廿一堂

营业中

休息中

一入商場咁近有間餐廳 ， 黎到快閃食個Tea ， 揀左日式咖哩吉列魚焗飯！！！ 完全食唔出嗰嚿係魚， 日式咖哩汁個味好怪..... 個飯仲好似擺左好耐咁.....$55蚊既下午茶相信可以有其他更好選擇

喺海之戀行街買野，順道食個lunch，見餐牌有厚燒牛舌就唔洗諗即刻入去搵位食飯丼飯全部都包埋麵豉湯，大福，飲品廿一厚切牛舌丼又厚又大塊的牛舌，口感超豐富呀！配埋凍宇治抹茶鮮奶（加$8），大福皮薄煙韌，好滿足😋鐵板角切和牛配燒魂丼啲牛肉好硬，可能塊鐵板太熱，令啲牛肉燒到過左龍滑蛋吉列豬扒丼食落太乾，蛋唔算好滑

去海之戀行街，見到呢間日式快餐店，俾佢門口啲相吸引咗🤣，就入咗去食，環境寬敞，座位舒適，仲有海景睇🤗，我叫咗個廿一燒豚丼配甜品大福+汽水，另外再要咗芝麻手羽2件，飲品可以揀玄米茶/汽水 /麵鼓湯，又或者加錢升級其他飲品 。如果唔想要甜品，可以揀大根醬油漬，呢度好似快餐店一樣，有得攞會叫號碼，食完就自己拎返個餐盤去回收處。 啲豚肉燒得好香，幾好食，豚肉上面有一啲醃咗嘅蘿蔔，我就唔係好鍾意食，芝麻雞翼就同出面味道一樣，香脆可口，甜品大福好味😋，麵鼓湯就比較淡，整體都唔錯👍。廿一燒豚丼$73配甜品大福+汽水+$16芝麻手羽2件推薦指數：❤️❤️❤️❤️❤️店鋪資料 🏢廿一堂地址:荃灣大河道100號海之戀商場地下G02號舖 #foodieismylifehk #hkfoodie #hongkong #hkfood #food #foodshare #eatstagram #yummy #香港美食 #hk #hkig #fooddaily #happy #foodies #吃貨 #相機食先 #foodie #yum #純粹分享個人感覺 #記録 #食好西 #味道是主觀的 #荃灣美食 #午餐#日式快餐#海之戀

親民價錢日式快餐丼設有自座機自己選購或快餐店一樣點餐形式。完全唔會怕食唔晒2人share 一個餐時，落order遇到的尷尬。荃灣分店埋邊仲有幾個窗口位可以全海景，簡直高級享受👍今日我試了2個餐： *10為滿分*玉子讚岐烏冬，我轉了蕃茄湯濃湯牛肉，而裡面嘅牛肉好淋， 簡直媲美到好淋嘅肥牛。（6/10）吉列豬扒配日式咖哩讚岐烏冬 （7.5/10)吉列豬扒 真係脆得來好軟熟，抵讚， 咖哩仲有香濃的咖哩味👍所以套餐都配有乒乓球size的大福，大福外面仲有椰絲，裡面仲好多cream配做甜品，一樣好食。

鐵板角切和牛配燒魂丼🥩🍚 $93呢個牛肉都幾入味，有少少偏鹹，好適合攞嚟送飯～牛肉上面嘅炸蒜頭勁好食！又脆又香蒜味👍🏻燒魂丼個醬汁好惹味，如果真係要講就係個溫泉蛋唔係一隻完整嘅，如果蛋嘅份量多啲就更加好啦👅👅 廿一堂嘅每一個套餐都會配上麵豉湯、飲品同埋大福🍧～一個餐有齊飲品同甜品，真心好滿足囉！吉列豬扒配日式咖喱讚岐鳥冬🍛$82唔知有冇人同我一樣勁鍾意食日式吉列豬扒隔籬嗰個椰菜沙律🤣🤣講完笑講返個豬扒先，豬扒啱啱炸起好夠熱好脆口，亦都唔會有過多嘅油份，肉質亦都好淋～咖喱烏冬嘅咖喱湯底都好濃郁，烏冬屬於比較有咬口嘅！總括嚟講，幾十蚊有齊麵豉湯、主菜、飲品、甜品，仲要質素唔錯，我真係覺得冇咩挑剔嘅地方了！👍🏻👍🏻

唔好睇佢屬於快餐店，但食物賣相同質素喺快餐店入面黎講絕對係頭幾！乾淨程度就同普通快餐店差唔多，好在座位都好闊落，用餐環境算係幾舒適～🐟鰹魚湯讚岐烏冬配關東煮🐟🍜烏冬口感非常彈牙煙韌，好有驚喜👍🏻慢慢食，食到後面仍然保持到佢嘅口感，唔會浸到淋曬湯底就正正常常，飲完冇頸渴😆🍢關東煮嘅食材煮得幾入味🥕蘿蔔軟爛冇筋，最鐘意嘅係年糕福袋！腐皮同年糕煙煙韌韌嘅口感配搭好正🥹另外仲包甜品同飲品～今日嘅甜品係抹茶大福，糯米皮軟糯，餡係滿滿的cream😍

食過廿一堂午餐感覺唔錯,試埋早餐款式選擇頗多又特別,座位亦算寬敞,而且仲有無敵大海景,食完好醒晨我選咗沙嗲牛肉螺絲粉配牛乳炒滑蛋、厚切丹麥多士。講下沙嗲牛肉螺絲粉,嗰螺絲粉軟硬適中,牛肉軟身而且份量夠厚切多士,香脆又夠熱。至於嗰牛乳滑蛋炒得香滑,滿有牛油香,整體唔錯

夜晚喺海之戀商場買完嘢見肚餓就搵間餐廳醫肚先啦。見到呢間食丼飯，有啲日系feel，感覺幾舒服乾淨，同埋見到有牛舌丼呀，即刻入去試下啦😍😍。⭐️厚切牛舌丼 set $79。嘩，有4大塊非常厚切嘅牛舌😍😍。我嘅至愛。表面燒得好焦脆香口，又淋身，冇騷味。好有口感，真係幾好食。😋😋飯係日本飯，正呀。份量適中，女士好夠飽。⭐️餐仲附送麵豉湯，大福同玄米茶。都真係幾抵食。依家好少set會送埋甜品喇。大福都ok。成個set我清唒。身為牛舌控嘅我，好滿足咁離開。😍😍😋😋好食指數：5/5抵食指數：5/5環境舒服度：5/5回頭指數：4/5

今日咁啱同小朋友嚟到荃灣，就見到日本快餐！非常方便自助形式購買！人流唔算太多！而且座位寬闊！同小朋友食真係舒服！估唔到佢個三文魚茶渣飯幾好食喎！茶渣嘅湯底非常之濃味！份量非常大份！同小朋友兩份食都夠！

廿一堂囡囡今日開始放聖誕假， 帶佢去荃灣新開playhouse , 順便去附近食lunch .簡簡單單， 價錢經濟， 叫咗二個下午茶歺都唔洗$100，快食之選.廿一堂都食過幾次， 荃灣分店第一次試， 係荃灣西地鐵站附近個海之戀商場， 地點方便易搵日式裝修， 環境乾淨清潔， 食物選擇適中我哋叫咗個沙嗲牛肉螺絲粉+ 滑旦+ 多士，味道正常， 滑旦同多士即整， 食咗陣重暖暖地， 唔錯另外重叫咗個蕃茄通粉+ 手羽+ 多士+ 田園沙律+ 滑旦， 份量多， 手羽炸到個皮幾脆

👉🏻香煎豬扒、牛乳炒滑蛋、椰菜沙律、丹麥多士加配迷你番茄螺絲粉👉🏻凍奶茶 少冰 少甜去完荃灣西附近的商廈買防疫用品，係時候坐低歇一歇，再走更長的路www(袋野有d重🐰🐰🐰）望落唔知係咪錯覺，好似搵唔返先前食過好正的肉醬公仔面🤔都好ge, 即係佢都有間中為客人轉換一下menu🤣✨香煎豬扒大小適中，有肥有瘦，邊位都脆脆的唔會好乾囗✨丹麥多士同牛乳炒滑蛋就正常發揮✨椰菜沙律 反而係個沙律令我有d 意外❤️佢俾左好多椰菜，with 胡麻醬汁❤️好清新✨（因為個豬扒，蛋同Toast 其實都比較油膩，剛好balance 返🐰）✨最後係杯milk tea叫左少甜少冰，甜度非常滿意，好似走左糖咁👍🏻但個冰量好似常規般多🤣下次都係better 叫走冰🤣

行開海之戀，諗住求其搵啲野醫下肚，見到呢間廿一堂好似唔錯，餐牌主要都係啲日式丼飯、烏冬咁，係外面有部機可以自助落單，之後入去自己搵個位坐低，等嗌number就可以去攞自己既餐點。快餐店既形式，唔洗加一，價錢黎講都唔算貴，而且選擇都幾多，諗唔到食咩都可以黎試下～  1️⃣廿一厚切牛舌丼（$79）（北海道炸薯餅+$12）（宇治抹茶+$10） 本身個丼飯已經包一碗麵豉湯、大根醬油漬同埋飲品，我另外加錢追加左個炸薯餅同埋升級左杯野飲左宇治抹茶。炸薯餅都幾脆，不過唔算特別好食。另外宇治抹茶就偏甜左啲。大根醬油漬幾爽脆開胃👍另外牛舌丼真係好厚切🤩大大件有四大件！食落肉味香而且一啲都唔乾！表面應該有掃過燒肉汁先燒，有少少甜甜地既醬汁香😋  

喺荃灣搵早餐食，近近地海之戀都有好多選擇，趕時間就入咗呢間。🔴芝麻手羽早餐 $44日式雞翼雖然芝麻味唔算好出，但係七味粉香濃，乾身少少，但都幾脆口。多士焗得好香脆，配埋Anchor牛油幾OK。牛奶滑蛋聲稱用日本蛋，口感都唔錯。🔴特大魚餅烏冬早餐 $46魚餅超級大塊，表面煎香左。烏冬正常貨色，但係海帶同埋鰹魚味湯底意外地出色。🔴抹茶拿鐵 +$10雖然甜度偏高，但抹茶味夠厚唔會比甜味冚晒。連鎖店來講意外地好。🏠廿一堂 (荃灣)📍荃灣大河道100號海之戀商場地下G02號舖

之前食過廿一堂啲丼飯，今次試下佢嘅一人鍋，特濃蕃茄湯味道好濃，好多蕃茄，好足料！叫職員加湯仲好慷慨咁俾一大碗我個set啲豚肉都有好多塊同埋幾淋，相對好食過朋友食嘅牛小排以後食一人鍋又多個選擇

~ 廿一燒牛丼($64)🍚套餐包咗飲品同一粒大福😋，啱晒鍾意好似我呢啲飯後成日想食甜品嘅人🤣。飲品可以揀玄米茶🍵，汽水或者加錢升級其他飲品🤑。去到首先可以用自助機比錢💸，然後等叫no去攞就可以😌，同平時唔同嘅係食完記得要自己拎返個餐盤去回收處呀😉。食物方面味道都唔錯👍🏻，難得日本丼飯上面嘅唔係姜😙，食落有d似酸蘿蔔咁嘅味道🤔。丼飯入面仲有啲洋蔥🧅，鍾意嘅仲可以自己加啲七味粉調味🧂。不過個人就覺得佢啲燒汁好似落得有啲多，所以比較鹹😅。牛肉都偏韌，不過就燒得好有油香😌。