御品軒 (已結業)

同男友食完住家菜, 再周圍行左陣, 就黎左呢度試下. 因為男友睇到報紙介紹, 佢話好似好正, 所以就黎左啦.呢度d裝修幾靚. 不過我地張table同隔離張table好近囉.男友要左唔知乜奶浸龍眼肉- 要左凍既. d奶好正, 整體幾好呀, 男友話報紙冇介紹錯喎.我要左紅豆雙皮奶- 好滑... 好味! 正. 紅豆同雙皮奶一齊食, 又幾好食喎!不過d侍應好似唔係做咩咁, 揮手叫佢, 佢應左我, 但又唔行過黎, 想點? 唔通要我行過黎? 定係要我大嗌? 服務好應該改善下. 雖然唔收加一, 但係都唔係咁樣卦?下次會黎試下佢d腩.

見雜誌介紹, 便拉牛痴薑餅人來吃.裝修幾古色古鄉, 坐在樓上窗邊位, 看着街景都算自得其樂.薑餅人叫了崩沙腩沙河粉, 我就要爽腩沙河粉.湯底比起九記少油但味道濃,咸和濁些. 崩沙腩那些軟韌的筋膜位很好吃, 我那些爽腩是爽的, 但韌左些, 很易痴牙.沙河粉比較透明, 但唔算很滑, 有些河粉還未散開, 貼在一起的.上粉時連配料架一起上, 有葱粒, 香芹粒和炸蒜粒.放在桌上還有黃辣椒醬, 很辣但亦較傳統辣椒油香.叫了碗正宗熱雙皮奶, 奶味唔算重, 可能是用水牛奶吧, 也不錯, 可一試.

牛腩是其中一項必修課，路過東角驛，見大大字寫著「崩沙腩」又花半餐飯的時間試試。第二次來，上次是春茗前吃崩沙腩打底，今回是主打爽腩拼魚餃干粉，見小吃有浪豉什麼的墨魚，明知吃部玩，卻掏廿個大洋試試看。雖然有open kitchen煮牛腩，但形格裝潢，配上「御品軒」的貴氣，難怪事後與食友談起，被說成甜品店；當然餐牌上有不少水牛乳類甜品，8點打後，甜品換成主角。說到清湯腩，湯底而言帶點九記的影子，加了藥材熬的湯，帶點點當歸味，卻沒有首次來嚐到的藥湯與鮮味產生的層次感，有點失望，是日的爽腩，60%是腩位，40%是接近邊位的爽腩，若當作牛腩吃的話，藥湯滲入肉中而又帶微微肉味，收貨，但就不要考究什麼是正宗爽腩，部然的話，定會失望而回，喝完湯吃過腩，又試試乾粉，是屬於3分鐘熱度的產物，浸過時的話，變得粉糊起來，還是上回晶瑩透白的沙河粉來得對版。小吃浪豉什麼的墨魚，是芥末醬伴墨魚仔，將墨魚仔原隻切件，如照X-Ray般將墨魚仔解構，雖不夠嫩，花的廿個大洋就當上生物課。兩點左右，只有三、四檯客，侍應如夢遊般路過件茶杯空置著卻不加茶，為打工而打工的態度見得太多，睇化。