德哥廚房

营业中

休息中

今日lunch唔想出去同人逼， 决定买外卖返office 食, 醒起好耐冇食德哥厨房，就上网睇下佢有咩食。见到有个麻辣鸡胸蒟蒻面，我二话不说即刻落单叫咗。$42有得拣要黑蒟蒻面定系蒟蒻粉丝。咁我自己钟意有口感啲所以就拣咗黑蒟蒻面粗粗地咁样。订咗12.15拎餐去到就有得拎，拎上手仲系热辣辣应该啱啱整好。拎到返公司依然有烟。首先讲吓个鸡胸下面张图系食咗一半份量都几多，我谂应该都有130-150G。同埋煮得好滑一啲都唔鞋。我觉得好食过出面𠮶啲即食鸡胸好多。之后到个蒟蒻面同想像中一样，好粗好有口感。而且冇𠮶种蒟蒻嘅臭味，比想像中好食。最后想讲𠮶个麻辣酱，唔系剩系得执有好多料头喺入面，所以唔系得死辣真系有一种麻，同埋有啲嘢咬下个感觉好好。总括而言，作为一个平时中午食嘅饭，味道唔错性价比都高。喺中环要食一个低碳嘅中午饭，已经好难或者好贵。呢一餐$42绝对对得住佢嘅价钱。下次可以试埋佢其他饭。