御品軒 (已結業)

我叫左碗雙皮奶食,碗雙皮奶都幾好食,好濃郁既牛奶味boy boy因為要返工,所以要食多d野,就叫左個套餐,咩玄機裹包飯,同飲椰皇個裹包飯一d都唔好食,都唔知點解係酸既.我地終於都明白到佢點解叫玄機裹包飯,原來個玄機就係咁=.=!!!所以我地以後都唔會再去e間野度食架啦

夕陽未必無限好,只是近黃昏之時段,板前門外,已經有成班"火山孝子"在門口排隊拿籌,幾步之遙的御品軒,反而沒有幾多人.可能時下年青人,愛壽司多過牛腩.加上月前什麼"日本一",令到板前到了今時今日,門外人龍仍如黑鬼般一樣長.沒有人直行直入,坐低就要崩沙腩,麵條要伊麵.有說崩沙腩比那些坑腩爽腩更矜貴,我沒有詳細地去研究.坑腩爽腩吃過,崩沙腩也是第一次吃?不記得.記不記得與否,這趟當是認識一下.崩沙腩一塊塊連筋膜位,口感幾好嚼頭而不齦.筋膜位尤其爽口.其湯底就幾清甜,唯獨伊麵就較為平淡,可能一向愛伊麵,帶點點粗糙的質感.$32一碗不算平,崩沙腩雖不錯,但我仍愛九記.雖則是兩回事,說到底,大家都係牛腩.

Weekend逛完Sogo想食糖水，原本打算去發記，行經御品軒見門口張大poster上的甜品幾吸引而且唔使等位，貪方便入去試吓。見餐牌上說崩沙牛腩是“鎮店之寶”，便又即管要個崩沙牛腩河($27)，再加紅豆燉奶($25)和雪糕紅豆冰($25)。個牛腩河……我可以大胆講這是我食過最差的，牛腩又硬又韌，湯唔係好夠熱又淡，連帶河粉都淡而無味；好彩兩個甜品算OK，佢話d紅豆係北海渡的，都幾軟燸香甜。紅豆好味都唔係因為佢做得好，所以都係俾一個喊面，冇下次。

臨到新年,同男朋友行完維園,見唔太多人等位,諗住試下,上2樓坐原來要搭枱,樓下個經理唔出聲,叫左個崩沙牛腩麵同一個淨雲吞,等左10分鐘黎個牛腩麵,牛腩又少又韌...菜得2條咁多.到我男朋友食完,都唔見我碗雲吞,問幫我落單個男人,話好快有,又等左10分鐘,睇住我身邊比我遲黎D客都食完,我都係仲未有,再問個男人,又話等陣,之後仲走左唔知去邊,再問另一個男仔係唔係留單,佢又話好快好快...仲話幫我跟緊,嬲到我都唔知講咩,跟住我取消碗野埋單,只係識話對唔住唔好意思,我望到張單,牛腩麵同淨雲吞落單時間根本唔同,仲死都唔認留左單,我記得果2個人張牌仲叫主任,垃圾不如,打投訴電話又無人聽,打死我以後都唔會再黎.

見到呢間食店開左都有段日子今日終於有時間同bf尼試下上左樓上個層坐左係最中間坐到8個人既木枱叫左咖哩牛腩湯伊麵牛腩好大兜,都幾林但係咖哩太咸,一定要連埋湯咁食就會好香XXXX牛肉飯好普通,牛肉份量亦偏少反而有好多洋蔥同埋唔同既菇味道還算不錯崩沙牛其實唔知係牛既邊partwaiter話好爽,就試下凍嫁,要當前菜食飽魚雲吞真係幾唔錯蝦好爽,飽魚唔會高要求既最緊要熱食!!! 因此冷氣好大凍左唔好味蘿蔔亦炆到好林,幾正!食完dinner我地仲叫左水牛乳雙皮奶好香,幾好食!!同埋3色芒果pancake (綠茶,芒果,朱古力)芒果酸酸地,綠茶味有D紅豆係入面! 好味!!埋單$160食左幾多野都幾抵,值得再尼,不過主要試甜品更好

個餐包埋個小食：芒果汁炸豬扒+ 香煎玉子，呢個小食好香口美味咁粗又滑o既河粉真係好正，可惜崩沙腩退了步，好難o趙！

個牛腩河都幾好味，價錢合理，個湯底好好飲，係D野黎得慢

依間野午飯時間都去過幾次,但係每次去親餐牌個個月都唔同,一次貴過一次,d人又係個個月都唔同,見得最耐都係果個男仔,問佢先知原來尖沙咀開左間,依間舖都唔得,又唔係好食,又貴,仲要開多間,都唔知佢老細諗咩野,連個男仔都話過埋年唔做,下次唔洗再去

今日下午同朋友去食,樓下冇位,原來有上層,上到去又係坐滿人,最驚奇既下面有2個侍應,上面咁多位竟然得一個男仔係度,見佢走到隻狗咁真係慘,睇黎依間舖人手真係唔況夠,落單叫左2碗崩沙麵,潮式蝦餅同脆水餃.個男仔成手野寫都唔洗寫就記到我地要D咩,唔怪之佢可以一個企一層,真係服左佢,等左10分鐘D野先黎齊,蝦餅同個炸餃唔錯,但係個麵就唔得,成餅麵一堆野咁,菜得個2條....25蚊俾碗咁既野,失敗,自己煮公仔麵仲好過佢,但諗番係銅鑼灣區都算係咁,到走果時俾左5蚊貼士,因為睇落個男仔都幾靚仔,辛苦晒佢,下次會再黎.

見裝修幾靚，入左去試。叫左主打的爽腩同鼓浪嶼章魚，爽腩真係恕我唔會欣賞，羶到食唔到，唔同羊果種羶，而係隔夜果種肉羶。章魚就好彩有個辣醬，如果唔係都係無味。唔死心，再叫個雙皮奶，香，不過唔滑，係好唔滑果種。銅鑼灣都係食裝修，竟然開到尖沙咀﹖香港真係咁多人食到羶野﹖

近期唔知做咩～去親間間有御字的餐廳都唔況有好野朋友叫左碗牛腩河成＄３０同人地十幾蚊ｄ水準無咩分別，我就慘啦～叫左＄６０幾ｇａ撈麵餐唔抵都算啦～仲要ｄ麵係苦禾～切腩仲要好死鞋，只不過我個餐多左杯西瓜汁～叫大又無人應～問佢野又唔答你禾～環境差，坐又唔舒服，個玻璃十分次ｄｉｒｔｙ～無下次～

記得第一次食呢度,覺得呢度裝潢好特別，而且感覺幾舒服。好啦入番正題，食野話自己最正係雙皮奶同埋紫米湯丸。我試咗個雙皮奶，都唔錯，過得去啦，本人覺得杏花樓較為出色。其他野都係普通，冇咩驚喜。之後都去過幾次，但已經完全唔得。希望d 餐廳俾番d 好野食人先得架... 尤其話自己的馳名的，自己倒米...招呼都係麻麻.. 服務員仲好似遊魂咁。

24-11-2007夜晚同人去左果度食宵夜，去到叫左最普通o既芝麻糊，開頭睇落都ok，但係食落去，無估錯就係用某某深紅色包裝o既粉沖!!真係唔多掂~!!之前都試過o係果度食碗紫菜再加唔記得係咩丸o既麵，果碗野差又差唔哂，但一定唔係好囉~d 麵咬落好似成咋粉咁~

原本想去千両度食飯, 點知老闆7時多去度要等好多張枱, 所以最後我地無咩目的之下經過此店..就決定入去試吓...被安排上2樓坐人手不足所以等左好耐先有人幫我地落order..老闆叫左個set(包紫菜八寶河+玉子蛋2件+薯仔蝦餅2件+是日甜品(雪糕)至於我就只叫左個咖哩牛腩e麵..最欣賞佢地會將牛腩分開上唔錯...其實2樣野都唔錯, 特別佢地d小食都幾特別又好味..不過地方就真係比較細加上人手不足,如果大家唔係太趕時間又唔怕迫都可以一試既.

次次經過都見到個大廣告燈牌..前兩係係好肚餓既狀態下,又見唔駛等位..所以就去試...以為牛腩主打..應該唔錯..點知..食落..又un又無味..朋友叫左個魚皮餃加紫菜..d魚皮餃但係一夾起來,個皮就散開..!! 紫菜又有陣怪味咁...攪到..本來好肚餓既我地..連兩碗粉都無食哂就埋單走人...服務..真係好一般...真係..唔會再去!!