得利美食坊

营业中

休息中

屯門工業區的小店.....小小門口.....開門後幾級樓梯落地庫.....零落的餐桌......說不出的好感.....雖然寒流襲港.....仍好有溫暖感覺!收檯落單收銀都係一位哥仔......眼見牆上手寫的餐牌......感覺回到學生時代般.....非常抵食的下午茶.....炸雞髀割開.....佢易熟.....我又方便食......哥仔成支茄汁放下......佢要唧俾其他客時就響我檯唧兩下走......真開心!飲埋紅豆冰都係$36......抵過食早餐!

最鍾意黎得利食早餐，$25蚊大大份，杯奶茶又OK。早餐有一碗大嘅湯粉麵，係真係大㗎，份量等於連鎖快餐店一倍，有幾個選擇，仿鮑魚火腿絲、沙爹牛肉、叉燒、雪菜肉絲、五香肉丁，你無睇錯，係肉丁，而且唔洗加錢，配意粉、麵、米線、通粉或米粉。另外再配 腿蛋、腸蛋、餐蛋、火腿奄列或雙蛋。凍飲加兩蚊。性價比超高，啲侍應阿姐好 nice, 不過要有心理準備，地方有啲窄，始終係工業區街坊舖。其實得利嘅下午茶都抵食, 下次影完相再分享

屯門石排路一帶屬舊式工廈，餐廳林立，是晚老婆大人不想煑飯，到得利美食坊吃晚飯。餐廳屬小店經營，地方雖小卻亁淨企理，餐種選擇多價錢非常實惠，四十元以下的晚餐不容易找，而且有湯有飲品。我們點了兩個小菜晚餐，豉汁蒸烏頭和雲耳豉汁蒸排骨，因為即蒸要等十來分鐘，但也值得，排骨大大粒，肉質爽滑，烏頭配料足備，新鮮度也可，連兩碗白飯餐湯和奶茶，收費九十六元，老婆讃不絕口稱多了個飯堂，吾使自己煮。

新開業工廠飯堂又來一試, 地點為搬到大舖的荷蘭園舊址,地方是狹小一點,但感覺仍算可以。以數天觀察下來,小飯堂似乎是家庭式經營,雖然服務不算專業,但有一種親和感。第一次點的時菜肉片,時菜為白菜仔炒得爽脆,豬肉片質感軟滑而且切得算是大片,經過外賣盒一焗仍感到夠鑊氣,堂食應會更佳,只是份量略少。咕嚕斑球以龍脷魚肉煮成, 粉漿沾得不太厚,不會粉厚過魚,新鮮炸起外皮香脆,魚肉質素雪白新鮮沒腥味; 咕嚕汁調得酸甜有致, 在方圓幾里內,這道咕嚕汁水準可算三甲之內,所以很快就再點了。配菜的罐頭鳳梨最多,當為飯後水果也很不錯。第二次涼瓜牛肉,涼瓜炒得爽脆青綠但苦,應用上長型青綠色的苦瓜所致; 牛肉片也不算是梳打牛,不過不及另一間飯堂份量多,以精明消費者來說就不太抵食。腰果肉丁的肉丁幾乎每件也是一丁方吋,十分厚肉一點也不像肉丁,間中有些微筋部更為有嚼頭!豬肉沒有太多調味,淡淡的..... 西芹炒得算香口,炸腰果吃來香脆最惹味,這道菜打了一個薄芡, 但味道竟比涼瓜牛肉還重,看不出來! 蓮藕湯煲得較清淡,不過應沒有加入可更鮮的鱆魚或八爪魚,味道就單一一點了,少有地沒味精也夠老火,不錯的例湯水準; 西湯的羅宋湯

星期三同女友搵地方食dinner就試下新開呢間諗住叫餸食飯入到去睇下個menu都唔貴 晚飯33蚊有餸有飯有湯有野飲叫左一個麻婆豆腐 同 牛油芝士班塊份量都算多~~味道都幾好~仲有電視睇~~一個字~~抵!會再去~~