強記飯店

营业中

休息中

近日想吃叉燒飯, 又唔想去到再興咁遠, 係OR 睇見到強記排名係灣仔都幾高, 又比較近公司, 所以lunch 去試下坐低一睇餐牌, 呆左... lunch set 最底消費要$38... 心想, 就試試這招牌叉燒煎蛋飯啦點菜後很快就有, 看上去很遜色, 個碟大大, 食物份量一看就看得出少很多煎蛋是煎雙蛋, 有蛋汁, 但不太熱, 可能是因為天氣冷, 斬叉燒的地方又較近門口可是, 叉燒真的少得很離譜, 好像在大家樂叫了碗細叉燒飯似的, 而且切得細細片, 一點兒咬口也沒有雖然叉燒都幾腍, 但照餐牌所說 這是招牌的 就真的不知所謂三扒兩撥就冇野送已經不多的飯了餐飲叫了金桔檸蜜, 沖得幾好, 不會太甜或太淡, 是這餐唯一的thumbs up整體上, 以近$40 的價錢來說是非常不值的, 在灣仔吃銅鑼灣的價錢, 吃得不是話兒, 沒有下次了

十月下旬‧晴想吃餐包，看到這裡的早餐餐牌，發現好幾個餐也有餐包。又見有叉燒奄列，這裡的叉燒出色，叉燒奄列也自然好吃，就是如此。叉燒鬆化，蜜汁味不算濃，幾有肉味。加上滑蛋，好吃。反而餐包是來貨，不過沒有所謂，叉燒奄列好吃，已足夠。熱咖啡很香濃，是精神食糧。早上吃得飽飽的，感覺很不錯。

食飯, 要快, 落來食強記啦。目標是招牌叉燒煎蛋飯, 交帶了豉油另上。此「黯然銷魂飯」有煎蛋一孖, 鋪在叉燒上, 不過連菜都沒有半條的, 賣相相當「簡潔」。飯其實並不算大碟, 也不熱, 我想男士吃都未必夠飽。篤開煎蛋 (雖然蛋也不見得很熱) 讓蛋汁流到飯裡才令飯沒有那麼乾。至於很多人都讚的叉燒嘛...可能是碟頭飯無得揀叉燒的關係, 得到的叉燒都是又鞋又韌, 也比較鹹; 好在自己只是倒了少少豉油到飯裡, 因為味精實在太緊要! (後來在北角強記吃到的也是差不多的水準, 難道這是他們集團的特色?!)之但係, 又未至於難食到喊嘅... 係唔抵食咁啫。

五月中旬．晴要買點叉燒，不去再興，也可以來強記。在掛起來的幾條叉燒，中選了一條看上來稔身的（要知如何選稔身叉燒，請參考我的秘方：http://gourmetkc.blogspot.com/2010/01/blog-post_12.html）。師傅秤一秤，隨口說：「三十啦」。查實一條叉燒又那用三十元？不過我選了心頭好，貴也貴不了幾元，而我又不是想買tee去感覺「實在」的人，多付一點，吃好一點，更緊要。叉燒果然不錯，就算不是帶肥肉的部份，肉質也是爽脆嫩滑，蜜汁上得均勻，甜味加上油脂，是最配合的了。家中的吃法，是將叉燒「藏」在熱飯下，令叉燒更軟熟，飯也更好吃，大家不妨試試。

今晚與朋友在灣仔有事相討，要找個不多人又不嘈雜，兼且可以坐得耐的地方，最後選了天樂里的強記食燒味。小店為新派茶餐廳格局，間格四正，鋪位深長。店內左邊是一長排卡位，中間則是六至八人檯，近入口處為燒味檔，整潔光猛。強記主打各式燒味，晚市亦有其他中式小炒，還有多種足料燉湯。為試盡鎮店的燒味及燉湯，所以我們均點了燒味燉湯套餐。 螺頭鮮雞腳燉湯：最初想點竹笙金華火腿燉雞，卻剛剛售罄，但螺頭湯也絕不遜色。除了兩大隻鮮雞腳外，小小燉盅內也有數件螺頭片及瘦肉，果然足料。燉湯火候十足，味道濃郁，啖啖均是螺頭的鮮味，而雖用上鮮雞腳，但也不會過份油膩，絕對是推介之作。 叉燒切雞飯：各式燒味也是這裡的招牌菜。小弟選了叉燒併切雞，叉燒屬最正的半肥瘦，口感佳也不會太油膩，蜜汁配上叉燒本身的肉汁，甜度適中，亦不會乾巴巴，味道確不錯；切雞為雞翼位置，雞味重，而且嫩滑肉厚，味道也好，連奉上的薑蓉也用不上。 蠔油菜心：菜心青綠新鮮，入口也清甜無渣，但與兩道招牌菜相比，確實較普通，比下去了。 我們由七時坐到九時半，店員不但沒有干涉，還特意替我們換上熱茶；在選燉湯時，也給三心兩意的我們提供意見，以燒味店而言，服務真是貼心

4-6-2010繼續收工趕「下場」, 附近食到無嘢好食, 今次試試呢間燒味店. 2 人叫了兩個小菜套餐 (套$55), 有叉燒炒蛋及琵琶豆腐, 不過白飯就只要一碗好了; 另一人一盅燉湯「滋補」一下. 先試朋友的螺頭燉雞腳 (「雞湯」系列要加 $22), 火喉十足, 飲落滑喉清甜, 亦帶強勁火腿香, 正 我飲椰子紅棗燉雞 (都係「雞湯」系列, 都要加 $22), 材料豐富, 一樣火喉十足, 味道濃鮮又帶濃烈椰子味, 又係輕易清碗 叉燒炒蛋賣相油油滑滑, 食落亦然, 蛋味夠香, 就連叉燒都係軟熟嫩腍的半肥瘦, 食唔停口! 比上次喺牛記茶室食 lunch 的相類出品 ( (http://www.openrice.com/restaurant/commentdetail.htm?commentid=2040948) 更好食, 2 人「啄」吓「啄」吓結果清了碟, 值得試試.不過琵琶豆腐就十分難食 -- 碎豆腐混了入鯪魚膠再炸, 賣相尚算「金黃」, 不過鯪魚膠實在「膠」得過份, 質地 Q 得離奇 , 食落味道只係一舊炸過的, 蠔油芡汁 (?) 味的粟粉團, 難食到爆 早知正正經經炒碟

1/4/2010 晴天今天下午四時已經收工了, 又有嘉豪接我收工, 放工後真是帶點肚餓, 走了去以前常去食下午茶的地方<強記>, 其實是我的舊同事較喜歡去<強記>, 因為他們喜歡這間飯店的奶茶,我們以前都約兩三個人去食下飯, 嘆下tea, 都聊下天下午茶的選擇都不少, 有沙律, 飛碟, 炸醬麵, 燒味.....強記的馳名燒鵝是招牌菜, 但我都未嘗試過, 所以我想食番碗燒鵝瀨粉, 燒鵝有七八件, 份量都好十足, 帶點微暖的燒鵝賣相相當吸引,鵝皮都好香脆口, 充滿肉汁,鵝肉的味道香濃而且肉質嫩口,配上充滿的梅香酸梅醬, 可以去除油膩的感覺瀨粉都好大碗, 瀨粉咬落都好煙韌, 每條粉條都好滑溜彈牙,真是水準之作, 下次我都試下食燒鵝脾嘉豪就食原汁牛腩麵, 牛腩都炆得腍, 但不是好入味, 湯底都較清淡,味道淡口, 可能都即日製做的湯底, 不似得茶餐廳的湯底濃郁, 特別之處是湯底內有八角, 陳皮的材料, 麵條都好爽口, 份量十足, 不過這碗麵不是太令他合意奶茶的味道仍舊香濃幼滑, 味道香甜美味, 茶香濃厚, 我真是好喜歡這裡的奶茶地方都好光猛而且設有卡位, 氣氛也是

收咗工回到銅鑼灣轉車歸家, 看見這家飯店門面四正, 入去來個燒味雙拼飯也好. 開位後看一看餐牌, 嘩! 雙拼飯要收$38一碟? (仲唔包飲品) 賣到咁貴, 係唔係咁好味先? 當然唔會有人回答我, 唯一方法就係試! 肥义鵝飯 - 肥义不夠肥, 肉質麻麻, 冇入口就溶的感覺. 燒鵝仲差, 無鵝肉的香味, 偏老! 連白飯都唔夠熱! 吃完成碟飯我實在找不到理由碟飯點解咁貴? 一定是搶吧! 這等貨色通街廿零蚊就有得食了!

最近愛上強記, 愛上她的叉燒自從再興呃秤事件少左去之後, 發覺強記叉燒更合我口味自少已對叉燒情有獨鍾, 喜愛它的蜜味, 喜愛他的微燶, 喜愛他的肥瘦比例, 喜愛它的入口即化強記的叉燒, 蜜味不算重, 但微熱&微燶得黎再加燒味豉油, 多瘦少肥適中得黎唔會太韌, 於中午碟頭飯黎講已經好滿足如果嫌單調的話可叫叉燒煎蛋飯, 蛋是荷包蛋, 而且是兩隻, 又屬另一推介半肥瘦叉燒+兩隻荷包蛋, 雖然知道對健康多害少益, 但還是肚皮戰勝理智, 味道大於一切

家中沒有煮飯，而且也晚了下班，路經銅記，就來強記吃燒鵝吧。甫坐下，也見到餐牌上有一人超值套餐供應，餐內有一盅燉湯、一碟雙拼燒味、一碟郊外油菜及一碗白飯，但所謂的超值也要五十五元。先來的是燉湯，燉湯比老火煲的湯更罕有，其實在外邊也很少可以喝到，除非你到一些老酒家，或是那些收費很貴的星級酒家，今天喝的是瑤柱福果薏米冬瓜，其實不用另收費的已有六款選擇，選此湯也是看中有冬瓜，好消暑，另外店家也指明此湯有降火、利尿及去濕等作用，所以也點了，先喝一口，燉湯就是燉湯，也是那說過多遍的好處，就是既味濃，湯清甜，又不肥膩，福果薏米煲得鬆化軟腍，冬瓜保留其形態，但一口咬下卻是軟綿無比的，吸了清甜的湯，非常好吃，而豬展就很嚡，但其實是應該的。油菜是既定了的菜心，面頭撤上些許蠔油，雖然本人愛吃蠔，但個人不大吃蠔油，因為覺得兩者吃起來毫無關係，但今天的蠔油確實是香而沒有死鹹的感覺，伴上爽嫩的菜心吃，很不錯。燒鵝及叉燒一碟，也是一般燒味飯所配的份量，每款各有六件左右，首先搶閘試試它們馳名的燒鵝，一咬下，皮是軟腍的也罷，心想可能店家的賣點不是如鏞記般的脆皮，而是鵝肉的香及肉汁吧，但再仔細吃，也是吃不到鵝肉香，感覺是

星期日晚去了強記，因為其實不是很餓，我滿同行四人都叫了撈麵。一個叫了炸醬撈，三個叫了叉燒撈。我地有個經常去食的阿姨叫伙計比d本肥瘦叉燒，伙計說:「今日d叉燒都係瘦個。」我說:「盡量比多d喇。」麵到了，三碟有兩碟全瘦加"細細粒"。得一碟係有大大塊半肥瘦叉燒見到。我知唔怪得佢地，因為佢都盡左力。瘦叉燒真係麻麻地，硬了點，又好細粒。但d麵就幾爽口，有鹼味，我落左唔小醋。總體來說，一般水準。

本來我是去渣甸坊食午飯的，在研究菜單時候，搭枱的女子跟我們說蒸飯「生骨」不熟，於是起身走人。推門入店前看見店舖四周都貼上不少雜誌報導，尤其推介燒味。兩個人點了一個排骨蒸飯和叉燒蛋飯。例湯無甚特別，都是一般的味精開水。排骨蒸飯，排骨入味，幾好食。叉燒蛋飯的叉燒太瘦，不夠香，雖然肉質也夠淋，但我還是喜歡帶肥肉的半肥瘦叉燒。午餐價錢跟原來想光顧的渣甸坊食店貴2元，但環境及清潔就好好多了，這2塊錢真的慳不得呢。

午餐時段, 不知吃甚麼好, 轉了個大圈, 最後去了強記, 這是第二次幫襯, 第一次在數月前, 聽講最出名是燒味, 試過了但不同意, 那次食燒味午餐, 义鵝一碟, 飯一小碗, 凍飲, 收五十七元, 中上價, 义燒沒有想像般好, 可鹿期望過高, 總覺得太瘦不夠香, 燒鵝味道算中上, 但太多連皮的肥膏, 唯一優點是, 沒有搭一兩舊隔夜賣剩貨, 今次再臨, 午餐食菠蘿生炒骨飯, 以碟頭式上, 連凍奶茶, 四十二元, 價錢貴過翠華, 可惜服務與食物質素一般, 排骨肉質較實略韌, 而且一兩件明顯炸過頭, 呈黑色, 總括而言, 與左右街尾一般收三十多元的茶餐廳無異, 另外, 侍應質素差, 自由市場, 供求定律, 老闆要收上等價錢, 當然認為出品優良, 但是否也需配合服務水準? 僅告各位侍應們, 並不可以教育程度低為藉口, 身邊親友大多沒讀過書, 做茶餐廳侍應, 不知幾好禮貌, 無他, 因為尊重自己, 認真對待自己的工作及尊重別人, 所以才認真對待每一個來吃飯的客人, 也得到客人的回饋尊重! 不懂尊重自己, 當然也不會尊重別人, 對自己的工作不認真, 看不起自己對工作, 才會做出無禮的事, 別人也看不

早幾日行開呢頭, 忽然間好想食叉燒飯, 師傅好自然諗起呢間食店, 於是就全速前進, 目的就係為一碟叉燒飯!午膳時間又唔算好多人, 一條友都幾易搵位, 一坐底即刻叫左碟叉燒飯加杯凍檸茶! 等左一陣碟叉燒飯就擺左喺師傅面前, 望一望d叉燒, 發覺燒得好靚, 於是即刻開餐, 先試下件叉燒, 發覺今次叉燒比較瘦, 算乾身少少, 如果係咁早知要半肥瘦啦, 但叉燒依然燒得好香, 加上蜜汁份量夠, 甜甜地勁好味, 真係冇得頂; 而凍檸茶夠凍夠茶味, 唔會太甜, 好味!總括黎講叉燒質素依然出色, 服務真係一般, 環境地方一般, 價錢真係偏貴, 而家要三十六蚊碟叉燒飯, 絕對唔算抵食; 師傅都唔係好明點解好似加價加得咁快呢? 師傅仲會唔會黎呢真係不得而知, 就算唔黎都唔係因為食物質素, 而會係價錢, 接近成四兜野一餐晏, 真係唔係好化算, 不過笑臉都依然要比!

我心目中灣仔最強叉燒, ..不過貴左d la不過記住叫淨叉燒飯, 咁淨叉燒飯d叉燒係靚d ga佢整叉燒個汁好好味, 個面仲好有燒過gei蜜煻味我見有人話個叉燒硬, ... 叉燒瘦係會硬d gei, 叫肥叉就會林d....自己選擇la以前我鐘意叉燒平肥瘦燶...依家就唔敢la..燒鴨都幾好, 多汁皮脆個老火湯都ok..不過幾貴奶茶香燶, ok滑la... 算幾好