御膳

营业中

休息中

上網搵到呢間私房菜，簡直如獲至寶，各方面都做得好出色，唔怪得之大獲好評😎今晚食飯見到店主親自招呼，店主非常NICE會同我地閒話家常，佢有句講得好好，忍唔住記錄出黎，大概意思係:營運食店只得一個辦法，就係煮好每一碟菜色，保持品質，推陳出新，正所謂［酒香不怕巷子深］❤️我眼見呢度既食客都係熟客仔，食完會再返轉頭應該係餐廳質素非常有保證🫡入正題，呢幾味菜式都好掂✌🏻鹽焗雞腳：外脆內嫩，鹽味恰到好處，香氣四溢🤩惹味蒜香豬串骨：豬肉入味，蒜香馥郁，口感嚼勁十足💋龍蝦脆面底：龍蝦鮮美，脆面酥脆可口，帶來豐富的口感層次😍玻璃脆皮乳鴿：乳鴿嫩滑，皮脆如玻璃，質感與味道兼具🤓士多啤梨骨：士多啤梨酸甜可口，外皮酥脆，內裡鮮嫩多汁☺️冬瓜瑤柱海鮮羹：湯汁濃郁鮮美，冬瓜爽脆，瑤柱提升了海鮮的鮮味👍🏻炒肉蟹：肉質鮮嫩多汁，蟹味濃郁，香氣四溢，炒得剛剛好🤩認真講句，呢間餐廳已經比我收藏好了，值得推薦🫡

去餐廳食飯最驚就係食到一肚氣，除左食物質素，我都會留意埋服務態度，今晚去呢間私房菜都達到我要求，Book檯時會send定Menu比我睇，有d功夫菜可以預訂先，重有一樣我幾欣賞，就係有老人家生日，我地買左蛋糕同壽包，壽包可以請師傅幫蒸，不用收費😍🌟花龍蝦12兩龍蝦兩個煮法，分別係上湯和芝士，仲配上脆麵底，龍蝦開邊方便食用，我幾鍾意上湯煮，一來冇咁膩，二來食到龍蝦鮮味😋🌟黑毛豬叉燒揚州炒飯香噴噴炒飯🤤做到粒粒金黃，好有鑊氣，同埋出面食好多時配火腿，但呢到係用黑毛豬叉燒！好正🌟清蒸東升斑生日當然要食返條魚，交比廚師話是，東升斑火喉幾好，肉冇痴骨，但魚肉嫩滑🌟美極香煎大海蝦蝦煎香兩面，做到色香味俱全💯不過調味上就重手d，比較濃味，但蝦好爽彈🌟上湯浸時菜點都要叫返個菜平衡下～

一間隱世私房菜可以屹立近10年，而且客源不斷，熟客永遠吃不厭⋯可想言之菜式又多出色了！謝謝朋友的帶路，今天有幸來到御膳，嘗嘗他們的看家本領🤤晚餐開始，先來幾款小食。推介鹽焗雞腳，只因每隻小爪肉都特別的厚，非常入味！停不了口～湯品有冬瓜瑤柱海鮮羹，很清很甜，能喝出海鮮的味道！我最期待的海鮮，一點也沒有讓我失望！花龍蝦可選擇蒸或炸，兩款都很惹味。蟶子真的是必點！太新鮮了！優良的食材真的不用很花巧的功夫，就能吃出好味道。他們家的蒸山水豆腐用上了臘味碎，撈米飯吃很棒。還有不能錯過的黑豚叉燒，半肥瘦真的是燒味界中的頂流。最後上的雲呢拿籽奶凍也很特別，至少沒有在外邊見過。他們家的食物已經讚過了，但更想一題的是他們的服務。必須肯定是他們不趕客，上菜時還會留意客人進食速度去調節，吃得很舒服。蛋糕酒水可以自帶，還提到可以帶壽包（哈哈！），可以請師傅幫蒸，不會另外收費😆

御膳今次要介紹觀塘工廈入面嘅一間私房菜餐廳叫「御膳」，呢間拎過OpenRice最優秀觀塘區開飯熱店嘅獎，沿途工廈都係無障礙，好啱一班輪椅人士喺呢間餐廳聚會，佢哋仲唔收開瓶費同唔收加一，隨便帶靚酒喺度飲都得添！小食1款（桂花糖蕃茄）（8.5/10）甜甜地帶有桂花味嘅蕃茄，食落有少少爽唔會好淋！避風塘炒大肉蟹一隻（一斤）（小辣）（7.5/10）呢隻大肉蟹真係好大隻，加咗好多炸蒜同呢隻大肉蟹一齊炒，辣辣地好惹味，大肉蟹啖啖肉，肉蟹肉質鮮甜，我仲帶走炸算返屋企，用嚟下次屋企煮餸用！蒜蓉粉絲蒸蟶子皇2隻（8.5/10）呢度聖子皇蒜蓉夠多夠香，唔油膩，蒸得唔會好老，時間啱啱好唔會蒸到似橡筋，夠哂彈牙又掛哂汁，同埋個底嘅粉絲吸哂聖子皇嘅精華，真係好惹味！流沙黃金大海蝦2隻（9.5/10）呢隻黃金大海蝦好彈牙，碟上仲有唔少鹹蛋粒，黃金蝦多數連殼一齊食，如果蝦殼薄身少少就好，咁我就會比滿分！惹味蒜香西班牙豬串骨2支（9/10）呢個西班牙豬串骨咬落肉質好鮮嫩好，免上加入大量炸蒜，非常惹味！招牌脆皮玻璃乳鴿（即叫即燒）1隻（9/10）呢個乳鴿係招牌菜，一定要點嚟食，仲要襯熱食，乳鴿皮超薄超脆，唔會好乾夠ju

位於觀塘一間質素高既私房菜，真係唔係朋友帶都唔知有間咁正既私房菜，價錢非常彈性，可以自己定價要求每位幾錢，好似今餐咁，我哋定價每人$400，已經非常多嘢食及性價比高，尤其是佢嘅極黑豬叉燒，即叫即燒，超級好食又軟淋，第二就係花龍，一開二每人半隻大大隻，仲可選擇兩煮😋由前菜開始到最後嘅甜品都睇到廚師嘅細心，每樣擺盤都唔錯，甜品係用新鮮雲呢拿籽去做，所以非常香雲呢拿味💯💯💯今餐飯有驚喜，地方寬敞，又可自帶酒水，值得回頭😎

觀塘區啲工廈真係臥虎藏龍，喺OpenRice搵到呢間私房菜同屋企人食飯，每一道都好驚喜，海鮮同肉類都好高質，連荷葉飯都好食過人，我哋叫咗啤酒飲，老闆話餐廳免開瓶費叫我哋下次可以帶自己酒🤩金華玉樹雞係用金華火腿同芥蘭攝入雞肉中間，係功夫菜，出面已經好少見，佢雞肉好滑又帶火腿鹹香，送酒一流澳洲龍蝦叫咗用蒜蓉粉絲蒸，斬件上好方便食，彈牙又厚肉，仲好鮮甜當然唔少得佢哋嘅招牌脆皮玻璃乳鴿，只賣$78一隻，老細話呢排先做大特價諗住儲多啲，遲啲可能貴返，要食平嘢就趁早🤭仲有碟碧綠炒花枝，花枝片仲多過西蘭花幾足料啊，炒得乾身冇落好多調味，全靠花枝鹹鮮，唔錯

-朋友帶路 去咗觀塘工廠大廈到搵食原來係區內都係頗有名氣嘅餐廳😳不過如果唔係朋友介紹 我都唔識今次係Happy Friday上來食飯😌咁就緊係要食返啲好嘢😌！-先來係呢碟 👉🏻 上湯花龍蝦 🦞足足十二兩咁重 真心吸引✌🏻廚師幫忙開哂六邊 方便食用龍蝦係配脆麵底嘅 呢個我幾鍾意龍蝦汁完全滲透哂落麵底到變咗麵底唔會話好乾 又香脆又掛汁 惹味！同埋啲龍蝦都夠哂爽嫩彈牙 唔錯👍🏻-之後係呢碟 👉🏻 玻璃脆皮乳鴿好似話係新出嘅菜式 就試試佢～大家超快速地影相就趁熱食皮超脆 又夠Juicy 乳鴿好香口呢個時候真係好想配白飯🥹聽侍應介紹 話係好多工夫🤣睇怕都係啲心機野 最後食到舔舔脷-海鮮方面就叫咗蒜蓉粉絲蟶子皇鍾意佢嘅蒜蓉好夠香 夠多 唔油膩同埋啲粉絲煙煙韌韌 好好咬🩷重點係啲粉絲完全吸收晒蒜蓉嘅精華而主角 蟶子皇 雖然平時好少食但係呢度每一粒蟶子都好大粒夠晒彈牙 掛滿醬汁 真心幾惹味😚😚-最後最後就係呢款 👉🏻 冬瓜瑤柱海鮮羹估唔到呢一個海鮮羹真係咁大兜 😂😂感覺好足料 好重手 絕對係飽肚嘢原來都係師傅新出嘅菜式～睇嚟今次來食飯係好好彩 好多新野！冬瓜夠清 唔會煲到好爛😌瑤柱同埋海鮮嘅份量都唔少

-平時好少可去觀塘搵食…始終同屋企有一段距離只係知道觀塘啲寶藏都係工廠大廈😙今次跟朋友上來呢間御膳食晚餐因為大家都係食肉獸😂就一人簡咗自己嘅心水小菜😛-先來叫咗呢碟係 ☆ 🍓士多啤梨骨🍓☆佢嘅顏色望落去一啲都唔似士多啤梨醬反而似蜜汁叉燒個隻醬咁 但賣相唔錯😌酸酸甜甜嘅味道好開胃🫡🫡雖然比較近骨位 但可以咬嘅部位都唔少醬汁清爽 有士多啤梨香 唔會好甜骨好咬 肉軟硬適中 幾好食😬😬-之後就係呢碟 ☆ 🍳大蜆燉蛋🍳 ☆聽侍應介紹近來係用沙白蜆 冇沙燉蛋底配埋廚師特別調嘅醬汁 花心機時間製作比起普通酒樓同埋中菜餐廳感覺上更用心 幾有誠意嘅菜式醬汁配上燉蛋 沒有搶風頭 更突顯蛋味而且燉蛋夠哂滑溜 好送飯 一流 🩷🩷-☆ 🐤金華玉樹雞🐤 ☆ 好特別雞件排到整整齊齊 同火腿夾雜住食落好特別 因為有種火腿嘅甜味滲出但雞味同時間都好出眾 雞肉都夠滑-☆ 🐟芙蓉蛋白蒸老虎斑🐟 ☆最後嘅一碟菜就一定係食返條魚2公斤嘅老虎斑 比起普通魚滑身好多夠滑夠嫩 細骨唔多 廚師幫忙起哂魚肉同埋佢係蛋白底 感覺都係心機野-最後 真係全部人都食到好飽好滿足佢碟碟都係心機製作😙😙相比起出面嘅酒樓同餐廳唔同個種味道係真係值得一

喺觀塘啲樓上鋪開得越來越多，成為咗一個潮流嘅食堂，想食到鑊氣小炒甚至係生猛海鮮從此唔一定需要喺酒樓酒家食到喺樓上鋪都仲可以享受到添，其中一間就係御膳，呢度除咗有多款菜單提供仲可以按客人嘅喜好同埋預算編一個新嘅菜單，仲可以散嗌，免開瓶費帶埋啤酒過嚟飲都得！所以有好多街坊都好鍾意依度！芙蓉蛋白蒸老虎斑生猛嘅老虎斑一條都差唔多兩斤重，蒸嘅過程需時，但係成果非常之嫩，彈性相當爽口，簡單而且不失風味蒜蓉粉絲蒸澳洲龍蝦足秤嘅12両，仲要每一隻都只$380，呢個價錢絕對抵啦，整法仲要係非常特別唔係只係清蒸或者焗咁簡單而係先將龍蝦香煎咁樣做法咁樣又香又有少少鑊氣再加埋龍蝦非常彈牙好容易咁樣原隻肉拆開白胡椒爆炒南非鮑魚$68一隻南非鮑魚，爆炒即係猛火炒，有鑊氣之餘仲可以鎖住鮮味，招牌菜之一，真係唔食唔得金華玉樹雞呢一款相對係味覺同視覺雙重享受，仲要係先起肉再蒸，確保原汁原味，擺盤亦都相對優美，蒸嘅火候從雞肉嘅鮮嫩程度已經可以反映出嚟，價錢方面絕對係符合性價比有突

觀塘有一間好食嘅餐廳，提供豐富美味嘅海鮮菜式，其中招牌菜包括荔茸百花卷、避風塘炒大肉蟹、蒜片牛柳粒同蒜蓉粉絲蒸蟶子皇。呢度仲有唔同菜單同埋單點嘅選擇，如果有預算又或者有喜好想食其他嘅都可以問吓餐廳，因為餐廳可以按返客人嘅需要，編一份新嘅菜單。首先嚟講係荔茸百花卷，呢道菜用新鮮海蝦同芋頭做，一件只需80元。百花卷外皮酥脆，內餡鮮嫩多汁，海蝦嘅鮮甜味同芋頭嘅香氣完美結合，食落又濃郁又清新。再嚟就係避風塘炒大肉蟹，佢哋用越南蟹炮製，每隻一斤售價420元，價格公開透明。呢道菜特色係蟹肉鮮嫩多汁，配上避風塘炒嘅獨特醬汁，香氣四溢。雖然價錢稍高，但呢款質量優良嘅海鮮菜式絕對值得一試，尤其係對於有預算嘅海鮮愛好者。蒜片牛柳粒亦係一道以真牛柳為主要材料嘅菜式，每份重290克，售價為240元。相比其他餐廳常用嘅西冷肉，呢度嘅牛柳肉質嫩滑，口感鮮美。加埋蒜片嘅烹調方式，帶出濃郁嘅蒜香味，使呢道菜更加美味可口。最後嚟就係蒜蓉粉絲蒸蟶子皇，每隻售價56元。呢道菜以蒜蓉同粉絲作為蟶子皇嘅調味材料，粉絲蒸煮後變得軟嫩可口，而蟶子皇則保持住鮮甜嘅口感。蒜蓉嘅香氣同蟶子皇嘅鮮味互相融合，帶嚟一種獨特嘅風味體驗。呢間餐

觀塘真係有好多隱世美食，以下呢間私房菜都係我私心推介，位於觀塘敬業街65-67號敬運工業大廈，去左幾次，每次都有唔同驚喜🥰因為客人可唔可以自己set menu或者跟餐廳菜單去點都得，唔食套餐散叫都可以上湯花龍蝦12兩呢個真係好好食！龍蝦斬件跟脆麵底，肉質鮮甜細膩的新鮮龍蝦，啖啖肉，肉質唔霉又爽，脆麵底都幾過癮，有點似肉絲炒麵🤣口感非常脆花雕雞油蛋白蒸大肉蟹蟹肉質細緻甜美☺️簡單清蒸已經好好味，加埋花雕雞油蛋白一齊蒸，吸足蒸蟹後留下的鮮美湯汁，所以蛋白超級甜！竹笙素卷如果食齋既朋友都可以點呢道菜，醬汁煮至濃稠，澆在上素卷上，好惹味，訂座時都可以同餐廳講同行有素食者，餐廳會額外再編菜單😬

香港私房菜店真是多不勝數，最適合一家大細前往，可以提前同餐廳落order，跟自己喜愛和budget編一個新菜單，可謂不二之選👍🏻.極黑豬叉燒｜$135一份呢到叉燒即叫即燒，所以都要等一段時間，大約20分鐘就上菜，香氣撲鼻🥰店員介紹係用西班牙豬既梅頭位去整，肉質比起一般豬肉更鬆軟，肉汁好豐富，油脂放入口中融化，份量都唔少添花膠響螺煲雞湯｜$680/鍋媽媽最鍾意飲湯，佢非常滿意☺️見到湯渣都知真材實料，好清甜，花膠好有膠質，不過想飲都要早一日預定潮州酥炸鹽水豆腐｜$95食中菜當然要叫下炸野🤤呢款酥炸鹽水豆腐送酒一流台山菜花啫西班牙豬脾肉｜$120例牌上菜個時熱辣辣，勁香！要小心唔好辣到咀仔🙈碧綠炒花枝｜$160例牌花枝片唔會好韌，炒得岩岩好火喉

餐廳提供了多種菜單選擇並且可以根據客人的喜好和預算度身訂做一個新菜單他們的賣點之一是提供明碼實價的海鮮菜餚讓客人可以在預算範圍內享受美味的海鮮還以手工粵菜為特色每一道菜都經過精心的配搭口味和火候掌握蒜蓉粉絲蒸大元貝每隻售價都只係$68用左蒜蓉和粉絲蒸煮味道鮮美 一上枱就大家都瘋狂搶食!!12兩龍蝦以斬件上菜經過香煎後 味道更加鮮甜野味配上脆麵底這道菜每隻售價為$380師傅經過多次試驗 選擇了這款麵條 以提供最佳的口感金華玉樹雞已超過半個世紀，是一道手工菜呢道菜非常獨特 很難在其他餐廳找到貴在廚師的一雙巧手因為賣相賞心悅目，紅、白、綠相間加以味道清淡嫩口，有菜有肉，老少皆宜半隻金華玉樹雞的價格為$220這道菜以傳統的烹飪方法製作保持了雞肉的鮮嫩和口感避風塘炒大肉蟹以咸香鮮美的口味聞名肉蟹啖啖都係鮮甜既肉 好美味有些客人甚至會把剩下的炸蒜帶回家，用來炒牛肉這道菜每隻售價為$420，每斤計價

呢間私房菜係我首選 😍👪佢地既用心烹調都係我地一路keep著幫襯既原因 💪👨‍🍳🥰疫情前每達節日前都會好爆場 🎉🎊睇得出好多都係舊客 😊👴👵團年飯同埋春茗菜單 🎉🧧🍽️之前已經係社交平台見到 📱👀除左呢個set好左既菜單之外，仲有度身訂做嘅菜單，好似蟶子就係我既首選🦀💰🥢呢條富貴金龍 🐉💰🐟用沙巴龍躉2斤做 🐟🔪✂️首先就起肉 🐟🔪一邊係吉列椒鹽，一邊係流沙黃金 🧂🌶️🌕再配特製嘅蛋黃醬都只係$620 💰💲魚肉好鮮味 一d都唔會鞋 🤤🙌🐟仲有籠仔糯米飯蒸大肉蟹 🦀🍚$420一隻大肉蟹 每隻足1斤2重 💰🦀📏糯米飯 真係好正😍🍚因為糯米飯太多功夫同材料出去食就最好啦 🥡🍽️仲有避風塘炒，花雕雞油蛋白蒸，四川香辣炒，古法蒜子炒，胡椒炒，薑沖炒每樣都可以特顯蟹肉既鮮味 🌶️🦀🍛🍜🌶️🦀招牌玻璃脆皮乳鴿 🕊️🍽️🥢呢個新野黎！一定要襯熱食先得 🌡️🔥🕊️$78一隻 要用好多重功夫 師傅出嚟省招牌呀真係 💰🕊️💪皮薄肉嫩🤤👌🍖蒜蓉粉絲蒸蟶子皇$56一隻 🦀🍜差不多每檯客都必食😋🍽️🥢用粉絲鋪底就可以吸收海水既鮮甜味 粉絲都真係唔夠要encore呀!!!!! 🍜🦀🤤👏👏🌟呢到既服務好好~ 😄👍👌特別係唔收開瓶費 問佢拎幾

12月15日, 因為做節關係, 所以個日包成一圍。其實呢間餐館最出名係食蟹。但當日同桌有人唔食得, 所以無食到。最後點左鹵水拼盤（手撕雞,豬大腸,金錢肚），冬瓜瑤柱海鮮羹, 花龍蝦7至8兩5隻，斬件, ,士多啤梨骨, 傳統酥炸潮州鹽水豆腐, 蔥油雞一隻, 蒜蓉炒西蘭花. 荷香龍躉球蒸飯, 蟹油銀芽炒麵, 仲送左甜品.整體黎講, 鹵水拼盤（手撕雞,豬大腸,金錢肚）幾好食. 冬瓜瑤柱海鮮羹足料既, 味道都幾好. 份量仲多左1-2碗。可以比幾個人開心食多碗。龍蝦真心好足夠, 仲要多肉。大家都食得幾盡興。反而個士多啤梨骨其實偏甜, 麻麻地。可能嗜甜既人會鐘意既, 但個日我地麻麻。而潮州鹽水豆腐又唔夠咸又無野點黎食…所以一般般。 蒜蓉炒西蘭花一般水準啦.荷香龍躉球蒸飯, 蟹油銀芽炒麵又真係幾好食. 平時最後上既碳水化合物大家都會食剩, 今次係真心唔錯。最後送既甜品竟然唔係行貨中式糖水, 反而係紫薯布丁。甜度適中, 仲要好食又滑。正~