御苑 (已結業)

當天晚上場地十分Full，但服務員整體手腳快。山珍海味 珍馐美饌 鮮嫩可口 垂涎三尺 小口品嚐 津津有味 晶瑩剔透 巧奪天工 香味撲鼻 炮鳳烹龍 美味佳餚 羊羔美酒 將酒霍肉 酒足飯飽列鼎而食 回味無窮 龍肝鳳髓 膾炙人口 饞涎欲滴 口角流涎 清爽可口甘醇入味 食髓知味 食指大動 鮮嫩多汁 入口即化 齒頰留香  香噴噴 油腻膩 冷冰冰 熱呼呼 甜蜜蜜 亮晶晶 醉醺醺 熱騰騰 酸溜溜 (酸菜)

今晚係呢間酒樓食飯，本來都無咩問題，但埋單時拎左張單黎，明明銀碼係HKD1687, 對過張單無問題，咪比信用卡佢碌囉，點知再拎翻黎簽名時，張單變左HKD1811, 無啦啦多左4個甜品，我發現後即時話點解唔同左價錢，多左4個甜品，酒樓伙記話跟跟先，轉頭又拎翻原本張單黎，話入錯左！問題黎啦1) 點解第一張單同第二張單會唔同價錢?2) 唔同價錢點解無同食客再次確認？之後同經理投訴，經理睇完2張單後，問我想點，我話你係咪要搵同事黎理解下件事之後再對我解釋，佢只係回覆左一句，我地內部唔洗同你地解釋，我之後會問佢地，我話唔得，我一定要知，我懷疑你地飛單，佢態度馬上180度改變，變到非常惡劣，之後佢好不願意地搵翻個同事岀黎，原來係同一個人，個伙記自稱寫錯枱號，我話，點解3分鐘隔離枱可以入錯我單，再食完個甜品？個伙記話係先入廚房拎出嚟， 再入電腦！ 問題又再黎啦，有系統入單，但可以唔洗入單就可以岀食物，咁係咪有機會飛單？當我話要拎咭片作岀投訴，經理竟然要我自己岀門口拎，我話，我係客，你有咩理由要我自己去拎，之後佢叫左做錯野個伙記去拎，仲大大聲話拎邊張都得，拎佢自己(經理) 個張都得！之後我拎完張咭片，

臨近母親節要搵酒樓食飯一D都唔易，但竟然俾我book 到呢間酒樓。之後我就知原因了。夜晚去到，人唔算多，而且都唔full。可能係母親節，所以餐牌選擇唔多，五大一小叫左4個餸4個飯，加送4個糖水。份量偏細，好後悔無點多個餸，但食到中間都懶得再點了。所以大家都食得唔係好飽😅龍躉兩味：炒好味過蒸牛仔骨煲：味道ok,我姨㽒女食左一啖就跌左落地，然後仲喊。唔通真係好味到喊？😂田園蔬菜：普普通通下次約食飯，一係就叫多個餸，一係就去第二間食，以免食唔飽😂😂

好耐無飲茶，於是同同事黎這裡食晏，好在唔使點等位，食物上菜速度都好快。午膳時間都沒有滿座。食物：別有洞天脆皮腸，個名好特別😅。其實係腸粉包住炸春卷皮，裏面再有一啲餡料。鳳爪、排骨、燒賣、粉果、菜芯，點心都夠熱，味道都可以，不過不失。服務💁🏻‍♀️：侍應服務唔錯。環境：環境唔算太擠迫，不過可能食飯時間比較多人，所以都幾嘈。泊車🅿️：可以泊新都會廣場，消費可以免費泊車。總結：新都會廣場唔洗點等位嘅飲茶地方，食物質素都可以。大約人均消費$100。

今日星期天，同老婆同小朋友係新都會，食晏老婆話飲茶，去到潮庭同北京樓勁多人，得呢間御苑唔使等，坐低。食物質素還可以，環境也可以，就是成班阿姐之間不和諧，擋住客人面呼呼喝喝，阿姐行路勁快，撇低D野就走，感覺整個團隊有問題

慶祝人日當然要中式先夠貼切！去酒樓食晚飯。呢間酒樓係葵芳新都會6樓，位置方便，但冇lift上到6樓，最多去到5樓搭一層電梯上去，酒樓枱密密麻麻的，坐落都算迫。服務方面都還好，至於嘢食方面，一碟份量唔算多，8個人食都叫做岩岩好嘅，如果大碟啲會好啲，因為我地唔夠食所以追加咗2碟餸。乳鴨味道不錯！其他就普通正常。

放工後去葵涌食個午飯之後可以去行年宵,簡左呢間御苑食飯,但唔識路所以搵了一段時間先至搵到,坐底後自就好快叫點心,叫左大約廿款有包,面,蝦餃等等,而紫薯奶黃包就前後叫左兩籠,紫薯既健康又同奶黃涵夾,最後埋單連茶介加一計都過千,服務就認真欠奉,要叫幾次先有人黎,同埋價錢都算貴.

必再去既原因有3個 1) 吾駛等(星期六早十點幾去到, 勁多位)  2. 夠熱又好味 3) 服務快1) 推介   x燒腸.  皮吾會太厚. x燒好味度. 夠熱又滑, 真係流曬口水呀2) 咸水角太硬啦. 有假牙吾好試食. 味道一般. 放耐左成舊石頭咁 3. 馬拉糕甜度剛剛好, 健康之選, 4. 燒賣賣相幾靚. 食同樣都一樣好咪.. 吾會比曬d肥go 肥豬肉你.. 同埋蟹子鋪得好. 吾會太小又吾會太多5.排骨飯做緊特價咪叫, 十幾蚊.. 6,健菜=健康菜一碟.. 份量都多架. 即叫即整. 脆既好味度..(有睇開我個po 都知我食得健康架啦!)兩人慢慢食, 埋單$200 幾蚊

夜晚同老婆兩個系葵芳食個便飯，揾左頂樓唔洗等位既酒樓試下。呢度雖然唔大不過光線充足，樓底幾高顯得唔太局促。唯一要彈既就系通風一般搞到件衫成陣味蝦球爽脆新鮮，遼參足料，再配上菇類同黃椒，唔錯！豆腐皮炸得夠薄，內裏柔軟，竹笙就幾入味。抵贊既系青菜份量足，連單點個炒菜都儉返“無飯“家庭既我地長期無湯水飲，難得叫左個湯，可惜既系飲左個味精湯裏面都叫有幾塊豬肉同瓜瓜蘿蔔既。呢度食晚飯真系充其量叫食個便飯，家庭朋友聚會就小心啦

返工前同同事飲返個早茶真係好正👍🏻 今日就試吓新都會廣場嘅另一啲酒樓 好快我地就剔咗兩個孖寶同一個點心 想有多啲時間嘆茶吖嘛🍵我地嗌咗個鳳爪排骨飯 配香煎腐皮卷 蟹籽燒賣皇 配鮮蝦菜苗餃 另外一碟煎釀虎皮尖椒鳳爪排骨飯 蒸飯又唔會太林 排骨份量都唔算少 肉質又唔會太韌 都唔錯🐷香煎腐皮卷 食落口熱辣辣 又脆卜卜 不過係芫茜味都幾重 鍾意食芫茜嘅朋友一定會鍾意🌱蟹籽燒賣皇 上面嘅蟹籽都幾多 食到入面有冬菇粒🥢鮮蝦菜苗餃 呢碟好有驚喜 層粉又唔會好厚 煙煙韌韌咁幾好食 咬落去入面真係見到蝦🦐 煎釀虎皮尖椒 都幾多鯪魚肉釀喺尖椒入面 唔算好辣 但都幾好味🌶臨走去廁所嘅時候見到差不多每檯都有個臘味滑雞飯 望落賣相都唔錯 就返去睇張點心紙 原來右下角有啲咁抵嘅飯 有幾樣都係9.8咋 下次要試吓呢啲!!😛

其實好少去葵涌嗰邊對我嚟講比較遠 無，一年都冇 一兩次， 不過我今日有特別任務所以我要去到葵涌咁遠，特別任務完成後，看看錶時間差不多到下午茶了，我和朋友就在openrice找到一間酒樓去飲下午茶，可能自己唔識路所以搵了一段時間仲要問商場職員先至搵到，去到剛好叫入座，好彩人不多好快已經安排入座不過無人帶位，比了枱號後自己行入去，，我們兩個人，要經過查問四個侍應先至可以去到我哋所屬嘅枱，坐下後自然好快就叫點心啦，其實點心好快就到，我哋叫了六款點心，味道不差都幾好食，而且份量亦都不少，其實最想講嘅唔係食物，而係服務態度，我哋由叫點心直至到食完整頓下午茶，都只係用了一小時嘅時間，但係到埋單結帳時，我們足足等了25分鐘，不知因何原因埋單會要用咁多時間，但我眼見其實枱數不多，數埋都係只有六七張枱，埋單更只係得我和隔離枱兩枱，點解要用25分鐘時間還要我們兩張枱咗 催又催左問右問，收單用了十分鐘時間，收了錢之後找錢的時候用了15分鐘，還要我們催促不斷，真不知道他們如何服務，當我找續完畢後離開酒樓時經過收銀處，其實收銀好清閒坐咗喺度，點解只係找續兩張單都可以用成半個鐘嘅時間呢？真的不明白安排入座埋單結帳

光陰似箭 , 日月如梭 , 眨眼之間 2018年又接近尾聲了 , 有很多朋友在這年都未有見過面 , 當晚我們四人就約在這間 葵芳 - 新都會 - 御苑 來個飯局 , 聚一聚頭 ~Menu ~ 丹麥皇牌叉燒 : 這店的叉燒認真有水準 , 肥瘦均勻之餘 , 肉質更是一絕 , 因為店方用的是來自丹麥的豬肉 , 味道甜蜜又有肉味 , 實在是必吃 ~ 炸子雞 : 皮炸得脆口 , 肉質嫩滑又熟透 , 炸子雞很多酒家都有 , 但像樣的卻不多 , 這店的炸子雞做得相當到家 , 吃入口的一刻 , 神仙也站不穩 ~ 羊腩煲 : 是否古法的羊腩煲 , 實在不得而知 , 因為筆者並非古人 , 這個羊腩煲端上枱時已經熱氣騰騰又香噴噴 , 未吃羊腩先試湯汁 , 味道濃郁感覺淡淡都是精華 , 配料除了羊腩外還有煮得入味的支竹、馬蹄、冬菇 ; 羊腩的肉味道濃郁卻也不帶臊味 , 羊肉炆煮得軟綿林滑又入味 , 有質感也不會散 , 滿口羊肉香 , 的確很久也沒有吃過這麼好味的羊腩煲 ~本篇完 ~

星期日一早起身，天氣凍凍地，突然想去飲茶，見到介紹就去咗葵芳新都會廣場呢間茶樓，首先竟然咁少人，唔駛等位，但係樓下北京樓就極多人，都覺得奇怪，但是都係入咗去，入面分兩個大廳，侍應唔太夠，跟著睇點心紙，點咗個得獎菜金磚炸豆腐，推介的XO醬炒腸粉，豬仔包，炸両同蝦餃，令人意想不到的係竟然每樣野都係凍嘅，最多係個蝦餃叫暖少少，炒腸粉似係後來先加XO醬上去，又唔剪一剪條腸粉，每條都整到太長，又唔入味，加上炸豆腐個皮竟然又凍又唔脆，又可以提完都落漏咗個豬仔包，嘢食都服務都完全唔掂，大失所望

今日放假來葵芳新都會廣場 呢一邊行街，大約1：30，睇下附近有無茶飲，見到 御苑，下午茶兩點鐘開始下午茶， 蟹子燒賣皇，水晶菜苗餃，排骨陳村粉，懷舊臘腸卷，鮮蝦腐皮卷，山竹牛肉球，樣樣都正

今晚係葵芳御苑食晚飯，訂枱話要bb櫈，去到就比張綁唔到嘅bb櫈比我，張bb櫈係原全一啲都綁唔到落張普通櫈到，大佬呀，我比一歲左右嘅bb坐架，你比張咁危險嘅櫈比我，想命案發生呀？我叫啲同事換，等咗5分鐘左右，有個同事同我講無第二張櫈，我問佢無得綁點坐？佢話無計，係咁喎，仲同我講先到先得，講到好似我錯咁，無野呀，咁大間野攞多張bb櫈都無？無得綁實，係咁搖嘅，點坐？跌落黎邊個負責？跟住先有第二個同事比第二張我，剩係呢點已經唔會再幫襯，，，食野一般，招呼屋邨啲酒樓差唔多，等咩野都等好耐，等罐汽水都超過10分鐘