德哥廚房

营业中

休息中

原本同同事食好野的不過佢吾舒服無番先有機會試試呢間朋友介紹的外賣店有網站可以直接網上訂餐網上訂餐有3款方式付款現金、payme、FPS都得自己拎取或者外送胡麻雞腿肉涼拌（有2款不同的蒟蒻麵可選）選左有機蒟蒻粉絲配湯都係加$3湯無味精仲帶點甜價錢又唔算貴仲要有好多款式選ps:岩晒吾食小麥的我

今日lunch唔想出去同人逼， 決定買外賣返office 食, 醒起好耐冇食德哥廚房，就上網睇下佢有咩食。見到有個麻辣雞胸蒟蒻麵，我二話不說即刻落單叫咗。$42有得揀要黑蒟蒻麵定係蒟蒻粉絲。咁我自己鍾意有口感啲所以就揀咗黑蒟蒻麵粗粗地咁樣。訂咗12.15拎餐去到就有得拎，拎上手仲係熱辣辣應該啱啱整好。拎到返公司依然有煙。首先講吓個雞胸下面張圖係食咗一半份量都幾多，我諗應該都有130-150G。同埋煮得好滑一啲都唔鞋。我覺得好食過出面嗰啲即食雞胸好多。之後到個蒟蒻麵同想像中一樣，好粗好有口感。而且冇嗰種蒟蒻嘅臭味，比想像中好食。最後想講嗰個麻辣醬，唔係剩係得執有好多料頭喺入面，所以唔係得死辣真係有一種麻，同埋有啲嘢咬下個感覺好好。總括而言，作為一個平時中午食嘅飯，味道唔錯性價比都高。喺中環要食一個低碳嘅中午飯，已經好難或者好貴。呢一餐$42絕對對得住佢嘅價錢。下次可以試埋佢其他飯。

外賣好快送到20分鐘搞掂本身諗住因為飲湯先叫呢間結果送到嚟先話冇湯但都唔通知聲，其實可以打嚟講聲咁我都可以叫罐嘢飲呀🥲唔使乾爭爭食碟炒飯味道不過不失不過鹹味唔夠得個辣味，不過唔會好油$50唔包嘢飲，老實來講真係有啲貴而且啲米都好一般如圖，炒出嚟係有啲碎同綿總括嚟講唔會再嗌😅

偶然發現的外賣家常煲湯。每週都會更新菜單，基本上沒有什麼重複的菜單。目前已經點了超過10次了。食材也準備的很好，調味也不會過鹹過油，基本上沒有加精，吃起來也很健康。份量也都不少。基本上都沒有遇到什麼不好吃餐。特別喜歡吃他們的麻婆豆腐、魚香茄子，偶爾還會有特餐。設計菜單真的蠻用心的。價錢也非常的實惠，還有每日不同的煲湯。整個套餐也50有找。特別喜歡他們家自己做的辣椒醬，老闆蠻用心的。送餐的服務態度也非常得好，把它推薦給很多在中環上環上班的朋友，大家也都蠻喜歡。

諗住係普通嘅叉蛋飯，但係一食發現啲叉燒整得巧巧美，當中又有埋菜心配備，味道都好得。另外，個椰子煲雞湯都好潤好好飲。今日又食到一餐好味嘅午餐，掂吖！如果未叫過德哥廚房嘅外賣，極力推介大家叫嚟試試！

豉汁蒸排骨飯嘅排骨幾入味，而榔子粟米無花果煲雞湯都好夠火喉，好香椰子味同事推介我叫呢間「德哥廚房」外賣果然係無介紹錯好似叫滿3個而位置喺佢附近嘅就可送埋嚟，又幾好喎

今日又叫「德哥廚房」，叫咗「海南雞脾飯」配「粉葛木瓜薏苡仁湯」個老火湯當然一如以往嘅好味道無味精，而個飯真係超掂，啲雞肉好滑、油飯好香但唔油、而配菜嘅酸菜蘿蔔又好好味！只可以講以外賣嘅價錢，可以食到比一啲自稱海南雞飯專門店更高質素嘅海南雞飯！堅係值得一試！

之前係喺一次打邊爐時朋友推介德哥出嘅麻辣醬我試時開始知道有德哥呢位神廚嘅，佢出嘅麻辣醬可以講得上係「一試就返唔到轉頭吖」。最近得知德哥喺上中環開「德哥廚房」，咁一定要試吓佢嘅午餐同老火湯啦。是日我就叫咗醉雞翼加老火湯，個湯係「霸王花沙參玉竹。嘩，個湯超爆好飲，無味精同應該係足料煲出嚟嘅，一個字：「好鬼掂」！而醉雞翼方面，都係超爆好味，好入味同味道啱啱好同，好得吖！平時喺上環出街搵嘢食又貴又人多又唔太好食。而家有咗「德哥廚房」喺附近，從此Lunch就有正嘢食同老火靚湯寶一寶喇！