德如茶餐廳

营业中

休息中

之前weekend 經過好幾次都無開 今日黎開灣仔就黎食lunch平日1430去到 無乜人 都坐得寬敞即刻叫杯奶茶先奶茶通俗學Milktealogy 提過幾次德如 以為佢啲奶茶實無死啦最期待既奶茶竟然難飲 (已經唔係普通茶餐廳既水平) 真係有啲失望茶青味好明顯 奶唔夠 如果合埋眼都唔知飲緊奶茶 如果同我講 我係飲緊普通茶紀一坐低就比杯紅茶你飲果啲 我都信不過網上話德如轉過手 可能食物質素有改變都唔出奇見openrice好多人介紹佢個豬扒 唔錯既 幾入味同鬆軟但係佢啲飯唔夠熱 食左一陣就開始凍 而且好硬身就唔係好得啦德如無午市/下午茶套餐 散叫都要total 60-70 一個人 不過都平過星街月街果堆西餐/cafe既係附近住/工作的確唔錯既選擇 不過我下次就算去開灣仔都唔會突登過黎食啦同樣價錢 出面好多茶餐廳都交到貨 另外佢啲凳非常難坐 只係承載到半個pat pat既硬木凳 坐得耐會腰痠背痛

午餐時段本來想去咖啡店，但要等位，於是行兩步去德如，經常來，基本上是飯堂。轉個彎行一段行斜路，就見到德如。餐廳很多人，都是打工仔，不過很快有位，但要搭枱。點了午餐西檸魚柳飯，點完聽到樓面大聲嗌“西檸魚柳”賣晒。好彩！魚柳外脆內嫩，不油膩，甜酸汁非常開胃，和魚柳味道搭配，但和白飯就不太夾，甜酸汁送飯麻麻。午餐$69連凍飲，不算平，但滿足。

今日去複診，複診之前要食個靚早餐，點知搭搭吓車先記得原來星期一佢唔開門😮‍💨心知不妙，今日都睇怕兇多吉少。🫣我就最怕呢啲情況，臨急臨忙點算好呢？結果真係千揀萬揀揀咗個爛燈盞，揀咗間都有少許出名嘅大排檔，諗住快靚正，點知⋯⋯⋯沿路又諗住去一間我心儀嘅麵包舖長龍店去買我最鍾意食嘅牛角包🥐點知又無啦啦裝修😭唉😨心諗有冇咁黑仔❗️平日呢個時間正常都冇乜人嘅～諗住簡簡單單要件多士+奶茶，誰不知多士又唔出色，奶茶更加唔使講，完全失望😞食食吓俾我發現個Menu嘅價錢同佢寫嘅好似有啲出入，我心諗會唔會寫錯啊？多士餐要$30？雖然佢都唔係第一間收$30 ，出面最平我食過$20多士餐。原來佢個Menu係寫多士單併$22雙拼$24熱飲加$6凍飲加$8！omg 人哋出面明碼實價冇餐就冇餐，呢度咁樣我唔喜歡囉。一肚氣，又響度早知呢樣早知果樣，邊得嚟咁多早知丫😖正所謂條路自己揀 pk 唔好喊。結果唔好話女人嘅直覺唔準呀，複診真係出咗事晴天霹靂。😰😨。

請看看唔記得烘底又賴我無講 個阿姐語氣又差 個阿叔連找錢都特登找散俾你的 。茶餐廳的茶餐無餐的 所以西多 沙爹牛治 凍奶茶熱奶茶 四樣要一嚿水 附近有好多出色有心思又好食的餐廳都唔使 主要是食物質素反映廚房態度樓面語氣反映工作心態問題。好激氣呀⋯⋯

記得當年第一次來這裏時，舊老闆「蘇生」還在打理，問起他點解這裏的奶茶這樣好飲時，他便滔滔不絕的說過不停，也明白到要飲到一杯好奶茶，絕非易事。時移世易，蘇老闆現已退下火線，由新老闆正式接手。店舖裝修沒有太大改變，只是增加了一些新店員及將餐牌作出翻身。早上到來，只為嘗試那杯茶走，其它食物反而沒有什麼要求；最後要了餐蛋出前一丁、奶醬多及茶走。餐肉用了最普通的三花午餐肉，煎得唔夠香脆，出前一丁沒有另上麻油，有少少令人失望。茶走有茶味，雖然唔及以前香濃，但也算不錯；有空經過，也可一試！德如茶餐廳地址: 灣仔進教圍17-18號地舖電話: 25280713

德如係我屋企樓下成日都會落去食個tea 最中意坐室外好好feel 周圍d景好似去左外國咁但就冇常餐 得面餐仲要唔係下午茶時段冇跟野飲冰奶茶正 茶底香濃 口感滑公仔面嗌左爽面都有d偏淋一定要嗌午餐肉 一大個圓餅上！正

德如歷史應該悠久，佢從前應該係大排檔，後來時移勢逆，入屋做咗茶記，但仍保留大排檔特色，枱凳都排哂係街度😆1️⃣2️⃣0️⃣0️⃣午市時段🍽 奶油多+凍奶茶 $24+$22 （單點）醬多，麵包烘得脆；奶茶茶香燶，不錯👍🏻🍽 蕃茄滑牛炒飯 $58汁濃茄肉多，佢用鮮茄煮，夠香，牛肉滑唔硬，合格。個人口味，如果轉炒飯底更好食。

見係老牌茶記就唔計較佢環境比較差，個樣又比較唔似乾淨去幫襯吓外賣。叫咗個大路乾炒牛河，盛惠$62。打開見D河冇乜顏色，又無咩鹹味，先明白豉油太貴了。牛肉，仲諗住會得一兩塊，點知份量好足喎。不過份量多反而係致命傷。因為佢硬同完全完全無味，連調味料味都無，好似食緊一塊超硬又無味嘅香口膠咁。我好鍾意食牛都kun唔落佢D牛肉。除咗牛肉貴之外又一次證明豉油真係好貴。喜歡少鹽又唔鍾意食牛嘅你，不妨試吓佢個乾炒牛河。一定滿足到你。

_____好味指數：🌟🌟🌟🌟抵食指數：🤑🤑灣仔一間隱世茶餐廳，係聖佛蘭士街行上斜係第一個街口轉右就見到。餐廳空間唔算好大但繁忙時間會設室外座位，夠哂地道風味，不過夏天就要考慮下啦✅粒粒豬扒飯我個人覺得德如有兩樣嘢必點：家鄉炒飯同粒粒豬扒飯。而豬扒飯仲唔係日日有㗎！得星期二同四先有，所以要mark定日子去啦。一開始以為係將豬扒切成一「粒粒」，但其實都係成塊上😂咁粒粒係咩呢？就係菜脯肉碎炒豆角粒。炒得好惹味開胃，送飯一流！再食埋塊啖啖肉嘅豬扒，滿足

去食lunch 叫左常餐凍飲加2蚊點知有個員工起我地就黎食完既時間放底張手寫單 話未夠2:30 飲品另計 加左$22店員手法好有問題 我食埋煙入到去住底都2:40同返呀姐講 ，先減返我$ ，仲要黑面吾係怪佢2:30前定後 重點係佢比手寫單 仲要食完先同我講同埋如果時間甘尷尬 應該都講聲 以免有誤會其實同行朋友都叫左碟炒野 知道吾跟餐 都另外加$飲野佢地洗吾洗甘屈$呀😡只係太耐冇上去食 先同朋友去食下食物質素不過不失 ，但又唔係十分之好食

收6點 我地5點3到去到 職員已經係咁催我地落單 都係岩岩一坐低姐 算數 明白你地5點半 last order 叫左一個沙嗲牛肉多 d牛肉係凍既 味道係普通 因為凍其實都食唔到咩味 好彩叫左烘底塊方包 叫有小小一點暖 如果唔係成份都係凍冰冰男朋友叫左一個常餐 就不過不失 炒蛋係好熱 食落去感覺好好多一開頭指錯餐牌 個職員態度差 講到我地好似唔識中文字咁凍奶茶 不過不失 飲唔出有咩咁特別尼d都算 仲重要係唔乾淨 一日食完尼一餐之後 同男朋友柯左2日🤮永無下次

灣仔要搵有鑊氣粉麵，一定會去德如。當日叫咗個家鄉炒飯，保持水準、飯唔會太濕、足料、惹味，正。干炒肉片河，味道剛剛好、唔太油、好味。配番杯凍檸茶，午餐鬆一鬆，懷舊一番，隔段時間又要再嚟。☺️

作為一位奶茶控，每日唔飲番一杯奶茶就好似未瞓醒咁，周身唔舒服。今日終於趁考試前去試吓德如茶餐廳嘅奶茶，醒醒神為自己叉叉電！奶茶嚟啦，茶底茶味好重有回甘，花奶唔多所以欠缺些少絲滑嘅感覺，但提神一流！再嚟就係好多人推介嘅招牌家鄉炒飯！勁足料大大碟成個山丘咁，有叉燒、蝦仁、生菜粒、蛋絲同䓤，夠晒鑊氣，果然名不虛傳！炒飯乾身而且辣辣地、飯粒粒粒分明。切粒後生菜混入炒飯底、加埋係炒飯上面嘅特別白飯魚干，脆卜卜增加左炒飯嘅口感。雖然兩樣食物都係單點，埋單要$82有d貴! 難得在一路食一路聽到廚房冚冚聲，勁有鑊氣，去傳統大排檔就係食呢種feel～附上餐牌-

德如茶餐廳---位於灣仔一條不起眼的後街內，屹立於灣仔多年，由大排檔做到搬到入舖，歷史十分悠久。此店仍十分受歡迎，每到午市時間就會有很多人排隊輪候入去食飯。自己來這裡主要是品嘗它的奶茶。杯奶茶十分香濃，茶底味道豐富！所以間中都會來享受一下！另外，炒粉麵飯亦十分出色，鑊氣十足。一個生炒牛飯連杯凍奶茶收$80，不算便宜，但個人覺得物有所值。其實，它的椒鹽豬扒飯都好好味。豬扒約有四份之一是肥肉，醃制得好好，炸出來亦不會太乾身，保留了肉汁在豬扒內，十分好吃。只是個炒飯太出色，使得有點失色。

今日黎左呢間茶餐廳食早餐，位於灣仔一條小路，唔張揚，相比隔離街既cafe 同店舖華麗既裝修，更顯一份人情味❤️◽️我叫左一份常餐B，轉左出前一丁，配熱奶茶。◾️平時出面有時較劣質既出前一丁，會用返煮個丁既湯底，會有個層白色膜，然後再落包粉，而且食到最後會好咸！不過呢度個出前一丁就有另外整個湯，而且個粉既份量控制得好好，無食到最後好鬼咸！加分👍🏻👍🏻👍🏻◽️朋友就叫左沙嗲牛肉麵加煎蛋，流心蛋黃已經加分，個清湯底仲一d都唔馬虎，係有陣雞油香味，而又無比沙嗲汁蓋過！好正😍◾️最後，奶茶茶香夠，不過奶味唔算濃～不過都夠滑！正！◽️最後埋單84蚊！早餐黎講係貴小小，不過都值得！