徐記廚房(點心) (已搬遷) 新店位置

小店，店面不算大，面積來說算細鋪。食物味道：整體係好味既，上菜時間都算幾快，價格便宜（一人約100元），用膳時間（計埋上菜時間）大概35-45分鐘，餐具只有少量水漬，我可接受，如對清潔度講究的話，要留意小店沒有特別提供熱水供客人自行洗一洗餐具。此行是刻意光顧，最後卻略感不快。也許太多顧客，食幾十分鐘會被暗示已食左幾個鐘阻住曬，那麼即時拎袋付帳，有其他顧客進入，先讓他們行入店內，行慢半步出去會被喝罵，會被店員覺得你阻住曬。排除店員態度，食物絕對有驚喜，勝過一般酒樓。

呢度食物款式雖然不是很多，但最想食的點心都一定存在，質素比很多連鎖酒樓都好，每款點心無論炸、蒸款式都不用等多久便上枱，且都熱到燙口。🔥同行的表示這裡食物較淡，但我自己覺得調味適中，各人不同口味吧‼️海帶湯好清，料多，分量有兩小碗。熱辣辣雪山叉燒包，不會太甜太漏，而且入面的叉燒不是一嚿嚿可怕的透明肥肉。非常喜歡潮州粉果，這裏的是素粉果，入面好多葛很爽口，吃時全程烚烚聲。好味。🦐蝦餃差不多一口份量，但入面已經有兩隻以上的爽脆蝦仁，好ok牛柏葉沒有梳打味，爽口，調味亦恰當。芝士蝦春卷，吃不到多少芝士味🧀，若視它為普通春卷， 是材料充足、熱辣辣好味的。尖椒🌶辣不辣也是碰碰運氣，今次不辣，不愛辣的也容易入口，釀上的魚肉份量多到脹起。今日進食時隔離枱看live，三萬團隊在商場拘捕限聚及唱歌的，老闆娘遞食物時見到，看了一陣，忍不住説了句：‘’呢個仲係咪香港，香港人要⋯⋯‘’所以這裡無論食物、食客及店主服務，也令你坐得舒服，樂意再次幫襯。

老闆娘好有愛既小黃店💛我哋去嗰日因為我哋好似係唯一嘅年輕人 之後老闆娘係咁同我哋講多謝支持同埋叫我地加油 超好笑🤣🤣·醬皇蒸鳳爪$21呢一個係我每次去食點心都必嗌既😌因為我對蝦敏感 其實我食點心冇太多選擇 所以我其實次次都係嗌個啲😂我覺得呢度啲點心都OK嘅 佢係真係熱辣辣既上台嘅時候 個汁都幾入味 而且啲鳳爪都大大隻 唔錯☺️·北菇棉花雞$29呢一個佢啲雞都算嫩既 唔會柴曬 不過我覺得佢個棉花有啲唔夠入味 而且好似有少少唔夠淋咁🤔如果再爆汁啲就更好啦😎·蟹子燒賣皇$29呢個佢都幾蝦下🦐我原本以為佢係得1隻咁我好容易就可以挑走佢 但係原來佢都幾多 係同啲豬肉混埋一齊 不過我覺得佢個餡可以再彈牙啲會好食啲😌·招牌素鵝$29我地原本以為佢係炸個種素鵝 點知原來佢係滷水個種 佢個口感都OK嘅 都食到好多層個個感覺 不過調味就比較淡 而且佢係冷盤黎既 我自己無咁鍾意🙊🙊·#rbyeat#rby港式#rby小黃店#rby太子·📍太子運動場道15號京華大廈地下1-2號舖

因為正值肺炎肆虐，唔係好敢去好多人既酒樓，但又心思思想食點心，就一於黎試吓呢間好多正評既點心店食👍🏻👍🏻點心選擇雖然未必夠酒樓多，但其實都好多選擇，梗有一個岩你心水👍🏻👍🏻黃金流沙包 $20唔算太流沙，但奶皇好香，包又唔會太厚，唔錯👍🏻棉花雞 $29棉花雞就唔係度度都食到，雞好滑，魚肚好夠味，值得一試👍🏻煎釀虎皮尖椒 $20尖椒辣得過癮，釀肉好重魚肉味，正金牌咖喱土魷 $38咖喱味好龍好香，魷魚好爽口，不錯翠綠叉燒腸 $25腸粉好滑，唔會太厚，入面又有翠玉瓜，口感豐富香煎蘿蔔糕 $25 有條條蘿蔔絲，有驚喜鳳爪排骨飯 $28蒸飯好入味，不錯蝦🦐餃 $30亮點之一，蝦大大粒，最緊要最重要係皮夠簿😍😍😍😍😍😍😍燒賣皇 $29食咁多野，賣單都唔貴，又抵又好食😱😱

Whenever you have cravings for dim sum but dont wanna pay a high premium to sit down at a traditional dim sum restaurant, this is the go to place for quick and delicious dim sum at a very reasonable price but extremely delicious.This place only has a few items on their menu, which simply means, they are an expert at making the few items on their menu, unlike other places that offers a wide varieties of choices but master of none.The steamed rice was extremely flavorful.  The rice had the flavor

最近都好積極嘗試唔同嘅小店，每次都會好期待。今次兩個人嚟到太子，就搵到哩間點心小店。🥢金銀蛋瘦肉粥 $22哩個粥真係極失望☹️雖然米煮得好綿，但實在太稀，好似飲緊湯咁，而且皮蛋份量極少。🥢香煎蘿蔔糕 $25本身以為係臘味蘿蔔糕，點知嚟到見到無餡先知自己睇錯，只係普通煎蘿蔔糕。蘿蔔糕都煎得幾香，唔會太油，食到一絲絲嘅有蘿蔔，但以哩個價錢嚟講實在不值。🥢薑蔥牛柏葉 $28食左幾舊先記得影🤭 牛柏葉唔算太爽，要咀嚼耐啲先咬得斷，但勝在好夠味，一啲都唔淡口👍🏻 配料嘅蘿蔔都好腍同入味。🥢香茜牛肉腸 $24牛肉腸都幾驚喜，腸皮好薄又夠滑身，用筷子夾左幾次都會跌，牛肉夠嫩，好味😋🥢醬皇蒸鳳爪 $21鳳爪個汁好惹味，味道就無得彈，可惜唔夠腍，硬落去仲有啲爽爽地嘅感覺，如果再煮腍啲就好。茶位每人$5，可能因為茶壺供應不足，見到二人檯上都無茶壺，但可以叫待應嚟斟茶，不過杯茶好淡，有色無味，似飲緊水咁。服務都唔錯，老闆娘都會同你傾下計。但小店嚟講，真係有啲貴。

而家好耐冇食過中餐~因為好多酒樓/中餐都係藍店🤦🏻‍♀️最近就搵左間係太子嘅黃店中餐🤤好食得黎老闆娘仲要好黃~入去食飯食客同老闆娘之間毫無隔膜👍🏻🍴蟹子燒賣皇($29)🍴鮮蝦菜苗餃($25)🍴鳳爪排骨飯($28)🍴鮮蝦腐皮卷($26)🍴香煎蘿蔔糕($25)🍴黑椒金錢肚($30)點心款款都好正~好鍾意食個腐皮卷❤️菜苗餃入面都有兩三隻蝦👍🏻👍🏻不過蘿蔔糕就有啲乾~似係翻熱唔係即煎🥺其他點心都有啲水準~大家得閒去幫襯下呢啲黃色小店先可以維繫整個黃色經濟圈架❤️💛🎗

周圍茶樓都係集團旗下經營，唔想幫襯佢地，加上武漢covid-19，更加唔會想去人多長者更多既地方食野，太耐冇飲茶所以拉左屋企人黎徐記支持黃店雪山叉燒包 ($24)香茜牛肉腸 ($24)香芒糯米卷 ($29)蟹子燒賣皇 ($29)平時飲親茶一定比職員無視，十次有九次都燥燥地徐記由我地行入門口果下已經好好招呼我地，仲同我地一路傾計傾到我地走，呢D體驗真係小店先比到野食方面雪山叉燒包一上熱辣辣，個包綿好好咬，個餡差少少。香茜牛肉腸就夠芫莤香味，但鼓油淡左D，所以扣左少少分。香芒糯米卷冇咩特別，正常發揮；蟹子燒賣皇就好好食食到差唔多飽先知點心紙冇印晒全部野食，有D要睇牆紙叫。睇到有得叫而家好少見既炸麻花，但因為食唔落，留返下次黎幫襯再試

新年同家人飲茶，唔想幫襯大財團的確冇乜幾間可以選擇，用黃店地圖搵到呢間係太子嘅餐廳有得食點心，就帶家人來支持下。開頭話冇得加單，我地就一次過嗌晒，等咗十零分鐘都差不多上齊了但好幾款食物質素麻麻，鳳爪蒸得唔夠腍，其他都好普通，份量亦不能挽回分數，叉燒包得兩個only...金錢肚係好味嘅！夠腍夠入味，而且個汁都惹味～蝦餃呢啲正路野味道ok 但都係皮太厚最後因為唔夠食，店員都畀我地加單，雖然人多但服務都係有嘅～小籠包 粉果都係普通，成餐茶家人都在碎碎念話價錢偏貴，每樣點心都比其他貴2-5蚊，但味道唔特別出色，份量亦食唔飽人。師奶數口真好，講講下我都覺，最後埋單仲驚嚇...新年去食要收加三，我見好多餐廳都只係加二😮如果好食都冇咁嬲，真係不敢恭維，應該都冇下次。。。

首先服務好好，老板娘好熱心，笑容好溫暖。然後馬拉糕就算放到第二日食一樣好食，個人覺得係必食。魚餅又香又脆，不能錯過。蝦春卷都係。南瓜粥又甜又綿，調味剛好。糯米雞又大又好食，但第二次食係濕左啲啲。有次食有冰糖桃膠，好食，可惜而家冇。而家係芒果糯米糕，我本來都唔喜歡食。我呢啲冇湯水既人會飲燉湯，唔係話好夠味，但起碼冇味精味。金錢肚同牛栢葉好夠味，係油左啲啲。蒸飯正常味，不過勝在平。腸粉都幾夠滑，唔錯。選擇唔多，但人手黎講，完全明白。

The seating space was so tight. The food was disappointing. The 牛柏葉 would be cooked in one of the worst cooking method with 薑蔥 and 胡蘿蔔絲. Really nothing matched. The 燒賣 was fine but the 蝦餃 tasted like the store-bought one from convenience stores. The 糯米雞 was too moist and the texture was unappetizing. The 小籠包 was most frustrating. The carrot julienne was not prepared or cooked properly and thus the 小籠包 was covered in a weird taste of semi-raw carrot.The service was great and the waiters we

呢間嘢第一次去覺得唔錯，所以幫襯第二次，但我唔會再幫襯第三次了！真係好耐未見過咁細粒蝦蛟，D咖喱魷魚好重皂水味，而且所有醬汁係0味道！酸汁冇酸味、鼓油冇咸味，辣椒油冇辣味，男友話究竟我食緊D乜嘢呢？個煎魚餅都叫ok嘅，不過衰在個喼汁又係冇味！第一次來時冇乜人，但今次來就全店爆滿，唔知係咪因為生意好左，質素都下降埋！

週未中午時段等了8分鐘就有位，唔算多人，佢個位置正是以前舖位，舖內位置不多而且坐得比較擠迫。坐下只見員工手忙腳亂行出行入，更拿錯上手客人帪單給我們，但沒有給我們餐具直至我們要求，來了碗皮蛋瘦肉粥，但我地係要粟米南瓜粥喎，阿姐回覆話只有這款粥，如果沒有粟米南瓜粥應該預先通知客人，處理手法不當皮蛋瘦肉粥：粥底比較稀，揾唔到瘦肉徐記蝦餃皇： 蝦餃係迷你size 味道尚可牛肉腸粉：賣相不佳，挾起未放到碗已經皮開肉爛散曬，食落仲有d酸味，可能牛肉唔新鮮鳳爪排骨飯：鳳爪偏硬，排骨味道可以北菇棉花鷄：魚肚欠酒香，鷄肉「鞋」上湯鮮竹卷：沒有記憶，應該是一般般，無影相因為想趕快食晒走人～這個價錢應該有更好選擇！

五星星為最高好味指數服務態度環境衛生11/12 星期四，因為屋企有d事請左假，咁就搵下附近有咩食，本來係旺角附近，想食點心，就行左去太子，見到網上話呢間小店有誠意（無論係食物同良心）咁就捨棄左一點心，試試佢。一入去環境係乾淨衛生既，張檯好乾爽，坐低女服務員（老闆娘？）就比左杯茶我，再慢慢揀點心，今日食左燒賣，鳳爪排骨飯同紅棗雪耳燉桃膠。食食下另一個男服務員（好似係老闆）見我杯水吾滿，幫我倒滿佢，佢好好禮貌食物方面，第一個送到既係鳳爪排骨飯，個飯吾洗5mins已經到左，好夠熱，飯同鳳爪排骨都好食😋：第二樣到既係紅棗雪耳燉桃膠，不過佢係甜品，所以留返最後食，上檯既時候出緊煙😂第三樣係燒賣，係3樣野入面最好食，豬肉有咬口，有冬菇蟹籽，係足料既，比酒樓出品更新鮮同夠熱。：最後食紅棗雪耳燉桃膠，桃膠份量吾算多，但都見到有，味道似紅棗雪耳糖水，冬天食都幾好。:佢仲有好多點心，不過我試吾到咁多，今餐總共食左$84，如果只係叫個飯加點心，只係$56，都幾抵。幫襯多d小店，少食大財團，由你我做起😂

點心好味蝦餃皮雖有點厚身但膠在夠硬整唔易破 包住蝦餃饀好滋味另外金錢肚醬汁適中十分入味牛肚略粗但喜愛𡁻牛肚之人如我點可以錯過燒賣蝦籽絕對無呃稱又大大粒蝦 好重料相比其他連鎖式酒樓嘅燒賣蝦餃呢到嘅點心價錢差不多但勝在質素完全超越其他連鎖酒樓嘅點心嘅質素最重要環境乾淨 鋪面寧靜喜愛一人獨享美味點心又得想帶埋一家 扶老㩗幼 週日嚟一盅兩件又得得咗老闆娘十分友善嚟食嘢嘅客都係知書識理絕對唔會有無理大媽大叔破壞相聚一刻大推薦