影片
营业时间
今日营业
11:30 - 15:00
18:00 - 23:00
星期一至五
11:30 - 15:00
18:00 - 23:00
星期六至日
11:00 - 15:00
18:00 - 23:00
公众假期
11:00 - 15:00
18:00 - 23:00
以上资料只供参考，请与餐厅确认详情
食家推介
復活節當日，打算一家人去慶祝下，於是訂咗一點去飲茶，接電話職員就話一點十五分會好啲，於是我哋一點左右到了，打算等一等便入坐，點知等到一點三十五分都未有動靜，我哋就問職員，跟住幾個客人都一齊追問，職員淨係話睇睇，幫你睇睇，其實睇都冇用，因為啲客都未有跡象要離坐又未埋單，根本唔會有枱。其實職員做嘢問題，喺尖沙咀唔會有呢個情況，我去過尖沙咀分店無數次，每次都安排好好，話左兩輪就真係會預早半小時問你加唔加野食準備埋單，準備下輪俾其他客人。今次第一次嚟銅鑼灣就出事，等到小朋友發脾氣要走。點解兩分店會有咁大差別待遇，唔敢有下次。
继续阅读
不礼待遇订了枱中午1时, 到1点半还沒有安排入座, 而柜台竟然1点15分已經空无一人, 詢問無門! 多次行入大堂找工作人员查詢, 但全部都聽了便算,當我們傻仔般。 我們来光顾仲要睇你們面色, 劉華話齋今時今日咁嘅服務態度仲可以生存。我建議你們要好好再去職業培訓,最少學會待客之道。冇枱就唔好overbook,客人的時間很寶貴, 唔係咁得閒等半個鐘而無人理會!
继续阅读
趁現在未過年十五，分享一下年初一和家人的新年午飯吧 XD本來今年打算年初一在家過，不過表妹由美國回來已好一陣子，那就出來見見面，拜拜年。表妹挑了「御寶軒」，之前吃過尖沙咀分店，今次就來銅鑼灣分店。先來「素菜炸春卷」$48家母說好意頭，喻意黃金滿屋，加上她偏吃素菜多，這個正合她心意：新鮮炸起，裏面主要是椰菜餡，食味不差，也很脆口。「黑松露菜苗餃」$52完全吃不到黑松露味道，也無謂懷疑人生吧 XD 雖然明知現成的黑松露醬都是加工合成製品，有沒有我也不太在意，不過當然餐廳加了這三個字，點心也可以賣貴兩個錢 「什菌如意餃」$45這個皮薄餡極多，脹卜卜，相當不俗，吃了萬事如意！我們安歌了兩碟呢。「柱侯金錢肚」$48，純粹我個人想食也好意頭，就來一份：可能之前的點心比較淡味，這個重口味帶少許辣勁，得到家人一致讚賞！墊底的白蘿蔔索晒味，也是寶：「筍尖鮮蝦餃」$58表妹每次飲茶都會想食炸芋角或鹹水角，今次她選了後者「安蝦鹹水角」$45脆皮軟糯，不如春卷般油膩，表妹吃得很滋味 XD腸粉來了兩碟，應該是收錯單，不過既來之則安之 (是否現在應保持的正面心態？？？)，新正頭開開心心，也無謂爭辯，吃不下就拿走吧。「春風得意腸」$70，入面包的就是蝦春卷：「鮮蝦蒸腸粉」$58，蝦大隻及爽彈，我更愛這個：「菠蘿叉燒包」$48記憶中由細到大我都好少食菠蘿包，可能它變做墨西哥皮會更得我歡心：「金牌蜜汁叉燒」$168 / 例牌叉燒是梅頭肉，表面有少許燒焦的痕跡：吃去肉質鬆化、軟腍，帶蜜味香甜，確不錯，亦最得我歡心！粥粉麵飯要了簡單的「豉油王炒麵」$118，好想配余均益辣椒醬啊：大家齊齊撈起：甜品「流心奶黃煎堆仔」$45祝大家心想事成，笑口常開，最緊要是身體健康，百毒不侵，疫情盡快消失！！！
继续阅读
我同我屋企人book左1點鐘，你叫我地等到1點半？reception一個人都無，成班員工自己開枱去食晏？仲以為御寶軒有幾高級，當場得啖笑，咁既服務態度真係第一次見。裝修裝得有幾威？menu收費又咁貴？原來只係虛張聲勢。你地無枱咪出聲囉，我地又唔會笑既，真係自取其辱！又要接booking,黎到原來無枱，真係浪費時間。我地每個消費者啲時間都好寶貴架，咁樣俾你哋浪費咗我哋嘅1分1秒，真係唔會再去御寶軒，費事再俾班員工羞辱多一次！
继续阅读
難得週未和家人團聚，訂位11點半，家人未到哂，半個鐘內所有點心上齊，成張枱滿到瀉，叫佢慢慢上都唔理，已經感覺非常不好，知道佢要1點鐘交枱，所以已經覺得被人當狗咁趕。特登交帶個乳豬飯叫先上，轉過頭又上埋，同佢講無叫上喎，佢話而家仲唔上呀，真係火都滾埋，碟腸粉未食完就要收，屋企人去緊廁所，都唔等得，叫我地起身交枱，同經理投訴都無用，經理和待應木口木面，少少歉意都無。食到一肚氣，貼錢買難受，食物幾好食都無用，出去食飯咁多年，都未試過咁受氣，鐘意受氣一定要黎御寶軒，一定滿載而歸。
继续阅读