復興粥品

营业中

休息中

呢一日嘅早上去咗馬鞍山，唔係去商場食，而係去食街市入面嘅牛腩米。簡單嚟講，呢一間嘅嘢食真係幾難食。點解咁講？因為好地地一碗牛腩米，竟然可以煮到腍得過份，明顯地係有少少開始變得糊狀，可能係老人家顧客居多啦。講返啲牛腩，唔夠好食嘅主要原因係牛味唔夠，難聽啲講句，似煲完湯之後嘅牛腩。啲肉味已經走曬，所以的而且確係唔合格。其實我應該要留意到呢度嘅牛腩可能唔夠好食，因為見唔到有幾多台嘅客人係會嗌牛腩通常都係嗌啲港式早餐，煎雙蛋火腿腸個之類。

服务态度超级差，收餐具乱丢吵渲巴闭！吃个早餐都没安宁，同店员反应后大大声回应仲话，没办法喔！环境卫生差，服务垃圾中垃圾！服务员觉得好巴闭！马鞍山新港城街市中的垃圾

講明牛腩要肥啲，竟然比最瘦嘅我。已經唔係第一次，我去其他餐廳都唔會特登叫肥腩。我就係清楚黎間餐廳成日比啲瘦腩人哋，所以次次叫都話要肥啲，但今次真係好過分未見過咁瘦嘅牛，乾晒水，柴到不得之了。

去買外賣，打算多拿一對筷子同朋友分享吃，結果男店員大聲呼喝：「偷筷子，要就付錢買」，然後年紀大一點的女店員直接很兇地搶走筷子，因為筷子放在外面以為可以自己拿，並不是要「偷」你什麼東西，其實可以禮貌一點說

屋企人間唔中會去新港城街市嘅依間復興買粥同腸粉做下午茶，因為份量都多會好夠食。但係依幾次嘅服務態度都差，味道又越嚟越唔好，已經吸引唔到我哋繼續幫襯喇。今日買完艇仔豬紅粥外賣返屋企，發現無豬紅緊係打番去講啦，點知聽電話嘅員工態度惡劣，首先質疑有無落到單（如果聽錯無落到單咁應該員工都有責任啦？）表示有落到單之前繼續語氣唔耐煩咁話「咁下次俾番你囉！」成個電話對話一句「唔好意思」或者令人感受到歉意嘅語氣都無。因為已經唔係第一次俾漏野，咁嘅態度真係不敢恭維🙄加上個粥好鹹，味精味重，食完要飲好多水。咁嘅食物質素+服務態度，無下次喇👋🏻

環境衛生是還可以的，而食物方面，本人對食物要求不高，但覺得外賣買的粥裡面有一股怪味，覺得難以下嚥，只能扔掉了，真的很失望，而服務態度方面，看到一位男性員工呼喝其他客人，不是很友善，個人感覺到他們對客人不太歡迎

以前馬鞍山市中心既街市內，有一間細細既惠康，新港城翻新之後，商場同街市兩間惠康合併並變成 market place 之後，街市惠康的這一個位就成為了新港城街市既 extension。這一個街市新翼，多了菜檔肉檔之外，也多了食的地方。而有得坐的，有這一間《復興粥麵茶餐廳》。那天要等人，要打發時間，就入來坐低，食少少野。先點了一份豬潤腸。很奇怪，腸粉係用外賣盒裝俾我的。原因應該是近街市門口的外賣部整出來說回豬潤腸，單是一看就讓我知道，這只是一碟很一般的腸粉。首先，腸粉皮很厚，而且蒸出來欠了幾分的滑。單是這一點，就已經扣晒分。幸，豬潤既份量很足既，味道也是好的。之後是一個皮蛋瘦肉粥。也是在粥品外賣檔煮的，所以也是用外賣碗上。據說，《復興》做的是潮州粥，所以質感會比較水。以我吃潮州粥的經驗，首先不是水汪汪的，而且靚既粥係有濃濃米香的，而這粥沒有。此外，這是皮蛋瘦肉粥啊，我心目中很綿綿香香的粥，不是水水沒味的粥。加了杯凍奶茶做飲品，而我可以說，這是今餐令我最滿意的東西。因為茶味夠，入口香滑。再者，茶的內外都夠凍，令我的歡笑臉重現。在馬鞍山食粥，我覺得，一定有更好味的選擇，一定有。

朝早想食快速早餐，新港城街坊可以揀新港城街市復興，因為平快靚正，又夠飽。入座速度快，落單速度高，上餐都好快，好適合趕時間嘅打工仔，次次我見仲有15分鐘先有下班車，我都會黎食個光速餐。多數我都係叫呢個，五香肉丁米線（米線可以叫佢整淋啲），餐蛋多士（多士可以烘底），加杯熱咖啡。份量絕對足夠，夠你飽到2點，skip lunch 食 tea。唔好可以驚天動地咁好食，但$32一個早餐，絕對係OKAY，環境唔算太好，但街市質素都算係咁啦！

又係食牛雜難行，而家嚟到都唔使諗食咩一定係食牛雜幼面！唔知係食閹咗定係佢個牛雜今次冇咁好味？覺得佢嗰個image係真係冇乜，不過又有牛腩汁嘅油架啵然後牛腩睇落都唔錯不過唔係好多

好耐冇黎呢度食牛雜，今日佢阿媽過嚟食！佢帶咗粥同埋炒麵餐都幾抵食喎！不過個炒麵就加完辣椒醬所以鹹咗少少🤏豬紅魚片粥就非常足料，兩款餸都有好多！係個粥味精重咗少少姐～同埋杰返少少會好啲我每次都係食牛雜幼面！因為食過幾次之後，發現佢嘅右面比粗麵彈性平好多！我哋麻煩啲，但嗰陣時講到有啲變來變去，但係個男年輕waiter都好耐性今次牛雜嘅腸靚啲喎，冇乜肥膏～ 而且牛蚌嘅位置都比較新鮮嘅味道！不過就細片咗少少over all我呢個價錢梗係抵到爛啦

今日唔太肚餓所以想去食配粉麵我叫左個魚皮雲吞麵個魚皮好好食仲有雲吞入面都多料有時想食清清地 可以黎呢度醫下肚抵食之選整體評分：4/5味道：4/5抵食：4/5環境：3/5

任何一間食肆，要突圍而出，好評如潮，生意滔滔，不單要依靠一流食材，精彩食，大厨的手藝，價格公道……最最重要的： 員工的工作態度！今日我最為感受，並發誓永不再來這店……雖然牛什是它們的招牌！事缘：今天我正思量食什麼時，一名年輕小伙子立即介紹它們的八寶撈！好！就試試吧！我一向喜愛大湯上的……照舊！哼！豈料上枱時碗汤少得可憐……好吧！“嘻……可否加多點湯呀？拜託！”……另一名中年漢子一面厭惡又不耐煩的咀臉，極不情願下拿回厨房……並高聲責駡他們用大碗，並告戒以後只能用細碗上……“轟”的一聲雷……害我整頓餐食不知髓……並暗暗告誠自己永不再来！

超級耐冇食牛雜！嚟到呢個街市諗緊揀呢一間定係另一間，最後決定今次食呢一間！因為環境好啲，同埋記得佢個味比較清平時有選擇困難嘅我，今次諗都唔使諗就決定咗食牛雜粗面，再加紫菜～紫菜加$4就有，不過其實得兩啖 OK啦碗麵好快就上得枱，好肚餓嘅我勁開心見到個賣相都好靚！即刻打返張卡先聊一聊開啲料嚟睇，原來都好足料勁多牛肺牛肚！傻㗎佢啲牛費有成三大嚿！醃料嘅味清清地，啱啱好帶出內臟嘅新鮮感覺冇得彈！牛肚就比較普通啲，不過好彈牙牛膀就得壹塊，但係啱啱好，因為我自己唔係太鍾意食尼個胰臟～因為胰不嬲個口感係粉粉地另外呢，今次嘅服務質素唔錯！記得一兩年前嚟食，個靚仔態度勁Hea！同佢講咩要求到最後冇做！今次嘅年長男士待應就唔同啦！叫佢清湯多蔥就真係有做到另外雖然我叫粗麵，但係佢夾雜着啲右面喺度咁我兩種面都一試，發現原來右面嘅彈性係強好多好味啲！粗麵咬落去琳琳地，但係右面雖然好又可以咬斷，但係又會彈返上嚟咁質素好好㗎以後我諗我會轉場食呢間

因為疫情影響，自己都食多咗好多外賣，有次見唔係太肚餓就去咗馬鞍山復興粥品買咗一個艇仔粥，同埋一個皮蛋瘦肉粥，另外叫咗兩客齋腸粉，兩客齋腸粉加埋只係畀一包仔甜醬同麻醬， 冇錯係一包。問佢攞多包就大聲話只係得一包，咁嘅服務態度真係唔要得，老實講食品質素不過不失只屬一般，但服務咁差馬鞍山大把其他選擇食粥品，同埋攞多一包甜醬真係咁難？？甜醬麻醬真係咁矜貴? 同埋最緊要，點解要咁大聲呼喝喎。。。。。。。。。。

平日很少去粥店，怎麼這幾天會突然去粥店？原來復興粥店在街市門口一個粥店，是用來買外賣的，而內裏有另一店子可以堂食食粥又可以食牛雜粉麵飯。點了牛雜，順便一次過就試試水餃。水餃有蝦亦都有筍及木耳絲，因此不太適合我吃，但是外皮不太厚，其內裏的蝦亦都夠大隻，吃起上來豐富的；牛雜的份量其實都不少，牛蒡看起上來亦都不太差，不會有渣，牛肚份量已經相當多，牛腸亦都偏向肥膩。辣椒極辣，對比其他雲吞麵舖，這兒的辣椒油算是非常辣，辣到吃不出其他鮮味