德發粥品專家

营业中

休息中

今午因為要代家人拿新買的手表去荃湾給廠家維修, 路過此粥舖入内吃午餐。叫了一碗碎牛粥和一隻蛋黄咸肉糭。粥煲得很稠充滿米香、碎牛肉很新鲜和調味適中、容量足夠。那隻糭如果煲得稔一些就較好入口、但蛋黃就很多和酥香。但枱面樽蔴醬就調較得太稀, 所以吃不出其味道來。

除左賣粥之外，門口仲有賣糕點，砵仔糕，白糖糕，發糕，黃糖糕等等。我咁岩行過就俾佢個芝麻砵仔糕吸引左，黑芝麻味嘅砵仔糕試都未試過，好創新。5蚊一個唔算貴，因為佢比一般砵仔糕大小小。第一啖咬落好，有小小失望，係有小小芝麻味嘅，但唔太濃，第二啖開始已經食唔出芝麻味，而且我覺得甜左小小。至於依個砵仔糕嘅口感係比較淋，食落好削，完全唔夠Q彈，砵仔糕都係有小小Q韌先好食嘅。所以依個砵仔糕完全唔符合我要求呀，唔係我杯茶。唯一可以讚下嘅係佢都有幾多紅豆，而且分報都幾平均。

當日我同我伴侶一起去食粥,叫了一個碎牛粥,豬紅瘦肉粥,炒米,炒麵個女侍應落單都不禮貌的態度了,ABOUT 2-3分鐘左右,佢放低左兩碗粥,下圖是豬紅瘦肉粥的樣子....像生血牛肉一樣,我即問那個女侍應,她態度不禮貌答我~"唔係你地的嗎?你地睇粥都未識睇呀...."之後一路食,又聽到佢不禮貌的對待其他客人....

尋日落雨大到乜咁，所以今日食返碗粥補充下水分。不時經過呢間都好多人排隊的，今日都唔例外，等左一陣先入得坐樓上。叫左個皮蛋瘦加炒麵。老實講算足料的，碗粥有成半個皮蛋同幾多瘦肉的，但真係咸左啲。而個炒麵大大份，好飽肚，加埋甜醬辣醬一齊食，個味係唔錯嘅。識食一定瘋狂落芝麻，佢呢度啲芝麻炒得幾香口，送粥一流。以粥品店黎講呢度算合格以上的了，可以再過黎食。

大前日(16-10-2016 Sun)朝起身後,同老公食o野,佢要留肚但我要當食埋晏,我o地就o黎呢間,我諗o左好耐至諗到食乜,要皮蛋獲肉粥,老公要$23.00o既豬潤粥,由於想食炸兩,但呢o度有三款,$14.00o既普通炸兩,$16.00o既蔥花腸炸兩同$18.00o既蝦米腸炸兩.老公決定要蔥花腸炸兩.我o既皮蛋獲肉粥係落完單即到,食吓先,奇怪,味道有啲腥臭,粥底好稀,瘦肉唔多,我發現有條魷魚鬚,送o既?老公就發現有豬紅,唔通啲腥臭味由呢o度o黎?而我老公好想食,就同佢share,豬紅滑o既.但我一路係咁食,發現皮蛋唔多,之後又發現多一舊豬紅,其實個師傅係咪亂舀?味道: 1分老公o既豬潤粥,見到都幾多,我冇食到.不過最後我俾啲皮蛋獲肉粥佢送炸兩食時,佢話我碗粥稀?我問佢o個碗好杰?佢答係.蔥花腸炸兩,大大碟咁,食落,油炸鬼好脆,但豉油超鹹,攪到我唔敢加麻醬食.至於蔥花,o係呢o度好似起唔到咩作用.味道: 2.8分味道分唔計老公o個碗,而我碗皮蛋獲肉粥就收$16.00.環境:冷氣一樣開得好大,無他,粥熱,唔開大冷氣,個個食到成身汗點得?

態度勁差,野食又差過以前,俾錯野仲惡過客人,打電話返去仲要俾佢鬧返轉頭,話追出黎追唔到我,大佬啊,就係唔舒服先買粥,蝸牛都快過我,仲要聲大大,叫我自己落去換返,低能,劣評!!!味精又重!!

今日做野路經這老字號粥店, 又到午餐時間, 就入去叫左D野食下, 叫左一個碎牛粥同炸兩, 都係23蚊, 抵先是一個熱辣辣碎牛粥, 粥底不錯, 綿綿的不會太希, 加上小量碎牛調味, 咸味適中另一樣是炸兩, 基本上佢係凍既, 入面D 油炸鬼都係林既, 好彩佢D豉油同埋醬都好惹味, 同埋同個粥連埋食, 一冷一熱可以中和番

大前日(9-6-2016 Thur)端午節,朝早起身後,同老公去食o野,食乜o野?食糭,.老公話o黎呢間.我o地o黎到唔係多人,先叫一個$14.00o既鹹肉糭,之後同老公再諗食咩o野?佢要$5.00o既芝麻砵仔糕同$30.00o既鮮蛋滑牛粥.好快,所有o野都到齊,鹹肉糭size正常大,先食呢個,糯米唔太厚,餡料中,綠豆蓉佔9成幾,鹹肉?冇,食唔到,就只有一舊肥糕,都幾過份 .講返味道,成個都係淡味,重有啲米係硬.味道: 0.5分之後食鮮蛋滑牛粥,牛肉唔少,係滑,味道都係淡,只有薑味.味道: 1分最後到芝麻砵仔糕,芝麻味好重,口感好彈.味道:2.8 分環境:地方細細但裝o左3部分體冷氣機.兼開到幾大吓,幾凍.服務:好快手同幾有禮 貌.

今日經過見到呢間粥店有黑芝麻砵仔糕買，好特別呀，只係$5個，就即刻買黎試下外皮黑蚊蚊，見到一粒粒黑芝麻碎，仲有啲紅豆係面架，食落去同平時既砵仔糕口感一樣，qq地，又軟滑。黑芝麻味好香濃，食一啖就滿口芝麻香，仲有啲紅豆係度增加口感同增添一份香甜。整體甜度適中，下次會再幫襯！

星期五晚得11度，天氣咁凍，除咗打邊爐，仲可以揀食粥!!呢晚去咗德華公園附近嘅德發，我細細個就已經食過呢間粥舖，環境有點懷舊，乾淨度就一段段啦，但係勝在價錢好抵食，同埋粥底夠綿~~今晚7點半食飯時間人都幾多，舊舖無位，所以去咗新舖。而家款式都幾多，除咗以往舊式粥舖嘅粥之外，仲有生滾可以叫，實有一款啱食。豬潤粥$23，粥底夠綿，豬潤好爽艇仔粥$14，粥底好綿，好足料炸腸$9，食得出係新鮮整起，粉皮熱辣辣，油炸鬼卜卜脆炒米麵$9，好有口感

自古以來病就諗到要食浠飯，但係病到口淡淡仲要食粥真係好可憐，我決定來一餐病人的盛宴對於一個病人黎講，未免太豐富了吧~~其實我只愛這裡的炸腸，其他食物都普普通通。炸腸出眾在於，平時其他粥鋪食到的通常是用隔夜油炸鬼製作，完全不脆身且帶"un"而呢度每次食到都係用新鮮油炸鬼做，脆卜卜沒油"益"味！而粉皮部份亦算滑店方亦大方的一支支醬油放到門口，"任你吱",正合我這個醬怪心意豉油王炒麵，價錢平也不期求有肉有多配料，勝在份量多大大包，味道不錯。普普通通的豬紅粥腸粉也不差，算滑也薄身！

同老豆兩個人食左兩碗粥、叉燒腸淨腸各一、一碟鹹肉粽同油炸鬼，美中不足嘅係除左腸粉唔夠熱，鹹肉蛋黃粽米多餡唔多，其他都OK可以接受。最滿意係上菜速度，極快，完全唔駛等，Good！

我去了德發粥品食！最近不停找古式風味的食店，今次選了這間粥品店，哈哈！點了碎牛粥及炸兩！點後1分鐘就有得食！超有效率！炸兩自己加醬料，仲有芝麻是自己任加，我加了芝麻、麻醬、甜醬，同本身已有的豉油！皮滑，油炸鬼夠脆，一個字：「正呀」！唯有感到可以改進係甜醬有點稀，但味道是好味的。而粥呢，碎牛咸度適中，肉份量剛剛好，配合炸兩送，真係很有風味！碎牛粥及炸兩加埋只係$23！絕對是推介！

今晚天氣涼涼地，食返碗粥當宵夜先，價錢方面，可能因為最低工資不停加，所以店舗食品既價錢都跟住個勢，略加了。炸兩$9（即蒸$15）凍冰冰，太多豉油白粥$7比起艇仔粥$15仲熱辣辣。所有炒粉麵$9一碟，雖然都係凍的，但份量一定滿足到大家

行完街, 特然想食粥一個人食一碗皮蛋瘦, 再加個炒米, 好似有d過入, 不過其實份量唔算多, 所以係絕對食得晒坦白講, 碗粥煲得好綿, 都有幾多皮蛋, 瘦肉都可以食埋但個炒米就.....唔知係咪未炒得夠, 偏硬同冇咩料, 有少少失望所以臨時再叫多個炸兩, 個腸粉皮簿簿地, 不過入面條油炸鬼已經淋晒, 仲記得細個食果時係脆跪既, 而家產量大, 可能一早整定, 所以唔脆了, 不過撈埋d醬都係好好味