德發潮州飯店 (已結業)

今晚同屋企人去徳發打冷，我地地叫左鵝片，烏頭，蠔餅，司奄，辣酒花螺同糯米飯，我地個個都讚好食！烏頭煮到啱啱好，好軟口！蠔餅好香脆！我爸食司奄食到唔停手，仲讚不絕口！叫左咁多碟菜加3支大啤同一罐可樂都只係620蚊，真係好抵仲要讚一下啲服務，我地食司奄嘅時候，個老闆仲問要唔要檸檬水洗手又比埋紙巾，真係好貼心

第一次寫食評, 幫我男朋友寫! 真的非常非常生氣!男朋友住太子, 平時落街見到什麼吃什麼, 平時見這家店環境光猛, 好多客人要等位, 所以沒去, 中秋翌日晚上見他們少人一點, 就打算試試, 怎料勁伏!!男朋友平時食開打冷, 打冷通常都是點差不多的東西, 今次點了一條凍大眼雞、鵝腸同一支啤酒, 食物質素正常普通, 不特別好吃也不特別難吃。吃完男朋友埋單, 盛惠$440! 沒錯! $440! 男友平時一碟小菜一支啤酒通常百幾埋單, 今晚多了一條魚, 竟然貴了$300幾?! 一問條凍大眼雞價錢, 老闆娘話$320!! 還說來貨都$160一條! $160一條來貨就可以賣double的嗎? 來openrice看其他人的食評, 凍大眼雞都是$120-150, 為什麼這條普通size的就$320?! 當然, 我男友本身冇問清楚時價是多少就點, 他也有錯, 不過即使是節日前後, $200一條都已經貴了吧, 還要$320!!! 而且那麼貴, 不會預先跟客人說明嗎? 整餐吃到男友滿肚是火, 以後都不會再幫親這不老實的店!

平時我唔寫食評，不過今次真係堅嬲😡昨晚，同男朋友經過這間店，好像不錯。便入去試吓，眼鏡男店員特意安排方枱近冷氣座位給我們，我們坐低咗。1）點知，後面那枱那4人要求換我們張枱，然後那個女店員也要求我們換枱😡，其實我唔想換，但男朋友話算啦，換俾佢，然後調咗枱，咁叫嘢，食嘢啦。但好老實講，我哋真係咩mood都冇晒😤。2）食店內有幾張大枱冇人坐，然後有3位男士入來，女店員夾硬要他們和其他人搭枱，迫埋一齊，冇幾耐，又話調返佢哋坐大枱，其實都冇咁多人幫襯，夾硬hold起晒啲大枱唔俾人坐😒。3）食到差唔多，有另一位男客人入來，又是那個女店員，打我們張枱主意，問我哋係咪食完走架啦，擺明係趕客😡，我男朋友話張枱仲有嘢，都未食完。我哋嗰吓真係燥咗，而家咩事呀，我哋冇幫襯咩，駛唔駛咁嘅服務態度呀！最後俾錢嗰陣，我男朋友同眼鏡男店員反映返問題，男店員態度其實很好。但係因為呢個女店員，我絕對唔會再幫襯！服務態度真的很差😡😡😡

地點： 地鐵站行出去1-2分中就到好方便環境： 燈光通明，一般餐廳裝修，唔太舊感覺唔錯， 位置較迫， 櫈係膠櫈，坐就唔會舒服， 不過食得打冷就遇左，呢d先係風味服務： 親切有善， 好好食物： 份量比我想像中多，上菜速度快， 首推介鵝片， 淋同嫩滑，厚薄適中，再推潮式獅奄，唔係度度有得食，鮮甜， 其餘好似鹵水野，蠔仔粥，蘿蔔豬紅都唔錯。小炒有獲氣( 人少無叫但見到賣相唔錯同好香) 總結：價錢合適，食物唔錯，一定會再食， 大班人就可以叫多幾款， 開心share.

聽個前輩講，e度鵝片好味，特登黎試下先。嘩，間鋪差唔多爆晒，好多人，我地2個人黎食，不能叫太多野食試，就叫個蠔仔粥，鹵水拼盤加鵝片 ， 細條凍大眼雞。蠔仔粥偏淡，不過蠔仔多，仲有幾粒特別肥美，都唔錯既。（例）鹵水拼盤加鵝片， 豬耳，豬腩，鵝片，腎都算好味， 夠入味，鵝片少，得4，5塊底有好多豆腐，食唔晒。細條凍大眼雞， 無魚味，肉好鞋，唔好味，唔新鮮，唔抵食$130總括黎講只算係普通好味，食過有另一間更好味，下次我再去食就寫食評啦!

今夜經過這裡，見店內人山人海，就決定一試。潮州蠔仔肉碎粥（$55）～ 一碗份量，二個人食剛剛好；內有蠔仔、土魷、肉碎、冬菇、香芹、方魚片等；蠔仔大大隻，但蠔味淡，好在無沙無碎殼。肉碎比較韌，相信是煮的時間過久。潮州果肉卷（$88）～ 看門口的說明及賣相，好像很吸引，而且用腐皮包裹著再炸，應該好脆口，就試試這個吧；但一上到抬，"貨不對辨"這四個字便立現心中，怎麼相差這麼遠呢，外形巳完全走㨾，一口咬下去，那腐皮要怎麼韌有怎麼韌；相信應該一早炸好，有食客柯打便番炸上碟；反而入面的豬肉、馬蹄餡料味道也還不錯。鹵水拼盤（加鵝片）（$138 例）～ 叫左紅腸、豆腐、墨魚及鵝片自選拼盤，鵝片第一片是非常的韌，老婆大人再試：「唔係喎，很肥美嫩滑喔！」，自己再試，又確係肥美嫩滑；怎麼前後會分別這麼遠呢？豆腐不是太滑身，但鹵水很入味；墨魚味比較淡，煙煙韌韌。好吃的紅腸腸衣脆口，腸肉也結實彈牙，這個卻是一整個的「淋」！嶗山啤酒（$14）～ 嶗山礦泉水就聽過，但啤酒就.....；所以決定試試，原來也是青島啤酒出品，但味道偏淡，有點似有些少啤酒味的水。

自從觀塘重建，執左好多間打冷舖之後，好耐無食到正宗又唔貴的潮州打冷。大學同學飯局想揀個就腳中間點，就揀左呢間，太子地鐵站一出唔駛5分鐘就到。六個人食到好飽，嗌左豬紅、炸墨魚丸、滷水墨魚鵝腸、生炒骨、潮州三寶、小炒王、蠔仔粥、蠔餅，推薦小炒王好有鑊氣，香口，餸啤酒最正！蠔仔粥d蠔好大粒，無沙。埋單一個人只係100蚊鬆d，食足4個鐘，笑得好開心！下次要帶埋我嘴勺的潮州人老豆黎，佢實滿意。

都食過呢間幾次啦。每次水準都唔同。今次叫左生炒骨。南乳雜菜煲。仲有蠔仔粥。先講生炒骨，細唔在講，冇乜排骨，炸粉漿就多。汁又唔酸又唔甜傑撻撻。👎什菜煲以前繫大的，現在細咗。南乳味唔夠，雜菜煮唔夠淋。唔夠香。蠔仔粥小蠔，又多蠔殼。又太水了。希望佢水準可以穩定啲。

放工同大佬用餐，去開太子就試吓呢間成日都經過，不過未幫襯過嘅打冷。7:30左右到，間舖八成滿，唔洗等位。食打冷中庸價錢嚟講環境算都幾企理，感覺唔太逼，又唔太嘈，仲有兩部50吋大電視，真係唔錯。是晚菜式有元朗烏頭，魚油十足，不過肉質比較乾身同扎實，冇想像中滑，我估可能係條魚開咗皮有一段時間所致，魚味都濃，不過不得不讚個沾魚嘅普寧醬（黃豆醬）香、甜至唔會實咸，我哋都沾咗兩小碟。滷水墨魚拼鵝腸，鵝腸係冰鮮價，不過帶膶，少膏，爽脆。墨魚片切到厚度適中，質感爽軟，食落有墨魚甜，墊底有大豆芽，比較老，點咬都有渣，滷水就略淡。椒鹽鱔球，皮薄，大大嚿，不過冇椒鹽味，鱔唔夠油香，食落都唔似食緊鱔，似食一般炸魚，真係麻麻。獅奄，落柯打時，寫菜姐姐已經問我哋識唔識食，仲話個殻好難開，我同大佬差不多係獅奄粉絲，點會唔識開！點知個殻真係唔易開，開到手甲都崩埋，最後剩番半碟時叫姐姐再攞番入廚房汋一汋，果然易開好多。味道好鮮，不過比較咸，蒜味唔足，個人認為獅奄真係老坑火鍋冇得輸。是晚Asahi大啤3支，坐得算舒舒服服，埋單44X，我相信我會再嚟試吓個炸墨魚丸，炸腐皮豬肉卷。

平時都有食開，但隔了一段時間無來，今次就再次幫襯，叫了幾個小菜。唔使好耐就來咯，但一來到我地幾個嘩一聲。份量真繫少咗好多。再食埋佢，味道唔同左。叫咗生炒骨。份量少之如，覺得唔好味。啲肉又炸得乾又細粒，仲有個啫啫雞煲。好淡冇味。配料又詐唔香。仲有個炒面。淡而無味。有無煱氣。唔知繫咪轉咗師父呢!

叫左條大眼雞, $150都大條, 但有少少腥, 所以一定要沾佢個醬汁蠔餅, 都俾幾多蠔仔, 但係焦左少少。炸墨魚丸, 12粒, $6x自己覺得麻麻地,因為佢唔係彈牙,反而係有少少黏黏的魚膠感覺。個皮唔係脆的那種, 係少少 un。跟住係椒鹽鱔片,食咁多件真係無骨, 好味。鵝片就一般, 切得好薄,d 肉麻麻地, 可以肥少少。

今日試左依間新開潮州飯店, 新開張裝修光猛企理, 叫左滷水拼盤, 椒鹽鮮魷, 烏頭魚, 炸墨丸, 蠔仔粥, 豬紅, 樣樣都新鮮, 滷水味道佳, 鮮魷新鮮熱辣炸得香極, 條烏頭肉靚, 一身黃油, 墨丸就真材實料, 蠔仔粥就一大鍋好食.推薦大家試試!

成班fd最煩就係諗食咩！永遠都係有唔同意見。今次都唔例外，由旺角行到太子都未簡到食咩，真係差唔多行到去深水埗，見到有間打冷新開，大家又行到攰，就膽粗粗入左去試！入到去環境似茶記，打冷黎講都算乾淨！因為太肚餓既關係，各自叫一樣想食既餸，一行10人所以都叫左9餸1湯。其中有幾樣係特別中意，有驚喜的！1.炸蠔餅平時食開既都係粉多過蠔，冇諗過今次竟然蠔多過粉，而且啲蠔仲要勁大粒，食落吾會腥，幾廿蚊食到甘既水準，只能說平靚正👍2.鹵水拼盤個人比較8掛，聽講呢到個鹵水師傅係某間出名既打冷到請返黎，有返甘上下水準！食完之後果然有驚喜，佢唔似其他鹵水得個咸字，呢個食得出果種鹵水既香，唔識形容🙈啲汁滲哂落啲料到再食啖飯，真係好味到一個點，不是誇張是真的！3.潮州烏頭魚條魚黎到未食已經知佢係靚野，啲黃油多到滲哂出黎！食落魚肉鮮甜唔腥，平時好少食魚既我，今次都食左幾多，不得不讚！4.胡椒豬肚湯呢個湯雖然唔係飲過最正宗最有味既，但係都算不錯，因為我本身係好中意飲呢個湯，去親食打冷都必叫！所以邊啲係正既真係呃我唔到！呢個飲落唔算係好重胡椒味（可能我本身食得辣），因為我啲fd就話夠味，但都係幾正既。5.椒鹽鮮魷呢

同班朋友行經太子，見呢間潮州打冷鋪啱啱新開張，於是就入去試下，本身真係無咩期望，但食落水準都唔錯! 首先係碟鹵水拼盤加鵝片，有別於唔少餐廳嘅鵝片有浸騷味，呢碟鵝片完全無怪味，咬感唔錯，肉質一D都唔乾爭爭，仲好新鮮，加上上面落左少少熱既醬汁響面，味道一流!之後就係碟潮州蠔餅，裡面有非常大量嘅蠔，而蠔仔都真係非常之大隻，肉質夠鮮夠甜又夠肥，四十幾蚊平平地但好足料!!咬落亦相當香口!!值得推介嘅仲有個韭菜豬紅，超大碗而且豬紅好大件，份量之大坊間少見! 入口好滑而表皮幾煙韌，夾上手都無散開，味道幾惹味!!