影片
以上资料只供参考，请与餐厅确认详情
去到大澳好肚餓，食小食都未夠醫肚，最後去了一間冰室進食午餐。見到餐牌，價錢同市區一樣。我地點咗蛋包飯配炸雞扒。價錢雖然唔貴但很有驚喜，睇得出廚師的誠意，餸的份量也很足夠。蛋雖則不及日式蛋包飯，因為煮太比夠老，但味道搭夠。雞扒比較普通，但配搭著西檸醬，誠意十足超越一般茶記。我地仲叫咗宜家比較小見的芝士咸牛肉多士，兩者很搭配。仲叫咗特飲，紅豆冰同菠蘿冰。正常發揮。
继续阅读
到大澳一日遊，行行吓覺得攰，便隨便搵咗間茶餐廳坐低食下午茶，強記冰室設計懷舊，我哋叫咗一杯熱奶茶、一杯熱檸蜜、一件西多士，食物質素正常，算不錯，如果去大澳可以考慮強記冰室！
继续阅读
最近去咗大澳本地遊，試吓呢間強記冰室，佢嘅沙嗲滑牛麵真係幾好味，沙嗲味都幾濃！✨✨👍🏻👍🏻牛油多士，比嘅牛油一啲都唔孤寒，兩塊又大又厚嘅牛油夾住多士一齊食✨😚，真係勁好味勁正(⁎⁍̴̛ᴗ⁍̴̛⁎)奶茶都唔錯✨✨👍🏻👍🏻(*≧ω≦) 茶味濃👍🏻✨下次去大澳都要去返呢間冰室，見到冰室都多大澳本地人去，滿哂座，都應該質素唔差！👍🏻✨
继续阅读
過年入大澳今次選擇唔去出名嘅棚邊咖啡室避免同其他人爭位而且唔想趕頭趕命要離開所以去左附近一間冰室新春餐牌不設午市套餐不過新年算係上下．【沙嗲牛肉麵（$48）】牛肉份量算幾多不過唔似新鮮牛肉經梳打粉醃製後都唔會無左質感牛肉片厚薄幾適中咬落幾嫩滑唔太韌沙嗲醬都算入味不過湯底似係公仔麵味粉再另加少許沙嗲醬汁中意食花生香既朋友可能會失望整體口味屬偏濃、質素同一般茶記比較的話算中上值得一讚係麵條質感唔會過腍仲保持爽口質感．【奶茶（茶走）（$20 左右）】奶茶味幾香濃滑身而且大大杯雖然茶走用煉奶不過行離島應該要多啲能量 🤣而且用左煉奶係真係滑身好多好多令熱奶茶昇華到另一層次．【火腿煎蛋米粉（$48）】無乜特別但湯底有驚喜竟然唔係清到無味既湯底而且煎蛋幾出色蛋香味濃 🍳而蛋黃仲保持半熟狀態可以混入湯底一齊食更滋味．傳統冰室買少見少去開離島不妨幫襯下
继续阅读
消磨時間同醫肚好地方，點了炸雞翼同薯條及紅豆冰。鷄翼外脆內軟有肉汁，薯條是波浪外型外脆內軟食到最後都依然脆，平凡嘅食物都有驚喜難得！紅豆冰用足料大粒紅豆同花奶有懷舊味到。有機會再去幫襯😋
继续阅读