德國餐廳 (Mikiki)

营业中

休息中

好少黎Mikiki呢個商場，商場入面嘅餐廳唔多，想揾啲西餐，咁就試下呢間食德國菜嘅。美式燒排骨 $208本身想叫呢間最招牌嘅德國咸豬手，不過見呢個美式燒排骨都幾吸引就試下。份量夠3個人食，最啱食肉獸，醬汁好惹味，肉質都唔錯。但可能因為焗需要時間，上菜時間耐少少。德式肉丸燴松露意大利飯 $138呢個意大利飯份量好大好抵，夠兩個人食好飽。個汁味道濃郁但唔會太鹹，德式肉丸個味有啲漢堡肉，同平時食開/ikea肉丸唔同。煙三文魚配凱撒沙律 $128食肉之餘都要配翻少少菜嘅，呢個份量又係好夠食嘅，有最鐘意嘅煙三文魚，上面仲有好多parmesan cheese。Kronenbourg 1664 $72黎到食德國菜當然要叫少少啤酒，menu選擇都好多。不過我地都好少飲啤酒，唔太識分，所以等侍應推介。 好人，話仲有少少可以斟俾我地試下。Stella Artois $72德國啤酒，呢隻感覺好似甜過1664少少。餐廳位置唔多，但有戶口坐位，不過因為落雨所以坐唔到了。如果夜晚嘅話氣氛應該會幾好。

趁住9月開sem之前周圍食，因為疫情關係冇得同屋企人去歐洲旅行，唯有食德國餐廳補償下，今日同朋友去到Mikiki一間德國餐廳食lunch雖然呢間主打德國菜，但我尋晚先食完阿媽既南乳豬手，所以今日就冇點豬手了，要左一個煙三文魚凱撒沙拉，上到枱勁大份，用料新鮮，兩個女仔share都已經飽左一半；之後再上既肉丸黑松露risotto反而有驚喜，肉丸唔係街邊貨，反而有漢堡扒feel，黑松露味唔算特別出，不過同磨菇呢d classic 組合一齊冇得輸；美式燒ribs 同我預期有小小出入，肉質如果再lum身小小會更好味，不過欣賞佢除左薯條仲有放我最愛既酸菜！用來解膩一流啤酒都唔錯，想要杯1664但賣哂所以我轉左Stella，不過餐廳見仲有少少1664剩就比埋我地飲😍

新蒲崗唯一一個新型商場入面，店鋪不大， 可以坐20人左右。呢度當然會點烤豬手，但係真係等好耐，因為佢地話得一個爐，每次只可以烤一隻個日去到都唔多人，等左成9個字。但係出到黎又唔係好熱。口感好似唔係生烤，而係先煮熟再烤。香蔥芝士餅薄薄地，唔油，但係唔夠熱，無脆卜卜嘅感覺扒呢個好抵，除左抵無咩特別哈哈落單前特登問係咪烤雞，店員話係，但係一出黎好明顯就係炸雞啦救命而且無咩肉，快餐店都好味道過依個總體來說，就係唔會再黎哈哈哈不過店員其實態度好嘅～

星期日要搵一個可以坐戶外又可以帶愛犬一同搵食地方不多，今次到呢間，純睇餐牌有點殘，但午餐豬手及牛扒，我覺得算抵食，豬手啖啖肉，牛扒亦不差，起碼冇濃烈雪味，炸魚條雖然簡單，亦比相象好，可以再試。

話說放完狗經過唸住試下呢間，因為有outdoor!自行坐低左10分鐘，完全無人理！最後大叫先俾個餐牌！因為我得一個人，但佢set餐係二人餐起跳，再問侍應有冇一人餐，佢話無！咁其實根本就唔使拎個set 餐餐牌俾我啦！決定左叫餐後，行出嚟既侍應係將口罩拉低晒既！我就問佢介唔介意戴返個口罩先？佢好敷衍咁拉返口罩然後落單！由於我一個人，所以叫左杯凍檸茶同三文魚意粉。上餐時，侍應掉低嘢食就行開，十足茶餐廳一樣！凍檸茶，有異味！意粉太多欖欖油！其實野食真係無咩好介紹，因為真係超級普通！疫情之下，失業率咁高企，你都唔好好做好自己工作崗位，作為消費者，又點解撿你嚟消費呢？

我是德國咸豬手的粉絲，話說朋友看到了SkinnyMore網站上推廣正宗德國餐廳Das Bier的德國咸豬手的廣告覺得很吸引，便相約一同去試試是否如廣告中說般如斯正宗美味。Das Bier位於新葡崗MIKKO商場地下，附近亦有不同類型的餐廳，故不太難找，只是若不在附近住的話，會感覺較不方便。我們兩人點了一客德國咸豬手和一客意大利風乾火腿（Parma Ham），另加了兩杯Hoegaarden Rose，打算chill下。先說意大利風乾火腿，味道不過不失，不算很好吃，但亦不難吃，只來配啤酒的話是不俗的。說到德國咸豬手，皮脆肉還算好，但我們覺得好笑的是除了部分的豬手肉有切出來外，其餘的都沒有切出來，需要我們自己切。肉的部分很入味，起初感覺還不錯，但不久後我們兩人都十分口渴，所以懷疑這咸豬手可能加了不少味精來調味，不然我也不會在之後飲了許多水後仍覺口乾。環境一般，沒有梳化位提供，而我在進食的位置和一垃圾筒的距離很近，我一直在瞪著那垃圾筒，生怕有老鼠或蟑螂會走出來嚇人，而最後埋單兩人合共5百多元，平均一人2百多元左右。總的來說，2百多一個人的話其實已經是一般西餐廳的平均晚餐價錢，如果考慮到它的食物

話說前牌放工特登走去新蒲崗搵嘢食，早已聽說新蒲崗Mikiki入邊有一間幾正宗嘅德國餐廳Das Bier ，今日就同朋友專程入去試一試。入面嘅環境好靚餐廳入邊嘅裝飾都係圍繞着德國主題，有好多特別嘅啤酒筒，德國海報同埋木製嘅枱凳。✨朱古力沙冰($68)食得個餐廳最正路當然要飲啤酒啦，但當日個胃唔係咁舒服所以就決定嗌一杯甜甜地嘅朱古力沙冰。朱古力嘅味道香同埋濃郁，而沙冰嘅份量搭到非常之高，一柱擎天咁嘅樣✨德國肉腸拼盤 ($168)呢個係一個二人份嘅肉腸拼盤，入面有好多款唔同嘅香腸，而大多都係兩人份量。而我最推薦嘅就係入面其中一種芝士香腸，一來有包芝士嘅感覺，二來個肉亦都充滿香味，非常好食。✨西班牙海鮮燴飯 二人份 ($188)西班牙海鮮飯有分二人份量同埋四人份量，咁我哋因為得兩個人所以就帶咗二人份量。海鮮嘅份量非常足夠，種類繁多，有海蝦，魚柳，蜆肉，墨魚圈，青口。燴飯入面吸收晒所有海鮮嘅精華，充滿海鮮嘅鮮味，雖然鹹咗少少，但味道認真不錯。

與難得回來香港的朋友食飯，帶佢去了一間正宗德國菜嘅餐廳一試。呢間餐廳位置唔算難搵，係商場入面的。而餐廳嘅座位都好寬敞，岩曬朋友們邊食飯邊傾計，而且地方又唔會好逼，都坐得舒服。難得同朋友一齊食飯，當然要啤一啤啦！呢度有黑啤同德國啤，一邊傾計一邊飲酒，真係好chill。德國餐廳又點可以唔試下德國豬手呢？德國豬手的皮十分脆，而且肉質都好嫩。絕對係正宗嘅德國豬手，而且仲有蛋沙律伴碟。加埋秘制醬汁，真係絕配。主菜嚟多個西班牙飯，非常多海鮮，絕對足料，而且味道都好好。值得推介。

每逢平日做gym都係去新蒲崗，做gym前梗係醫下個肚仔先，新蒲崗最大既商場Mikiki有幾間室外餐廳，Das Bier係其中之一，今日就等我帶大家試下。由於今日太凍嘅關係，我同朋友選擇坐係室內。餐廳中間有吊燈，牆身貼上磚紋牆紙，以此模仿德國餐廳既磚牆。座位下面有籃子俾客人放書包。德國最出名嘅食物係香腸同豬手。今次試左Das Bier德國香腸拼盤，總共有三款香腸。白香腸味道比較淡味，口感軟稔，釀芥末醬一流。至於另外兩款香腸味道偏鹹，外皮香脆，肉汁豐富，所以唔使點任何醬汁都好正。另外仲有薯哥同酸菜，味道同份量都係「重量級」。Das Bier並非只局限德國菜，仲有西班牙菜。我地叫左西班牙海鮮炒飯。份量一樣係「重量級」，海鮮種類超多，包括蝦，魚，八爪魚仔、蜆同青口。炒飯口感偏硬、甚至有啲鍋巴，整體味道亦偏鹹，幾符合我同朋友口味，食飯得津津有味😋Das Bier有多款啤酒選擇，不過其實Das Bier都有其他飲品，朋友試咗Smoothie，我就試咗熱朱古力。Das Bier食物份量多，啱曬做gym既我地，下次唔使做gym嘅話一定要試吓德國啤酒🍻。

Probably one of the best pork 🐷 knuckles in Hong Kong, they have been a while for a while and portion was big and satisfying. We decided to come here tonight as we saw this restaurant last time after we had the Spain restaurant beside it. Their pork knuckles look so big in photos so we decided to have it today. We also ordered carbonara pasta and also spring onions cheese fries (actually first time seeing this kind of fries!) as a fries 🍟 lover, it definitely draws my attention! the fries arrive

諗住拍拖食飯二人世界 嚟到新蒲崗呢度出名多美食，見到有間德國餐廳 ，情調環境都唔錯 就去試一試！ 餐廳分室外和室內 寧靜舒適 今日天氣唔錯 我哋就坐咗外邊!點咗德國咸豬手 係佢嘅招牌菜 原隻豬手 上碟時 店員以為你切好。皮脆肉嫩，焗得乾身唔油膩有嚼口，份量不少有飽足感！老婆就最鍾意 德式肉丸燴松露意大利。 芝香味濃，黑松露味道濃烈 意大利飯 用 用了芝士和忌廉烹煮，軟熟有口感！點了招牌德國啤Das Bier Lager杯裝生啤！德國啤 軟滑順口，冰涼透心伴食脆香豬手一流！

今晚囝囝生日外出食飯, 來到新蒲崗Mikiki 商場的一間德國餐廳慶祝, 我一家三個人叫咗個二人套餐加一個意大利飯。套餐$398有齊德國三款最常叫的食物, 粟米脆片、咸豬手、香腸併盤、再加兩杯飲品。粟米片配上蕃茄蓉醬餐前菜傾下計一路食幾好。咸豬手皮脆很薄而肉質不肥彈口有汁, 餐廳好細心預先幫客人切成細件這點要扣分, 因為完全失去德國全統原隻上枱風味。香腸併盤ok, 但不夠野味, 跟其他德國餐廳比差少少。肉丸意大利飯一般般。飲品我叫左1664啤酒好飲。

今日放工約咗舊同事 食飯 佢喺新蒲崗返工 推介 mikiki商場 入面呢間德國餐廳。Das Bier 位於商場 外圍位置 裝修時尚富有德國特色，有室內和露天座位， 最適合 happy hour 飲嘢chill下，傾下偈！德國咸豬手招牌菜 正宗德國咸豬手，係外皮焗到脆卜卜，陣陣烤肉焦香撲味，令人流曬口水。豬手鹹香肉味濃，啖啖肉大快朵頤！餐廳非常貼心，會幫你全隻豬手切成小塊，方便進食。德式肉丸燴松露意大利飯肉丸香口惹味，肉質嫩滑多汁。意大利飯 伴上蘑菇芝士、黑松露，口感順滑豐盈稠身，黑松露味道突出，濃烈醇厚，係成個飯嘅靈魂。食豬手配啤酒是常識。個人喜歡飲杯裝 生啤，新鮮醇厚。餐廳生啤款式選擇頗多，點了比利時 Hoegaarden 和 招牌德國啤Das Bier Lager！

新蒲崗Mikiki出面原來有得食德國菜，整體都唔錯，上菜速度都好快。小弟推介德國豬手，個皮超脆口，肉質亦嫩滑，同德國啤好匹配。旁邊有兩款醬，應該是芥末和甜酸醬。招牌菜的德國香腸拼盆有3款唔同的香腸，全部都好彈牙，而芝士腸一咬開D芝士仲立即滲透添。另外，墨西哥香蔥芝士薄餅，芝士夾在薄餅，雖然已是硬芝士，但味道仍不錯，最重要不會好膩。食豬手當然要啤一啤，Erdinger Weissbier是德國啤易入口，而飲後散發出淡淡的麥味呢。

呢個商場😊我想行咗好耐㗎啦,成日搭車都經過,望到都覺得好靚， 今日老公得閒，梗係要佢揸車車我去睇下啦 ，行下買下新年嘢， 行下行下又差唔多七點呀 梗係又要搵嘢食啦， 原來商場門口有間德國餐廳 都幾多人食喎 好耐冇食過鹹豬手入去試下先， 原來佢有鋪面同埋露天畀你揀 今次我哋揀坐坐出面 感覺冇咁焗促 我哋坐低就叫咗 德國咸豬手配 酸菜薯仔沙律， 好正呀啱曬我因為佢碎上， 絕對唔需要你慢慢砌 方便肉質 夠淋身 又唔會過鹹 最重要個皮夠脆👍🏻👍🏻， 另外再叫多咗個蒜蓉包 呢個我畀五⭐⭐， 我未食過咁好味嘅蒜蓉包🤤🤤因為我鍾意佢 個質感 佢唔係用硬嘅法國包， 佢除咗蒜蓉嗰個位係脆 成個包都軟淋淋 食落好幸福😍😍， 黎得呢啲餐廳，梗係唔少得要叫杯啤酒啦， 今次我哋叫咗 Hoegaarden, 鍾意佢夠大杯夠滑， 好滿足呀呢餐