德發粥品專家

营业中

休息中

今日行完街，經過門口，發現好多人食，排隊排到出門口，就入來試下（羊群心理），太人多，要去二樓坐，見到咁多人，我心諗應該唔錯喎。然後點知，落錯單硬屈話我點左，因為點完就急急腳走左，冇同我double check，太多人我都理解，但是之後係要話我點左，擺低計埋錢，硬食😡d腸粉係整好左好耐嘅，凍嘅，粥真係d肉真係要省住食，近乎白粥，唔抵食。不過啲嘢食算過得去，但係服務扣曬分，幾好都冇下次！不過都要試過先知伏☹️☹️☹️

尋日(21-1-2018 Sun)朝同老公落荃灣買餸,老公話食粥,咁o黎呢間啦,我o地去到,o岩o岩係最多人o既時間,坐低諗好耐至諗到食咩o野,我要$34.00o既腰膶粥,$9.00o既炒麵;老公要$25.00o既肉丸粥同$7.00牛脷酥.落完單,牛脷酥同炒麵即上,睇見牛脷酥唔油膩,食落重脆卜卜,甜甜地,唔錯. 炒麵係凍,味道消淡,加麻醬食,正.之後老公o既肉丸粥到o黎,睇見肉丸唔少;好耐,我o既腰膶粥終於到o黎,材料同樣唔少,豬腰乾淨冇異味,口感佳;豬膶正常地甘苦,粥底好似稀o左啲.食o左半碗同老公對調,佢o個碗清淡啲,肉丸有啲陳皮味,口感鬆軟.食完後埋單,重買多件牛脷酥俾爸爸食.味道係3.7分, 抵食係2.7分服務:男o既大叔冇問題,但兩個亞姐就麻麻,冇乜禮貌,尤其是短直髮o個個.對上一次o黎食原來已經係一年零三個月前o既事,o個個食評: https://www.openrice.com/zh/hongkong/review/%E5%94%94%E7%9F%A5%E9%BB%9E%E8%AC%9B-e2665511

唔一定餐餐都大魚大肉既，間中食下粥，都係唔錯嘅選擇！皮蛋瘦肉粥係我既最愛😉仲叫咗腸粉同炸兩，同屋企人share！呢間粥店食過幾次，又平又抵食，d粥好杰的，唔會好水，抵讚👍🏻👍🏻

打算荃灣簡單醫肚，食個下午茶，所以去咗茶餐廳，叫咗個艇仔粥同炸兩～ 艇仔粥味道一般，比較淡，而且材料唔算多，一般般～炸兩比較好，腸粉皮算滑，油炸鬼少少多油，配上醬料都唔錯～ 整體來說，食物質素一般般～

平時經過買早餐，啲姐姐態度勁差點餐佢聽到當聽吾到，吾會應你周圍啲人打尖佢又吾理，選擇性理邊個客先試過買早餐，最早黎到點餐，啲姐姐企哂系度傾偈吾理人，跟住不停有人黎打尖點餐，姐姐就做左佢地嗰啲先，試過等5～10分鐘先買到幾粒燒賣今日同平時一樣買十蚊燒賣做早餐，點知食到尾二嗰粒先發現加左料⋯⋯即刻冇哂胃口冇乜必要真係吾會再幫襯

食粥，我的興趣不大。會光顧粥舖，是為了炸兩。到粥舖品嚐炸兩，要看彩數。彩數好的話，你叫的時候，碰到炸兩剛造好；彩數不好，炸兩已造好一段時間，凍冰冰的。德發有選擇，可選即叫即蒸炸兩，價格貴一倍。已一把年紀了，要對自己好一點。要了即叫即蒸炸兩腸。賣相很不錯，份量是比一般炸兩要多，豉油另上。皮是即拉的，溫度還在，熱呼呼的。油條還是要看彩數，如能遇上剛炸起，就很圓滿了。今次雖不是剛炸起，新鮮度是可接受的。

好耐冇食粥，即刻諗起呢間粥店，今次仲專程去新舖試試。叫左豬潤粥，油炸鬼，D粥新鮮滾熱辣，加小小胡椒粉仲正，但係由於碗粥太熱，所以食左好耐。油炸鬼脆卜卜，好味新舖比舊舖坐得更舒服，唔錯

勁耐冇去德發啦，24小時營業超堅！黎到11點幾都勁多人食加外賣，這裡亞姐一見到我地坐下，就勁快手已落單，今次我地叫左 蠔豉 雞 粥 ， 綠豆沙， 炸両 ，粉果和糉。粥都綿而有蠔豉味，雞都滑但冇咩味。糉有失望，竟然沒有咸蛋，綠豆也不多。炸両話即整但黎到係凍，好彩入面油條仲保持到脆度。粉果都係凍，失望但辣椒油堅好食，竟然感到有香草味。綠豆沙正常吾錯足料又起沙。這個價錢每人吾洗50蚊都吾錯。而且這裡仲有好多粥款選擇，怪不得夜麻麻都吾少人黎食。

早安啊！來一點營養師避之則吉的邪惡早餐吧！炸兩：個人很推薦德發的炸兩，因為人流多，師傅使勁的炸，所以尤其早上繁忙時段就可以吃到新鮮炸好的油炸鬼，配自己任意添加的混醬是一大享受呢。艇仔粥：軟綿好吃，如果配料多一點就好了！燒賣：質素普普沒有什麼特別等等地方。反而值得一提的是粥店提供超級多選擇地點粥款和生滾粥，您想到的材料他們都會有，例如帶子、鮑片生滾粥（哇）不過最受食客歡迎就當然是價廉物美的傳統粥品，可能有一點忽然想款待自己會心血來潮叫一趟生滾粥試試吧。還有炒麵、發糕、等傳統粥店都有的小吃，怪不得一直人流不絕啦～

呢到有好多種不同配搭嘅粥, 我嘅柴魚花生粥$17, 花生煲到好淋, 好似紅豆沙咁. 另外的蔥花雞蛋腸粉$16, 即叫即做夠多蔥花, 加雞蛋也多了一層口感!Here have many different match congee, my Dried fish peanut congee $17, the peanut have boiled become soft that good👍🏻.And Chopped green onion egg rice roll$16 is good enough😋

叫了魚片粥，艇仔粥同葱腸粉。魚片粥好味，艇仔粥可以，粥底冇乜落味精，本人愛吃較杰身粥！不過蔥腸粉沒有其他人說的好吃！我叫全走，卻倒了很多很多好鹹的豉油！我去開的粥店的腸粉好過尼間好多！24小時營業，啱晒夜晚肚餓人士！

捱完一日驢仔收工又有D肚餓，咪去呢間開通宵既粥店食嘢囉，入到去落單叫嘢，炸兩、及第粥（呢度D阿姐個樣好似嬲咗成村人咁又冇禮貌）先講及第粥……試一啖粥，淡嘅，只係有味過白粥DD，好事黎既咁應該冇乜味精，但可惜D料如無意外應該都係雪藏嘢呢，滾出黎既粥都係冇味嘅，食埋D料依然係無乜味，呢個粥真係夠哂清淡但完全唔好味囉，粥底亦比較希！至於炸兩，放到唇邊已感覺係冰凍嘅，唔知整好咗幾耐，食落油炸鬼部分係淋部分仍有DD脆，而味道嘗算正常，食就真係非常一般，但半夜三更仲有得食加上價錢真係平（加埋只係三十幾蚊）還可以接受題外話，食緊嘢既時候，同場加插一剎那……米奇路過腳邊，真係比佢嚇到心到震一震

這兒的葱花腸，出奇好吃，走的是軟滑一路，和廣州芳記可以一拼，豉油也是一樣味道。不過，那油膩都是如出一轍，邪惡之選。立馬加點雞蛋腸，這倒失色了，沾上蛋漿就拉得偏厚了，滑溜的口感大減。艇仔粥倒普通，不過份量十足。這兒的腸粉，值得一吃。

快樂係平平地都可以食一餐好味ge晚餐。天氣凍凍地，即刻諗起黎呢度食番碗暖粒粒ge粥。平時食菜乾豬骨粥，今次食皮蛋魚片粥，粥底好綿，好味道再加牛脷蘇！真係大滿足！朋友叫豬紅魚片粥，再加豬潤腸粉，腸粉好滑，好味道！係一間成日都想黎食ge餐廳！

是2家在附近及同樣簡陋陳舊的粥店，我多數幫襯横巷內有桌椅放門外，見到有炸油條工房的這家吃粥。今早吃葱花蝦子腸及艇仔粥，盛惠29元，這店可用八達通付款。蝦米葱米腸好多蝦及葱，很美味及香滑。粥入面很多料。