廣豐味

营业中

休息中

大埔朋友介紹既超抵食凍滷水串🥰依間港式滷水串小店喺之前既彩虹串燒對面，價錢破天荒 $10一串！揀夠10串仲要減$20！😱 做到咁平得唔得㗎😱 唔知個優惠做到幾時，大家快啲把握機會衝去試下😍小食款式好多，輕鬆揀夠$80/10串無難度🥰 揀完可以自行按喜好選擇自由豉油、甜醬、芥末等 ❣️生腸 墨魚❣️掃街必食！爽脆不膩 QQ彈彈 墨魚好有嚼口 生腸有厚度又夠脆，唔會偏生🦐脆蝦第一次見有脆蝦串，蝦肉唔會霉，食落都係爽彈✨ ❣️魚蛋連魚蛋都染上經典鮮橙色🤣🤣又大粒又彈牙，正呀❣️雞腎 豬膶 鴨舌 雞爪連雞爪都有好懷舊😳雞腎好爽口食唔停豬潤都好大舊老闆仲推薦有燒賣、粉果、腸粉、滷肉飯等等但滷水串真係太吸引所以買咗一大堆🤣下次回訪再試吓！滷肉飯$10-20，學生黨必衝😎

今晚諗住同老公兩個人喺屋企煲劇，但係又唔想食熱氣嘅薯片爆谷，聽朋友講大埔墟有一間港式風味小吃，於是就過去睇吓有乜嘢啱食。佢位於大埔墟嘅一個小巷，叫「廣豐味」，門口已經有好搶眼嘅霓虹燈牌，好吸睛，所以都唔難搵。見到有好多野食：滷肉飯、粉果、混醬腸粉、燒賣、等等。最吸引我嘅係門前凍櫃擺放嘅一串串滷水小食，只需要$10一串！！凍櫃真係好冰凍，咁熱嘅天氣都唔怕變壞，個櫃入面都好乾淨，老闆幫我執滷水串嘅時候帶住手套，感覺衛生。今次我哋點咗紅腸、生腸、雞腎、雞翼尖、魚蛋、鴨舌、魷魚等等。一拎到手忍唔住拎咗幾串出嚟食。真係要特別介紹以下呢幾樣：雞腎有口感、魚蛋彈牙、生腸爽口、滷脆蝦美味！！每一樣嘅味道都懷舊美味，佢嘅秘製醬汁都好出色，配上甜醬芥辣，味道提升了不少。老闆都好好人，少少怕羞但又會介紹舖頭嘅滷水串串比我，下次要去試埋滷肉飯同埋腸粉！

今日天口咁熱，都唔知買咩返屋企食，路過運頭街見到新開咗間街邊小食店。見佢寫住經典香港小食，$10/串，10串只需要$80，咁就每樣都買啲返屋企試下。拎到返屋企，家人超鍾意。話送啤酒一流，仲話啲甜醬系佢後生嘅味道，已經幾十年都食唔返。一下子清倉，要再去買過，我問老闆的甜醬喺咩牌子，佢話無得賣，係佢自家調製😅生腸、魷魚、鴨舌、脆蝦超爽口，就算唔沾上醬汁都有番個底味，有彈牙感好好食。雞翼、雞腳、雞腎保持正式廣式風味，食個唔停口。佢地滷肉飯同平時嘅唔一樣，食開系比較濃味同油膩，佢呢個比較有住家味，咸甜比例好好。仲有經典小食燒買、粉果、紅腸。店鋪環境雖然簡單，但老闆親切友好的服務態度。對於區內外嘅居民來說，這裡無疑是最佳的小食選擇，值得一訪。