德豐粉麵茶餐廳 (已結業)

專登落去德豐粉麵餐廳幫襯食個煲仔飯... 聽講好出名煲仔飯架喎... 見到伯伯係門口好努力咁睇住煲仔飯個火... 呢 d 真係越來越少見到...入到去麵好多人... 搵位順便八掛周圍望下... 好多食客都係揀食煲仔飯... 所以都係要耐心咁等... 記得個煲仔飯上台個陣快手落豉油再焗一陣先食... 咁就更香更好味～豉汁白鱔飯鱔片算厚身又夠淋... 飯焦唔會太過火... 對於婆仔來講份量岩岩好... 大食 d 既就未必夠食...北菇雞加潤腸飯雞都算滑... 潤腸好食～

價格愈黎愈貴，涷飲仲要加3蚊份量愈黎愈少收錢丫姐唔俾分開俾仲離譜地叫我地要分開俾就落單叫分開單做收銀做到佢咁串簡直貼錢買難受 😣其他店員服務都好好👍🏽👍🏽

夜晚十點幾霎時衝動想食打冷宵夜,就記得近黃金果邊有打冷鋪,一於去醫肚。睇餐牌價錢還可接受,叫咗一碗蠔仔粥,蠔仔脹卜卜算是肥美,又冇腥味,粥底材料亦算豐富,包括有章魚、肉碎、脆卜卜既蝦乾、芫西,落埋胡椒粉一齊食,唔錯。再叫豬手鷄腳跟花生。鷄腳同豬手都炆得夠冧,整碟野都幾入味。仲嚟一碟豬耳鵝腎油豆腐底,個豆腐索咗滷水汁我就覺得鹹咗d,鵝腎同豬耳份量夠多,豬耳爽,鵝腎厚切入口夠口,加埋冰凍啤酒一杯,又係最佳拍檔啦。

老實講,好弱食牛得個淋字,食雞得個肥字,飯粒過硬,杯茶冇味裝潢幾好,十足十大陸茶記,員工十叫九唔應我諗住深水埗,又文記又剩你都做到咁耐,見咁耐冇食過你,幫襯下裝潢完之後真係可以慳番。

和同事早左放工，去深水埗買電話卡，同事話想飲杯奶茶，我就有D 肚餓，見今晚要等埋老婆先有飯食，一於食個茶餐先。行完黃金和高登，又唔想行咁遠，行前少少見到呢間茶餐廳，可以一次過滿足我和同事的兩個願望。睇完MENU，都唔駛諗，因為太耐無食過炸脾薯條，呢D 食物，利口唔利福，一次半次，豁出去。一般茶餐廳貨仔，唔會好有驚喜，炸脾係新鮮即炸的，不過就炸得老左D ，外面硬左D ，肉質都OK，但隻脾就細左少少。薯條味道就麻麻，又唔係鮮炸，一早炸好。價錢還可以，其實如果肯行遠D ，應該會有好多選擇。

新裝修完兩間舖打通都未黎過......又到咗煲仔飯季節...係時候黎食吓喇..兩間舖打通得地方大咗..見使咗......又無咗班要受佢氣既阿叔侍應,,感覺梗加好....點咗單叫咸魚肉餅飯.....單叫就$62...跟餐(其實得杯野飲或湯)就$70...凍飲仲要加多$3.....啫係畀多$11加杯凍飲...不如食完出去再買其他野飲好過...等咗一陣個飯就到......枱面又成支豉油..唔係就住就住......落完豉油焗多陣就開餐喇...咸魚夠大舊...肉餅份量啱啱好...飲夠乾身..........正......係成個煲既份量唔大.....我一個大男人食就唔係好夠喉..整體味道唔錯......係飯焦有啲過火....

午餐時間來，點了秘製豬軟骨飯，加了八角，甜甜鹹鹹的，好好吃！服務態度也不錯，空間挺大的，不會有其他很多茶餐廳很擁擠的壓迫感。有機會再來深水埗的話，會再來吃一下。

每次必點蠔仔粥！d蠔仔真系好大只，又鮮味，濃濃的蠔仔味道60蚊細煲，90蚊一大煲大家真系要試下食過一定贊雖然d服務麻麻哋，但大排檔嘛，正常服務啦下次要試下蠔仔餅，好期待

今日去深水埗補習補完好肚餓 所以就求其搵間餐廳雖然舖頭望落唔吸引門口放左啲筒裝廚餘同碗碟 不太衛生但真係太肚餓都唔想點揀所以就入左去食叫左個咖哩雞扒火腿意粉 $38估唔到 佢賣相麻麻但真係幾好食雞扒好大塊 剪完先加咖哩汁所以好香口一啖意粉一啖雞扒 正最重點係個咖哩汁唔辣嘅 所以唔食辣嘅朋友都食得真係好香咖哩味夠多汁意粉唔會乾憎憎而且啲洋蔥入哂咖哩味真係好好食下次補完習都會再食

茶餐廳黎講, 不過不失. 24小時營業真係極度方便. 我點左份干炒牛河, 加杯凍奶茶少甜. 牛肉經過處理, 好淋. 味道合格. 美中不足係配料唔多, 同埋有 d 油膩. 不過用餐環境, 一直都咁差,   每次去, 地下都好多垃圾, 又唔打掃... 今日經過附近食野, 想去既茶記仲未開, 咁就再試德豐. 呢頭點完餐, 果頭好似踩到野, 望下地下... 一堆滑"生生" 既垃圾... 真係好想即刻走... 希望店舖認真改善下環境... 

深水埗區嘅茶餐廳，平日經過見到好多人食煲仔飯，咁旺場應該可以啩，第一次試這間茶餐廳，“柯打“了 白鱔煲仔飯，小菜 生炒骨，煲仔飯不需要等好耐，約十零分鐘，算可以接受，白鱔比較細條，份量算合理，煲底有香脆飯焦，加些煲仔飯甜醬油，味道OK啦，生炒骨，就不過不失，不可以話好好味，不夠鑊氣，豬肉不脆。

依個五月不停要避雨，今日同媽媽行完深水埗，吸收最新科技資訊。依間餐廳奶茶幾好飲，夠香濃。但粉麵就差少少，腩太韌。而午餐餐牌價格不太貴，今時今日食個午餐只雖要$3X，都算平！支持獨資餐廳！但更支持有質素獨資餐廳！

　　突然心血來潮想吃水餃米，傍晚時間便來了這裏。　　環境算是不錯，夠乾淨也寬敞，座位也多，我很輕易就能找到座位，食物的選擇也很多，既有小菜，又有粉麵，也有西式的焗飯、咖喱，港式常餐等。　　我點了一碗水餃米，單點。　　端來了我就有一個感覺──太「行」了。　　水餃米就只是水餃和米粉而已。配菜呢？青菜呢？全都欠奉，而且水餃還只有三隻，包得不夠餃滿結實，有鬆散感，味道勉強可以，湯底算清；而米粉，就是米粉而已，不過不失。　　是次光顧後的總結──誠意欠奉。

放工约朋友行下深水埗,行完街街朋友带我們到此晚飯餐牌點了鹵水有鹅腸红腸大腸豆腐豬肉墨魚肝等,味道普通同细碟介蘭正常雞煲飯D雞都幾滑同多唔錯飯煮得剛好油鴨飯普通沙拉骨好多沙律醬，肉唔夠厚麻麻地普普通通嘅一餐.

在深水埗食飯其實都幾頭痛，頭痛在於選擇實在太多，又想食飯(中式定係西式?)但又想食得輕盈啲(一碗麵或粉加碟清菜)，在不知怎算之際我就會走進位於桂林街的德豐粉麵餐廳。這間茶餐廳有中式小菜、西式飯意粉、還有一檔有水準的潮洲牛什魚旦粉麵，每天的時令「今日快餐」又選擇多多，有西式的焗飯/意、中西式炒粉麵如干炒牛肉意粉，免治牛肉燴牛脷飯/意，中式蒸餸類如馬蹄土魷肉餅飯，快餐$32一份包埋老火例湯及熱咖啡/茶，價錢算合理。另外，德豐還有湯/炒粉麵套餐($19 - $38)，湯飯/蠔仔粥套餐($32 - $35)及常餐($38)，總有一款啱你嘅胃口。最近因工作繁忙唔想唸食乜好所以去咗德豐。胃口好啲嗰日就食咗個「今日快餐」嘅焗葡汁火腿雞扒飯(老火例湯+熱鴛鴦)，有天胃口麻麻哋嘅就食咗碗紫菜魚旦魚片麵餐(包一碟油菜)。焗葡汁火腿雞扒飯 – 這個A餐都有好多捧場客所以都等咗成10分鐘先有得食，焗飯熱辣辣咁擺喺你面前，葡汁嘅香味撲埋嚟，煎雞扒唔太肥，份量啱啱好!老火例湯+熱鴛鴦 – 老火湯夠火喉相當滋味，熱鴛鴦就just okay。紫菜魚旦魚片麵 – 碗麵送來時，一見到啲冬菜及芫茜放在湯匙上而不是灑在湯中即