廣東燒味餐廳

营业中

休息中

晚上去太子廣東燒味食晚飯小菜，食到一肚氣！！我哋叫左3個小菜套餐跟飯，有豉椒炒花甲，啫啫雞煲同埋豉椒味菜炒鮮魷。第一碟上菜是豉椒炒花甲色香味都正常，第二碟上菜就是豉椒味菜炒鮮魷。我哋發覺顏色有點怪怪，怎麼炒出來變成橙色，味道亦帶點甜酸醋味道，我哋估計係咪上一碟炒完生炒排骨沒洗鑊就去炒豉椒味菜鮮魷。而且餸裡面黑色豆豉都沒有一粒，所以我哋跟餐廳負責人講，他不禮貌地指住青椒一直跟我哋解釋這就是豉椒。加上沒意思幫我哋換過碟餸。

食物質數唔得，環境污糟，員工態度散漫，在太子經營了咁多年，越做越差……早幾日去吃午餐，叫蒸魚，條魚居然是凍的，再換一碟乾炒牛河，咸到根本放不入口，最後我冇食就埋單走人

蒸鯇魚凍冰冰個服務生仲叫我返蒸真係覺得好搞笑之後再叫乾炒牛河喊到想死 真係想食死人態度唔得 服務態度唔好遊手好閑唔會理會你 都唔知個老細點請人服務生又唔得驚你又唔得不知所謂

收工已經十點幾… 肚餓到肚都扁埋喇… 只想快啲買個外賣就返屋企食… 呢個鐘數都無乜好選擇…但又唔想食金拱門之類嘅快餐… 經過見到呢間餐廳睇落幾有歷史…而且咁晏都仲有客人食緊…所以入去買個外賣啦…要咗常餐A麵醬蒸鯇魚… 只需57蚊…有飯連例湯…而且外賣盒唔使另外收錢…(不過新鮮蒸魚要等成15至20分鐘…咁肚餓嚟講有少少後悔叫咗…不過想食冇計啦😅)番到屋企打開盒有一大塊鯇魚腩…嫩滑兼且食得出好新鮮…麵醬加蒸魚豉油用嚟撈埋飯食一流😍😍 整體好好食…不枉我等咗咁耐…

今日同母親去到砵蘭街的廣東燒味餐廳，叫了一個叉燒飯，一個燒鵝飯和例湯；首先那些叉燒有如柴皮，味道又不好；至於那些燒鵝，味道有點燒過頭，D皮的味道十分怪；至於那個例湯，用了味精湯，喝了後十分口喝；只此一次下不為例！

中午路過太子砵蘭街380號的廣東燒味餐廳，打算進去坐下吃個Lunch，於是叫了一個55元的午餐冬瓜火腩飯，看他55元價錢也不太便宜應該不會太差吧，誰想到食物一到就出問題了，幾塊超硬只有皮和骨而完全沒有肉的所謂''火腩"，加上幾塊冬瓜粒，整碟一塊腩肉都沒有才叫人憤怒！！看上去像吃剩的食物。原來這家食店以前已有不少客人中招，所以試了一次以後再也不會光顧！

太子燒味餐廳有好多間，老實講而家啲後生又點會無啦啦走去食燒味飯呢，但係今日心血來潮見自己好耐冇食過就諗住去搵一間好味嘅食下，左比右比之下決定你呢一間廣東燒味餐廳，貪佢掛出嚟嘅燒味較多，仲寫埋馳名燒味可以比較，好似好有信心我同朋友各自帶咗一個燒味雙拼，包括一個叉雞瀨同埋燒鴨乳豬飯。等咗大約15分鐘，燒味飯來講都算耐。首先講一講叉燒先，醃料太多，叉燒太乾同埋太瘦，麻麻哋好食。再講埋個雞，雖然佢比個位係雞髀位但係太乾太鞋仲衰過街市啲燒味飯。夜燒鴨同埋乳豬就OK喎，乳豬脆口，燒鴨唔會咬唔開，醃料個味道都OK。埋單$100 ，中規中矩啦

星期日返工人工唔係高，又想食好啲，就問朋友，除左麥記仲有無好野推介。佢諗都唔駛諗就話食呢間太子廣東燒味，簡單黎講好味又抵食。試過又真係幾大碟。不過間餐廳就細左啲，平均黎講連坐都偏狹窄，不能大字型坐。互相要遷就下。

去買外賣燒味飯，同收銀講話要跟姜蓉，收銀又冇打單，跟住叫個侍應同我加番啲姜蓉，佢有加，但係我發覺佢冇比酸梅醬我（因為我有食燒鵝）我就叫佢俾返我，佢竟然態度好差咁同我講，又酸又甜又鹹，食死你呀！呢啲咁嘅侍應，自己漏做嘢仲喺度鬧翻人轉頭！講嘢都未講得正，做嘢又做做得差，服務態度更加唔使講啦！我都未試過買燒味飯買到一吐氣！！後尾發覺間野都非常污糟，有曱甴係地下行！清潔衛生惡劣！以後都唔會再幫襯你間舖！正一垃圾

識我都知我係銅鑼灣食神，對食嘢要求好高。今日經過砵蘭街，諗住搵間求求其依家咁嘅環境大家都知咩料，都諗住慳得過就慳！今天佢啲下午茶係中式嘢都OK喎好少食。我原本冇諗過寫食評，點知我一飲佢都杯檸檬茶，真係幾好飲，當然我唔知道配方。因為各個師傅有唔同嘅地方，粗茶/幼茶/4號/茶寶/立頓/甚至有人溝棉因塵..幾好飲㗎，仲要有啲藥用價值。但佢個杯我好少喺外邊飲到。食得尖可以試吓。呢間野晏晝同夜晚都係...又唔係話，都唔平㗎。下午茶佢都有中午同夜晚嗰啲食物水平。我家$5要咗燒鵝同埋薰蹄面，燒鵝就骨多個肉唔係好like，薰蹄都可以，都係跟醋同埋話梅醬，可見到有堅持。可以一試差啲唔記得講湯底唔係大地魚，係燒味底，可以又環保，OK

最喜歡吃的燒鵝。也最喜歡在這太子附近慢慢吃。每一次經過都只是掛住食腸粉，有時候忘記自己是最喜歡吃燒鵝的嘛。這一次叫的是雙拼燒肉和燒鵝。|烧鹅^夠嫩，喜歡的味道。還可以。在地鐵站附近。阿姨都很好笑容啦。都是附近一起來吃的。

買外賣您整錯係冇仇報嘅，又要態度差又要比錯野我，講左走汁，已經再提多您一次，又對我藐嘴藐舌，你個款要咁嫌棄唔緊要但係你要比啱野我囉。匙羹又唔比，燒肉個皮又奇怪，滑面，唔脆、韌！早知買大家樂算。

在餐廳門外看見早餐只是三十幾蚊， 喺太子旺角地區預算是很平。我哋嗌咗三餸麵早餐 ， 但侍應姐姐嘅態度就麻麻地。 因為我比較鍾意食紅腸， 所以問佢， 可唔可以重複嗌兩次紅腸， 佢只係用原子筆篤咗個餐牌兩下。。。 如是者我再問多一次， 佢再用原子筆 篤左個餐牌兩下是但啦三十幾蚊個早餐，唔可以要求有啲咩服務咁我係餐牌 叫咗三樣唔同嘅餸。只不過我覺得可以同唔可以都係講一聲啫。早餐賣相都算精美， 但食落麻麻地， 米粉煮得太淋，多士都ok嘅， 烘得脆口。凍檸茶都係正常嘢。唔怪得知早餐時間隔離大家樂， 坐得迫啲 ，個餐又細啲都咁多人

因為坐角落頭，見到有個侍應叔叔經過我就大叫，唔該靚仔得閒幫我寫野，無反應，再叫無反應，再叫，侍應: 得啦得啦得啦。心諗，得既應一聲就ok 。落單，我 : 要個乳豬燒排骨唔該侍應叔叔: 乳豬乜野?我 : 乳豬燒排骨侍應 : 乳豬要乜野我 : 乳豬燒排骨侍應叔叔 :問你乳豬要飯定粉 我 : 飯 （我真係唔知你有分飯或粉）我 : 有無野飲?侍應叔返 : 加十蚊就有得飲，識字既睇餐牌食物一般啦，飯偏乾，唔知有無加料就真。食完起身走，個呀叔大嗌 : 食飽就走啦，唔好阻住做生意。我唔知係米講緊我，但係我對號任坐了，呢間野，無下次。明白飲食業辛苦 有氣力講咁多無謂野，點解唔講多句大家都清楚明白你想問啲咩。（由頭到尾都係同一個侍應）

經過太子趕住返公司做嘢，決定向廣東燒味餐廳 買外賣方便又快捷，買了叉油雞雙拼$43，燒肉叉燒雙拼$45。 返到公司一打開飯盒，嘩！燒味的份量都好多，無論叉燒，燒肉，油雞都是滿滿的！ 還有我最喜愛的薑蓉，食燒腩仔最緊要是芥末醬，好多時其他餐廳都要問先有，但廣東燒味就主動提供，仲要畀兩包我添！味道方面 ~ 叉燒味道本身唔錯，可是切得比較大舊。油雞是雞翼部位，我最不喜歡這個位置的，外皮比較肥膩。燒腩仔好好味，皮脆肉嫩。 還有飯盒入面一個是放菜心，另一個飯盒是放芥蘭，咁啱我最喜愛吃芥蘭，所以唔錯的！