廣東燒味餐廳

营业中

休息中

球隊團年 有隊友搵咗廣東燒味大部分人都諗緊唔通團年要食四寶飯到當日先發現原來天外有天 小菜都好出色又大碟先叫佐酒小食 椒鹽豆腐 椒鹽鮮魷 出色惹味乳豬皮脆肉嫩當紅炸子雞都係其中一樣值推介嘅餸最後仲有出嚟行切忌貪嘅果盤，水果多完化，新鮮清甜總括，值得推介，一班人食飯嘅新選擇唯一缺點係無位泊車不過留下抄牌會有員工通風報信

55元四寶飯餐，換來幾舊超硬甩皮硬燒肉，配完全沒有肉的燒鴨，這碟是叫她們換來的。換走三小粒皮加骨的燒鴨，三舊沒有肉的鴨，服務員態度像覺得我有問題，得三舊燒鴨，三舊都沒有肉，換有甚麼問題。我以後都唔會光顧

今日去搵個客.....晏晝肚餓搵飯食....行嚟行去唔知食乜.....見到呢一間咁大嘅餐廳.....心諗應該好多選擇.....點知一入到去.....全部都係麻甩哥....全場得我一個女性......初頭都驚驚地....不過其實佢哋都好斯文....所以唔使驚.....就嚟嘆番個男人的浪漫其實呢度都幾多選擇.....最終我叫左個乳豬四寶飯啲乳豬都好鮮艷.....最緊要個皮超脆不過我發現隔離位先生食排骨都好好味最終成碟食晒走人

今日放工突然想食燒味飯，入左去廣東燒味，入得燒腊舖頭就預左冇服務，但系D亞姐系到做野就好似奉旨睇你唔到。點了個肥义鴨飯，望落幾靚，本來對叉燒比較期待，結果大失所望，肉身較厚，全瘦無肥肉，食落口冇口感，肉質亦不夠淋，水準下降不出色，至於燒鴨看到厚厚的一層肥膏，外表沒什麼不妥，肉質粗糙，感覺到普普通通，不過不失，有點失望。總言用咁嘅價錢，出咁嘅品質，越做越差比起以前水準下降唔少。再加個凍華田就完了一個人的晩餐。

今晚好驚，去睇中醫，叫睇西醫，幾怕係無得救，好彩打針後暫時無事。叉燒燒肉飯52叉燒好靚呀燒得，賣相正斗，香呀個味道，價錢不貴，連鎖都要40啦，呢度好得wo，燒肉都不俗，剛好夠飽，仲有幾條菜食下tim加10凍奶茶少冰正常味道，用上碎冰，讚。咸牛旦治烘底28次次黎都必叫兩份自私食，價位不便宜，但真不錯，咸牛不少，旦煎得好，牛油查過麵包上，烘了底特別脆身，好久不吃，特別滋味。食後感：店員落錯單，有點混亂。

四月八日到太子奌了蒜香骨，等了二十分鈡还未到，找侍應跟單，再过5分钟再找侍應跟進，最后来了一碟硬如石頭的蒜香骨，用刀切才可，祇好原封不动，在此忠告大家此餐廳厨房實在差勁得很。

噚日同女朋友去太子行街，攰攰地就去左廣東燒味食個飯，我叫左份西蘭花炒肉片，西兰花炒得好爽，肉片又好腍，好入味，但D飯就唔係好夠熱，凍左D，但整體都算ok啦，不妨一試。

58蚊碟唔脆皮嘅乳豬飯+10蚊杯苦澀檸檬茶勁難食..勁難飲，食到要吐乳豬皮，你想想有幾差有幾難食朋友叫左個肥差乳豬飯一樣唔脆差燒難食仲要73蚊共141蚊埋單食到你一肚氣又貴又難食嘅餐廳

今晚我們去咗太子砵蘭街嘅「廣東燒味餐廳」食晚飯！我們叫咗花生眉豆煲鷄腳湯煲得都幾夠火候，湯底好清甜香濃！涼瓜燜黃立倉炸得外層好香口脆身，入面嘅肉質好嫩滑，涼瓜亦好甘甜爽脆！脆皮燒骨腩拼貴妃切鷄嘅脆皮唔算好香脆，但肉質都幾鬆軟，切鷄嘅肉質亦幾軟滑！茄子魚雲煲嘅魚雲肉質好嫩滑，醬汁嘅味道好惹味！滑蛋炒蝦仁嘅滑蛋炒得都幾滑溜，蝦仁都幾爽口彈牙！薑汁炒芥蘭青嫩無根，薑汁可以辟除咗草青味！

今日早收，就在家附近找間食店試試，見這間食店很久沒有食過，而且最近也應該裝修過，人流也不算太少。福建炒飯（$51）～ 材料有红蘿蔔、蝦、草菇、雞肉、芥蘭切片和蟹肉絲，蝦肉只有爽囗，雞肉無什麼味道，炒飯底又沒有什麼香味，整體來說不過不失吧。凍檸茶（+$10）～ 解喝首選。沒有期望便沒有失望。最近太多人的食評出現問題，以表示支持及配合（不想誤殺良民，又白費自己一番心血），特上載收條，以示清白。

都怪自己貪它價錢便宜，又諗住食健康尐，結果中伏。話說這一天上班前，先食番個早餐，經過這裡，見有晨早「靚粥餐」，雖然明知道這兒的食物水準麻麻，心想，都只是簡單的早餐罷了，不會差到哪裡去吧，誰不知，中招。這個「靚粥餐」的是日明火靚粥是「皮蛋瘦肉粥」，好，下火，健康。怎知，這稀泠泠的粥不僅米粒無多，而且只有少少皮蛋碎，瘦肉嗎？舀到底也找不到蹤影。這還是「皮蛋瘦肉粥」嗎？不如叫「皮蛋粥」算了吧！「豉油皇雞絲炒麵」也好不到哪裡去，豉油皇炒麵是真的，好不好味，油不油膩是另一回事，但它的確是豉油皇炒麵，我吃了，我真的吃了。可是，那說好了的雞絲呢？為甚麼我完全找不到？找到的，只是幾縷蛋絲。難道雞和蛋是一樣的嗎？到底是有雞先還是有蛋先，還是只有蛋沒有雞?這一刻，我真的很迷惘，很混亂。我知道，才二十二塊錢的一個早餐不能苛求太多，但也不代表可以這樣名不副實吧！ 其實，我可以去「消費者委員會」投訴它嗎？

成十年無去竟然無好似以前咁食完會有滿足感覺，超失望。究竟係人大咗要求高咗定佢退步咗？點咗特餐，無咩特別，「靚靚叉燒」係比一般茶餐廳好少少，但個麵好難食，個湯無味，好彩有胡椒粉里個發明。另外d staff態度麻麻，坐低又要人調位，出餐速度又唔快，無咩特別可以唔試。

收工同個同事嚟呢度我地放工都嚟食宵夜今晚叫咗個雞鵝要脾飯同事叫豬扒蛋公仔麵大家都飲凍咖啡份量都好多，兩隻脾都大隻的確啖啖肉，雞肉好滑鵝肉好香，陣陣花椒八角味肉質夠扎實，點少許酸梅醬好正D飯熱辣辣有飯香雖然今晚我無食豬扒蛋麺不過我都食過呢度嘅豬扒知道次次都好鬆化好入味凍咖啡夠香亦有咖啡味晚上十時容易有位不過不停有客人所以食完立即走

以下是今日(大年初三)於「廣東燒味餐廳 - 太子店」的午餐體驗：(1)當日點了馳名的燒味飯，但是食品質素欠理想，真是名多於實。(2)環境及衛生很差，地下全是垃圾。(3)價格不算便宜，食物份量不多。(4)服務態度惡劣，我只想要一碟薑蔥，女職員竟回答我：「沒有」，結果要自已出去燒味部取。(5)我明白，當日是年初三，職員要上班又工作忙碌，但是客人仍要付費及給予額外的加一服務費。(6)既然要收加一服務費，就應給予客人最基本及應有的服務質素。

廣東燒味好多分店，有時想吃湯意粉都會想起這兒，原因是這兒特歺，即是有碟火腿加方包，再加個湯粉麵，今天只要了煎雙蛋，湯麵可選沙嗲牛肉或叉燒，在這兒當是選叉燒湯意！叉燒今日份量小了，但仍有燶燶地的香味，湯意粉湯底，意粉亦剛好，不會太淋，歺跟了一杯飲品，是日要凍奶茶，不過不失！友人會問，這茶歺不便宜，為何要光顧，我會答，如果不想成日食午餐肉腸仔火腿，附近普通茶餐廳的叉燒唔好食，如只想食燒味或叉燒，隔兩間舖的永合隆當然是不二之選，但有時又想飲杯嘢，故我會選這間廣東燒味的特歺！