彩晶軒

营业中

休息中

疫情下已經很久沒有到酒樓堂食，剛巧工作前在西鐵站來個堂食飲茶，這間酒樓地點確實太方便了，以前常常排隊等位，疫情下這間堂食沒有什麼優惠所以比起其他酒樓客人相對少都不用等位！其實我哋只係兩個人因為太肚餓，所以叫了很多點心及飯，其實食物水準都唔錯，唯獨腸粉食過好幾次都係一般般比較厚皮唔滑😬疫情下有枱與枱之間有膠片相隔感覺安全啲，一有需要服務員都好快解決👍🏻

去咁多間茶樓飲茶 我從未見過 過左5張枱重可以打尖入去的職員事情大概無咁 我係c38打尖個個係c33 門口個人重話叫我讓下佢 佢等咁我係咪無等先 佢話問實際語氣講到係通知咁 咁既服務態度 下次唔會再黎

星期日到彩晶軒喝下午茶，地點就在西鐵站旁，非常方便。燒汁百花釀豆腐煲每煲三件蝦膠釀豆腐，豆腐炸過很香口，淋上燒汁，以小砂煲上枱，保持溫度，亦加添一份家鄉味。瑤柱豆苗餃晶瑩的外皮包著豆苗，鮮蝦及瑤柱，豆苗加了薑去除青味，鮮蝦爽口，瑤柱份量少吃不出瑤柱味，外皮稍嫌過於黏糯。家鄉煎薄罉粉漿加了蛋、粟米粒、葱粒及芋頭絲，薄薄的，煎得香脆，不黏口，但味道偏鹹。沙律明蝦角外層香脆可口，外皮用了雙層皮包，炸過後有酥皮的效果，份外酥脆。內裡包著滿滿的鮮蝦，爽口彈牙。

搬左入嚟元朗，其實都幾中意嚟呢度食嘢，不過 佢哋人手一向都唔够 都可以體量 之前有個阿叔同我哋講：食物一流，服務九流！其實真係可以大家互相理解，只不過：今日個煎薄撐 真係，有少少失望😞

今朝去左元朗站既彩晶軒飲茶, 雖然係星期六, 但都有早茶點心優惠, 我地兩個人叫左4樣點心, 其中3樣係特價野, 包括上湯荀苗鮮竹卷, 燒汁煎釀茄子同埋豉油皇炒麵, 鮮竹卷我最喜歡, 因為夠脆口, 湯夠濃, 煎釀茄子汁濃, 配埋魚肉, 味道不會太搶, 炒麵就有啲濕,芽菜同蔥就好似少左啲, 如果乾爽啲周埋電料多啲就更好, 最後我叫多個豆腐煲, 小煲上, 有3件, 夠入味同埋夠熱, 埋單走人都要百二蚊, 相比起其他酒樓係有啲貴, 不過勝在都多款式可以選擇, 間中選擇下都冇壞.

元朗好多港式酒樓，但彩晶軒性價比算係高夠哂街坊小菜。果晚食左個冰陣甜酸骨，其他餐廳該未食過。雖然叫冰鎮，但入面啲肉仲係熱，外皮仲係脆架，感覺好得意。另外冬瓜蛊必食推介。

今日同屋企人去咗元朗站嘅彩晶軒，雖然雖然係平左但係都等左一陣。平日飲茶都要等位，證明質量不錯。四大一細，食咗啲點心同埋小菜，質素都OK。點左菜苗餃、馬拉糕、小籠包、苦瓜炒燒腩、叉燒酥、蝦腸、叉燒包、炒飯。小籠包正正常常，但唔好期望好似去上海餐廳食咁皮薄餡靚，個皮始終爭啲。叉燒酥個酥皮幾好食，好鬆脆但唔會好油。蝦腸已經幫你切好晒，一件一粒蝦，非常均真，唔驚爭蝦食😂😂我姨生女最鍾意食馬拉糕，不過我本身唔鍾意食，所以我無食，姪女話好好味喎。（其實佢食所有嘢都話好食😂😂）其他食物不過不失，但係都OK嘅。

星期日飲下午茶，知客說要3點45分要交枱，我地入到坐下時是兩點30分到，我便立刻下單叫點心，見到一個伙記便叫他來下單，那個伙記望了我地一眼就行走了，跟住再叫伙記來下單他就慢慢行過來同我地講(態度很差)將點心紙放在筒內就有人來，我說如果你地睇唔到咁點落單呢，咁點樣在3點45分交枱呢，這個伙記語氣惡劣便行走了，跟住有第二個伙記過來落單，這個第二個伙記態度都是不好，點解呢間酒樓請些咁樣伙記倒米呢，在等點心時見到態度很差的伙記對熟客態度非常好，咁係咪熟客就態度好唔係熟客就不理你呢，到3點半時就唔駛叫就過來叫你埋單，咁樣係咪呢間酒樓的服務態度呢，我以後都不會再幫襯呢間服務態度非常差的酒樓。

彩晶軒-一家光顧了近十年的酒家, 吃過不少在外間同級數的酒數, 彩晶軒始終是絕對實至名歸是日約了親愛的父母親大人在此晚飯, 點了三個小菜, 包括了上湯焗西澳龍蝦, 蒸沙巴龍躉和脆皮燒雞當日並常叫的加拿大龍蝦(即波士頓龍蝦)沒有貨, 結果只好點西澳龍蝦, 這兩款龍蝦的價錢可差得遠啊, 也沒緊要吧, 最緊要一家人開心這份龍蝦是即時由酒樓的部長新鮮從魚缸打撈出的, 好難得找到一隻身形比較細小的, 有兩斤多少少, 因為平常見到西澳龍蝦都起碼有三斤重上菜非常足量, 配上美味的上湯汁焗, 整體龍蝦和味道煮得恰到好處, 我會給滿分💯脆皮燒雞也是多人點的一項, 真正的皮脆肉滑, 熱辣辣的咬下去還帶汁, 惹味十足清蒸沙巴龍躉, 這個是最後才上的, 魚肉算新鮮, 肉質鮮甜, 配上大量蔥花和滾油, 這個配搭無懈可擊非常滿足的一餐, 注意餐廳位置網絡接收訊號非常弱, 如果要用手機上網的可能要食完飯之後先啦

一直都知彩晶軒的服務好一般，但剛剛感受更深刻！！星期六早上9時來到取位，要求要較入面的枱 (來過這酒樓就知，近大門口位置完全唔夠冷氣)去到原來當日朝酒家內有至少4-5 張4人吉枱，最入面都有幾張。 偏偏知客問我中間枱坐唔坐，我話好，因當時未知係咪只得呢張枱。入到去，見到佢所講既中間枱根本係門口對入第三排，完全唔夠冷氣，今日仲係28度。見到咁情況，即時出去要求知客換 128 枱 (外面完全無客等位) ，仲比我聽到佢用對講機話我中間枱都唔坐！！！ 我想問一句，一間有超過 13排圓枱既酒家（近門口向內數），第3排又係咪叫中間呢？？Anyway, 最後一次來這酒家飲早茶，亦都最後一次受呢位阿姐氣（周日早上另一位知客，好人兼客氣得多）。

好少黎呢到飲茶，因為次次經過都好多人排隊，不過今次班friends約呢到，仲要星期日，我已心知不妙，果然起碼等左兩個鐘先入到去。無可否認，呢到的點心味道不錯。我最中意食炸魷魚和沙律卷。

通常陣一陣子心癢癢好想去飲茶，香港真的有很多選擇，這次我們約了兩老去飲茶，因為地點方便我們就選擇了元朗西鐵站的彩晶軒，我們大概上午九點多攞籌大概等了十五分鐘就有位子了，這家店已經很久沒有來了，因為之前來過服務好冷淡喔！果然這次也是一樣😜食物方面還可以啦，但有些傳統點心未必有主要是比較新派的點心都算好食😉這店真的是贏了地點！

昨晚出街食飯，周圍都好多人最終係酒樓晚餐，黎過N次，竟然話冰震咕嚕肉停左，叫左另1個獨蒜糖醋骨，只可以講，冇第2次 😑鐵板黑椒牛仔骨，上枱先落醬，感覺真係自己据扒咁，唔錯燒味雙併，次次都叫八珍豆腐煲，我越黎越欣賞，夠晒入味重點係甜品到，合桃露非常出色，必叫，最少飲到4杯芒果布甸頂有藍莓，士多啤梨同爆珠，最特別係有雙色糖絲，可惜唔提供花奶，布甸有花奶先錦上添花嘛6人份量，叫左其他菜及甜品，冇乜特別就冇介紹了

今朝同親戚黎呢間酒樓飲早茶，因為我一向都唔中意飲茶，所以極少去酒樓飲茶，但今次一班親戚約飲茶，點都要比下面既....聽聞呢間酒樓等位要等好耐，所以佢地一早訂左位，免去等位既時間。好少飲茶既我，對上一年飲茶應該係半年前了，所以我都好耐無食過酒樓既點心了，而且都唔知原來而家既點心有咁多花式同咁靚!!親戚叫既點心個個都好食，而且有d未見過添！難怪呢間酒樓咁多人排啦咁多人食啦！價錢比普通酒樓貴少少，但都係值既，因為真係幾好食，而且交通方便！

服務可以！食物可以！還發現有幾個同鄉在工作，有傾有講。但收錢是態度一般！由其是問攞小費時，態度有好大改善空間...令我比得唔太高興！希望我的評價會對佢地服務有幫助啦！