強記飯店 (已結業)

去食lunch好想食海南雞飯就去左呢間一個餐一碗飯,一碟雞(同普通白切雞無咩分別),一碟菜,一杯飲品唔好食而且都好貴$44落單時問我飲咩咁我未唸到話一陣先佢勁惡咁話唔好一陣啦咁我唸下一陣落有咩問題好無禮貌無下次ps 真係好多中年男人

好少會用垃圾來型容一間餐館, 但北角既強記飯店絕對當之無愧. 今日跟同事來這裡食, 叫左碗狗流雲吞面...最後我頂唔順這店的一切, 食晒d 雲吞及咄了幾啖麵就離隊過去對面麥當勞食埋個下半場, 可知強記有幾"好"!!!!食物- 難食, 叫個鴨腿湯飯, 無味. 粉麵異常難食, 奶茶既茶唔知係用咩茶來開...極難飲...所謂的海南雞飯, 廢夾貴衛生- 劣, 環境雖然算係一間大而舒服既茶餐廳, 但備用的細碟卻盛滿水, 仲有菜頭, 荵, 仲慘過無洗.態度- 可恨係無得俾負分...簡直係極度惡劣, 落單態度悔氣, 全情黑口黑面又無拿刀叉筷子過來, 食物過來要我地用手去接..埋單出問題, 好惡咁鬧客人...混帳!!!! 我唔理其他我無食既食品得唔得, 但這惡劣無人性的服務態度已經令我唔會再來受氣.不如改名叫"弱記" 或者叫"強姦犯店"更好了!!!

尋日同老公去食早餐, 雖然住北角, 但從未幫襯過, 決定一試。一入去, 食客全是中年男人, 個個好似前世未見過女人咁眼甘甘望住我, 已令我有好不安的感覺。選了一個閣落位坐, 我點了沙爹牛肉麵, 老公要肉丁麵。茶餐廳出名上菜速度快, 但我們等了很久槕上仍空空如也。終於等到個肉丁麵先來, 通常肉丁麵的湯是紅色的, 但面前的麵是白晒晒的, 令人提不起食欲。看見這樣, 已不對我的沙爹抱期望。等到我的麵也上枱, 真的亦是白晒晒, 全無沙爹味。兩杯檸茶更過份, 茶味極怪, 好似洗碗水味, 飲了兩啖已不能忍受。後尾過聽到廚房佬大聲鬧一名女食客, 鬧到全間餐廳都聽到。食物水準已經咁差, 服務亦是如此, =真係唔駛指意再去第二次。

The Honey Char Siew here is very good..chewy and not too fat The service here is pretty ok too!

通常都會食佢地既燒味餐, 次次都保持水準, 好味!要提一提個例湯, 夠熱夠味足料又大碗, 配燒味飯一流!

今日同囡囡係呢度食晚飯(無老婆在身邊的日子真係好難過)，之前已經黎過兩三次，印象中呢度係食燒味既。入到去，兩個餐兩個人一齊食。海南雞飯同燒味雙併餐，唔知點講好，呢度D燒味真係好味D架wo...不過海南雞飯果油飯我就覺得唔夠油香，其他野都好ok，不過價錢就比同類餐廳貴少少，但D野係得wo。凍咖啡算係水準之上，香滑。

去北角找舊街坊傾計，兩點幾大家都未吃東西，來了這裡。坐低至知，這裡名副其實是一個煙竇，十個有七個客人都在煲煙的，包括我的朋友在內，怪不得他來這裡，好在我也不太怕煙味的。我例牌要了個叉蛋飯，朋友的則是茄子魚菘炆米。魚菘炆米好快上檯，叉蛋飯反而等左一陣，好在朋友肯等，可以一齊影晒兩碟。叉蛋飯很多地方有得吃，做得好的地方很少。這裡的叉蛋飯，也是保持水準，叉燒半肥廋，幸運地是枚頭肉的位置，廋肉也夠腍身，叉燒亦夠熱，不是凍凍的，吃起上來感覺好好多。加埋隻煎蛋，味道不錯，難得叉燒的醬汁味精也不多；也吃了朋友的炆米，味道也不差。米粉乾身夠味，又不油膩，都算食得過，杯熱咖啡就差了一點。服務是街坊店質數，落單時講明要「扣底」「減色」，出來是全不是那回事，一般。埋單60蚊，以食物水準計，是不錯的，不過就要支持得住煙味至得。

每個星期六都會約埋班同事食完早餐才上寫字樓搏殺。之前的幾個星期都是去時時樂食，吃得多了有點厭倦，於是改去第二個地方。當中有人提議去強記。準時八點半到埗，入去搵定位。起初都唔係太為意，後來座落再點了食物後覺得愈來愈熱，原來是沒有冷氣。點了個西式早餐，有雞扒、蛋、火腿、豆和餐飽，加埋杯凍奶茶要$22。火腿和豆都係行貨野，冇話特別好定唔好。雞扒雖然唔大塊，不過就幾淋和幾入味，算不錯。奶茶都有一般茶記既水準。可惜大熱天時食早餐冇冷氣，認真好惡頂。

我ｏ個日無無聊聊ｏ係北角行一陣，見到有間強記飯店，我覺得個名好有親切感，於是入去試下。坐低睇下餐\牌有乜好食，終於叫左個叉鵝飯，一杯熱咖啡，ｄ叉燒半肥瘦，師傅手勢一流，仲有ｄ燒鵝皮脆肉滑，食飽飲埋杯熱咖啡，我仲以為絲襪佬ｏ個種：又香又滑，雖然埋單都幾貴，不過一分錢一分貨，我都會繼續支持！油雞佬同埋水吧仔繼續努力呀！！！

燒味好好味，　好香不過我印象最深既都係佢啲炸薯條，我覺得好味過ｍｃ記，真係條條都好脆，又夠大條，外面好脆，裡面好香，抵食

在這區食燒味飯時一向去開一條馬路之隔的廣東, 話晒叫做燒味餐廳嘛. 上星期六午飯時間經過見佢客滿便姑且一試. 咦, 點解仲貴過廣東o既?原來好食D喎. 燒肉好脆皮, 切雞有少少雞味, 連瘦叉燒都竟然唔會乾硬, 都算有水平啦. 對面係專題燒味餐廳, 但係佢竟然打低o左人地專題出品, 都算犀利.當然評語係以茶餐廳標準計, 不能和高一級的食肆相提並論.

上星期六即12月3日原本和一個朋友想去開心一族鋸扒,點知那間餐廳執了,所以搵了這間就近mtr 的"強記飯店"吃午餐,加上在門口見到燒味好像不錯,所以便入內一試,我點了一個午餐有燒味雙拼飯加一盅燉湯一碟油菜42元燒味是叉燒油雞---叉燒是半肥瘦不錯,雞卻是雞翼骨多過肉...孤寒燉湯叫了木瓜雪耳---幾清甜滋潤油菜是芥蘭---得幾條太少但很爽口我朋友點了糯米飯---飯夠硬叫了一碗西洋菜例湯---飲了一半發現菜蟲,嚇死.幸好不收我們錢還有點了菜很久沒送來,催他們又叫等下先,根本沒心跟進,回答時語氣不太好,所以服務一般

可能係我自己誤會咗啦，我諗呢度真係唔係茶餐廳，雖然佢個名係”飯店”，但係佢入面既格局根本就係茶餐廳，之所以我就覺得唔抵食啦．．．17/9 中秋節之前嗰晚同朋友黎咗呢度食晚飯，雖然我係住北角，不過都只係第一次黎，朋友話呢度幾好坐，咪入黎，但我估唔到價錢都幾貴．．．　我哋叫咗兩個餸飯，一個係海鮮雜菜煲，另一個係椒鹽鮮魷，講真個”魷”又真係幾好食；不過原來仲會再送多個油菜，早之係咁兩個人share 一個餸飯咪得囉．．好在我哋都唔係剩好多．．．所以如果下次再黎，我會識叫啦，咁就唔洗覺得咁貴！

昨晚去了食叫了沙嗲金菇肥牛粉絲煲($52), 味道很淡, 沒有沙嗲味, 肥牛又真係勁肥, 完全唔掂, 套餐包一碟油菜, 一個白飯, 餐飲改西洋菜生魚燉湯(+$10), 麻麻地, 總括來講唔好食

我上個禮拜食過，本來冇諗住寫食評，不過見有人寫我又寫下。我都有食糯米飯，唔係好得，D飯好腍又唔夠臘味香。再叫一個燒味套餐，可以叫雙併不過我只要叉燒，D叉燒切得好薄冇咬口，又唔夠蜜汁味，不過個餐收三十幾四十蚊包飯、湯同油菜，都算平。仲有一碟清炒西蘭花，一般啦都算爽口。係北角搵食的話，我相信好多食肆會好過佢lor。