日叫既所有小食全部即叫即製，兩位哥哥仔不停煎煎炒炒，唔洗等好耐就有得食🙂下次上下大阪燒先

今日同朋友行經過油麻地廟街，行行吓好肚餓，聞到陣陣香味，見到呢間舖頭——廟街玉子燒，見到啲玉子燒好似好惹味，於是就買咗嚟食🤤流心芝士玉子燒 ($30)- 玉子燒香噴噴，超級吸引- 芝士好正，連埋玉子食超夾- 配料都好惹味，有鰹魚碎、蟹籽，好好食雙併 鐵板魷魚鬚- 魷魚鬚好鮮嫩，一啲都唔會老- 連埋辣粉，非常惹味，食都好滋味鐵板雞軟骨- 雞軟骨好好食，大大粒- 口感超正，食落卜卜脆全部小食都超級高質，非常好味，老闆都好friendly，下次經過一定會再食😋

廟街小食數之不盡，遠處傳來一股香味，原來是印有黃底黑字的《廟街玉子燒》！ 共點了流心芝士玉子燒、燒魷魚鬚、雞軟骨價錢抵食仲要大大盒😌 即燒即食，熱騰騰份外好味！ 玉子燒味道濃郁蛋滑，灑上蟹籽、木魚、沙津醬等等材料，入口也不會感到掛掛的。 雞軟骨富有咀嚼感。喜歡咬軟骨定會喜歡！魷魚鬚加了醬汁後爽口 除外還有大板燒、冷蕎麥麵、章魚小丸子、日式炸雞等等地方細細所以只供外買，老闆態度友善並推介必食品！ 地點就在油麻地港鐵C出口再步行2分鐘而已