影片
以上资料只供参考，请与餐厅确认详情
食记 (108)
难得呢一间德国餐厅真系卖德国啤酒，而且仲要系德国嘅修士麦啤，因为市面上有啲主打德国菜嘅餐厅买嘅竟然唔系德国啤酒嚟㗎，加上𠮶个有德国餐厅嘅连锁集团全线结业之后，难得有地方饮到正宗德国啤酒。咁饮得个啤酒之外都要配返一啲德国食物先至系perfect match，我自己就会拣德国脆皮咸猪手，一啖猪手一啖啤酒先至够醒神。呢间餐厅嘅德国猪手做得唔错，快皮够脆口，啲猪手肉够嫩口，比较少嚡肉，临尾成支骨拎住嚟咬确实系正，如果可以配埋德国嘅甜芥辣应该仲好食。
继续阅读
正宗德国菜就系肉、肉、肉，啱晒好似我地呢D Meat Lover，今日试了位于元朗，都算近西铁站嘅德国餐厅，行多几分钟一离开D大商场就变得性价比高晒。德国菜点会少得德国香肠呢？呢度嘅德国香肠可以遂条散叫，又或者简单D叫个德国香肠拼盘，拼盘可以自选3款肠，分别有芝士肠、辣肉肠、香草猪肉肠、慕尼黑牛仔肠同埋猪肉蛇形卷肠，我地就拣咗辣肉肠、慕尼黑牛仔肠同猪肉蛇形卷肠，3款都几好食，辣肉肠就最普通，猪肉蛇形卷肠就够晒长，感觉上好似抵D，而当中最有特色嘅就系条慕尼黑牛仔肠，一来系白色香肠，二来D牛肉味又真系几香。除咗香肠之外，食德国菜又点可以唔叫猪手呢？呢度个猪手都做得几好食，外皮crunchy，入面D肉又唔会好「鞋」好韧，最正当然系可以揸住支骨去扯净设𠮶少少肉啦。
继续阅读
今晚喺元朗试咗一间以德国菜为主打嘅餐厅，食物质素高，而且价钱合理，性价比高。食德国菜第一样嘢谂到就梗系脆皮猪手啦，所以我哋都叫咗一份，份猪手嘅size比想像之中多，猪手嘅皮好脆，而佢嘅肉质都唔错，当然比较瘦嘅部位会有少少韧啦，不过系正常嘅。呢个系黑毛猪猪肋条，系老板娘推介嘅，真系冇介绍错，猪肉味香，切成一条条咁样个咬口几好，而且煮得好香，真系有激喜嘅一味𩠌菜。去德国餐厅梗系要饮返德国啤酒啦，呢只德国麦啤味道唔错，而且价钱合理，都几易入口。
继续阅读
德国脆皮猪手配德国麦啤似乎都真系冇得输。呢一间德国餐厅嘅猪手做得唔错，外皮真系脆而唔会韧，咬落去short short声，另外猪手嘅肉会唔会好咸又唔会好韧，猪手嘅size都算大只，份量足。虽然多肉，不过饮住啤酒黎食就唔会觉得好滞，而且亦有配德国酸椰菜丝，有助帮助肠胃消一消滞，佢用嘅芥辣只系普通芥辣，如果有埋德国𠮶只甜芥辣应该会更加正。至于杯啤酒系几正嘅，够冰冻，连只杯都冻，好香小麦味，又无若苦涩味，正。
继续阅读
去德国餐厅食嘢点可以唔饮嚟自德国嘅啤酒呢？坊间德国小麦啤嘅选择比较少，而且一般嘅啤酒都系以Lager为主，其实麦啤味道都几好㗎，就好似呢间餐厅嘅呢个牌子咁样，麦味香，冇苦涩味，易入口，清香得来带少少蜜糖嘅香味，其实以五十几蚊一杯嚟讲都可以话系物超所值，呢杯系500毫升黎嘅。饮得德国麦啤就梗系要配德国传统食品啦，不过因为得我自己一个，食唔到德国猪手，所以就拣咗呢一个德国香肠拼盘。拼盘有一条德国卷肠仲有慕尼黑白肠，再加多一条辣辣地嘅德国香肠，其实一个人要食晒佢都有少少勉强，好彩有啲酸椰菜等到食嘅时候冇咁滞。
继续阅读