廣豐味

营业中

休息中

嘩嘩嘩，身為美食愛好者，我發現食優質小食店的總係令人難忘。今日下午，我同太太決定去大浦運頭街12-18號美大廈地下的一間廣豐味的小食店嘗試他們的特色小食。這家小食店雖然不大，但是裝修可以，讓人覺得舒適自在。特別引人注意的是牆上的一幅精美燈光板，上面寫滿了各式美食名稱，好靚仔。在這個小吃店裡，我們發現了幾種特別吸引人的串串美食。首先是我太太的最愛，鵪鶉蛋串。鵪鶉蛋鮮嫩，一串就有五粒，滿足了太太對於鵪鶉蛋的美食慾望。觀察太太吃得津津有味的樣，我也感到幸福。接著是我最喜歡的牛舌串。牛舌入口鮮嫩多汁，清晰的牛肉香味在口中散發開來，讓人欲罷不能。在這家小吃店裡，他們把牛舌處理得恰到好處，烤製的火候拿捏得恰到好處，完美的呈現出了牛舌的原汁原味。此外，我們還點了一串肉串，其中融合了芥辣和甜醬的味道。芥辣的辣味和甜醬的甜味在口中交相呼應，帶來了一種獨特而美妙的口感體驗。這種搭配簡直是絕配，讓人吃過一次就會上癮。

住大埔咁耐黎黎去去一兩間港式小食店見大埔墟又開左呢間咁唔算貴本身諗住$10 會唔會好少食唔飽但係佢夠新鮮，生腸即食係舊舊多汁爽脆唔會腥臭！！處理得非乾淨喎生腸食唔少都處理麻麻或者乾身既無諗過可以咁爽口嫩滑-夜晚諗住叫幾串算，食完係好飽而且每款都好驚喜佢做到其他店未必整到既口感唔怪之得當時有唔少人都企定定等一係就通知定店員講食埋飯再去買我仲諗新開無咩人氣因為我知呢間開無耐先黎食最近-魷魚好嫩滑肉質飽滿咬落去啖啖肉仲好有海鮮既鮮味我覺得每款食材選用都好新鮮呢樣已經好足夠

大埔人又有新宵夜選擇試咗雞腎，墨魚，魷魚。全部都爽口，老闆娘又好好人👍🏻 值得一試同更多人認識，支持吓有心小店👍🏻 $10一串都算抵食，而家新開張仲有買10送1優惠。

還記起大埔通街都是美食，話說已經搬離大埔有五年多了，當年經常在北京桌球城篤波，之後去陳漢記宵夜的日子記憶猶新，今日約咗幾位老同學食晚飯，預早入大埔行吓，來到大埔運頭街通往大埔酒店的街巷，被那彩色燈牌所吸引，原來是一間港式小食店的廣告燈牌。廣豐味，正宗小店有很多款老港式小食，食物放在玻璃展示櫃清楚揀選又衛生，有生腸、腸頭、腸花、墨魚、豬潤、雞腎、鴨舌、雞腳、雞翼尖、脆蝦、紅腸、魚蛋都是一串串的方便揀亦方便食，其他有滷肉飯，燒賣腸粉同粉果可以飽肚。我揀咗三串食經典生腸好爽脆，雞腎彈牙有咬口，仲有就係隱藏版鹵水鵪鶉蛋，鹵水咸香，鹵得好入味，蛋黃嘅香滑喺口中迴旋，配甜醬加芥辣是絕配，只因約咗人食飯，否則三串真係唔夠喉。

《廣豐味 - 大埔》唔行過唔知，原來大埔區都有得食潮式滷水小食，我都係啲街坊講起先知原來屋企附近開左呢間小食店😳天氣咁熱搞到無咩胃口，食番啲涼涼地既小食都真心不錯😉不過小食店要四點先開，記住唔好太早去呀🤓我就口痕揀左四串滷水，一串都係$10仲買十送一添😎今次揀左生腸、雞腎、豬頭肉同埋豬潤，小店姨姨會先將啲滷串浸入醬油度，再塗上好香既麻油同埋甜醬芥辣醬，食落幾惹味同開胃🤤行過拮兩三串過下癮都幾好😌小店開到十一點，以後宵夜又多一個選擇啦

廣豐味是最近在大埔新開的一間港式外賣店，主打是滷味。他們的滷汁風味獨特是傳統港式口味，食材新鮮，而且價錢不貴，下班時間也挺多人買的！更有買十送一的優惠！醉香三寶這次選了「醉香三寶」包括了醉鴨舌、醉雞翼和醉雞翼尖，這三款食材都經過精心滷製，保持了口感的Q彈，並且入味十足，陣陣的酒香。鴨舌肉質鮮嫩。醉雞翼和醉雞翼尖肉質彈牙。再加上大量的甜醬和芥末醬，每一口都是滋味十足。其他還有很多各式各樣的豬內藏可選，滷完以後都去除本身的異味，只剩下各自的口感，也很值得一試！

咁岩去開大埔墟睇傢俱 發現原來新開左間鹵水小食店唔好話大埔 香港都少見左好多而家天氣咁熱 食下呢D小食都幾好😌小店主打滷水小食 每日新鮮整成係個凍櫃睇到一串串既橙色滷味😍好多選擇 有生腸 雞腎 豬潤 鴨舌 魷魚 紅腸等都係D香港經典懷舊小食 價錢唔貴 就買左幾串試下加左佢地既秘製醬汁甜醬芥辣 又幾惹味😍生腸 好少食到 口感幾獨特雞腎 好有咬口 豬潤 食落好綿好入味蝦 啖啖肉 爽口彈牙 個人最愛😋紅腸 夾埋雞腎食又幾夾佢地仲有魚蛋燒賣同滷肉飯 下次有機會都試下先😀

走到街頭濃郁香氣撲鼻而來，彷彿穿越時空回到舊日香港 🕰️• 門店裝潢簡樸，卻處處透著老闆的用心 💖• 招牌鹵味串串掛滿櫥窗，晶瑩剔透的醬汁誘人垂涎 🤤• 咬下一口生腸，外皮酥脆，內裡鮮嫩多汁，令人回味無窮 🌟• 墨魚鮮甜彈牙，鹵汁入味卻不搶戲，完美平衡 👌• 每串皆是老闆精心挑選的上乘食材，用心程度令人動容 😌• 價格親民，卻能品嚐到如此用心的美味，實在難得 💰• 若想尋回那份難忘的港式滋味，這裡絕對是不二之選 🏆記得來到大埔，一定要來廣豐味打卡！它藏在運頭街的小巷中，等待被真正的美食愛好者發掘呢！🔍廣豐味 （大埔）大埔運頭街12-18號美華大廈地下B1H號舖

大隻仔今次覓食嘅店舖就係💥 廣豐味 💥大隻仔今日放假去咗大埔市政熟食中心食豬扒麵同糯米糍，行過見到有個阿姐派傳單話懷舊港式滷味店新開張，大隻仔被店舖五顏六色嘅霓虹燈招牌所吸引，離遠已經望到，大隻比較少食加入橙色色素嘅滷味，所以今次就揀左白雲系列，鴨舌、雞翼尖、雞中翼各一串。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 鴨舌、雞翼尖、雞中翼 $10一串三款之中比較入味係鴨舌，味道唔太濃烈，爽口彈牙，幾好食，鍾意食鴨舌嘅朋友仔可以一試，相對之下，雞中翼味道比較淡，但有醬汁補救，紅色甜醬加黃色芥末醬，店舖嘅甜醬同芥末醬味道都不錯。

雖然我已經係一個中佬，但係我都有任性嘅一面。早排，成個禮拜都係落大雨，但係我好想食位於大埔運頭街美華大廈地下嘅「廣豐味」，掛住嘅就係佢嘅雞腎。結果我就冒住滂沱大雨，走咗入去大埔。響呢個有遮都冇用嘅日子，我低住頭，一路行，一路行，終於見到舖頭著住搶眼嘅霓虹燈，我個心即刻定咗好多，因為呢塊霓虹燈牌代表今日唔會白行一趟。我叫咗兩串雞腎，一串紅腸同埋一串雞腳。兩串雞腎都有強勁嘅口感，而配合紅腸一齊食又係超級夾，雞腳夠哂入味，又令到成個組合更加圓滿。

大埔新開一間滷味小食店所以放工路過去幫襯一下賣$10一串幾抵食生腸：味道淡淡地，但係口感好爽，配埋醬汁好食雞爪：質地不是腍身，是爽口質地雞腎：沒有內臟味，爽口有嚼口整體味道不錯醬汁麻油很香，沒有蓋過食物原本味道路過可以一試

冇記錯，大埔又真係冇乜凍嘅滷水小食🫨上網見到大埔廣福道咁啱開左間，裝修又幾有特色啵！😚大埔FB 嘅討論區都有人試過話幾唔錯🥰一於試吓先！🍴燒賣 $12味道正常，普普通通魚肉燒賣🤣價錢略貴😵‍💫🍴滷肉飯 $10呢個係性價比之選！😍有分大細的，而呢個都只不過係細嘅size！絕對係糧尾之選😋附近嘅中學生想慳錢嘅話都不妨可以買個嚟做lunch 😆🍴粉果 $12一份兩粒，皮好煙韌彈牙🤩入面啲餡都幾多！一次過食兩隻都幾濟😂都幾飽下！以下全部嘅滷串都係$10一串㗎咋！🫨🍴墨魚🦑🍴雞腎🍴豬潤🍴生腸🍴紅腸🍴腸花🍴腸頭凍冰冰加哂多芥辣多甜醬啊唔該🤩天時咁熱，行下街都冇以買啲凍冰冰嘅小食過下口癮🥰性價比又高，老板又nice 又傾得😍性價比:9/10好食程度😋：8/10回頭指數💓:8.5/10

最近運頭街呢度開咗好多新嘅食肆，今日有機會試呢間廣東小店，即係$10一串小食，好抵食！連豬手粒都係$10串。天時熱辣辣，食啲凍冰冰嘅串串就啱哂！今日我地試左豬手粒、雞翼尖、紅腸、雞腎、仲有橙金金的雞腳,睇見都覺得好開胃！一串豬手粒有4粒，爽口彈牙。如果鐘意雞腎嘅朋友可以一試！佢無嗰種雞腥味！雞翼尖香滑又juicy !老闆娘仲會加上甜醬同介辣增加串串風味！$10一串真係抵食！👍🏼👍🏼👍🏼👍🏼

今次發現大埔新開咗一間經典小食店，又多一個食小食 / 宵夜外賣嘅選擇啦！！！今晚收工順路就買啲返屋企試下，又可以大飽口福喇！夏日炎炎，來幾串冰涼嘅鹵串就啱晒啦！每串都係$10，份量十足。食鹵串又點少得芥末醬＋甜醬嘅配搭，今次點咗生腸、大腸、雞爪、雞腎同鴨舌。當中嘅雞腎同鴨舌更加係店中之寶，推薦必點嘅小食，爽口又彈牙，口感十足！另外，小店仲有飽肚小食，今次點咗一份燒賣，燒賣口感煙韌有嚼勁，仲有陣陣魚香，十分推薦！！

喺公司附近開咗一間滷水店，即係好似旺角肥姐嗰啲舖頭. 但係我覺得呢佢俾肥姐更好，點解呢？第一佢唔使喺熱辣辣嘅天氣下要排隊先啦。 第二大部份嘅食物都係$10吋真係超抵，仲要有好多選擇大約有成10至20款任君選擇再講味道，好食過肥姐點解因為佢多咗一浸好香嘅酒香味，生腸食落去好爽，魚蛋同埋紅腸都有穩定嘅發揮食落去唔會好味精.第一次食滷水蝦啲蝦好爽甜，再加埋啲甜醬同芥辣原來可以咁絕配.店員非常友善，好有禮貌咁講解邊樣係最出名，嚟緊應該下午茶經常走落嚟偷食