德國餐廳 (寶怡花園)

营业中

休息中

好耐冇食過德國菜啦，放工喺屯門附近搵咗一間德國餐廳嚟食飯因為好掛住德國鹹豬手所以就叫咗一份德國鹹豬手嚟食，除咗豬手之外我仲叫咗個炸魚薯條同埋煙三文魚青醬意粉，嘢食嘅份量都好足夠我自己就幾滿意德國鹹豬手嘅味道德國鹹豬手炸到脆口，仲會拆埋肉俾我哋食，所以食得好簡單同埋方便，啲肉質亦都做得非常之Juicy，好惹味配埋一杯德國啤酒真係完美另外我哋叫嘅炸魚薯條都幾新鮮，份量都幾多味道都係正正常常，不過食完鹹豬手再食炸魚薯條其實都有少少熱氣所以我哋就叫多咗個煙三文魚青醬意粉，個人覺得青醬嘅味道唔太適合自己，同平時食嘅味道有少少出入，但係煙三文魚都幾大塊嘅整體來講價錢都幾抵食最推薦嘅一定係鹹豬手

今次黎左呢間德國餐廳食野，見到佢既鹹豬手好大碟好吸引，啤酒仲有買一送一就去食。環境:我去個個時段都冇人，餐廳都闊落，都有異國餐廳感覺。德國鹹豬手配酸菜及薯仔沙律$218佢係即叫即焗所以都要等一段時間，黎到見到好大碟，3個人食都得，佢既酸菜同薯仔沙律可以油膩，酸酸地，沙律係芥辣味，佢既豬手個皮好脆，似乳豬個種脆同味度，肉質好嫩，睇落d色好粉嫩，唔會過熟，肉汁好夠，d肉腍腍地，一d都唔un,佢仲要起哂肉，好方便食。呢個豬手既質素都幾高，又唔會食幾啖，一大舊骨冇肉食。有機會想試埋佢另一款豬手。溶岩芝士以及薯條$88佢既溶岩芝士量都好多，拎起就拉哂絲，好濃芝士味，拉絲好長，薯條都炸得唔錯，脆口入面軟身，加埋面包有d似芝士火鍋咁。以加都好少地方可以食溶岩芝士，呢間近住宅係屯門都好易搵到。啤酒佢以加d啤酒都係買一送一，咁我就叫左個生啤，好易入口，唔飲開啤酒都可以試下。呢個既豬手就一定要試，好高水準，另外啤酒送豬手就必要，想chil下飲下酒都可以去下

餐廳環境十分雅緻，員工態度有善，員工向我們推介午市套餐，餐廳有着濃厚的德國風味，餐廳用上啤酒筒作為裝飾，別有一番格調。牆上亦有一大幅德國的地圖作為點綴。餐廳提供好多德國風味的菜式，有咸豬手，德國腸，飲品當然配有啤酒，當然有一些特飲。員工為我們推薦一道咸豬手：好味指數：10/10酸菜酸味十足，酸酸的椰菜絲配上薯仔沙律，令到味覺十分清新。沙律中的薯仔粒粒分明，很有咬口。豬手的外皮金香酥脆，是利用炸焗的方式烹調而成，咬下去的時候滿嘴肉汁，肉質嫩滑不會太乾，吃下去不會覺得太油膩，配搭十分好。餐廳很細心地在上菜前把豬手切開一件件，方便我們進食，很貼心啊！我們還點了熱奶茶和凍蜂蜜雪梨茶。奶茶：8/10奶茶質感細滑，新鮮的牛奶味配上紅茶，味道絕佳。雪梨茶：8/10雪梨茶味道清新，配上甜甜的蜂蜜，甜度適中，感覺十分清潤，絕對是很好的配搭。強烈推薦大家可以試試

疫情間叫多左外賣 之前就叫左呢間德國餐廳嘅外賣 係外賣app叫左傳統德國白豬手配法蕃克福腸 100.8蔥油雞髀扒 59.9脆炸魚柳薯條配他他醬 57.4呢3款食物呢3樣野入面大推豬手 啖啖肉得黎 重要唔算膩蔥油雞髀扒意粉粉量就少左少少 但味道都唔錯 到炸魚薯條 一切開就碎左🥲唔可以同人分享 魚同炸粉分離得太西利但整體黎講 食物質素：3.5-4/5 份量：3/5 味道：3/5（有少少鹹之後係甘飲水） 價錢：3/5（220到有飲品3杯同3個主菜）

屯門遊第三站-Das Bier德國餐廳！呢間隱世嘅德國餐廳外表平平無奇，似普通茶餐廳但係主打德國菜侍應都係香港人比人一種親切嘅感覺～《熔岩芝士麵包及薯條》🧀嘩🤤係好多好多嘅芝士啊見到拉絲芝士，啲食慾即刻岀晒嚟😍麵包有成六七舊，好飽肚香噴噴嘅芝士配鬆軟嘅麵包既不失口感味道又濃郁😋而薯條配芝士就唔太重芝士味建議點翻蕃茄醬食會比較好～《美式燒排骨》🍖我同男朋友兩個人食本身以為會唔夠食點知個排骨真係超大份😍有成七支骨用咗燒烤醬去燒，啱晒重口味嘅我地🤣啖啖肉之餘仲要色香味俱全😋仲有配薯條食完之後我地都覺得好飽最後口渴叫咗杯啤酒飲🍺overall 係間CP值高嘅平民德國餐廳～有機會要試埋豬手😍

餐廳推介嘅兩大類招牌菜式有豬手同埋香腸拼盤，第一次嚟到就試下香腸拼盤先🍴德國香腸拼盤🇩🇪拼盤包括有4款腸，賣相同餐牌差不多，件件薯角都幾飽滿，份量比想像中多啲🥔四種腸之中我最鍾意依款，腸衣薄而且脆，一切落去就爆晒汁，好juicy💦第二鍾意係辣肉腸，少少辣味又唔會辣到噴火，咬落去同上面嗰款一樣咁爆汁，非常惹味😋其餘兩款就正常水準，綜合嚟講4款香腸嘅味道都適中，唔會過鹹，配搭埋酸菜嚟食就會清新啲，而且酸菜亦都唔係好酸好鹹嗰款，少少酸味，係容易接受嘅口味😌香草醬煙肉三文魚意粉🍝意粉上面鋪咗兩大片煙三文魚，配料方面有洋蔥、蘑菇等，但係煙肉份量就少啲🥓香草醬嘅味道偏濃，而洋蔥、蘑菇就中和咗少少香草醬嘅濃味，所以意粉食落都唔錯🍝芝士奶蓋茶🧋厚厚一層奶蓋，係啤酒以外嘅飲品選擇🍺餐廳喺住宅樓下，食緊嗰陣見到有街坊嚟買豬手做外賣，味道應該都唔錯，下次可以試下🍖

同女朋友預先慶祝聖誕節女朋友好好揀左間德國餐廳室內有啲聖誕裝飾，幾有feel🎄首先點左個蒜蓉包比較厚切，入面好腍，只得外面脆同外國食既唔太一樣，不過都有佢既特色既青口醬汁三文魚意粉我覺得幾好食青口汁個味幾濃郁點左個德國豬手都幾大份，兩三個人share都夠食值得讚下佢既皮幾勁食肉都幾腍，好入味點芥末醬幾夾黎到呢到必食！！！！！！！芝士焗薯條相對有少少失色薯條唔脆有多啲芝士薯條同薯條之間痴埋一堆尼杯飲品幾好幾多芝士奶蓋啊真係幾耐冇飲過而家有得黎飲都唔錯有少少建議俾大家如果情侶💑黎既話 我相信頂多叫三樣野已經夠晒唔好好似我哋咁眼闊肚窄食到超飽就唔好啦最後堆單都要五百多啲希望疫情好啲就叫杯酒飲下😋😋

雖然屯門牛但唔係成日黎建生😆朋友仔最近搬左入去住，所以去附近覓食。米線就食得多，見附近好似咩都有得食，見到德國菜就有啲心思思。特別見佢個門面咁靚，仲好有心機佈置埋聖誕裝飾，就比佢吸引左。真心鍾意佢個佈置，令我地感覺到小小僅有既聖誕氣氛。好多選擇呀，我地兩個女仔又唔係太餓，於是就叫左個德國香腸拼盤同香草醬煙肉三文魚意粉。其實仲好想試豬手同烤排骨架。哩個德國香腸拼盤真係要讚下，佢有4種香腸，我覺得4隻都好好食，特別係個兩隻牛肉腸😊係會掛住既味道。唯一個粗個條豚肉腸有d咸。最推薦佢個芥末醬，唔知係咪自己磨🤔辣得黎好爽，好想買哩隻味既醬。青醬三文魚意粉。總括嚟講，我覺得佢嘅德國菜比較好食😋下次如果再黎就會試埋豬手，仲想飲德國啤😆😆

同朋友特登嚟到屯門，想食啲特別啲嘅嘢，所以就搵咗呢一間食德國餐嘅餐廳！一入到門口就見到啲聖誕裝飾，我都影咗幾張相！餐牌上嘅食物都係離唔開德國嘅菜式，而且一定要試下佢哋嘅啤酒，如果唔係成餐飯都會覺得唔夠喉咁！我哋嗌左個燒排骨，味道會好重，薯條亦都炸得啱啱好，唔會好油而且係粗身嗰隻我好鍾意食🤩呢一個牛油果煙三文魚意粉，我超級鍾意食！一嚟我好鍾意牛油果嗰個口感，同個意粉好夾！而且食落口唔會覺得好滯好油，啲意粉亦都軟硬適中！

以前去過德國都覺得佢哋嘅腸仔好好食，喺香港都好難搵得返！但係竟然比我係香港搵到差唔多口味嘅餐廳，一入到餐廳就見到佢哋擺放左聖誕樹，好有氣氛！餐牌上嘅選擇都幾多，都有中英翻譯！燒排骨份量好多，下面啲薯條我諗加埋其實應該都夠兩個人食，我哋都差啲食唔晒！燒排骨好入味，我同屋企人都好鍾意食！德國腸方面，佢哋永遠都係好長好大條，而且亦都唔會好咸，配埋啲薯角食，感覺唔會好滯。而呢一個香草意粉，入面仲有啲牛油果同煙三文魚，份量超級多，個味亦都唔會好重，淡淡地都幾好！

已經好一段時間冇食德國菜，突然好掛住德國脆豬手，呢晚就同啲friend去試試呢間德國野。平時好少嚟呢頭，真係唔知呢條街咁多嘢食。我哋首先叫咗個德國豬手，呢度嘅豬手塊皮真係超脆，味道都唔錯。之前喺第二度食過啲德國豬手塊皮係好un，根本就食唔到。但呢度嘅豬手皮就脆到卜卜聲，好正。除咗德國酸菜之外，佢仲有啲薯仔沙律喺底度，食得太多豬手好易漏，酸菜同沙律就正可以平衡返。之後我哋仲叫咗豬仔骨，豬仔骨都OK嘅，肉幾滑，但我覺得啲味道就冇乜特別正正常常。反而呢碟豬仔骨嘅配菜，薯條，好好味，外脆內軟。而且佢個茄汁有啲啤酒味，非常特別。我哋仲叫咗蒜蓉包同香草煙三文魚煙肉意粉，蒜蓉包又香又脆，意粉嘅味道都幾好。整體來講呢間野都唔錯，有機會會再嚟。

呢間德國菜位於屯門住宅區，但交通都算方便，輕鐵建生站行幾分鐘就到，附近仲有好多嘢食。🤤呢間德國菜菜式唔多，但係價錢都算唔錯，德國菜來講都算抵食。德國鹹豬手伴酸菜及薯仔沙律🐷豬手好大隻，上菜嘅時候店員已經幫我哋切好晒，好貼心。呢間餐廳燒豬手塊皮燒得好香脆，啲肉又好入味，配埋酸菜同薯蓉，味道好夾。豬手食得太多會膩，酸菜就開胃👍🏻👍🏻👍🏻美式燒排骨🍖呢個燒排骨最有驚喜竟然係個茄汁，個茄汁係有啤酒味架！好特別，估唔到原來兩樣野係咁match，食既時候有微微既啤酒香味😋😋而舊排骨就一般般啦，可能我自己中意食淋啲，呢舊就比較有咬口，但絕對唔係un既，味道不錯，大概有8枝骨。香草醬煙肉三文魚意粉🍝呢個意粉好香香草味，第一啖食落有浸牙膏既味道，相信係薄荷香，但出其地好食！😋而且意粉幾大碟，料都唔少，有好多磨菇，推薦大家試下呢個特別啲既意粉！

仲有一個月就到聖誕節🎄呢個餐廳已經有Christmas裝飾 幾有聖誕feel點左個出名既德國鹹豬手，幾好味！個皮唔會硬，係脆脆地，好易咬開豬手油脂分佈剛剛好，肉質幾腍，幾嫩滑😋第二道主菜係香草醬煙三文魚意粉，同樣好味😚香草醬同啲菇都好夾個意粉，煙三文魚都幾新鮮，唔錯！叫左個香蔥芝士焗薯條，佢既cheese係拉得起嗰隻cheese，cheese方面一啲都唔吝嗇，但薯條就唔算好脆，唔係好夠味呢個法式蒜蓉包同之前食過既唔同，佢唔係薄切脆身嗰隻，而係外脆肉軟，同埋比較厚身，而家啱啱上既時候熱辣辣，個人覺得幾好味👍🏼其實佢有好多啤酒🍻啤酒星期一至四仲有買一送一優惠，不過我就叫左呢個芝士奶蓋蜂蜜綠茶，個綠茶好清新，可以消滯😆

服務差，入坐唔識給水客人，要叫幾次，樓面掛住吹水都唔做野，冇晒水唔識加水，又唔汁碟，最怪就係安格斯牛扒配左個酸汁，好難食，要問佢囉黑椒汁，有黑椒汁唔個點解要配個酸汁，口味很怪，問個樓面咩都唔識，佢竟然答我，（係咁嫁！）🤷🏽‍♂️

10/16 Das Bier 屯門今日收工帶朋友去左屯門一間屋苑入面既德國野，上網見評論唔錯，所以就約埋一齊去試。佢有唔少德國既傳統食物可以揀，有鹹豬手，白豬手，德國香腸拼盤，仲有多款唔同既啤酒！我地叫左德國鹹豬手，安格斯肉眼扒同兩杯野飲，已經食到好飽～豬手預先切好，皮，肉同骨分離，方便客人食用。豬皮烤得好脆，肉既份量都好多，味道都好好，整體十分唔錯。而且配菜仲有酸菜同薯仔沙律，兩樣野都唔錯好好食！安格斯肉眼扒份量好大，肉質唔會太硬，易切，亦都易咬，不過肉味略嫌唔夠濃。火候就控制得唔錯，我地叫五成熟，佢做到令人滿意既程度。啤酒我地叫左Hoegaarden既rose，比原味更香甜，比較適合女仔。而佢地自家製既芝士奶蓋茶亦都值得一試，奶蓋有十分濃厚既芝士香味，質地唔會係好稀個種，感覺唔錯。