德昌魚蛋粉

营业中

休息中

星期六OT，叫外賣: 雲吞麵，咖啡。雲吞不新鮮。咖啡不好喝。雖只是$28，但不會再吃。

同女友去完打牌，返家時已是十一點幾，肚中都發出咕咕的訊號。去過一次，記得幾好食，所以今晚的宵夜也在這裡。叫了一碗炸醬麵，一碗水餃麵同一碟芥蘭。麵同上次一樣的高水準，水餃有四隻，餡料幾多味道亦不錯。不過我的炸醬麵就失色得多了，料是不錯的，起碼有我最愛的肥豬肉，不過冇走過油，最敗筆係個味道，完全冇炸醬果種香味，只得個辣字，而且只係加入大量辣醬去整。下次都係食番雲吞或水餃好o的

夜晚放工，0係「德昌」醫0左肚先返屋企，叫0左碗肥牛魚麵加水餃，油菜。肥牛魚麵加水餃﹣見到碗麵個心沉一沉，加$5都係得2隻水餃？唔係錢0既問題，而且$5得兩隻水餃，真係有點那個...今次成碗0野都算係水準大倒退，牛肉一睇就知唔係好0野，瘀瘀紅紅咁，食落無牛味。水餃同江仔記無得比，咬開睇下裡面，Ｄ肉係散晒0既∼D色又係瘀瘀地咁，無乜肉0既鮮味，失望∼魚麵黎0講，食落感覺好奇怪，唔明潮興點解咁以此為榮？？油菜﹣咸到傻，再失望多兩錢。

我同男友o係上個月試過呢間舖頭o既雲吞麵...我o地一致覺得間舖頭好過分...個麵勁細碗，又唔係特別好食>.< 總之，一句講哂：不外如是!!!

同朋友們特意前來品嚐雲吞，細或價錢都不是問題，最大問題雲吞是沒有蝦味的，加上一點都不香。個皮唔滑，食下去硬硬的，一點都不吸引。尖咀的某出名雲吞都是細細碗的，但就色、香、味俱全。下一次不會過海再來了，一次起、兩次止好了，畢竟它不好吃和不便宜。

叫了雙丸撈麵. 唔得的. D丸只是暖. 魚旦好腥, 吐了出來. 好難吃. 若隨便吃些東西或當飯堂咁當成一餐的話就無謂了.$26 incl drink 凍飲+$2

現在已經成為我們的飯堂了, 每當我們想不到食乜, 就會去德昌, 佢的午餐比起附近的餐廳來計都算係抵食之選, $19面餐有野飲送(凍飲+2), 女士們的好選擇.而我最喜歡的, 當然係魚旦米粉啦, 魚旦彈牙, 唔會好似一般街市買的咁實. 魚片亦好好味呢...

今日又OT,搞掂晒d野同同事去食tea,3個女仔去左呢間粥麵店,3點鐘,得我地一檯客,叫左碗五寶麵$24---麵身都可以接受,但湯極油!d丸就一般, 貢丸特別難食.總結:冇下次!

我真係唔明白點解德昌可以開幾間分店, 而其他人甚至電台主持人都話超好笑。我咁大個人食過德昌兩次, 一次九龍城分店, 一次就係呢間天后分店。始終都食唔到佢有咩特別好味o既地方，頂到盡魚蛋叫做少少彈牙喇, 但係成碗野真係淡而無味, (唔知係咪本人好食濃味野)如果要食魚蛋魚片河, 我寧願去東大街安利正店喇, 但對本人就唔係咁方便.....

我本人覺得D湯底咸得濟其他都ok

昨晚不想外出. 唯有叫外賣. 沒甚麼選擇, 便叫德昌.我點了紫菜四寶, 男朋友點了牛腩米&一碟菜. 50元有找, 都唔敢有期望啦!味道普通啦...不過, 食完之後........我倆肚痾了成晚..仲延續到今朝, 一定唔會有下次!

星期日教會崇拜後和爸爸媽媽﹑姨媽姨丈去午餐﹐平時多去飲茶﹐不過這天姨媽突然想吃魚蛋粉﹐所以我們就去了德昌。去到剛好有一檯人埋單﹐所以都不用多等就有位﹐好開心。來德昌當然是來吃它的魚蛋啦﹐所以個個都要了碗魚蛋河/米﹐再要一碟油菜。魚蛋依然的彈牙和充滿魚鮮味。不過大家吃完後好像還是意猶未盡﹐一致同意下再點了一碟淨牛筋腩。可能因為我們是淨吃﹐所以覺得腩汁偏鹹(但對我這個不能吃濃味的人就覺得太太太鹹了﹐不過其餘的人都說只是鹹了一點點)。不過除此之外﹐這裡的牛腩又炆得幾夠捻夠入味﹐不會太多味精﹐不會好黏牙。當中亦有不少牛筋﹐都是炆得捻捻的﹐雖然是太鹹﹐我還是停不了口的吃。下次來不用只吃魚蛋那麼單調了﹗

第一次黎,朋友極力推介魚蛋粉.另外叫左油菜及魚皮.魚片及魚蛋的確唔錯!好彈牙亦好新鮮. $17碗唔算貴. $12油菜反而細碟左D.環境亦不錯,唔太迫.

去德昌好多次，我永遠只點魚旦河、炸魚皮，最多加個油菜或冷飲，水準一直保持，好味！天后首選。

游完水就近外賣了紫菜三寶米($27) - 紫菜無沙OK, 另三寶也美味, 其中墨丸尤其彈牙可口魚蛋米($17) - 魚蛋也很彈牙, 但份量不算多, 加了店中辣椒油會美味好多