廟街玉子燒 (已搬遷) 新店位置

喺廟街比較少見呢種日式小食嘅鋪頭今次過到黎，一終試試佢就咁睇相個玉子燒賣相一流價錢都相當親民平均每樣嘢都係3-40蚊落樓可能係因為小店嘅關係鋪頭嘅食物種類唔算太多不過只要整得好食跟本就唔係問題最後我地叫左三樣野食第一樣係鐵板小食細盒叫咗鐵板魷魚酥同埋鐵板雞軟骨由魷魚酥條條都好肥美煎得啱啱好口感唔會過韌加上佢個特製辣汁非常之野味而佢嘅雞軟骨就用咗蜜糖黎調味感覺甜甜地，同頭先嘅辣做成強調嘅對比好味第三樣嘢食就係明太子芝士留心玉子燒間舖頭嘅玉子燒份量偏大佢面頭落嘅蟹亦都冇手軟切開之後就會見到有滿滿的明太子同埋蟹柳蛋亦都煎得非常之嫩滑加埋沙律醬嘅調味成件事好夾好好味最後我地再叫左章魚小丸子配明太子沙律將同黑松露沙律醬小丸子口感好脆而唔多油係我鍾意食嘅類型有成8粒咁多個醬亦都好濃味Cp 值超高可能唯一美中不足就係冇得堂食希望你哋可以快啲細鋪搬大鋪

去廟街食嘢你會諗到咩？煲仔飯？蠔餅？牛雜？小菜.......？我之前都以為淨係得呢啲選擇，依家多咗樣啦！就係玉子燒！！鋪位基本上係冇堂食，但門外有放幾張凳比客人坐係到食，坦白講真係冇咩環境，但食物都算唔錯！明太子蟹子玉子燒 $50玉子燒新鮮煎起熱辣辣，配上蟹子芝士木魚一齊食，口感相當有層次，兼且明太子有少少辣，仲增加左食慾添🤣雞軟骨&魷魚鬚 $40（雙拼）魷魚鬚燒得剛剛好，唔會燒到過熟而韌晒，醬汁調得香濃惹味，以串燒嚟計相當唔錯，雞軟骨就水準一般。

又再次岀沒油麻地，夜晚唔算好餓，就同男朋友經過廟街，發覺好香炒野味，見到呢間黃店小食，專門食玉子燒同街頭小食，佢門面較細，鋪前放左兩三張圓摺櫈做枱咁，食到香港原味道，別有一番風味！我地當然要試下招牌流心芝士玉子燒，都只係$30, 配料要左明太子同鰻魚，等左十分鐘左右，燒辣辣，面頭佈滿哂明太子，夾埋拉絲芝士，好好食，玉子做到岩岩好，唔會過老！再叫左魷魚蘇同雞軟骨雙併，要左少辣好惹味，仲有少少蜜糖味咁，好好食！最後仲叫埋炸雞同章魚小丸子，新鮮熱辣，大阪燒都好大份，食完夠飽。小食泥講算好高質同多選擇，好值得再去！由於只有老細自己一兩個人做哂所有野，所以多人時大家請耐心等候，不過絕對係值得等既！發現除左岀名煲仔飯外，依家多左一個小食選擇

晚上我光顧「油麻地」「廟街」某間粉麵飯食店，享用潮州「牛腩飯」食品，加一大碟白灼新鮮爽脆「菜心」，加鹹甜味道的「蠔油」作為調味料，再喝完一罐「忌廉」汽水飲品之後，馬上埋單結賬離開。結賬之後我立刻離開潮州粉麵飯食店，走到舖位旁邊的港式燒烤小食店「廟街玉子燒」，購買今晚原本的目標日系食品，以甜味雞蛋作為材料製成的「流心芝士玉子燒」食品，還有甜味傳統日式海鮮燒餅食品「大阪燒」。由於我剛剛光顧完潮州粉麵飯食店的時候，時間已經接近晚上十點鐘，面對「新冠肺炎」疫情底下的「廟街」，實際途人和顧客的人數寥寥可數，我剛剛光顧潮州粉麵飯食店的時候，食店裡面的食客也不算很多。結果光顧「廟街玉子燒」期間，店員為求能夠儘快清貨，不斷向我推銷。可惜我剛剛光顧完潮州粉麵飯食店晚餐，已經花了很多錢，剩下金錢預算已經不多，所以只能購買「流心芝士玉子燒」和「大阪燒」。看來現在「香港」時勢真的十分艱難，生意得來不易。「廟街玉子燒」店員不斷向我推銷，但是我受制個人金錢預算所餘無幾，所以最後只能夠為「流心芝士玉子燒」另外付款加入「蟹醬」，買不到「魷魚鬚」。最後我在「廟街玉子燒」購買完「流心芝士玉子燒」和「大阪燒」食品之後，馬上

地點真係超級便利🤣 喺油麻地地鐵站C出口一出，行幾步路就到。尋晚係買嚟成班friend飲酒🍻 嘅下酒小食（1）一口牛粒雖然唔係入口即融果種感覺，但佢都唔會又乾又硬，有足夠嘅牛肉味👍🏻而且，我覺得佢賣果就係調味夠過癮，小小辣，但又甜甜地，另外忍唔住懷疑佢加左少少蜜糖一齊炒，食落有種bbq 嘅感覺（2）鐵板魷魚鬚每一條魷魚鬚嘅長度都均一又粗又長、堪稱巨型 lol 唔知隻魷魚本身幾大隻。口感彈牙，但係唔黐牙、少鹹少辣，以送酒小食黎講，唔算濃烈。（3）流心芝士玉子燒呢個先至真正屈機，木魚絲跳哂舞咁、加埋蟹子已經夠贏。同埋佢蛋嘅部份調得啱啱好，唔太甜，啱啱好。我無食飯當dinner都可以係咁擺入口。裏面仲有加蟹柳——唔係麵粉口感嗰隻，而係絲質嘅靚貨💁🏻‍♂️ 果然係招牌菜，落足本。（4）雞軟骨呢個就冇咩特別，係一般雞軟骨嘅口感。不過，可能因為同其他食物嘅醬汁混合左，所以有啲唔係太突出🤣

超足料 玉子燒！今日經過油麻地特登轉入廟街嚟試下！有我鍾意嘅明太子揀當然唔會放過，再加上有口感嘅蟹子！即叫即整熱辣辣嘅玉子燒包住明太子，仲有超多嘅蟹子係面，再加濃濃芝士，真係多重口感！份量勁十足！勁大份，可以當正餐咁食😂食完甜當然要食下咸啦！味道好夠嘅雞軟骨同超大條魷魚鬚，食緊嘅時候連路過見到嘅人都不禁讚嘆好似好吸引咁😆兩樣嘢就咁食都好好味！魷魚鬚面加咗啲辣椒粉，少少辣好正！我覺得好適合用來送酒嘅，雖然我唔飲酒，但如果住附近又突然想飲酒可以買來送下酒，一定好正👍🏻雖然間舖頭得店面，但為咗大家可以趁熱食先最好食，特登擺咗啲高矮櫈係門口俾顧客駛用！希望大家可以為下一位駛用者考慮，注意下清潔！

我真的很喜歡食蛋不論是烚蛋、煎蛋、炒蛋、奄列抑或是班尼迪蛋玉子燒更加是每次去餐廳一見到有就必點的菜式這間廟街玉子燒可說是慕名而來它不是餐廳,而是一家外賣的小食店既然打正旗號賣玉子燒當然更要來試試除了有流心芝士玉子燒外還有大阪燒、冷蕎麥麵、小丸子、炸雞及其他鐵板小食像是一口牛粒、魷魚鬚、雞軟骨及蜜糖無骨豬手等款式其實都算多不過一個人食卻試不了太多只能點選一個三權分立餐這個期間限定的餐其實就是以一百元的價錢任選三款食物玉子燒、大阪燒更可免費加一種配料今次先試下明太子玉子燒+魷魚鬚+雞軟骨魷魚鬚及雞軟骨以鐵板煎熟其實一放上板就已經傳來一陣香氣魷魚鬚都幾大條煎至外焦內嫩,尤其尾部香香脆脆的雞軟骨香韌有咬口又不會太乾身我覺得特製醬汁為它們加分不少惹味得來又甜甜的至於主角流心芝士玉子燒看著小廚在你面前即場炮製見到濃濃蛋醬慢慢變熟然後反轉再反轉,真的有點治癒完成後的玉子燒呈金黃色大大件脹卜卜又夠挺身蛋面上的放了明太子及木魚碎明太子份量多到滿瀉 可以用厚實足料來形容切開真的見得到芝士的拉絲效果玉子中間還有原條蟹柳入口有濃烈蛋香,中間有半熟蛋汁但整體而言蛋皮都煎得偏實所以層次清晰夾起食用亦不易散開配合一

高質黃店小食💛誠意推介✨依間除左野食好食之外，服務態度更加係一流☺️幫襯小店食既往住都唔單止係食物原先既味道，更加係人情味🤗眼見店員不停同熟客仔傾下計，有額外既親切感😇.🐙鐵板魷魚鬚採用紐西蘭進口的有機魷魚鬚🦑，放在鐵板上燒制而成🤤未食之前, 聞到果陣愈炒愈香嘅魷魚味已經流哂口水🤪咬落去口感煙韌不黐牙, 非常爽口❗️加少少七味粉就非常惹味💯店舖照牌小食㊙️一定要試啊.🐮一口牛粒 小店用嘅係安格斯牛柳粒🐮聽個名都知係靚野🤪老細話今日牛靚所以我哋就試咗佢😛牛柳粒唔會話好老、好肥❗️小食來講呢間店嘅牛柳粒整得好唔錯😋夠晒juice ，牛柳粒配合埋黑椒汁，依個組合永遠都係絕配😇.🔖兩樣加埋先係40蚊炸

第一次去廟街😳都係為咗食🍽小店位置比較少👻多數人都外賣🥡當日喺附近食完晚飯就買咗兩盒小食返屋企做宵夜🤫.1️⃣流心芝士玉子燒 (9/10)份量超級大🤩中間有鹹鮮的明太子👅玉子好厚身🍳蛋味濃就唔使多講😎仲要甜得唔假!! 口感好嫩滑🙈每一啖都食到芝士🧀上面灑上木魚碎同蟹籽😻增添左層次~本來見佢熱辣辣諗住先食半份點知成件拆咗👀係近期食過最正嘅玉子燒👍🏼.2️⃣鐵板小食雙拼 (8.2/10)揀咗魷魚鬚同雞軟骨🐔燒汁鹹中帶點甜 灑上辣粉焦香惹味👏🏼魷魚鬚好彈牙只可惜得四條😿其餘都係雞軟骨👻上面黏附左唔少雞肉同肥膏🙈會比較快膩~但好有咬口🙌🏼都唔錯

口痕痕經開廟街想買啲嘢食返屋企，就去咗廟街玉子燒。見到好多正的日本小食，就叫咗明太子芝士流心玉子燒，同鐵板小食就叫咗雞軟骨拼魷魚鬚 。明太子超多舖喺流心芝士玉子燒上面，連埋濃厚嘅流心芝士食，口感絕對前所未有咁震撼。鍾意食玉子燒嘅朋友必定要嚟試，口感一流，味道又抵讚。魷魚鬚就鐵板燒完之後加埋特製嘅醬汁，絕對食到停唔到口，因為真係超惹味。雞軟骨經過鐵板燒之後絕對係食到停唔到口之選，下次嚟廟街 一定要再試廟街玉子燒！

早排上網知道廟街開左間玉子燒店作為一個玉子燒控 又知道店主都好愛香港 當然係秒bookmark左😎 廟街玉子燒成間小店都好黃gum gum💛黃色招牌 仲有支黃旗 唔洗驚睇佢唔到!冇招財貓 但係有招財柴犬 卡哇伊呢☺️ 作為香港人🇭🇰 當然要食香港人限定既三權分立餐!!講下我揀左咩啦💁🏽‍♀️流心芝士玉子燒 +明太子玉子燒即叫即整 見到木魚碎跳舞既畫面好治癒啊😛 仲有海量既蟹籽鋪滿喺玉子燒上面👍🏽切開少少就會見到拉到絲既芝士🧀 入邊除左有明太子醬 仲有蟹柳絲 足料又食到蛋香味 好滿意啊😀 極上鐵板安格斯牛柳粒 一口size既啖啖肉🐮 正! 肉粒有牛味 肥瘦適中👍🏽鐵板巨型魷魚鬚🦑真係好巨型😱 條條鬚又粗又長 同個盒一樣咁長!本身已經有黑椒味既魷魚鬚 加埋少少醬汁 惹味度up up up!! 😆最後再追加左一份鐵板雞軟骨😋雞軟骨好爽脆 又好惹味 份量都幾多 越食覺得越辣😛今次幫襯廟街玉子燒令我諗起喺鄉下🇯🇵幫襯屋台既片段🥺🥺🥺 見店主一腳踢 幾乎冇停過手咁炒鐵板小食 有客人讚佢炒既野食好香好香 佢好謙虛咁回應~~ 食完之後再睇番佢地個社交平台發現店主專登出post多謝客人支持同埋向等得耐既客

某閒日放工行經廟街見到有間小食店賣玉子燒好似有好多人幫襯，咁我地又埋去湊熱鬧啦，其實天氣真係好熱，我想舒舒服服入茶記堂食都好，不過女朋友又扭話要食就一於排吓。佢門口有好多文宣，係黃店黎，有好多人汽水都專登黎買，想儲卡，老闆亦都樂意同佢地吹水交流。我就無立場的，所以唔會見到黃店特別興奮，我幫襯主要係黎食味道。咁佢對我態度無咁熱情，但都正常。落單俾錢後，我差唔多等咗一個鐘先有野食，等到其他人都走哂...，我張單唔知點解最後？講真我明佢係唔少單（四五張？），但街邊小食要等咁耐其實邊個會食呢，仲要唔係講緊佢有成50個人喺佢間鋪門口排緊隊嗰種。基本上我可以去隔離街食完個煲仔飯過嚟先拎囉，我女朋友過程中係咁發脾氣又話熱又話唔食喇，又話點解人地有得食，佢仲未有，煩都煩到我顛，加上天氣又熱，啲食物嚟到我都冇胃口食。我見前面有啲人嗌左四款嘢食，食完一樣等多15分鐘都未有第樣食，唔講唔知以為廟街都有廚師發板或者法國大餐食囉。仲要出單次序混亂， 後面既人仲有食物早過前面既人。食物味道係正常嘅，係熱辣辣整起，但留意番價錢都唔平囉，我唔預期四十蚊一盒嘅魷魚鬚係得嗰幾條囉？魷魚鬚仲要係我嗌，我俾女朋友媽到飛起，佢

夜麻麻十點幾係廟街吾知食乜好，行過見到廟街玉子燒，覺得好有日式風味又係黃店就諗住試下啦💛睇餐牌除左玉子燒重有好多選擇流心芝士玉子燒$30加明太子+$10呢個玉子燒一黎到份量真係有晒驚喜，兩個人食用分享下係一個好選擇，首先一啖食落去厚厚既玉子口感，芝士流心帶出層層唔同既口感，又唔會一舊舊咁張住個口，加埋韓國蟹醬同小小沙律醬配合埋明太子，粒粒既咬口為玉子燒再帶出佢既口感！佢既味道又唔會太濃，芝士味又配合得好好上面重有好多蟹籽直頭係多重享受，又唔會搶晒玉子既小小甜味，推介！鐵板小食就叫左細盒雙拼一口牛粒配魷魚鬚$40呢個香味一上碟已經湧住過黎，作為啖啖肉真係要一試，一口牛粒雖然有小小韌，但係甜甜地又小小麻辣既醬汁配合左又幾恰當，加埋食食下會上癮停唔到口，大大條既尤魚梗加不得了，醬汁將佢既鮮味雙雙配合，加埋好好既趙口真心一流！

去廟街唔再食蠔餅，煲仔飯啦！新開左間廟街玉子燒，離遠已經嗅到佢啲鐵板燒香味。鐵板上既魷魚鬚和雞軟骨，讓人垂涎欲滴。鐵板小食有多種，今次就先嚐這兩款小食。雞軟骨燒得剛好，不會硬梆梆的咬不動，反而越嚼越吃出它的甜度和味道。魷魚鬚大大條，肉身較煙韌，尾部燒得香脆。加上特製醬汁，惹味非凡，令人反覆回味。流心芝士玉子燒，玉子選用日本雞蛋，蛋味較濃。玉子上有一層沙律醬，然後鋪滿木魚碎和蟹籽。玉子中間還有原條蟹柳，材料豐富。玉子有一定既厚度，口感軟綿適中，加上一粒粒咬落爆開嘅蟹籽，口感更豐富。自私食，滿飽肚的下次都係同人開心share好啲。三權分立餐好抵食下次試試佢既一口牛同豬手，好似都好吸引冇得去日本食大阪燒，黎呢度食都可以慰藉一下。而且還可以感受下街邊風味，坐下邊吃邊欣賞下改變中既廟街風情。短短一年，其實香港變左好多。所以更加要用行動支持。黃家聯盟

Temple Street has gotten  a lot more quieter now that there are not as many tourists. Boyfriend and I wandered there and found it eerily quiet. But perhaps due to the lack of crowds, we noticed a small street food place.Menu is in English and Chinese. They sold various items that can be made on a sizzling hot plate along with tamagoyaki and okonomiyaki. Interesting!They also served food grilled on a hot grill plate. You get two sizes: small for $40 or large for $70. The small size you can choose