德國餐廳 (Mikiki)

营业中

休息中

首先叫左個美式烤排骨$208其實係朋友想試，我都叫左佢試德國腸，但佢想食排骨咁好好彩，呢份烤排骨都算係咁，係德國餐廳可以烤到似模似樣咁! 而重頭戲: 德國鹹豬手配酸菜$218一定要講餐廳會幫我地切好份豬手，好加分呀!否則我地一定唔知點入手好，因為份豬手超大份呀!聞落係好香，啲肉質都冧身唔會好乾，外皮仲脆卜卜，好正呀!配個芥末仲有另一番風味!好可惜我同朋友都唔飲酒，否則一定會飲德國啤酒因為好出名架!我地去食時係過左LUNCH，成個環境好舒服!

今日訓醒，要去左新蒲崗上堂，上堂前就隨手入左一間最少人又最近上堂的德國餐廳叫左美式烤排骨$208,德國鹹豬手配酸菜$218, 同2杯茶冇法，唔飲得酒，否則一定會飲! 豬手配酸菜及薯仔沙律，餐廳幫切好豬手先會上黎第一見份豬手，其實有少少擔心，因為望落好乾身點知食落估佢唔到，肉質唔乾，個外皮好脆但唔硬，唔會咬唔到而配菜:酸菜解到油膩薯仔沙律出奇地好食，平時薯仔沙律係普普通通的而烤排骨就不過不失，其實我後悔左，我應該叫腸的! 因為隔離個碟腸超吸引呀!😫😫😁

Das Bier🍺腸仔拼盤😋德國美食👍🏻今日同朋友去Mikiki行街，經過呢間餐廳覺得幾吸引所以就入去食喇～坐低傾計，環境亦十分舒適💫CHEFS SPECIAL PASTA 1. 香草醬煙肉三文魚意粉🍝好大份好足料😋有好多塊煙三文魚同菇🍄香草醬味濃郁😋意粉好煙靭，唔會太乾，容易入口😋口感豐富😋同埋配料好多，煙三文魚、菇同意粉嘅配合好好，不愧為Special Pasta👍🏻鍾意食意粉嘅你一定要試吓😋👍🏻💫ASIA STYLE -Sausage Platter 2.冬陰功、青咖喱香腸拼盤🥘🌭 從來都未試過冬陰功青咖喱香腸😆今次見到有當然要試吓啦😆估唔到又幾好食喎！呢個拼盤好抵食，可以一次過試唔同類型嘅腸仔，例如正宗德國腸、同埋冬陰功、青咖喱味😋亦都會配埋薯條🍟同埋酸菜👍🏻旁邊仲有蕃茄醬同埋黃芥辣醬👍🏻新口味腸仔味道好特別，亦都好好味😋冬陰功有少少辣咁，青咖喱又真係有咖喱味😋用嚟做小食配啤酒一流呀👍🏻都幾推介大家試吓呢個特別口味腸仔！同埋有好多唔同類型嘅啤酒🍻好啱同朋友坐低吹水🍺個Set lunch 都唔錯㗎，附近返工嘅人可以試吓🥳

風和日麗的下午，和老公一起到Mikiki閒逛，我見到大大塊廣告牌有德國菜，今年疫情關係，特別想吃其他國家的菜式，一於來吃吃。德國香腸拼盤 German Sausage w/ Sauerkraut & French Fries 香腸拼盤有長長的香草肉腸和豬肉腸，兩種肉腸都肉汁滿滿，配上蜜糖芥末汁和甜甜的茄汁後，更滋味。加上有烤得香脆的薯角，純天然的味道，好味。西班牙海鮮飯Seafood Parlla我們點了豐富的西班牙海鮮飯，海鮮飯帶有輕微的酸和辣味，頗開胃。加上檸檬和橄欖後，令海鮮飯的香味更有層次。海鮮飯有青口、蝦和蜆肉，都是大大隻的，而且肉質很爽口！吃得我們都十分滿足❤️店裏還見到大大個啤酒桶，下次來一定要點德國豬手配啤酒， 很有德國風情呢！

今日同女兒去新蒲崗Mikiki 買嘢，之後女兒帶咗我去商場一間德國餐廳食嘢，Das Bier 設有室內和室外座位，主打德國風味菜色。德國香腸拼盤：德國腸很出名，當然要試試，香腸要煎到佢微焦但唔爆開咁先為之好，本人喜歡點齊芥末醬和茄汁一齊食，非常好味，薯角亦好香脆，伴有酸菜酸酸地好開胃。法式燒春雞全隻，即叫即做，春雞體型小，骨架軟， 肉質細嫩鮮美，在法式料理中十分受歡迎。這款法式燒春雞，皮脆肉嫩，色香味俱全！芒果汁甜度適中！

今日lunch專程同男朋友去Das Bier食德國豬手😝啲lunch set價錢都幾抵同埋大份，不過就冇德國鹹豬手。於是我哋就散叫左個德國鹹豬手配酸菜及薯仔沙律同西班牙海鮮飯。好味嘅食物係要等嘅！我哋等咗10分鐘倒，德國鹹豬手就切得靚靚哋咁送到面前。聞落好香，啲肉質好易咬，味道好好！點埋honey mustard 真係一流！啲皮亦都非常之脆口！正！😋西班牙海鮮飯非常之足料，有好多唔同款式嘅海鮮。啲飯粒粒分明，亦都好大粒，口感同味道都唔錯！成碟海鮮飯亦都係熱到出煙㗎 ！啱晒天氣凍嘅時候食！😋😋希望疫情過後，晚上有堂食嘅時候，再有機會嚟食多一次德國鹹豬手，同埋啤一啤佢！🤪

疫情期間冇得周圍去旅行，唯有食唔同國家嘅特色菜，先可以滿足一下想去旅行嘅願望！前排同朋友一齊食咗呢一間德國餐廳，回味一下去德國旅行嘅日子！餐廳嘅面積雖然唔大，但都有分室內同室外用餐區，室外嘅環境有燈飾配搭着幾有feel！嚟到德國餐廳又點可以唔叫德國豬手呢，而餐牌上仲有一個比較特別嘅咸蛋德國豬手。豬手上枱嘅時候非常香脆，外層脆卜卜，而裏面嘅肉亦都好嫩，感覺烹調得啱啱好！雖然鹹蛋醬唔係非常濃，但淡淡的香味為傳統嘅德國豬手加一層新嘅味道，呢個配搭唔錯！食豬手又點可以唔叫啤酒呢，食豬手飲啤酒基本上係一個必備嘅配搭！啤酒除咗可以解一解豬手嘅油膩感，同朋友啤一啤更加係飯聚嘅意義呀！而呢一間餐廳嘅carbonara亦都做得唔錯，配上Parma ham，口感、味道都升級！呢一餐好滿足！

呢間餐廳係公司附近，眼見好似好高級，一直無機會係午膳時間一試德國菜(我從來未食過), 今次出糧放工決定黎賀一賀，試下好耐無食既豬手！一入到餐廳門面已經充滿東歐情懷，無論係德國地圖，酒桶以及特製枱，入到黎好似已經去左唔屬於香港既地方一樣。今晚決定啤一啤佢！叫左一杯德國啤，麥味好強但易入口，值得一試！同朋友傾左一陣，終於等到最期待既德國豬手！第一次食德國豬手，先知道原來係有咁多配菜同醬料，呢到提供左甜甜之選既蜜糖芥末，以及原汁原味既芥辣，隨時可以加添以及換味道，再加上新鮮既炸豬手，真係好想食完又再食！！當你食到滿口都係肉既時候，飲啖啤酒，就可以輕輕轉一個比較小吃類既肉-----德國香腸。呢到既德國香腸有各種款式，雖然唔識分，但佢地既肉汁非常多，絕對係普通香腸不能比美；另外，佢釀左香料係入面，每條味道都會有佢既驚喜！！至於前菜凱撒三文魚沙律，佢既三文魚係我同朋友食到都心心眼非常新鮮同重味道，份量十足，食到最後都keep住fresh!! 正呀！！心滿意足，開心每個菜都點得好好！

帶住狗仔無咩嘢選擇好久之前去過隔離西班牙餐廳食印象中好似唔太差、仲記得有款燒豬幾好食、見到D待應二間走（原來二間好似同一間餐廳）、點知又中伏，叫餐時問佢要二杯水佢話佢地冇水提供😟一間餐廳點解會無水比客、如果要錢你可以話只有礦泉水提供⋯⋯算叫左杯野飲啦、叫左風乾火腿凱撒沙律,燒春雞、沙律20分鐘上已經慢😟春鷄仲耐差唔多45分鐘😖肉質又乾又鞋仲要無味道😖講漏個凱撒沙律汁一樣難食.....唉我自己焗春雞一定好食過佢、埋單了3百幾⋯⋯⋯無下次

之前喺啟德睇樓盤，好多agent都話新蒲崗有個商場Mikki，距離啟德只係步行五至10分鐘。而商場門口就有好多巴士去九龍東例如觀塘，將軍澳。今日經過商場原來旁邊有好多餐廳，包括西班牙，德國，意大利菜。全部餐廳都有一排戶外座位，向住街。現在天氣涼爽，雖然在馬路旁但只是少量車輛，唔係大馬路，坐戶外特別覺得舒服。 今日揀咗德國餐廳Das Bier, 入面有好多draught啤酒選擇，例如香港手工啤酒”友”，Erdinger, Das Bier lager，Hoegaarden rose 。成日想飲rose, 但相對細款所以最後都係揀咗由淡味至濃味道嘅其他啤酒 eg Das Bier lager, 手工啤，Erdinger 黑啤。 最鍾意食這家嘅藍青口，季節限定。用一個pot上枱，青口好軟身好新鮮。調味用上白creamy汁，少少結結地可以掛上每隻青口，好滿足。

因為想吃一下異國菜，就選吃一下德國菜，網上評價好像不差，怎知又是伏。晚餐點了傳統白豬手及燒春雞。白豬手花了8-9個字才上菜，是有份量的，但肉有點淡...158元的整隻燒春雞（其實是求其炸的雞），不及別人家130元的半隻size, 還要是用炸的，以為別人吃不出是炸嗎？還要炸得肉質粗糙，皮炸得硬過你身上的角質。原本看到劣評不是很多，而隔壁西班牙餐廳的劣評多不勝數，所以選吃這間，但原來這間德國餐廳和劣評如潮的西班牙餐廳是共同一間，待應跟台都是混合用的。

前陣子去咗位於新蒲崗的Mikiki，皆因呢一間商場可以帶埋愛犬一齊進入， 咁朋友就可以帶埋非常可愛兼痴身的「柴柴」 一齊出嚟食餐晚飯。千挑萬選， 揀咗呢一間位於餐廳外圍嘅德國餐廳《Das Bier》， 由於疫情已經成年幾冇去過旅行， 唯有靠美食去一解旅行癮， 就當去咗德國嘅啤酒節。餐廳雖然比較細， 但裝修都有少少德國風格，吊燈、木枱等格局都同德國餐廳好像樣。另外最讚嘅就當然係有戶外座位啦， 依家天氣涼涼地，坐戶外超舒服， 加上有少少燈飾，都幾有feel。前菜《煙三文魚拼凱撒沙律》， 令人意想不到份量係咁大碟。 凱撒沙律用上咗最新鮮而且翠綠嘅羅馬生菜， 加上點綴嘅洋蔥圈， 食起來增加咗清甜嘅感覺。 加上份量勁多嘅煙三文魚， 微微咸香令整個沙律更為誘人。 加上咗parmesan cheese以及麵包糠，令沙律嘅口感更為豐富。至於香腸就選擇咗亞洲fusion嘅《冬陰功、青咖哩香腸拼盤》。 第一次食冬陰功同青咖哩味嘅香腸， 一入口果然令人有驚喜， 充滿肉香，而且又有泰式風味。至於白色嘅就係牛肉腸， 外皮脆， 食落充滿肉汁， 可以慢慢品嘗到當中的香草香氣。 而家最鍾意就係點英式芥辣， 鍾意佢比較

餐廳門外係一列歐多牙嘅枱櫈，感覺騷豪。煙三文魚配凱撒沙律，凱撒沙律新鮮，份量豐富，煙三文魚上面嘅係芝士粉同洋葱圈，芝士粉嘅味道同個凱撒沙律汁嘅味道好襯，煙三文魚嘅鹹鮮味從來都係凱撒沙律嘅靈魂。德國鹹豬手配酸菜及薯仔沙律，廚師細心將鹹豬手碎上，食嘅時候非常方便，豬手外皮脆而不硬，肉質嫩滑如雞，令人嘖嘖稱奇，酸菜份量不少，個人喜好覺得可以再酸啲同濕啲，薯仔沙律好味到幾呼喧賓奪主，隨附嘅芥辣有兩款，深黃嗰隻味道偏甜，口感細滑；淺黃嗰隻味道剛烈，口感粗獷，不分深淺，細滑粗獷絶對缺一不可。喺露天位睇住旁邊食客開懷暢飲，言談甚歡，最衰今晚有揸車，下次要掉低架車嚟 Das Bier 啤啤佢先。

收工過mikiki食嘢，見到兩間有情調嘅德國餐廳同西班牙餐廳，就同同事入咗去試吓😚 我叫咗個德國鹹豬手☺️ 唔係星期五就唔飲酒住啦，下次再黎chill😝本身想叫個德國鹹豬手, 試吓傳統嘢, 之後見到鹹蛋黃味幾吸引又想試吓, 最後揀咗鹹蛋黃味~ 上菜啦~超大碟! 豬手切好曬唔洗自己郁手好爽! 可以輕輕鬆鬆咁食, 而且一啲都冇偷工喊料架~ 豬手嘅皮好脆好厚, 超正! 減肥嘅我都暫時放低包袱, 食曬佢 豬手肉質鮮嫩, juicy又夠香口! 絕對可以encore!飲品方面叫咗杯普通熱檸茶, 見其他人都飲craft beer, 我下次都要!環境方面呢度分咗室內外, 我坐室內, 不過夜晚坐室外chill住飲酒仲正! 出面有好多燈泡好浪漫架!間有情調嘅德國餐廳同西班牙餐廳，就同同事入咗去試吓😚 我叫咗個德國鹹豬手☺️ 唔係星期五就唔飲酒住啦，下次再黎chill😝本身想叫個德國鹹豬手, 試吓傳統嘢, 之後見到鹹蛋黃味幾吸引又想試吓, 最後揀咗鹹蛋黃味~ 上菜啦~超大碟! 豬手切好曬唔洗自己郁手好爽! 可以輕輕鬆鬆咁食, 而且一啲都冇偷工喊料架~ 豬手嘅皮好脆好厚, 超正! 減肥嘅我都暫時放低包袱, 食曬佢

疫症期間無法外遊，我和朋友唯有來到Das Bier德國餐廳，以解對德國豬手的相思之苦。餐廳位於商場地下，分室內及室外用餐區，室外掛滿了裝飾燈串，氣氛一流，因為我們來到時已經滿坐，就到裝修極具德國特色的室內用餐區。我們點了招牌菜的炸德國豬手配港式咸蛋黃醬，和德國香腸拼盤，都分量十足，足夠二人享用。炸德國豬手外表金黃香脆，內裡的肉質卻能保持嫩滑，還細心地將豬手切開成細分，方便客人享用，醬料方面，除了提供傳統的蜜糖芥茉醬之外，就是這道菜的主角，港式咸蛋黃醬。一上碟我們便急不及待要試這個咸蛋黃醬，醬汁不濃不淡，但充滿咸蛋黃的香味，與豬手出奇地配合，非常好味，旁邊的蜜糖芥茉醬已被徹底遺忘！配菜是開胃解膩的傳統德國酸菜，和西式蛋黃醬薯仔沙律，都帶有微絲酸的味道，十分開胃。德國香腸拼盤有三款傳統香腸，德國的香腸一般用豬肉或雞肉製成。長長的一條是豬肉卷腸，紅色短短的就較為香口，而白色短身的味道較為清淡。將各種香腸切成薄片，沾上蜜糖芥茉醬，有助解去肉類的肥膩感。今次要駕車所以就沒有叫德國啤酒，而是叫了新鮮奇異果汁和蕃石榴汁，用新鮮生果柞成，還有粒粒果肉，非常滿意！