御前上茶 (已結業)

同朋友們喺yoho mall食完生日飯後覺得唔夠飽，決定加場食多餐。諗起御前上茶有甜品食又有咸食，就起行啦。三個人叫咗兩個甜品同一個小食。鐵板waffle雪糕好得意，又熱又凍。我地叫咗雙色雪糕，豆腐味加綠茶味。豆腐味雪糕真心推介，好香豆味！好好味！本身有少少擔心個鐵板咁熱啲雪糕會極速溶哂，結果又冇喎。送上黎個時，個鐵板真係燒到好熱，再淋上綠茶醬，即刻咋咋聲。個waffle吸哂啲醬，好濕潤，正！呢杯雪糕有脆嘅有淋嘅有軟嘅有滑嘅又chewy嘅食物，好有層次，口感不錯。嗰兩粒小白丸好有驚喜。呢個大板燒都唔錯。香！不過里邊好似除左菜都係菜。