御前上茶 (已結業)

我很喜歡吃口感彈牙的甜點, 所以在星期5 早放工的時候, 還能夠ENJOY 6點前的TEA SET 優惠, 光顧這家的日式丸子. 點了一個丸子作甜點, 也點了一個章魚小丸子作小食.這個日式丸子面頭撤了一些黃豆粉, 增加了整個甜點的甜度, 而且為甜點的外觀大大加分!! 倒在丸子上的不是普通的蜜糖, 而是加了綠茶元素的蜜糖. 雖然沒有綠茶味, 味道和普通的蜜糖沒有差別, 不過外觀也是吸引的.章魚小丸子有很多柴魚片和沙律汁, 不過小丸子的外皮不夠脆口, 扣了一點分.

由於每逢星期五，我都是5點鐘收工，所以能夠有幸光顧這家餐廳的下午茶餐。下午茶餐比普通餐牌便宜十至二十多元，十分化算！我點了一客明太子白汁意粉...是沒有配料似的，賣相也令人失望，因為看起來和實際上，也真的是沒有配料的！吃起來也十分單調，似是雞肋：食之無味 ，棄之可惜！也唯有把這碟意粉吃下了，不要浪費嘛！白烚意粉般的味道！難吃喔！預先為同行友人點了個豬軟骨飯，豬軟骨軟軟的，也很入味，是好吃的！不過不夠多汁。

形點⼀期是新建的商場，連通兩個商場，分別是形點⼆期和三期，亦連著元朗西鐵站，所以位置⽅便。店舖在⼆樓的開放位置，容易找到，裝修亦很⽇系⾵味，環境整潔，坐位亦多。午飯時間⽐較多⼈。服務態度良好，待客有禮。上菜時間快。⾷物⽅⾯選擇都算多，價錢就中等啦，⼀個午餐都只是$56，包⼀客餃⼦，主茶和⼀杯綠茶。設有10%服務費。味道⽅⾯不錯，⽜⾁飯較濃味，配合醬汁的話，⽜⾁唔會太乾，份量⾜夠，⼗分飽肚。⽽蟹⾁烏冬就⽐較清甜，適合不太喜歡濃味的⼈⼠。

本身想去Azores 食，但佢要等九張枱，而且我又好肚餓，所以行多兩步去御前上茶。兩人都係叫麵食，一乾一濕。义燒拉面🍜幾好食。當然，你要同日本嗰d比就一定無得比較啦。另外個面係大阪屋台炒面，佢入面都係有义燒。呢個炒面既味道同Okonomiyaki個醬汁一樣味道。如果你好中意食燒餅～嗰汁， 呢個炒麵就啱晒你喇👍🏻 不過，身為老人家👵🏻既我就受唔到😷 可能太多醬汁既關係，我一路食個胃就越黎越唔舒服🤮。 下次我都係叫湯麵算了。18 22 已經唔知係幾多年前😔😔😩😩😩😩🙊🙊整體而言，呢間cafe適合我果腹，完。（可能我錯左重點，間野可能係甜品鋪黎😉）

Food Ordered: Greentea tofu icecream with red bean and mochi Food Review:1) Greentea tofu  with red bean and mochi Greentea ice cream is standard, nothing too special about it. The tofu ice cream, however, is unexpectedly good. Strong soy taste and very smooth. The toppings were ok, red bean goes well with tofu ice cream adding it more taste to it. The plain mochi is a bit too soft for me. Service and environment reviewBAD, no service at all. I was unhappy with the attitude, slow service time, w

嘔血兼噴火!! 元朗yoyo mall 店，今日午餐時間，没有人排隊，仲有得揀位坐，1.10pm 落單，點左照燒雞扒稻庭烏冬 + 巨峰提子梳打同阿女share。飲品好快到，過咗大概15mins後追過一次, 戴眼鏡嘅小妹妹waitress話煮緊， 咁我等， 我再睇時間已經係1:43pm，即刻著咗! 我問點解碗烏冬咁耐，佢話比我聽仲煮緊，著曬!! 煮乜嘢烏冬要煮半個鐘，我話係咪留咗單？ 佢話唔係， 我話如果未得嘅話我就唔要(如果唔係凑住阿女我走左啦) ， 佢話要收我飲品錢，我話唔係啩碗烏冬未得???? 佢話得㗎喇，仲有一分鐘， 咁我計時啦! 另一個waitress捧著碗烏冬嚟， 一路放低個碗一路好晦氣咁話"得喇得喇得喇得喇，你而家可以食得啦"， 請問你係咩態度？講下啲嘢食先，雞扒size細到好似係兒童餐咁，湯底只係覺得甜豉油加水， 就係咁啦。最後畀錢嘅時候我問比較有禮貌幫我落單嘅waitress， 你另一位同事叫咩名 ，好有義氣唔講， 淨係話佢哋今日好忙， 廚房可能係比較忙 ，但係出面有三個人，一啲都唔覺得佢地好忙， 因為超冇禮貌個位waitress仲可以喺度發夢呆企! 當呢一位極品行上嚟

店在商場內一個半開放的空間，本來位置不錯。我見不需排隊，肚又餓，決定一試。可惜，店員欠缺培訓，舖面不大，員工有3人，但不服務客人的，企在一邊聊天。落單，擺餐具都欠專業。我忘記影一張甜品相，有雪糕的，但店員遞給我的是叉一隻。食物方面，這碗咖哩烏冬味道是正常的，牛肉份量也算多，但不知何解油很多，食到一半發現底全都是油，明明應該只有汁。所以真係好奇怪。同樣很油，味道沒有什麼驚喜。一夾餅就散。算比較好食，柚子汁開胃，肉同飯比例ok, 唯獨肉比較乾。

茶漬飯的玄米茶夠熱又香，雖然今次的海膽腥味重咗，三文魚子入口彈彈吓卜卜聲好得意。因為好味，再加份茶漬飯配櫻花蝦和銀魚仔，好脆口，又唔太鹹，食得好健康。再加份卡邦尼煙肉意粉，芝士粉好香但唔會覺得好膩，煙肉好香，又唔會太鹹，煙肉粒份量剛好混合適量的芝士粉，可謂齒夾留香。

同朋友們喺yoho mall食完生日飯後覺得唔夠飽，決定加場食多餐。諗起御前上茶有甜品食又有咸食，就起行啦。三個人叫咗兩個甜品同一個小食。鐵板waffle雪糕好得意，又熱又凍。我地叫咗雙色雪糕，豆腐味加綠茶味。豆腐味雪糕真心推介，好香豆味！好好味！本身有少少擔心個鐵板咁熱啲雪糕會極速溶哂，結果又冇喎。送上黎個時，個鐵板真係燒到好熱，再淋上綠茶醬，即刻咋咋聲。個waffle吸哂啲醬，好濕潤，正！呢杯雪糕有脆嘅有淋嘅有軟嘅有滑嘅又chewy嘅食物，好有層次，口感不錯。嗰兩粒小白丸好有驚喜。呢個大板燒都唔錯。香！不過里邊好似除左菜都係菜。

一直都好懶無寫對於御前上茶嘅食評！有次行開yoho mall 1期，一上扶手電梯就見到呢間野，又唔洗點等位就走大去試！舖位細細間，幾個年輕的侍應忙到氹氹轉！先叫左一人一個飯同老公，我叫左個蔥花鮪魚蓉茶漬飯，飯份量都夠我食，魚蓉就多啲就好啦～老公就叫左個蒲燒鰻魚飯，老公就讚好食，份量就略嫌細左啲....沙律不過不得....最後叫左御前霜淇淋盛合 同 霜淇淋紅豆白玉！紅豆同抹茶真係好夾！白玉好好咬口紅豆白玉配豆腐雪糕都好味，不過唔係我杯茶

今日赤口之日，是日放假同老公特登去元朗御前食晚飯。8點20分拎飛-#14，等到8點50分後，問女職員：請問叫到幾號飛？女職員答：下一張係#10號，不過我地9點30分截單，或者你要去第二間食！我：咩話？我等成半個鐘先同我講呢d野？事後，女職員轉身走開，完全冇理會我感受就走左！我再三問另一個男職員？我：其實依家都未9點，你地要食客等半個鐘先叫我去第二間食？我覺得好唔合情合理lor😡! 男職員：停左10秒後答我：對唔住！我幫你問下廚房先！ 我：依家唔係問廚房嘅問題，問題係，如果你地9點半截單嘅話，你地就唔好再派飛俾食客lar! 派咗飛仲要等半個鐘先嚟趕客，好搞笑lor, 好浪費我時間lor! 男職員好莫名其妙轉身走咗去抹枱😡我條氣再次chok住左，果刻團🔥要🌋爆！我：阿哥仔吖！你唔係走開左就當解決咗問題？你可唔可以俾個合理解釋我呢？你明唔明我咩意思？個問題係你地浪費我係到等半個鐘嘅後果係冇得食吖！如果知咁嘅結果，我洗鬼係到白等咩？一句對唔住就當無事發生！完全唔識得去handle食客嘅complain case! 換轉果個係你，你會有咩感受？老公：算lar! 去第間食lor, 元朗大把野食，

其實我不常在午晚兩餐正餐之間吃東西，只是喝東西就更少。不過這一天與老婆仔在元朗形點商場內吃過午餐後，她難得地主動對我說想食雪糕，於是就在商場內找一找，發現這間在旺角、屯門等地都有分店的「御前上茶」有雪糕吃，便入內光顧。 「霜淇淋配紅豆白玉」（$48）這經典的紅綠白組合是她的選擇。這雪糕甜品的抹茶雪糕軟滑而不太甜，白玉煙韌，紅豆雖然不夠腍身，還算可以，我雖然只是吃了少許，未有細味，都覺得及格。 先前的午餐我吃得很飽，所以甜品就不吃了，就喝杯特別的凍飲吧！叫來價錢一樣的「抹茶拿鐵豆腐飲」（$48），這大大杯的凍飲味道是喜出望外的好，抹茶與鮮奶的配搭不甜不膩，淡淡的抹茶味挺舒服的，飲品內的豆腐布丁軟滑無比，撒在飲品面上的脆米就帶來剛好相反的脆卜卜的效果，讓這「抹茶拿鐵豆腐飲」成為一杯讓我感到十分滿意的飲品。 這間「御前上茶」在旺角也有分店，下次想喝它的話，到較近自己的旺角便可以了，真方便！

Tea time嚟形點想食飽肚少少嘅嘢，行吓行吓就嚟咗呢度，我哋坐靠玻璃圍欄，望落下面見到個個人都響度玩緊個大陀螺大人細路都坐落去轉得好開心講番啲嘢食先我哋嗌咗豬軟骨飯同茶嘖飯豬軟骨好林好入味個茶嘖飯就會另外用個靚靚壺俾您自己倒啲湯落去，食落唔錯，不過可能我食慣重口味，所以覺得啲湯比較淡口，但其實食開清淡嘅朋友係可以接受嘅！食飽坐吓望落下面睇人玩大陀螺，呢個畫面其實幾有趣

元朗yoho mall開設御前上茶一段時間，可是一直都未去試試看，昨晚男友說飯後甜品吃御前上茶好嗎，我說好，結果元朗店是我吃過最難吃的御前上茶。御前上茶堂食必需每人至少消費一款食品，所以我們總共點了兩款抹茶甜品。先說最基本御前上茶會吃的抹茶雪糕配紅豆白玉，真的大倒退，雪糕一上桌已經急速融化，我們還未動口呢。雪糕抹茶香味不足，味道略甜，紅豆煮得不夠軟爛，白玉就像橡膠般難咬，我們究竟在吃甚麼?御前抹茶牛奶雪糕刨冰比抹茶雪糕配紅豆白玉狀況更為慘烈，我們二人的牙齒未曾去到老得掉牙，但也敵不過這硬邦邦的刨冰山。雪糕全融化的時，刨冰依然堅硬無比，所有配料全都黏在刨冰上，挖也挖不出來，教我們如何吃?刨冰上的抹茶醬跟裝飾無異，絲亳味道也沒有，最後我們在45分鐘內也吃不到五分一的刨冰就走了。這硬邦邦的刨冰既不好吃，也令我們心情煩躁起來，原本吃甜品是一件美好的樂事，卻被甜品掃興，是我們第一次遇到。

另一間近期密密到訪餐廳，是 御前上茶；除因囡囡參加小牧人讚美隊後，逢週一就要練歌，也由於店內的午餐 ($56) 及下午茶 ($42起) 款多又抵食～ 12:00-14:00供應的御前午市套餐 ($56) 包括前菜小吃（蟹子薯仔沙律或博多煎餃子）+ 主菜 (18款選一）+ 飲品（冷熱抹茶，也可+$10轉茶 / +$15轉咖啡或汽水梳打 / +$20轉拿鐵類）。 首訪那天前菜選了博多煎餃子，其實是炸的，一客三件香香脆脆，囡囡挺喜歡～ 主菜是她選的 蟹羔蟹肉親子茶漬飯，起初以為未必夠飽，原來都幾足料又飽肚，味道還十分豐富呢，兩母女分享也80%滿足！還有20％的胃納，在樓下一田買件甜品／芝士撻就剛好～ 這天+$20試了 焙茶拿鐵豆腐飲，又香又滑味道不錯的，唯一要挑剔的是只能是凍飲。隨著天氣轉涼，點了一次後，之後都乖乖轉回熱茶了～ 午餐抵食，不含前菜的下午茶 ($42-58) 同樣選擇多又划算，奉送冷熱抹茶，同時一樣可加錢轉其他飲品。另外，下午茶有多款特價小吃及甜品 ($28起)，比起餐單散點便宜一截，上週五囝囝放學後也去了嘆茶～ 這裡出名吃霜淇淋甜點，霜淇淋鐵板抹茶鬆餅散點$62，下午茶$