彩晶軒

营业中

休息中

今晚和媽媽去彩晶軒享用晚餐，點了西蘭花炒帶子，鮮嫩的帶子搭配爽脆的西蘭花，口感極佳。冰鎮咕嚕肉則是酸甜適中，肉質鮮嫩，半隻吊燒雞外皮香脆，肉質多汁，十分美味。最後的甜品更是清甜可口，整體而言，今晚的晚餐令人滿意。

趁父親節，一行五人去飲中午茶，不設訂位，在門外等左大概半小時就被知客帶入去，入到去伙記仲收拾緊枱，見佢哋要收走大圓板，當時我見通道陜窄，我和小朋友就靠站在放茶杯碗櫃，以防阻住通道和伙記傳菜。 突然一個穿紅背心制服的短髮大嬸，拎住一大盆洗好的的杯碗衝過來，用粗言穢語嘆令我和小朋友走開，說是我們阻礙她，當時我已馬上拉開小朋友，但通道實在狹窄，走開後這大嬸仍粗口不停。 對唔住，係我和小朋友阻到你，但係係咪應該執好枱通知客人入座呢？同埋有無需要用粗口鬧人呢？ 極惡劣的服務態度，絕對沒下次。

上個月 27 號同屋企人一齊去西鐵元朗站彩晶軒飲茶，見佢早排啱啱新裝修完，所以去試下.......裝修完之後同之前無太大分別，只係覺得個洗手間乾淨咗。四張點心紙同之前差唔多蝦餃皮太薄，一夾就爛，蝦肉還算新鮮。味道不錯，雞肉新鮮，芋頭都夠「粉」。味道👌，不過油份比較多，食完之後，碟低全部都係油。好有懷舊風味宜家好多間酒樓都做唔到依個味道。合桃味濃郁，非常杏仁味都好濃，.s 員工服務態度極差，不論對客人定係員工之間交談，都好大聲，非常嘈炒，而且經常在員工交談中講粗口。

裝修前周不時都會同同事等佢開門飲早茶，裝修後開門時間提早左，真係可以飲早茶啦🍵選擇彩晶軒，因為酒樓地點方便，係元朗地鐵站上面，裝前後感覺分便不大，係冷氣大左！枱凳仍然好逼夾！感覺上價錢好似貴咗，最離譜係叫咗一籠鳳爪，但得三隻🙄🙄🙄第一輪落單漏咗其中一款點心，一開始話落漏咗，轉頭對單又話剔錯點心，但無論有冇剔錯嗰款點心都無嚟過😡有個樓面姐姐仲話而家轉其他有排你等，叫我哋要返剔錯嗰個，態度十分唔友善；終於等到剔後補點心，但又唔知邊個手多撳咗兩次😒但好似係我地問題咁，個男經理有啲唔耐煩！

平時飲茶一般都淨係鍾意去海港或者海皇漁港，因為食親其他啲質素一係好貴，先有一個合理嘅質素唔油膩足料，一係就好油膩唔好食好似上次去稻香咁今日因為去拜年人哋揀咗元朗呢一區嘅呢一間新年一定貴㗎啦，平日我就唔知價錢啦，估唔到質素唔錯喎又價錢偏貴，因為係新年期間！所以等位都等好耐㗎 此乃正常現象🤣🤣髮菜蠔豉豬骨粥麻麻哋！個粥嘅味好似唔新鮮定係點，蠔豉都係質素不吸引的 唔識形容又唔係話唔新鮮都要拎出嚟，但係唔會想食 唔通就係唔新鮮？髮菜份量都好少。一般出面嘅煎蘿蔔糕我會驚肥，由於太肚餓食咗半塊覺得幾好味。 $138嘅炒飯勁足料好味，個賣相都唔錯，但係呢張相都影唔出入面有好多叉燒粒帶子粒蛋白之類配菜非常之足料，大家都讚好，而且唔會好油膩。 $48嘅鹹菜豬肚份量都好大，有好多豬肚同鹹菜胡椒味足呢個都幾好味但係有少少油，唔記得叫粟米咩波整體質素唔錯，但係啲侍應就勁奇怪不斷極明顯地問我哋拎利是，一唔俾就態度轉變，又喺度同人撞到就鬧鬧吓😅😅由於我學識咗自助斟水，所以我都唔靠佢哋，如果唔係我哋都唔夠水飲好少人serve我哋！唔記得講個菜心好好味，不過$38有大概10條㗎咋

和朋友相約晚飯聚餐，選擇彩晶軒，因為佢地點真係最適中，喺元朗地鐵站上面，交通相當方便，本來感覺應該係一間好大嘅酒樓，但入到去可能因為有人擺喜酒嘅關係，所以變得整返原來嘅四分一大少，感覺有一啲狹窄，但坐落我哋十位都尚算舒適，好快趣咁點都唔同嘅菜式；再開兩支紅酒嚟慶祝朋友提早退休，而彩晶軒最好嘅地方就係完全唔收紅酒費！而菜式方面，質量亦都相當之唔錯，炸乳鴿香脆可口，北京填鴨皮薄肉少，包皮用籠蒸熱，再加上配菜同埋脆脆嘅鴨肉，質素相當之高，而二食嘅菜包鴨鬆，有各式花生鴨肉鬆，食落口感層次很好，冰鎮咕嚕肉就更加香脆，蒜蓉勝瓜開胃醒神！總括來說都係一個性價比高嘅酒樓。

叫了晚市長腳蟹歺$2400，話說是3斤半的長腳蟹，上枱後發覺無蟹肉也不新鮮的，好似養咗好耐咁。而職員態度極之惡劣，如1.有八人要開兩壺茶，阿姐話晚市開一壺得啦！2. 上菜要自己放在枱上3. 分湯時流瀉哂，又大力放碗碟在玻璃𨍭盆上4. 當時食完蟹沒有人換碟5. 語氣差連部長都一樣懶散6. 埋單時話用apple pay找數，叫你自己去櫃檯付款。這樣的酒樓還可以生存是奇蹟。食到一肚怒氣。最值得一讚是廚房轉菜阿姐，她要自己上菜，我哋幫手搵位給她放時，說聲謝謝，感動。

酒樓向來處理茶客「取號入座」得過且過，很多熟客都直接入去打聲招呼，不用取號等叫籌就可以輕易入座。今日發現如常取飛入座的客人都會有特別嘅對待……正常飲茶叫啲點心，叫啲小食，酒樓水準正正常常，落鹽重手少少，最後我食完因有事打算先結帳離開，待家人慢慢嘆完茶先至離開，可惜，家人碗粉麵都未食完，你們的侍應紛紛到來收走餐具，唔知呢啲係咩嘅服務態度？其後職員仲額外施壓話：你哋埋咗單係咪準備要走喇，我出面叫咗飛啦喎⋯⋯？今時今日，講真我唔要求有啲咩特別嘅服務質素，星期日如常喺茶樓飲個茶都要三催四請咁趕你走，冇辦法啦，可能留咗個位比啲熟客。

今日去飲下午茶，因幾年前來過覺得好好食，但今日真心失望😞，d餃皮太散，－挾就散開，又咸，山竹牛肉球重夠胆死收人特點價錢😤😤，牛肉有怪味，嗰碗燒味湯檬，d燒味凍晒，燒鴨得肥糕😩，d雞得血腥味🤬。職員態度惡劣，叫埋單眼厲厲，不會再幫襯😡🤬😡🤬

因為位置近地鐵站 所以先想方便買個外賣 再順便轉車坐輕鐵 叫左一個豉油皇炒面外賣 等左15分鐘都無影 入去催外賣 個個樓面都話唔關佢事 要搵經理幫手入面個個人都事不關己 錢就識收 出唔出到食物完全唔關佢地事咁搵到個經理 仲要話自己唔得閒唔知咩事 連入入廚房都無做過 一直行左行右 扮到完全唔關事自己事等左成30分鐘先施施然拎個外賣出黎 一個炒麵要$88仲要等30分鐘先有 味道仲要極差 呢間野疫情期間都未執都真係奇蹟 貼錢買難受嘅極致

本人體驗同好多其他人寫嘅食評一樣，服務態度奇差！職員愈高級態度愈差，可能因地點較方便生意唔錯關係，加上可能中小形飲食集團無乜管理文化，根本一副唔憂做、唔願做的態度。食物方面，選擇少，無特式，質素一般。茶包淡而無味，就算加多一包茶包都係偏淡。所謂飲茶，最緊要啖茶，但偏偏宜家好多酒樓都忽略咗茶嘅重要性。可讚嘅係地點方便算最大賣點，位處元朗站內。環境還可以，餐具目測算清潔。但最大問題係服務態度，真係不敢恭維。如其他人所說，無下次！

服務差，侍應、經理態度懶散，愛理不理，只會敷𣶹。禮貌欠奉。上菜速度慢，兩個人叫了四項點心+一碟椒鹽九肚魚，第一碟來的是四件的椒鹽九肚魚，約20分鐘上，而其餘的三碟點心，就每約6-10分鐘才來一項，最後一碟腸粉等了一個鐘，追了四次，而每次侍應說叫經理追，但又看不到是那位經理，追到第四次，直接找經理，他就說全不知道。大約在11:20入座，餐單選擇很少，沒什麼選項。清潔度一般，服務與一般茶餐廳差不多。簡直有種貼錢買難受的感覺，不會再去。

集團式嘅酒樓冇想到服務態度都可以去到咁差， 唔夠人手可以體諒，高級部長擺明留枱給熟客， 坐咗落枱都要趕你起身， 門口票機形同虛設， 為什麼要派飞排隊攞枱呢， 唔知集團酒樓總部是否也如同票機， 真的沒第二次

今日陪媽咪去試下黎西鐵站旁既酒樓，嘆下一盅兩件飲下茶，真係人生一大樂事🥰環境：一到門口已見五少人等位，門口有放一啲座位比公公婆婆喺度等位，望入去好光猛闊落，座椅都多，坐落舒服。食物：去酒樓梗係要食點心啦，呢度就冇太多特價點心俾大家揀。可能因為我係星期日去食嘅關係，所以大部份嘅點心感覺都係偏貴，不過都有一啲新款嘅點心🍽1. 福建炒飯🍲食落夠汁，份量好多，料又足，好好味😋值得一試😬2. 家鄉煎薄撐🫓好懷舊既味道，唯一唔同嘅係佢比以往嘅薄撐更加脆口同有厚度，五錯😜3. 必食蝦餃🍤皮薄餡多，啲蝦大大隻，每人一粒真係唔夠😆下次一定要再食😍🤩總結：食物比預期中好，都見到好多一家大細嚟食。酒樓位置方便，住喺元朗區嘅朋友仔不妨一試😚🌟評分（5粒⭐️為滿分）環境設計：⭐️⭐️⭐️食物質素：⭐️⭐️⭐️⭐️服務態度：⭐️⭐️⭐️⭐️性格比：⭐️⭐️⭐️⭐️

叫嘅所有嘢都極難食， 選擇少，價錢貴，職員態度差鹹水角凍嘅又冇餡， 唔知以為佢尋日炸起嘅 ，黃金豆腐炸到散開，完全唔覺佢有黃金， 點心拼盤好似人哋食淨打包返屋企咁樣， 賣相一流，完全令人唔想食，