御前大江戶日式料理 (已結業)

觀塘apm旁亞太中心8樓，一出lift，設計似日本居酒屋，預先book左位，好快就由店員帶去座位！ 隨即店員就貼上用餐截止時間響檯旁！放題點餐用平版電腦，清晰顯示食物同右邊又睇到自己點左d咩，咁就唔會點得太多曬野👍🏻店員會先上一份磯燒時令海鮮盤，特別想講講係經過既店員都會幫忙拆殻燒，仲教我地邊款落清酒、落d鹽咁！同時其實檯上也附有指示卡，寫好曬每款海鮮要燒幾耐，幾細心吧，確保熟又唔會燒超時無曬口感！鮑魚、大隻爽彈蝦、珍寶蠔、蟹味噌甲羅蟹蓋（點碗飯，送飯一流）！鮮甜元貝店員同我地加左清酒同鹽，睇住殻中元貝旁的清酒在卜卜滾，增添幾分自烤樂趣！豉椒炒蜆小食點都要點點香口野，雞翼表皮烤過，小小脆，bbq風味！海蝦黃金燒，蝦肉鮮，開邊容易食塊蝦肉食！仲有多款水果選擇Tab既指引都幾細心，如點到需要額外收費既項目就會有提示，指示你先找店員查詢，絕對清晰！

今天與朋友相約吃放題，特地book了御前大江戶日式料理這間放題試試。我們8點來到，大部分位置已坐滿，幸好剛剛好有位。我們一坐下，店員就遞上了一份海鮮併盤。當中有蠔、大蝦、飽魚、元貝、甲羅蟹蓋。甲羅蟹蓋味道濃郁，大蝦十分彈牙，飽魚和元貝十分新鮮。店員十分好服務，會幫我們燒海鮮。我點了一份海膽手卷。海膽手卷的海膽味濃郁，而且手卷中飯的份量不多，不會吃得太多飯，可以留雞吃其他。我們又點了刺身，當中有三文魚、赤身、油甘魚、劍魚腩、象拔蚌、甜蝦等等。刺身十分新鮮，我和朋友也搶住吃呢我們又點了壽司，如芝士火炙三文魚壽司、燒左口魚壽司等等。火炙都燒得很香，而且還是暖的。我又點了大蝦天婦羅。天婦羅炸的很香脆，而且皮不會太厚。出面還有很多熟食，而且也有飲品區和甜品區。今晚真的很滿足，要捧著肚子走。

冬季到臨，緊係想吃熱呼呼的食物，除了想起打邊爐，今天推介另一選擇給你，包保吃到暖笠笠又窩心無錯，又要放縱地吃了。。哈哈，想任性狂吃，可惜胃仔又小，所以要嚴選有質素的食材啊！海鮮是我不二之選，既不會太飽肚，又不會有太多脂肪，避免吸取過多，要減肥就很辛苦呢有冇試過顧住談天説地，前面的燒物就變成黑碳 這裡很窩心，有專人服務，替你控燒這一桶海鮮燒物： 鮑魚，大蝦，大元貝，大蠔和蟹。。。件件新鮮，份量也足夠！ 大蝦超贊 肉質 Q彈， 亦很鮮甜。 海鮮方面，還可選擇法國黃金螺，帆立貝串，粟毛蟹等等。。。我們倆好姊妹都愛吃魚，所以又叫了＂北海道牛乳魚頭窩"。。。嘩，個湯好好味，非常香濃，飲完真係成身暖哂！ 燒雞翼，我鐘意食 蜂蜜燒雞翼 頂瓜瓜，甜甜蜂蜜餞在雞翼皮上，燒得很香脆，內部肉質的水份被鎖緊，好 juicy 這個冬天不太冷了! 除了燒物，我也很欣賞這店多元化的熱葷、冷盤、甜品 (有我喜愛的豆腐花，小小一盒，相當精緻)、 雪糕、冰條 和 飲品，種類繁多，真係要來多幾次先吃得哂！

今日一班好友大家都住觀塘成日都會黎觀塘尼座亞太中心食放題之前都有食開尼間，但佢加左可以磯燒所以再即管再試一試今次輪到我生日朋友訂咗晚上七點多食。晚上一如以往都咁多人，朋友加咗錢食磯燒，點知好多多好食嘅海鮮都要加錢，淨返啲唔使加錢嘅款式好少，而且磯燒個爐超級阻位置，搞到放吾到食物，亦我發現周邊好多人都冇加咗錢都冇用到個磯燒爐，磯燒原本已經要加錢點知另外要其他食材又要再加錢成班朋友都決定唔要個磯燒爐直接下單叫野食仲好，磯燒曬錢曬時間，大家都唔願意燒同埋覺得自己燒無直接下單既咁好食，同埋磯燒嘅調味料都不多失望。不過佢本身放題嘅款式都幾多而且整得都吾差飲品超多款式仲有熱有唔熱，另外仲有自家甜品同埋生果、沙拉不過雪糕同雪條吾太吸引。刺身都好多款同埋好新鮮，另外串燒同燒物都燒得好好食，炸物同天婦羅🍤就一般。呢度落單都幾方便每張枱都有部tab自助下單，價錢唔算太貴同平時既放題差唔多不過係個磯燒爐浪費左下次食返普通放題仲好

今晚放工約朋友來觀塘行街買野，順便食晚飯，就揀咗呢間出名有磯燒海鮮的放題餐廳。七八點後都幾多人下，建議都先打電話訂位。餐廳入面裝修頗有日式風格，座位寛闊。餐牌都係用電子化落單。一坐低餐廳先送上每檯一份的精選磯燒海鮮，賣相吸引，有新鮮鮑魚，大大粒的元貝，甲羅燒，大虎蝦，生蠔等，份量大，鮮甜嫩滑，職員仲細心會幫手燒熟。刺身系列，三文魚，甜蝦，油甘魚等，厚切嫩滑，入口鮮甜美味。辣小龍蝦，麻辣入味，蝦肉嫩滑彈牙。芝麻雞翼，即炸熱辣辣，香脆惹味。炸榴槤，外皮香脆，入面餡多香濃，榴槤味濃郁。一口牛柳粒，嫩滑鮮甜，煮得剛好熟，油脂香味散發。

刺身放題食到悶? 又或者唔想淨係食生冷野? 磯燒海鮮可能係你既選擇! 亞太中心8樓呢間御前大江戶就有齊磯燒海鮮同埋刺身料理任食舖頭入面裝修得好精緻好日式有好多款精美甜點比你揀自助沙律吧任食各式汽水涼茶任飲, 有道地既解綠茶同解茶😍👍自助下單不求人, 用平板電腦任食任點, 唔會浪費紙張較環保👍各種美食都好吸引好正, 但食得晒先好嗌🙈侍應先捧上一大盆海鮮, 有蠔有大虎蝦有鮑魚有元貝仲有蟹甲羅添👍唔洗自己動手架, 職員會馬上為你燒海鮮👍壽司唔會太大舊飯唔係一味塞飽你咁😂, 刺身都好新鮮新鮮刺身任叫任食, 賣相都好吸引😍清酒煮螺肉, 螺肉雖然唔算太入味, 但有得食已經好好😭

我跟朋友選擇這間食肆在外形簇新的商厦內佔全層，空間感足夠，好大好寬敞，可以容納很多人，日式裝潢別具特式！店內越來越多人，高朋滿座，非常熱鬧，朋友預先訂位，真是明智之選。放題食物種類多，點餐任選有魚生，壽司，手卷，熱窩 ，燒物，海鮮，自助任取有熟食，熱湯 ，沙律，甜品，雪糕/ 雪條，生菓，飲品…………應有盡有，令我哋選擇困難👈👉👈👉。今次我們集中吃海鮮，大家忙著拆蝦拆蟹，手口忙過不停，掛住食期後都無📸，呢餐真係非常豐富，大快朵頤😋！值得讚侍應招呼周到，點餐後馬上送到，效率夠快👍。 原來午餐都相當吸引， 要揾日再嚟食吓先！

於觀塘工作既大學同學一再推薦呢間「御前大江戶日本料理」，我都好耐冇食過日本放題，訂座試下啦！staff confirm 左訂位後，好快就帶左你入去坐底！星期日夜晚仲有波睇！去到staff介紹左用平板下單，又幾好玩，比係用紙環保好多，又方便！燒物我最鐘意食，好似一口牛甘，細細粒，肉汁豐富！另外，叫左菠蘿同板豆去燒，燒一分鐘就食得，好快手！每桌會有welcoming 海鮮，有蟹蓋，大蝦等，stagf仲會幫手燒埋都唔怕話好麻煩！好貼心服務！刺身你落幾多黎幾多，同埋好新鮮，好好食，我仲encounter 左幾round!出面都有自助甜品bar，有細細舊既cake仔，同埋雪糕雪條等！我食左紅豆雪條好正！

今日友人去左觀塘亞太中心既「御前大江戶日本料理」，地鍾站行約5分鐘就到！去到原來都好大下，住到過百人，星期日夜晚是全場爆座！餐廳是用平板電腦下單，有別於一般既送題餐廳，相對比較環保，不錯！餐廳設有自助區，下了單後可以自己去找前菜，湯，沙律，飲料，也有甜品！一開始每人有一碟海鮮,有蟹，有帶子等！d staff仍會好好甘幫你燒，唔驚唔識燒或者燒焦！叫左刺身，三文魚，帶子，蝦，樣樣都好新鮮，落幾多黎幾多，冇話漏單！壽司細細件，最like果個係黑松露帶子壽司，好正！燒物係烤雞軟骨最好食！仲叫左個三文魚炒飯，都幾好食，一細碗！最後食甜品區，拎左韓國雪條，好正！出面食都成$10條！抵食！

講返d特色野先呢間放題有海鮮送，元貝，鮑魚，蝦佢地有教學簿教埋點燒但實在太難燒喇，所以全部都燒到勁難食新手既朋友建議可以睇左本野先落手，唔係既話好難燒得好食，一班朋友一齊研究，幾開心就算唔好食，過下隱都唔錯既，幾特別刺身方面，都算唔錯，最鐘意食佢個三文魚，幾肥美，有油脂感，又厚肉，一流落單方面，係用平板用apps落單，好處係朋友自己可以點自己果份，再傳比另一個，唔洗好似紙仔咁，問晒全部人要唔要科技帶黎既方便整體唔錯，想試下自己燒海鮮，又想食放題既朋友，值得一去

觀塘出名多嘢食，交通又方便，選擇又多。亞太中心呢度已經有好幾間放題啦，今次試吓呢間有埋磯燒嘅放題。入到去好日式裝修，入口呢度已經有曬啲沙律、甜品、飲品、雪條、雪糕、水果、湯咁。地方夠大， 夠哂開揚，座位又多但係又唔會好逼，幾好坐。每張檯面已經有個磯燒爐，有個平板畀你點嘢食，仲有把較剪、夾、食蟹嘅叉，同埋一D調味料及一支淡味清酒比你燒海鮮嘅時候用嘅，都幾細心。 個放題呢除咗嗰啲磯燒海鮮拼盤要加錢，同埋九蚊隻生蠔，其他都可以包㗎。 我哋就加咗6隻生蠔，真係好新鮮好好味。磯燒海鮮嘅原隻蟹係有膏㗎， 好鮮甜。仲有埋蝦、鮑魚、生蠔同埋扇貝都好新鮮，淨係呢啲都值回票價啦。刺身細細夠可以叫多D款，仲有D壽司都可以一試，燒菠蘿一定要叫，啲菠蘿真係好甜，佢哋嘅雪條同飲品種類多選擇，有D冷門嘅枝裝金桔檸檬、竹蔗茅根、紙包維他奶、麥精都有～一試已經諗緊下次幾時再去，推介

今日住係觀塘既朋友約左我出去傾計，就約左我去係Apm旁邊行一分鐘就到既御前大江戶去食放題，一試佢既磯燒任食放題。一去到就比佢帶有江戶時代裝飾既高樓底吸引左，好開揚，好舒服。而每張枱都有一個卡式爐作磯燒之用。而係點餐方面，佢用平板電腦點餐，既方便，又快捷，又準確唔會有錯漏。首先不用入單，店員來了一個磯燒海鮮併盤。蠔，鮑魚，蟹，蝦同扇貝等既貴價食材一次過送上。每一樣都好新鮮味美，佢地仲準備左張紙仔介紹每種食材需要燒幾耐同點樣燒法，十分之細心，唔夠仲可追加部分配料，讚好。之後我出左去自助bar拎野飲，各種飲品，小食，湯品同甜品一應俱全，隨意任拎，推介。點菜方面，點了個刺身併盤，推介鮑片彈牙有鮮味，而三文魚方面則肥瘦剛剛好，也是一個不錯的選擇。其他菜式方面，印象最深制的是熊本一口牛同雞軟骨。一口牛入口即溶，有牛味，正! 而雞軟骨硬度剛好，食到雞既鮮味。如果想又食磯燒，又食刺身，又想樣樣食少少，這𥚃真的是不錯的選擇！

觀塘御前大江戶食放題, 地點近地鐵站,  三百幾蚊就食到日式磯燒放題. 店內樓底好高好開掦，座位與座位之間好闊落,每張檯有一個爐仔for爐端燒, 以平板電腦落單, 方便快捷又環保!而且自取食物區, 任食前菜,有沙律,少量熟食,有甜品,以及有幾個大雪櫃放了很多飲品, 罐裝、紙包裝, 就連啤酒都可以免費任飲,還有多款雪糕雪條!餐廳先按人數每一檯送上呢盤磯燒海鮮, 份量以人頭計, 呢盤海鮮只限一次性送上, 磯燒海鮮包括: 甲羅蟹殼、鮑魚、扇貝、大蜆、生蠔,每款海鮮都大大隻, 好新鮮單單這個拼盤感覺上都值回票價!  有些海鮮可以無限任加, 當中就是這些大蜆、魷魚、海蝦等…甲羅蟹殼係燒之前將蟹蓋上既攪拌, 燒好之後, 會形固食半固體質感, 味道有好香既蟹膏味, 味道好濃郁, 偏鹹最特別係原隻毛蟹都有得任食而且都幾鮮甜！！第二主打當然係刺身啦, 刺身就有多款選擇,每次order既刺身以冰墊底,包括三文魚、吞拿魚、帶子、油甘魚，還有象拔蚌、赤貝、玉子、劍魚腩等!宜家做緊生蠔特價＄9隻（半打起），身為蠔迷梗係要試下啦！！蠔都幾厚肉，又好鮮味！值得一試！！整體黎講, 食放題最緊要係冇漏單、上菜速度快、款

好耐未食過放題 但有d失望佢有個爐燒下野食係幾特別如果唔加錢海鮮拼盤 食物種類唔算多 刺身一般佢用平板落單 好似好pro同環保d但估唔到今時今日仲有放題係叫完黎唔足生日只係每人多左隻蝦 無羊架 無哈根大師 性價比一般

觀塘pacific one有好多食堂，放題都有幾間，要做到突出的唔容易，但佢做到了。食放題都係一來到馬上點魚生，好快已經送到上來，點左的都有上來，數量都無少到！食物質數來講，比大部份放題都要好，都比較新鮮。之後到磯燒，每人都有一隻原隻鮑魚，元貝同蝦，唔知點燒唔怕，可以叫職員去幫手燒，燒出來絕對比我自己燒得好食好多，因為佢地夠專業。想唔到的，有蟹燒，真的成隻上來，最後都係比職員去燒，我地負責食。食物選擇比出要的多同新鮮，鐘意放題磯燒的一定要去