德昌魚蛋粉

营业中

休息中

十一點半先入去,見d阿姐都開始執野,不過仲做我生意要了一碗紫菜魚旦米,魚旦好味,不愧係招牌,彈力十足,仲好有魚味,辣椒油超級辣,用嚟點魚旦夠刺激,不過我幾食得辣,所以加左更落碗粉度,湯比較咸,可能因為夜,已經係水尾,煲到d水蒸發哂!唔阻阿姐收工,食完撇!

女友話呢間餐廳好出名架,D魚蛋好好食架聽人講.......咁又不妨同佢去見識見識...28號1點30左右到達,門外已經排緊隊喎,排隊中聽到D人都係話呢度D魚蛋好好食,攪到我都有D心急想食添,等了約10分鐘就有位喇,裡面地方都幾大架,全以6人圓檯為主,都唔係話太迫,樓面落單都好清楚同快手點了以下食物:1.魚蛋河$19(魚蛋魚味好淡,亦不夠爽口彈牙,湯底淡但都算有鮮味,但碗太細,湯太少,河粉食到一半已經由湯河變成撈河了)2.紫菜四寶$30 有豬肉丸(幾鮮味),魚皮餃(皮幾爽,肉亦不太咸),墨魚丸(幾爽口彈牙但冇乜墨魚味),魚蛋(魚味好淡,亦不夠爽口彈牙),紫菜(配合湯底味道不錯,亦冇沙)3.腐乳通菜$14(算幾大碟,菜亦碌得剛好,菜新鮮有菜味,個腐乳醬亦調教得幾好)總結食物就一般,冇大驚喜,尤其招牌魚蛋就令我倆比較失望,招呼唔錯,食物點了好快就到,不過要食好魚蛋就不一定會再來這裡了埋單合共$63

Price is expensive.The fish ball is good but we can find similar quality in Chan Hing Fat, and other as well.The fat guy serving us (known as the boss's son) is so rude to us. I won't go there forever as I am not willng to pay for being rude.

隔左一段時間再去,魚蛋已變得一般,彈牙係彈牙但唔係特別出眾.份量仲比以前小家.....價錢還好,$19一碗,但油菜竟要14咁貴....實在無必要為食魚蛋而來...仲要間中都要排下隊先可入內,出品係快,服務亦一般,但對於舖內放得密麻麻大大小小的枱,連行去俾錢都有困難,你話邊個願留下來,慢慢消化.用餐呢,好似食得慢d都會俾人趕咁,大家若唔係舌頭麻目左,就快d認清lee個真相....

原本主人與奴隸獸搭隧巴從中環往九龍灣食晚飯，怎知遇上了大塞車，兩人依偎在一起小睡，個半小時後，巴士仍然停留在灣仔，由於主人有隨遇而安的性格，安撫著肚餓的奴隸獸，到達九龍城已差不多接近晚上十時了，決定在此下車搵食。時間已晚，不想吃得太飽，食碗粉麵填填肚子算了，所以去『德昌』，點了：1. 馳名魚蛋粉（HK$19）：除了魚蛋外，還有炸魚片，魚片的魚鮮味比魚蛋濃得多，較為好味，河粉口感幼滑。整體味道只屬普普通通。2. 四寶湯河（HK$26）：四寶是魚蛋、豬肉丸、墨魚丸及魚皮餃，前三者除了爽口彈牙外，原本的肉味不夠濃。魚皮餃的餃皮煙韌、爽口彈牙，有魚鮮味，是四寶中最好味的。食晚飯變了食宵夜。

越來越多分店..但越來越唔好食...去德昌..只係食一樣..魚蛋河...但佢而家D魚蛋同魚片..同佢初時既味道..差太遠...魚蛋係彈..但係完全冇魚味..D魚片..超鹹..都都係冇魚味...佢D湯丫河粉都唔係好味..而家連魚蛋都唔得..咁仲有咩好食...去石硤尾長發好好多...冇咁比...總結..唔去都得

唔係第一次來食魚蛋粉星期六同女友來食, 叫咗兩碗魚蛋粉, 另加一碟韮菜花魚蛋粉當然係good啦! 但估唔到碟韮菜花咁好食, 下次佢有都要再食見到對呢度食評分歧都幾大, 有朋友話應來一試, 有朋友話名過其實我自己覺得呢度啲嘢幾好食, 但係咪唔來就後悔呢?. 見仁見智但我想講, 小弟每日係中環食飯, 起碼五十蚊, 但質素就...........相對係德昌, 用三十大元, 簡直係天淵之別係今日唯利是圖社會, "食"已經淪為商人揾錢工具, 亦有好多人只視"食"為裹腹之用或者, 任何一間餐廳, 只要對"食"有多一份尊重和執著, 就已經係令人值得再三回味悲哀? 無奈? 我唔知, 但我一定會再來德昌寫咗咁多無關痛養的癈話, 希望編輯多多包涵

成11點幾,黎食宵夜. 今次唔食魚蛋河. 食奶醬厚多士,新鮮烤,一咬外脆內軟. 牛油同煉奶份量剛好,唔好流到一碟係. 油菜~要芥蘭,好大碟,蠔油好鮮味. 一看原來用"同珍". 離遠聽到有個客,落咗單,又改單,跟住又話要hold住張單. 個侍應態度仲好好.跟住個客又大聲嘈,碗牛根丸唔係牛根丸,係牛滑丸. 問過廚房都係比牛根丸佢.個客不停嘈話自己食開,根本唔係牛根丸. 侍應同廚房即刻幫佢換過,仲唔好意思,請佢等多一陣. 個一刻覺得佢地服務好得.

今個星期既星期日好似比較冷清,好多地方都好似好易搵到位食野,唔知係唔係因為長假期?德昌條龍都唔係長,嗌左碗紫菜魚旦河食,辣椒油勁辣,少少已經噴火!魚旦比較咸,不過幾有魚味!紫菜落得太多,好似仲多過河粉...生意好,自然做得無咁認真,但又未至於難食!

真係人怕出名,豬怕肥,一開多左分店,跟本就無左質素,以前佢仲係舊的土瓜環鋪的時候,真係好好食,魚蛋好有魚味,湯我每次都飲晒的,但今日去九龍城食,魚蛋只係爽口,但無咩魚味,湯就一般,可以接受,但我都係飲了兩口,你唔會多飲仲要排咁耐隊,千祈唔好尃登去食,好普通

嚟呢間食,係因為見到門口有條長龍!咁多人食,應該味道唔差,我就食左碗魚旦米,魚旦魚既味幾重,真係唔錯,仲好彈口,米粉ok,唔會太爛,我好驚淥到一pet pet,但係我覺得個湯比較咸,可以淡番d就好!作為一間魚旦粉,其實都唔差,但係要排隊,所以唔係太想嚟!

大伙兒嚟食,點知要喺門口排隊...排左三個字就有得食,我食紫菜魚旦河加凍奶茶,我碗河粉味道一流!由其係個魚旦好好食,爽口啦!魚味重啦!紫菜如果煮林d會更加好!maggie食左碗墨丸河,佢話味道都ok!下次要再嚟,希望唔使排隊啦!

d人排隊排得好長,名牌店德昌真係好勁!整碗子彈先! (紫菜魚旦),魚旦有水準,彈牙,可以打乒乓!不過湯比較咸,只係普通!辣椒油勁辣,落多d真係唔駛食!總括嚟講,排隊都係有原因,因為魚旦做得好出色,但如果要我排,我又有小小保留..

一到門口,條龍好長…終於有得食,叫碗紫菜魚旦粉嚟食,湯底一般,但係加左辣椒油就唔同哂!辣椒油真係好辣,辣到喊!!不過唔加碗粉就一d都唔好食!魚旦無魚片咁好食,魚片真係好正,特別係魚角,咸咸地好好食!份量就細碗左d,如果大碗d先夠飽,要再加野食,結果叫左個普通味道既炸魚柳,要扣番d分..要掛隊,我覺得只係得個魚角值得掛!

聽九龍城人話德昌的魚旦好味，去開九龍城就順便試埋. 老婆叫魚旦粉–魚旦都夠彈牙，不過不致於好味到極. 湯底係味精，河粉一般老公叫魚旦撈面–面都幾重鹼水味，有D人可能會唔鍾意. 其實我地都食過一D粉面店D面都比德昌好味，去開九龍城又想食魚旦粉都可以試，但唔好慕名而去.