強記士多

营业中

休息中

食咗個午餐完全冇諗過鄉村有呢種質素。廚師一定係西廚出身。出嘅食物一定有擺碟。椒鹽豬扒香。白飯香同硬。雞翼烏冬好有心機烹調雞翼。凍奶茶超水準。行過一定要幫襯下必定會再嚟。

天氣開始轉凉, 最好就係去郊外行下減壓. 但唔想行得咁辛苦, 最好就係去鹿頸啦.行完肚餓就坐入去依間露天茶餐廳食點心, 荒山野嶺完全無期望之下居然有驚喜. 腸粉好綿好滑, 唔似有雪藏過, 配上甜醬花生醬同豉油濃淡岩岩好, 再加埋芝麻加添香味, 味道完全唔輸比市區鋪頭. 魚旦同燒賣就中規中規, 係街買既質素. 另外重有不同飲品選擇, 個日飲左支紫背天葵, 酸酸甜甜幾好味, 平時係市區唔常見.餐廳旁邊就係小巴站, 可以坐住等小巴唔洗企住等, 附近亦有男女廁可以梳洗, 方便各位行山人仕