德仔記

营业中

休息中

柸碟污糟得過份, 痴住D唔知咩既黑色野, 所以洗柸時要格外留神...呀姐服務看似殷勤, 不斷拉客...但其實都幾唔老實一知你地唔係叫海鮮, 就hold 起你個台d 單, 做左大台個d 先(我地得4個人)就算佢地唔hold 你張單, 廚房根本做唔切睇住d 大台遲過我地落單,都食完, 但我地個台就乜都冇....等左成個鐘, 都只係得碟 多殼少肉既硯 (仲要係因為大台 D 人叫, 廚房一次過抄, 我地先有得食)豉椒炒大蜆 $55, 撇開]太多殼黎講, 味道其實都ok既, 賣相都還可以我來地仲點左魚燙,蒜容抄白菜, 牛腩煲同乳鴿但當你催佢問點成個鐘D菜都末上, 佢就黑返人面, 話廚房做唔切...但大台提佢仲有2個菜末出呢, 就即有...其實唔係做唔切....如果做唔切, 你地就唔好再拉客啦...等左超過一粒鍾, 真係唔多合理, 既然三催四請呂都唔上菜,都無謂勉強, CANCELL 哂D野食, 我地就買單走人....D呀姐塊面就更加黑,好似係我地唔岩咁....又係既, 再等多個鐘, 就上第二個菜, 點解唔等呢....

一年後重返德仔記再食椒鹽瀨尿蝦,豉椒炒大蜆以及食完合時之後愛上的粒粒咕嚕肉椒鹽瀨尿蝦(小) $65: 雖然係小,但係都有十幾隻,兩個人食到好滿足~~~有幾隻有膏~~冇膏既都啖啖肉,好好味!!而且有小小辣,好"野"味!!豉椒炒大蜆 $55: 唔係隻隻都係大蜆,細蜆既佔大多數. 不過勝在夠大碟,又有適量既青紅椒,味道唔錯~~咕嚕肉$55: 令我好好好好失望...可能因為食過合時既粒粒咕嚕肉,心目中只有充滿肉既口感既咕嚕肉..遇到呢碟薄肉片咕嚕肉...換黎既係成肚炸粉...而且咬到牙較軟..對唔住呀..MY STOMACH..都係秋天OR冬天先岩黎呢D冇冷氣既舖頭食飯,而且尋日係平日,得兩三台客~食得好自在~~食食下仲見到好搞笑既情景:有隻唔知係青蛙定田雞O係唔知邊度跳出黎,D貓貓見到佢就圍住佢..仲敵不動,我不動...

去咗lee 到, 因為上網見到d 食評都幾好, 不妨試下la! 可能我去果日係星期五, 所以唔算好多人 , 我地叫咗個招牌菜1. 豉椒炒蜆 - - 網上話lee 個係全梅窩最好食既炒蜆, 係唔係最好食我就唔太覺, 不過d 肉隻隻都係好肥, 而且隻隻都有肉, 就一定係真既 , 出面大排當一定做唔到!2.咕嚕班塊 - 都唔錯.. 因為天氣太熱, 要食下d 酸酸地既野.. 感覺會舒服d! lee 個做得都唔錯ar.而且仲係好大份tim!.3. 椒鹽賴尿蝦 - 不過不失, 可能因為本身鐘意食有羔既.. lee 到冇.. 就當然扣咗少少分la!4. 大大塊蠔餅! 等咗好耐.. 差唔多其他餸食晒先到.. 不過同出面唔同.. 我男友話lee 個唔同出面咁多粉, lee到有蛋味.. 唔錯喎.. 我就覺得雖然都係.. 不過.. 可能太飽.. 唔係好好味啫!總括來講.. 不過不失, 不過d 野真係好大份.. 我地叫4碟都食唔晒... 服務之前都唔叫埋我地,冇咩特別! 不過最後我請佢幫我地影相, 佢都好樂意, 仲傾咗幾句tim.. 都唔錯!$250 埋單, 飲可樂同食飯 , 咁既價錢, 又食到海鮮,我個人覺

剛剛過去既星期六，有一場百年難得一遇既大型黑色暴雨，不過book左銀礦灣酒店，同女朋友住3日2夜，所以照去，至於三餐，係OPENRICE搵幾間有幾高評分既食店，其中一間係德仔記，好評多多，第一晚我地就去試下。我地叫左人人地話好好食既豉椒炒蜆，搭椒鹽鮮魷，加咕嚕班塊。炒蜆真係炒得好入味，好好食，各位冇介紹錯，食得過！鮮魷都好好食，外脆內爽，唔會痴牙，都食得過！唯獨班塊就非常差，原因係D魚有陣沆渠水味，我唔知係大雨失收，定佢自身水質有問題，其實D魚就係要炸過先至打芡兜亂，而炸過之後，魚汁會被鎖住係炸漿入面，所以魚本身好唔好，一食就會知，因此我肯定佢D班塊唔得！加多，埋單HK$182，係我三日入面食得最貴既一餐。可能天雨影響，非常悶熱，係就係對住個海，但都係俾唔到我任何一種享受，冇防蚊措施。唯一可以係「環境」一項加分，就只有我最鍾意既貓，我地黎左 食送 冇幾耐，就有兩隻貓走埋黎係你身邊左穿右插，幾得意。

上個月又來大嶼山玩玩，先去了吃Pizza，但又好像未夠喉，因不是太多的關係，與女友再去吃一點，走到德仔記，因已想試多時，不過無論經過多次，總是很吵鬧，或許很多人喜歡到此，總是有一兩台客人是很嘈吵，令氣氛高漲，亦因此我們便外賣回去吃．豉椒炒蜆：十分好味，蜆又新鮮，豉椒汁又好好味，又很有肉．椒鹽鮮魷：賣相不錯，但沒有鮮味，只得雪味，失色很多，口感可以，但整體失望．

同成朋友去大嶼山反完,臨走既時候咪揾間酒家食下啦!!!我地一行7人.....叫左個套餐$388炒蜆/栗米班塊/炸九肚魚/咕嚕肉/宮保雞丁/顯菜炒鮮尤/蠔餅/栗米湯不過比較唔好係個炒蜆因為有沙個view唔錯味道都ok!!!

難得放假..同女朋友去左大嶼山玩..之前睇到食評，就試下呢間.2個人..叫左個$188餐..(豉椒炒蜆、賴尿蝦、時菜鮮魷、粟米羹)諗住落單..點知無賴尿蝦..無唔緊要..可惜個侍應無乜禮貌，講野唔清楚...問佢可以轉咩..佢話$60 個0的law..咁好la..算..想食野je..改為海鮮豆腐煲。(飯同汽水唔包、另叫)豉椒炒蜆都可以.辣左0的..時菜鮮海鮮豆腐煲都中規中舉...最差..最差係個粟米羹..同水加粟米加蛋花無分別..好稀..好水..無味..可能夏天...好熱。勁多草蚊飛來飛去..降落左你頭頂。降落左粟米羹上...又加埋飛蟻。。好無癮...埋單$215 走人..題外話：1. 都okay 大碟..兩個人都飽..建議秋、冬天先去..2. 真係好多貓..最少5隻..有隻好喜歡食鮮魷..同埋佢地真係好肚餓。3. 散叫可能仲抵..如果可以先比較埋隔離個間福聚來先。

過去兩個Easter都在大澳渡過，今年男友提意來梅窩，參與一年一度，有孔明燈放的洪聖誕節。孔明燈在晚上放才好看，於是我們在6pm抵達梅窩，落船後隨即在梅窩算有名氣的德仔記吃晚飯。我們點了每枱都叫的菜膽雞($78半隻)，阿姐推介的清湯牛腩煲($60)和雜菜煲($50)。菜膽雞賣相唔錯，脾位算滑，胸位麻麻，上湯獻不算味精，但既為招牌菜，味道未免普通了點。牛腩煲夠清，白蘿蔔清甜無渣，不過啲牛腩超鞋，唔掂！雜菜煲一般水準，屬大堆頭之作。眾所周知，我是一個患有嚴重animal phobia的病人，偏偏德仔記卻窩藏了4隻喜歡捐食客枱底的貓，嚇得我整晚不住尖叫，整頓飯都在惶恐中渡過。

昨晚同屋企人去咗梅窩，見時間唔早，當然吃埋晚飯才出來。在一眾食店中，這間是最旺場，位址又高高，媽咪選了這間。order了以下菜式，每碟都很大，結果吃剩很多。1) 沙爹牛肉煲: 牛肉並非肥牛，是用鮮牛，不軔而且牛肉亦很多。煲內有粉絲，很嘢味。本人認為若沙爹汁濃些會更好。2) 啫啫雞煲: 很多蒜頭、洋葱和豬膶，但雞則不多。D雞很乾，似乎是煮老了。這碟不太好。3) 椒鹽賴尿蝦: 熱辣辣，非常野味香口。賴尿蝦亦很新鮮，有D重有膏，很正。4) 豉椒炒蜆: D蜆好新鮮，冇沙。D汁好好味，十分正。5) 白飯X2埋單都係$225，好經濟抵食。下次會再嚟。

請了一天假休息一下，跟友人入梅窩行番個轉。當然我已經預先係openrice到找下有咩好食啦！見到呢間話唔錯，就來食下。去到已見到大大隻字話免收加一，正！而且環境真係唔錯，望到海同埋D遊人係到來來往往，真係幾好FEEL！我地叫了：豉椒抄大峴，椒鹽九肚魚，夏門抄米碟碟都好鬼大碟好足料豉椒抄大峴：峴肉好大隻，又無沙，仲隻隻都係開的，Ｄ汁好野味，令一向鍾意食峴的我，好滿意！椒鹽九肚魚：新鮮炸出來，熱騰騰，好脆好好味，後來開始凍Ｄ的時候就開始"林"，不過都仲好好味，個人認為點少少佢附上的汁就更加PERFECT！夏門抄米：相對起來就失色好多，普通貨式，因為又係好大碟，我地都食唔哂，下次都係剩叫食送加白飯好了。是日午餐值得回味，有機會要帶埋爸爸媽咪來，^.^

一場黎到梅窩無理由唔食下海鮮者不過因為時間關係要係非紅字既正午一點幾做緊都市閒情既時段食呢間咁特別既海景酒家其實都應該預左有特別經歷咯…由於平日關係只有三檯客加小貓三隻係真有三隻小花貓曉得企起身攀檯搵野食仲趕到唔走嚇到女友依嘩鬼叫多次勞動伙計姐姐趕猫…hoho仲要一食完就落雨攪到無得玩…返正題想食白灼蝦同蟶子都因為太早所以無得食椒鹽瀨尿蝦,最正大大碟之餘炒得好熱好香尿蝦不大隻但算新鮮加埋辣油炒非常香口及吸引蘭花花枝可能因為客人少一炒出黎就有得食夠鑊氣點都好食d既蠔餅就比較差喇無蠔味又無蛋味唔係好知想點伙計姐姐明明話一碗米粉岩岩夠一個人唔知係我地細食定係佢大食果個碗大到好離譜一碗夠三個人食都得錢唔係問題唔好咁蹝野丫嘛建議大家如果去試都要夜晚去對住個海會好feel d

除夕夜同小紅帽入梅窩二人世界，之前上黎做過下功課，決定試下德仔記。炒左碟蜆，蠔餅，豆苗，仲有瀨尿蝦，要左支大啤。碟豉椒炒蜆好大碟，好多汁，d 蜆一d沙都無。椒鹽瀨尿蝦非常香口, 不過d蝦肉唔夠爽. 但同碟豉椒炒蜆一齊送啤酒最正。貓貓好黐身，跳左上大脾坐左半餐飯，襯埋個無敵海景，好開心o既一晚。

無懼孔雀石綠, 閒日晚一心來食龍蝦同魚, 魚就有喇龍蝦就冇, 老闆娘大力轉而推介「蒜茸蒸大蝦」。清蒸魚真的好好味, 但蝦呢, 一則它不是大蝦只是中蝦開邊蒸, 二則蝦沒有蝦味只有強烈的蒜茸味。臨走, 老闆娘又向另一枱食客介紹「蒜茸蒸大蝦」…還是上次的瀨尿蝦好食。

每年夏天我們一定都會來銀礦灣渡個假，每一次也一定來幫襯德仔記！這次點了3道菜，蒸魚好滑好新鮮、炒蜆也惹味加一道青菜，一碗靚仔和一支汽水，買單都只需$190，抵吃阿。坐在那裡邊吃飯邊看海景，邊個話一定要5星級先至係享受啊？

第一次到德仔記是幾年前行完山由社工團長帶領來到的, 上周末又舊地重遊。周六的下午茶時間, 疏疏落落的得五檯食客, 豎起耳仔聽他們談話, 其中三檯應該是大嶼山居民。我們兩個人要了三個餸、一枝大啤及一枝大可樂, 埋單才$171。一面望住個沒有臭味的海一面吃飯, 好舒服。1. 椒鹽賴尿蝦–上枱熱辣辣, 蝦觳醎辣適中, 蝦肉濕潤軟滑, 個別幾隻有膏添。2. 蠔仔煎蛋–熱辣辣有好多蠔仔, 點唔點魚露都好好食。3. 西炒飯–熱辣辣有蝦、蛋絲、椰菜絲等材料, 飯粒乾身有咬口, 好好食。看見招紙寫住生炒糯米飯, 原來夏天是沒有的。隔離檯叫了一條蒸海魚, 魚香撲鼻而來, 令我猛吞口水。