德興隆

营业中

休息中

（2024-04）德興隆豆腐 真係由細食到大 以前間中都會去食碗豆腐花 搬咗之後就好少去囉 今次帶埋儍爸嚟食碗香滑石磨豆腐花 德興隆豆腐鋪屹立北角馬寶道超過 60 年現在已經由第三代接手仍然堅持以傳統手法 使用石磨磨豆做港式豆腐 嘅老店牆上掛著 60 年代嘅懷舊海報 ~~每次嚟必食三寶 ..。熱豆腐花 HK$12。凍豆漿HK$10。煎釀豆腐 HK$8 / 2件豆品都是每日現磨製作，豆味特別濃特別香豆腐花加少少黃糖一齊食，滑嫩香甜 仲有每日新鮮包製嘅牛肉飽、豬肉飽、煎豬肉飽和鍋貼 ~~

睇報導先知道以前原來有四大豆品老字號，而家得返順興隆、德興隆。德興隆仲搬過舖位，但都保留咗好多以前嘅裝修style，同埋好多唔同嘅舊時報導，非常有懷舊feel。*鍋貼 $8兩隻鍋貼，皮偏厚偏腍，底部煎到黃金色但唔夠脆。豬肉餡正正常常，冇太大嘅驚艷。*煎豬肉包 $8肉包底部煎到金黃焦脆，包體鬆軟但偏濕，皮有啲厚度，同豬肉餡料比例啱啱好，餡料多汁又夠味。*熱豆漿 無糖 $10可以揀凍/熱、有糖/無糖。豆漿係老板堅持用明火煮，豆味未算特濃，豆香淡淡，絕對係飲得出人情味。

One of the stops we made in the weekend guided tour is this old and nostalgic eatery that sells soy milk, tofu fa and local food. We tried the fresh bottled soy milk, it’s really good, smooth and full of flavour. The soy taste is strong, with medium sweetness, very good for quenching our thirst. Another highlight is the pan fried pork bun! It’s So Good! Hot out from the pan and it’s crunchy at the bottom! Very soft bun and stuffed with a delicious pork filling. I wanted to have two of these.

今日不想食太heavy的午餐，故選擇了吃個輕省lunch。鋪面雖小，但簡潔企理。豆腐花充滿豆香，生煎包和窩貼不會煎得太燶，抵食。炎炎夏日，食這些東西比食飯更爽呢。

現時是由第三代掌舵人慶哥👨🏼‍打點一切，60年前慶哥爺爺👴🏻最初在葵涌做小販賣腐乳，後來輾轉來到北角開店賣豆品。在香港開始了豆品店生意的生涯， 德興隆原本位處唐樓地舖，2014年唐樓被收購拆遷，被迫搬走，而一直䇄立在馬寶道的豆腐店中默默養活了三代人和一眾老員工，卻被發展商收購重建，一眾街坊亦對豆品店拆遷表示可惜，而且豆腐店中存在的意義甚大，慶哥決定在同一條街保住老字號！直至現在，德興隆仍然使用石磨磨豆，希望保留豆腐軟滑的口感。令各位街坊慕名而來的功勞當然唔少得是豆品類的產品 , 其中包括 . 豆腐花 . 豆漿 . 煎釀豆腐 . 生豆腐 . 豆卜 . 炸豆腐等等。而以上豆製產品都均是使用非基因改造加加拿大黃豆製造 , 令各街坊食得安心而不會有任何激素的影響 , 製作方法則採用石磨親手由黃豆變成當中的豆品類產物 , 當中的製作手法需繁複和老練 , 豆腐豆漿才能香滑且有濃濃的豆香。而除了豆品之外 , 還有自家製生煎包的產物 , 當中有牛肉包 . 豬肉包 . 鍋貼 等等 , 生煎包的油香再配搭豆香濃郁 , 讓整個口感不單一。*堂食1. 豆腐花    $10/碗2. 豆漿        $8/杯

意外經過這間小店，見門口多人等外賣，便入去堂食凍豆花及鍋貼。凍豆花走甜完全不會覺得寡淡反而更凸顯豆香濃郁(絕對意外之喜)，鍋貼餡料飽滿好味，非常推薦會再次光臨👍

北角豆品街坊老店，瑟縮在鐵皮檔後，好容易錯過的一家好味豆腐花店。必食豆腐花。豆腐花滑溜，豆腐花本身少甜。比起馳名老店，－點也不輸蝕，值得捧場。環境懷舊，可以打打咭。

聽朝飛新加坡公幹，臨飛前想食d本地嘢，拿拿臨夜晚黎食個薑汁豆腐花、煎釀豆腐同鍋貼。薑汁豆腐花一如以往咁好味，最鍾意豆腐花落黃糖，好夾。一路有人黎買豆腐返屋企煮，會煮飯既人可以考慮下😋

去開北角一定會去馬寶道德興隆豆腐鋪，響呢度食返碗豆腐花同鍋貼，小店經營，老闆係子承父業，食那份人情味、收費亦便宜！德興隆豆腐鋪 原址係前面一幢憧唐樓已經清拆重建，馬寶道只剩下街尾呢幾幢舊樓，希望老板仍能堅持下去香港漸漸消失的舊式豆腐鋪🙏德興隆豆腐鋪 地址：北角馬寶道

呢日啱啱同朋友去完酒店staycation😆，咁就順便發掘下北角有咩好食～之前上網睇過，呢間豆腐鋪係北角馬寶道開左65年，雖然幾年前搬過鋪，不過都係搬返去喺同一條街，而鋪頭嘅檯凳、設備等都係舊鋪搬過黎！而下圖嘅彩色海報更加係舊時開鋪放到而架！🥰👍🏻海報隔離嘅餐牌都係舊式嘅紅凸字白底板🥰，當然藍底黃字嘅餐牌係新少少架啦😹不過，睇住個海報同餐牌就好似時光倒流左咁～鋪頭唔大，有3張檯，不過黎呢度通常都係“速食”😹😹，啲人食碗豆腐花或者食個包就走，所以就算等都唔會耐👍🏻環境雖然係會逼少少架啦，但食到美食都值得啦～👇🏻豆漿、豆腐花、鍋貼、煎釀豆腐、煎豬肉包係必食😹😹😹基本上佢賣嘅都好食😹呢間鋪嘅豆品依然係堅持每日用石磨研磨出黎，所以豆腐花同豆腐食落好軟滑、豆味好濃👍🏻而豆漿唔甜，不過應該都有落少少少少嘅糖😹，飲落都係好滑身，唔會鞋口👍🏻雖然佢係豆腐鋪，都有鹹食賣嘅～鍋貼食落個皮會有少少厚，但啲餡就好足料，會有少少甜甜地嘅味，之前上網睇過話啲餡係撈左啲臘腸入去～不過唔好覺得奇怪！因為啲味其實幾夾！而且係啖啖肉，呢個可以一試😹👍🏻煎豬肉包啲餡同樣都係幾多嘅，而包都唔算好厚，煎左食落就幾香口，啲肉都幾

#為食妹日記 #瑩瑩周圍食.豆腐花、煎豬肉包、鍋貼、煎釀豆腐，一口氣叫左咁多，唔好以為叫咁多會食唔哂做大晒鬼，其實份量好少，兩個人食剛剛好，賣單都係$3x超抵食。.總結食物質素都唔錯水準keep 住👍，大推豆腐花又香又滑👍👍，係店舖有d 細，人流比較多，大家要互相遷就一下。.好味指數：😋😋😋😋4/5推介指數：😋😋😋😋4/5抵食指數：😋😋😋😋4/5.😋 德興隆📍北角馬寶道1號Q地下

#為食妹日記 .一行入去就有種懷舊感覺既荳品店，店舖裝修保留返唔少舊式風格。.豆腐花、煎豬肉包係我賣飛佛，熱辣辣食返碗降降溫超爽啊！！呢度既豆腐花有濃濃豆味、但滑溜程度未算太好，不過可以接受。而煎豬肉包最鐘意煎到底面香香脆脆、而入面既豬肉就肉質鮮嫩又多汁😋。價錢又經濟實惠，所以我時不時都會過來食😋。.好味指數：😋😋😋😋4/5推介指數：😋😋😋😋4/5抵食指數：😋😋😋😋4/5.😋 德興隆📍北角馬寶道1號Q地下

媽媽以前係北角附近返工，次次黎到北角都好似回顧過去咁 必定會提及同拜訪嘅就係依間位於北角街市附近嘅荳品店啦！我地對上一次黎已經好耐之前，今次去係想去新開北角匯嘅一田，行完就入返內街。原來街市都已經做緊重建，我地一路行，以為佢重建成條街，好在就係啱啱係荳品店度停左落黎，冇殺到佢地度實在太好啦！「3碗熱豆花唔該！」店員好忙，我地對面有一家人準備埋單，但係店員都忙住落單，幾個店員一路落單一路心算埋單，一個計到$27一個計到$28，場面搞笑。熱豆花到！加埋粗燥嘅黃糖，好味，但係有點兒唔夠熱。另外媽媽仲叫左$7兩隻鍋貼，新鮮熱辣，豬肉餡好多汁，真係好好味！今次鍋貼勝出！除左店內嘅熱食，店面嘅豆腐都好受歡迎，有一個家庭主婦帶左自己嘅食物盒黎買煎釀豆腐，叫店員塞滿個盒，哈哈！係小店入面短短幾個字都見到街坊同店員互動，充滿人情味。

德興隆豆腐鋪，聽其文縐縐的名字已像是上世紀開業的舖頭，直接打嚮是一間做豆腐的店舖，該有六七十年歴史。賣各類豆製品，亦有鍋貼，煎包等。店內掛了一張懷舊廣告畫，摸式似六十年代粵語片的宣傳海報設計，寫上「著名冷熱荳腐花、衛生凍荳漿」。基本上，這店舖像懷舊模型店的放大版。今天吃的是熱豆花，要熱的因感覺上是新鮮剛做出來的。不愧是「著名」，真的名不虛傳，豆腐花超級滑溜，且有豆味，不用加糖或甜漿，已經夠香甜了，非常正。

對於港島的老店，我是沒太多認識，因為我自小新界長大，若不是朋友帶我來德興隆，我也不知道北角有這麼好吃的豆腐老店呢。朋友原本蠻擔心找不到德興隆，附近在重建，幸好德興隆仍在，若搬遷也不知道那裡找。我們先來煎釀豆腐，牛肉包，凍豆腐花和凍薑汁豆腐花。熱騰騰的煎釀豆腐超大塊，豆腐表層煎得微微焦香，魚肉鮮嫩無骨刺，豆腐軟滑無比，口齒留香。牛肉包同樣有份量，拿上手沉甸甸的，包底煎至金黃，帶點脆度，不會軟綿綿的，包皮咬起來頗煙煙韌韌，牛肉肉餡肉味濃厚，十分討好。凍豆腐花和凍薑汁豆腐花最大分別當然是有薑汁和沒薑汁，朋友喜歡細細品味豆腐花的原味豆香，添加些許黃糖提味，簡單便是好滋味。至於我較鍾情薑汁豆腐花，薑汁可驅風暖胃，而且這薑汁辣而不嗆，配上柔滑的豆腐花，非常順口味美，很快地把薑汁豆腐花挖得光光的。我們仍未夠喉，追加一份鍋貼，這鍋貼真的不得了，餃皮香脆不用多說，內裡豬肉餡料鮮甜多汁，咬時大大噴汁，即使我們小心翼翼吃著，還是被肉汁彈射。