德發潮州飯店 (已結業)

上星期三行過去德發，唸住買野食，點知見到此餐廳已改為經營兩送飯或三送飯了，其他潮州食品大部分也沒有提供，好令人失望。而且星期日是休息的。大家留意別摸門釘。可惜。

早前佐敦上完堂約咗老公決定一齊去啤一啤佢🍻於是揀左這間位於太子地鐵站C2出口5分鐘路程嘅「德發潮州飯店」店舖光猛企理店員服務態度也不錯☺️而且價格亦合理💯由於我哋兩個胃一向都比較細所以只點了四道打冷必吃的👇🏻1️⃣鹵水鵝片配生腸2️⃣韭菜豬紅3️⃣炸蠔餅4️⃣黑白啤Half Half🍻可惜店家嘅鹵水鵝片肉身較「鞋口」亦唔夠入味生腸亦仍然有點腸臭味⋯ 減左分🥲幸好韭菜豬紅及炸蠔餅味道搭救下次約多啲朋友仔可以再來🙌🏻

兩個人經過太子行經呢間餐廳，就隨便入咗去坐低食嘢，叫咗一碟滷水鵝片，小炒王，同埋韭菜豬紅，再加碗潮州白粥。3碟餸都好食，其中滷水鵝片有好香嘅花椒八角嘅香味，正👍🏼。仲有係餐廳嘅樓面同埋廁所都算乾淨😬

食物味道雖然唔錯，但係服務態度真係差到爆！入座前佢哋有講明用餐時間係90分鐘，我哋都覺得呢個時間好合理，但到70分鐘，我哋其實都已經差唔多食完，點知個事頭婆就無啦啦隊張單埋嚟！咁咪比錢找數囉！比完錢之後就即刻以9秒速度執檯，食完啲咁咸嘅嘢其實我想飲多啖茶坐多幾分鐘啦！我舉手叫個侍應加啲茶佢就即刻黑晒口面咁，我哋一共5人佢就只係加咗1/4杯比我一個人，當時外面並冇人等位，用餐時間都未夠。見佢兩個咁嘅口面我都唔敢再飲，當我搵緊口罩準備戴完就走啦！都未離座事頭婆已經攞咗條檯布掟落檯了。食物其實唔錯，不過蠔餅就真係全碟超過八成都係漿粉，蠔仔得十粒八粒。真心覺得呢餐飯食得好掃興，諗住一家人開開心心齊齊整整食餐晚飯，點知食到咁唔開心好似被人趕走咁，以後執到錢都唔會再幫襯了。。。

今日同友人到此飯店食飯，其實之前都有食過，覺得幾好食，所以再到此食晚飯。我們剛坐下來，正在商量叫什麼菜的時候，突然間，一陣帶有酸酸甜甜，而又香噴噴的味道，在我們身邊經過，一吸，便知道，這是我們十分熟悉的味道-「菠蘿咕嚕肉」。哈哈😄！就在這一刻，第一道菜便決定下來了。那麼，下一味餸應該吃什麼好呢？想來想去，最後都是點了之前曾經食過的「椒鹽九肚魚」。雖然份量明顯比以前縮左水。但，味道方面，真係不錯，好食！脆漿好薄，椒鹽及撒在上面的蔥粒，椒鹽，蒜粒，都好食！一食落口，都感覺到很有鍋氣！我們怕不夠飽，再加了一個蠔仔肉碎粥（碗）。雖然是一碗，但實際夠2-3人食（細食者），味道香濃，但，我個人覺得有少少過咸。不過，整體都是好味嘅！今晚我們食得飽飽，甚是滿足！☺️

今日同屋企人出開太子，打算在附近餐廳食好西，知道爸爸中意食中式野，特別鐘情小菜，所以就帶佢去這餐廳一試我們一行三人，大概9點去到，燈火通明，坐位寬敞，而且店內人數不多，可以直接坐底由於媽媽是海鮮愛嗜者，所以都會必點海鮮類的小菜。最後，我們點了椒鹽九肚魚（$88），燒汁安格斯牛柳粒 （$128），豉汁蒸大鱔（$148），共三款先到的菜色是椒鹽九肚魚，整碟賣相非常吸引，魚塊堆高，底下由炸粉絲鋪設，再加上滿滿的椒鹽灑上，已經令我垂涎欲滴在吃第一口的時候，椒鹽連炸脆的表面一口咬下，魚塊內的汁流出來，外脆內軟的口感之後上菜的是燒汁安格斯牛柳粒，這碟菜的配料相當多，有洋蔥，薯仔，青椒。色澤略為深色，以為味道會偏重，但卻出乎意料的合適，不但味道不會過重，而且燒汁配上牛柳，提升了牛柳的鮮味，加上牛柳嫩滑，一粒牛柳，一粒薯仔，一碟滿足最後上菜的是豉汁蒸大鱔，魚塊鋪面整碟，感覺量很足，再加上豉油，鋪滿蔥花的賣相完勝在吃第一口時，大鱔非常彈牙，證明大鱔經過精心處理，入口彈牙爽口，配上豉油一吃，一食上癮

原本想去陵發食潮州打冷, 點知去到放例假無開門, 上Openrice 搵一吓太子打冷, 就搵到過兩條街嘅德發.第一次去德發, 好唔好食唔知, 但坐底之后, 唔夠20分鐘就全院滿座, 睇怕都唔會中伏掛…..點咗個滷水鵝片, 炸𧐢餅同墨魚併鵝腸.優點 :1, 滷水鵝片同墨魚由於切得比較薄, 所以口感唔會韌, 味道亦唔錯, 鵝片脂肪極少, 墨魚口感唔硬.2, 我唔食辣, 但奉送嘅細細碟辣油極香, 少少辣, D鵝片點完辣油即時令味道提升!3, 墊底嘅豆腐都好滑, 唔係求戀期貨仔.4, 又一間炸𧐢餅出色嘅餐廳, 係我食過最好味嘅𧐢餅 (其實我少食啫…), 𧐢仔嫩滑, 炸槳極少, 外皮炸得極脆口! 滿分! 推介！5, 鵝腸一條條擺得好整齊, 爽口, 肥膏唔多, 唔錯.缺點 :1, 冷氣唔夠!2, 冷氣唔夠!3, 都係冷氣唔夠呀! ~~>_<~~

有朋友約我出來食飯吹水，我問佢哋今晚食乜先，要食d吸引到我出來既食物，我先會考慮出來，後來佢話介紹一間好正既打冷俾我，想一想好耐冇食潮州打冷，即管出去試吓，睇吓有冇介紹錯，去到見到原來係我之前食過都推介過，即管再推一次，因為真係好好食，店內既相都好吸引，我哋就叫左以下幾個來品嚐一番：德發小炒皇：好有鑊氣，韮菜和蒜心好嫩好入味，腰果好脆，還有大蝦和魷魚好彈牙鹵水墨魚片拼鵝腸：墨魚片好爽，鵝腸好甘香酥炸大腸：外脆肉軟，肥瘦適中潮州煎蠔仔餅：好大塊，入口爽脆，幾多蠔仔豉椒炒大蜆：幾多蜆肉，味道幾好，欠左小小辣味，唔係就更惹味拔絲咕嚕肉：冇骨啖啖肉，入囗感覺到咕嚕肉被糖漿包圍，口感更脆金銀蛋浸油麥菜：鹹蛋和皮蛋切得細細粒，可以一啖有兩種口味，油麥菜索左個湯更好味今次朋友冇介紹錯，好彩我哋早到先有位，一路食一路見到好多人不停入座，有d遲來連位都冇要等。

星期五放工同老公去食潮州打冷朋友介紹左呢發位於太子嘅餐廳位置都好方便 太子地鐵站一出行5分鐘都唔洗就到7點半去到 已經坐滿左7成客生意都好似唔錯喎首先叫左一個韮菜豬紅份量都算大份，兩個人食唔哂豬紅爽滑入味然後叫左個炸蝦棗 見係廚師推介一於試下一碟有成8粒 仲粒粒都咁大粒 兩個人食唔哂外脆內彈牙 正呀另外當然要食蠔餅一個字 大份夾好味老公仲叫左司庵 不過我唔食生野所以無試到佢就話新鮮好味 蒜味都好夠好好味嘅一餐 不過下次要叫多d朋友黎食

今次呢間潮州嘢真係好食到噴汁，同2個fd行到太子就入去試吓裏面坐無虛席好在剛剛有人走，即刻坐低叫嘢食先，叫左個：韮菜豬紅、潮州煎蠔仔餅、鵝片、豉椒炒大蜆、酥炸大腸、豆豉鯪魚炒A菜和正宗普寧炸豆腐。韮菜豬紅，豬紅好滑，韮菜冇渣潮州煎蠔仔餅，好香蛋味好脆，好多蠔仔鵝片，好嫩好腍，好濃入晒味，超正豉椒炒大蜆，入口冇沙，蜆肉幾彈牙，但味道可以但未去到好惹味酥炸大腸，超好味，外脆內腍，爽囗彈牙，腸內有少少肥膏，好甘香，無異味豆豉鯪魚炒A菜，好有火侯，非常惹味正宗普寧炸豆腐，本來太多餸唔會叫，不過未食過好奇想試吓點知原來係普通炸豆腐，好似滑d，味道唔同d，點左個汁係有d唔同味，可能我哋唔適欣賞，都係覺得椒鹽豆腐惹味d，正d！打冷又點可以唔叫啤酒飲，呢間店真係適做，啤酒凍已經正，佢哋居然攞d雪凍左既杯出來倒啤酒飲，就更加超正，涼透心，呢間係我極力推介。

🇭🇰#香港捐窿捐罅記 Instagram : foodkiller_dk前排有班同學再澳門尼左香港玩 之後就問佢地想食d咩😋 佢地就話想食潮州野 因爲澳門冇 咁潮州野我好少食 好彩其他同學介紹一間係太子既酒家 之後晚飯先有著落😂-果晚咁多樣野入面 最出色應該係鵝片🦆 個味入到鵝片入面🙂 如果你好彩拎到塊肥少少既 就仲正 🤤 但係下面放低既豆腐就比較硬 同唔係太入味😐凍烏頭🐠係另一個做得比較好既餸 肉質嫩滑🤓 應該係用左新鮮既尼做先有尼個效果😌 食落去幾咸 但係係又唔會過咸 同飯一齊食就完美🙂🙂而炸𧐢餅🍘 炸得脆 而且足料 啖啖都食到𧐢肉 😬而且唔會出現我之前講過另一間既過咸情況🌞但係炒蜆🐚就唔係咁好 有超過三份之一既都冇開口 死左😫😩 就好似有d唔太老實☹️-🎈太子大南街60號-平均傷害：$150好味值：6/10

首先講講條街，以前係布行，賣零件多，而家一個反身，變成左今日有4間酒吧，5間食店既熱鬧地點，我都嚇一跳，相信稍後時間會試埋其他店。土瓜灣其實都好似有間叫德發，但問過不是分店，以一個全新感覺去上就可以了。叫左3樣野，價錢覺得都ok, 青島28就貴幾蚊，不過佢有隻冰杯招呼你，都算ok杯喺雪櫃攞出黎，有誠意蠔餅真心唔錯，應該係用啤酒開粉槳，鬆軟脆口，蠔唔細隻，細份$75都唔算小，好食過廟街。欖菜肉鬆四季豆都幾干身，豆無渣，味道唔錯，都幾大碟拔絲咕嚕肉個名都勁過人，賣相又好睇，食到肉，係ok喎，個皮仲脆，但肉唔硬，爐頭真係有料到👍我見到同枱三個人喺對面講（搭枱），啲鵝好鞋，雞腳太甜，花生凍，證明廚房同打冷兩個位置如果大家食既，一定識揀。。。

都搞唔清係“新德發“定係“德發“店面招牌係“德發“ 橫招牌係“新德發“總之有得食就係啦……宵夜11點幾場面冷清 ……老細招呼周到 送豬紅啤酒夠晒凍藍妹$35大支 冇優惠友人推薦 想食獅蚶 可惜估清重有好多選擇 打冷 炒小菜 海鮮……滷水鵝頭頸 ~ $55 滷香 下酒皆品滷水双併 生腸 ＆？肝 $98 份量少 ？肝細片 乾 嚡 蠔仔粥~ $95 方魚香 蠔仔夠多 鮮味蠔餅(小)~$75 份量真係小(廟街$40份量)脆口 香 但有隻蠔軟腍腍似未熟虾棗~$98 8大粒 炸面香口 但餡料鬆散唔彈牙豉汁蒸大鱔 $148 有8片 肉鮮 豉味濃油浸筍殼魚$138 買相靚但魚唔鮮潮州粥 鹹蛋 冇得輸

精彩的潮州打冷晚餐，值得讚👍 的是地方十分清潔乾淨，由店面至洗手間，食物調節到符合現今水準的不鹹不油。本來是想去附近的「差不多名字潮州白粥」的，但帶路的又帶錯了地方 （去錯地方，這久不久就發生的）。啤酒和玻璃杯是肯定夠冰凍及乾淨! 潮式鹵水拼，很鮮明，有較少見的是包括珍肝。清爽的大荳芽荳卜，很refreshing。潮洲炒蜆仔肉，是十分少見的，至少九龍城幾間也沒有造。 豉油王炒鵝腸，鵝腸爽而不韌，豉油王醬汁傾向甜口。 涼瓜煎蛋餅，不太鹹可以空口吃。紫菜肉碎粥腸， 這又是別的潮洲食店很少這樣組合的，就是要輕清。自帶酒水是可以的，象徵式收幾十開瓶費而已。傳統老式的體貼服務，就顯露於當我喝完啤酒，叔叔問我還要不要，我說喝夠了之後，叔叔主動拿一杯菜給我。另外，吃完一點也不口渴！一點也不！

約左幾個朋友去品嚐吓潮州菜，行入去德發，環境就一般，伙記也有招呼都算熱情。先落左個潮洲炸豆腐，小抄王，潮式凍烏頭試試D功夫菜先，豆腐連久菜鹽水吃，正，小抄王有獲氣，得，凍烏頭，可以，咁就再續叫啦，炸蠔餅，油鹽水花螺，點知就衰左，蠔餅外表金黃超靚仔，內邊5熟，5得law,花螺好鬼硬，都5知食左D物落肚，5掂，最後再叫多个蠔仔肉碎粥比多个機會佢，但都只是一般冇乜驚喜。整體說，只得幾個小菜可以，5試都冇問題。