彩虹茶餐廳

营业中

休息中

（以前喺呢個位置間匯城執左好可惜！以前嘅奶醬多係我食過最正嘅一間。職員又好人又友善，唔知佢地而家去曬邊......希望有機會再見啦）見到新開嘅彩虹茶餐廳，裝修好光猛好醒神，感覺乾淨企理，值得一試。夜晚唔太想食飯，所以叫個常餐雞扒芝士撈麵+黑松露炒蛋+火腿+牛油多士+熱奶茶，盛惠$55，好抵食。驚喜嘅係芝士份量超多，個撈麵一啲都唔會乾，芝士味道濃，雞扒煎得香口，而且有沙律菜伴碟，好有誠意。炒蛋加左黑松露特別香，多士好似係用甜奶包做，加埋牛油去烘，甜味鹹味交織好好味。杯奶茶茶底都幾香。見到餐牌有好多選擇，下次再試下其他嘢。另外想讚一讚啲職員，都好友善，會主動提供水，溫馨提示可以QR code 落單，服務態度好好。